Íslenska þjóðfélagið - 01.08.2023, Side 100

„Beint flug er næs“: Svæðisbundin áhrif millilandaflugs frá Akureyri
100 ..
Tafla 4. Búseta einstaklinga sem ferðuðust með Niceair samkvæmt farþegaskrá
Íbúafjöldi
1.1.2023
Farþegafjöldi
(einstaklingar)
Hlutfall af
farþegum
Hlutfall af
íbúum
Norðurland vestra 7.432 179 2% 2%
Akureyri 19.893 6.453 54% 32%
Eyjafjörður annað 6.698 1.189 10% 18%
Norðurland eystra annað 5.201 791 7% 15%
Austurland 11.227 438 4% 4%
Annað innanlands 337.307 384 3% 0%
Erlendis --- 2.440 21% ---
Samtals 387.758 11.874 100% 3%
Tafla 4 sýnir búsetu þeirra einstaklinga sem ferðuðust með Niceair á tímabilinu júní 2022 – apríl
2023. Af tæplega tólf þúsund einstaklingum voru rúmlega sex þúsund búsett á Akureyri eða 54%
þeirra sem ferðuðust með Niceair á líftíma þess. Fólk búsett erlendis voru 21% allra sem ferðuðust
með félaginu.
Fjöldi einstaklinga frá einstökum svæðum á Norður- og Austurlandi endurspeglar að hluta til
mannfjölda, en um helmingur allra íbúa Norðurlands er búsettur á Akureyri. Þegar farþegafjöldinn
er umreiknaður sem hlutfall af íbúafjölda kemur í ljós að þeir 6.453 Akureyringar sem flugu einn eða
fleiri leggi með Niceair samsvara þriðjungi allra íbúa á Akureyri. Farþegar búsettir annars staðar í
Eyjafirði eða annars staðar á Norðurlandi eystra samsvara 15–18% íbúa þeirra svæða.
Hins vegar virðist upptökusvæði Niceair ekki hafa náð að neinu marki vestur fyrir Öxnadalsheiði
eða austur fyrir Möðrudalsöræfi. Þeir 179 íbúar Norðurlands vestra sem flugu með Niceair samsvara
aðeins 2% íbúafjölda landshlutans og þeir 438 Austlendingar sem flugu með félaginu samsvara að-
eins 4% íbúa Austurlands. Farþegar frá öllum öðrum landshlutum voru 384 talsins og samsvarar það
um 0,1% annarra landsmanna.
Tafla 5. Búseta og ríkisfang farþega Niceair samkvæmt farþegaskrá
Fjöldi Hlutfall til/frá
Kaupmannahöfn
Hlutfall til/frá
Tenerife
Búsett á Íslandi
Ríkisfang
Ísland 22.365 87% 98% 88%
Danmörk 1.016 5% 0% 25%
Önnur Norðurlönd 470 2% 0% 32%
Vestur-Evrópa annað 375 2% 0% 45%
Austur-Evrópa 493 2% 1% 58%
Suður-Evrópa 146 1% 1% 64%
Önnur lönd 129 1% 0% 63%
Samtals 24.994 100% 100% 81%
Tafla 5 sýnir búsetu og ríkisfang farþega Niceair samkvæmt farþegaskrá. Eins og við mátti búast er
talsverður munur á búsetu farþega í Kaupmannahafnarfluginu annars vegar og Tenerife fluginu hins
vegar. Um 13% farþega í Kaupmannahafnarfluginu voru með erlent ríkisfang, þar af voru 5% Danir
en 2% ríkisborgarar annarra Norðurlanda. Hins vegar voru aðeins tvö prósent farþega í Tenerife
fluginu með erlent ríkisfang, enda var það flug einkum ætlað heimafólki á leið í sólina.