Sjómannadagsblað Snæfellsbæjar - 01.06.1998, Síða 84

82
Sjómannadagsblað Snæfellsbæjar 1998
SJÓMANNADAGURINN í ÓLAFSVÍK 1997
Á laugardeginum 31. maí
hófust hátíðarhöldin niður við
höfn kl. 13.00. Þar sem veður var
slæmt voru þau flutt inn í ný-
byggt hús Fiskmarkaðs Breiða-
fjarðar. Þar fór fram reiptog og
boðhlaup milli sveita.
I reiptogi kvenna sigraði sveit
Fiskiðjunnar Bylgju og fékk hún
bikar sem Enni hf gaf. í boð-
hlaupi kvenna sigruðu Sjómanns-
konur. I reiptogi karla sigraði sveit
Trillukarla og kepptu þeir um bik-
ar sem Steinunn ehf gaf og einnig
unnu Trillukarlar boðhlaupið.
Ekki var keppt í kappróðri að
þessu sinni. Nýr bikar var gefinn
til að keppa um í kappróðri
kvenna. Voru það eigendur Fengs
ehf, Erlingur Helgason og fl. sem
gáfu hann til minningar um Frið-
rik Bergmann Bárðarson.
Um kvöldið kl 20.00 hófst Sjó-
mannahóf í Félagsheimilinu að
Klifi en það hafði ávallt verið
haldið á sunnudeginum en var
breytt að þessu sinni. Veislugestir
voru 225 og fór hófið hið besta
fram. Matur var frá Gistiheimili
Ólafsvíkur. Ýmis skemmtiatriði
fóru þar fram og einnig voru verð-
laun afhent fýrir keppnisgreinar
dagsins. Tvær sjómannskonur
voru heiðraðar, þær Magðalena
Kristjánsdóttir og Hrafnhildur
Karlsdóttir. Risu veislugestir úr
sætum þeim til heiðurs. Veislu-
stjóri var Kristján Guðmundsson.
Sunnudagurinn 1. júní, Sjó-
mannadagurinn, rann upp bjartur
og fagur. Kl. 13,00 byrjaði hátíð-
in í Sjómannagarðinum. Kynnir
var Lilja Stefánsdóttir. Byrjað var
á að leggja blómsveig að styttunni.
Ræðumaður dagsins var Elinberg-
ur Sveinsson trillukarl. Aldraður
sjómaður, Olgeir Gíslason, var
heiðraður fyrir störf að sjó-
mennsku.
Nokkur börn fluttu „Fagur fisk-
ur í sjó“ undir stjórn Kolbrúnar
Björnsdóttur og Kjartan Eggerts-
son spilaði undir. Þá lék lúðrasveit
Snæfellsbæjar nokkur lög undir
stjórn Ian Wilkinson og einnig
lék hún í skrúðgöngu til kirkju.
Kl. 14.30 hófst Sjómannamessa.
Prestur var sr. Friðrik J. Hjartar.
Nokkrir sjómenn sungu með
kirkjukórnum og Veronica Öster-
hammer söng einsöng í laginu
„Haf blikandi haf‘. Þá lásu tveir
sjómenn, þeir Jóhann Steinsson
og Magnús Snorrason ritningar-
orð.
Kl. 17.30 var farið í skemmti-
siglingu á þremur bátum þeim
Agli, Friðrik Bergmann og Stein-
unni. Margt fólk bæði ungir sem
aldnir fóru í þessa siglingu og er
þetta einn vinsælasd liðurinn á
Sjómannadaginn því þetta er nýr
heimur fyrir marga.
Sjómannadagsblað Snæfellsbæj-
ar kom út í þriðja sinn.
Þeir sem sáu um Sjómannadag-
inn að þessu sinni voru Trillukarl-
ar og fyrir þeim fóru þeir Jóhann
Steinsson og Róbert Óskarsson.
Fyrir næsta ár (1998) voru þeir
Guðmundur Ólafsson vélstjóri á
Sveinbirni Jaltobssyni og Arnar
Guðmundsson vélstjóri á Auð-
björgu kosnir til að sjá um Sjó-
mannadaginn.
P.S.J.
Óslqim öífum sjómönnum
ogfjöCsfyícCum peirra tiCFiamingju
með Sjómannadaginn!
Hraðfrystihús
Hellissands hf. Bárðarási 10 • Sími 436 6614