Skógræktarritið - 15.10.2003, Blaðsíða 12

1. Litið norður, eða upp, Landsveit frá tún-
fætinum í Stóra-Klofa. Hekla gamla,
drottning fjallahringsins í Landsveit, dreg-
ur að sér athyglina.
- upphaf skógræktar í Stóra-Klofa á Landi
Nærri mun láta að Landsveit, öðru nafni Land, í
Rangárvallasýslu hafi orðið allra sveita verst úti þeg-
ar uppblástur og gróðureyðing var í algleymingi hér
á landi á 19. öld. Náma fróðleiks um uppblásturinn
og upphaf baráttunnar við eyðingaröflin er hin
merka bók „Sandgræðslan" frá árinu 1958 þar sem
minnst er 50 ára starfs Sandgræðslu ríkisins.
Þrjátíu árum síðar kom út fróðleg viðbót í mynd-
rfkri bók um mikið og fjölþætt starf Sandgræðslunn-
ar síðan. Stofnunin hafði þá um skeið heitið Land-
græðsla rfkisins. í bókinni sem nefnist „Græðum fs-
land" skrifar Sveinn Runólfsson landgræðslustjóri
þarfan kafla um „vormenn fslands", menn sem höfðu
að ævistarfi að hefta uppblástur og græða upp
auðnir. Þá kallar hann hina „dyggu og traustu
starfsmenn sem unnu landvarnarstörfin af trú-
mennsku og takmarkalausri elju og með það eitt fyr-
ir augum að vinna gagn landi og lýð."
11