Skógræktarritið - 15.12.1991, Síða 95

í sumarbirtu er best að dreyma
að betri tímar komi senn.
Árstíðirnar áfram streyma
annir kalla á vaska menn.
Landgræðslumenn leysa vandann
lyfta gróðri á hærra stig.
Ef bætirðu land til beggja handa
breytist allt í kringum þig.
Þá verður okkur glatt í geði
þó gangi á ýmsu um vor mál.
Við vitum vel að vinnugleði
veitir þrótt í huga og sál.
Við skulum tengjast bræðrabandi
breyta urð í vænan skóg,
og græna vin á gráum sandi
af gróðurleysi er meira en nóg.
Sterk og frjáls við stöndum saman
styðjum lífsins undramátt
Að planta trjám er gleði og gaman
gerum slíkt að þjóðarsátt.
Sveinbjörn Dagfinnsson bauð velkominn skógræktarstjóra Noregs, Oluf
Aalde. Þá ræddi hann um átakið, talaði um að þetta væri ævintýri. Nú
þyrftum við að halda áfram, ekki bíða og sjá til. Plöntuframleiðslan er boð-
in út, og fer því ágóðinn til einstaklinga. Framkvæmdanefndin hélt 62
fundi. Sveinbjörn þakkaði Huldu Valtýsdóttur hennar góða þátt.
Erla Bil Bjarnadóttir lýsti framkvæmdum í Garðabæ og sagði skólabörn
mjög góðan kost sem starfslið, en þau plöntuðu um 60 þús. plöntum. Þau
höfðu gestabók, sem í eru um 13 hundruð nöfn. Hún gerði að tillögu sinni,
að nafnið ,Átak" yrði fellt út næsta ár, en „Landgræðsluskógar 1991" notað
í staðin'n.
Valdimar jóhannesson lýsti ánægju sinni með átakið og taldi að við
þyrftum að sinna þessu máli vel. Hann þakkaði nefndinni unnin störf og
Gísla Gestssyni og konu hans fyrir veitta hjálp. Hann taldi að 300-400 ha
lands hefðu farið undir skóga í ár. En ennþá eru skógar að eyðast á íslandi,
þar þarf að taka á. Lagði hann fram tillögu frá Skógræktarfélagi Reykjavíkur.
Hallgrímur Indriðason færði fundinum kveðjur frá „átaksnefnd í Eyja-
firði". Kom hann með örfáar athugasemdir, - vildi að nefndir í héraði
sæktu um fjármagn til landgræðsluátaks í héraði. Átaksstjórn í Eyjafirði
þakkar .Átaksnefnd" fyrir samstarfið og viil að öðruvísi verði staðið að
næst og sagði Eyfirðinga fúsa til samstarfs.
Fundi frestað til morguns, laugardags, en áætlað að nefndastörf yrðu að
kvöldmat loknum í kvöld, föstudag. Fundi fram haldið kl. 9,15, eftir
ánægjulega næturdvöl. Nú eins og oft áður tók söngstjóri völdin og lét
fundarmenn syngja. Fundarstjóri tilnefndur Guðmundur Þorsteinsson.
Kristján lónsson ræddi um átaksplönturnar og frágang þeirra, hann taldi
bakkana of litla og að gróður (fléttur) mætti ekki vaxa á þeim, því það tor-
veldar vökvun. Óskar Magnússon fjallaði um gróðursetningu í tengslum
við aðalfundinn á ísafirði í fyrra og taldi hana lærdómsríka fyrir kynningu
og kennslu.
SKÓGRÆKTARRITIÐ 1991
85