Skógræktarritið - 15.12.1991, Page 39

Sumarbústaður við Kirkjubcejar-
klaustur, leiknaður með hliðsjón
af landslagi.
3. Á svæðinu þurfa að vera allar þær aðstæður, sem gera kleift að afla
vatns og hafa frárennsli.
4. Þar þarf að vera gott skjól.
5. Það verður einnig að teljast til æskilegra landgæða ef á svæðinu er
hægt að nálgast heitt vatn, eða svæðið byggist upp í nágrenni við
ákveðna tómstundaiðju.
6. Gróðurfar og jarðvegur þurfa að vera þannig að auðvelt sé að stunda
skógrækt og trjárækt.
En hvað er hægt að læra af reynslunni, og hver eru helstu vanda-
mál, sem stafa af sumarbústaðahverfum og svæðum?
Hverfunum hefur ekki verið valinn staður eftir fyrirfram unnu skipulagi, þau
geta hindrað önnur landnot eða verið mjög áberandi frá þjóðvegi og öðr-
um útsýnisstöðum.
Sumarbústaðahverfin hafa verið að byggjast upp á síðustu 20 árum, og
bera það með sér. Þau einkennast af útliti nýbyggingasvæða, með ófrá-
gengnum vegum og sameiginlegum svæðum.
Öll þjónusta er takmörkuð á þessum svæðum, mikil mengunarhætta
stafar af þeim, þar sem frárennsli fer beint út í læki og nærliggjandi
jarðveg.
Innan hverfisins eru svo að koma upp margvísleg vandamál, af því að
þar er ekki unnið eftir samþykktum skipulagsuppdrætti. Lóðareigandi get-
ur því ekki gert sér grein fyrir endanlegri mynd sumarbústaðahverfisins.
Hann byggir sinn sumarbústað en vaknar upp einn dag við að ýmsar þær
forsendur, sem hann hafði í upphafi, hafa verið eyðilagðar.
Útsýni er nú einungis í næstu hús, lækurinn, þaðan sem vatn er tekið í
vatnsveituna, er horfinn, vegarspottinn að sumarbústaðnum liggur nú
jafnvel þvert í gegnurrt lóð nágrannans. Vegakerfið er flókið og fyrir ókunn-
SKÓGRÆKTARRITtÐ 1991
37