Íslenska þjóðfélagið - 01.08.2023, Síða 154

Staða innflytjenda á vinnumarkaði á krepputímum eftir byggðamynstri og atvinnugreinum
154 ..
tekjur Íslendinga marktækt lægri í landbúnaði en öðrum atvinnugreinum (Líkan 9) en engan slíkan
mun var að finna meðal innflytjenda (Líkan 10).
Innflytjendur í þjónustu upplifðu meira atvinnuöryggi þetta ár en innflytjendur í öðrum atvinnu-
greinum (Líkan 4) en það gerðu Íslendingar líka (Líkan 3) en munurinn hjá þeim síðarnefndu var
minni að þessu leyti. Atvinnuúrval innflytjenda var mikið meira í þjónustu en í öðrum starfsgreinum
(Líkan 6) en það var það líka gagnvart Íslendingum (Líkan 5) en munurinn var mikið meiri hjá
innflytjendum. Hins vegar voru tekjur hjá innflytjendum í þjónustu almennt lægri en í öðrum starfs-
greinum (Líkan 10) og lítið eitt lægri en hjá Íslendingum (Líkan 9) þó svo þar hafi líka mælst munur.
Íslendingar sem starfa í þjónustu eru almennt ánægðari með búsetu sína (Líkan 11) en það gilti ekki
um innflytjendur (Líkan 12).
Innflytjendur voru marktækt óánægðari með búsetu sína á Íslandi en heimamenn (Tafla 9, Líkan
11). Óánægðastir voru innflytjendur með búsetu sína í stórum bæjum, litlum bæjum og á höfuð-
borgarsvæðinu en síður í millistórum bæjum og sveitum (Tafla 9, Líkan 12). Betra er að taka niður-
stöðuna fyrir millistóra bæi með fyrirvara þar sem mjög fá svör eru á bakvið hana (Tafla 5). Þegar
horft er til marktækninnar og stærðar stuðlanna þá er eins og innflytjendur hafi frekar unað sér betur
í fámennari samfélögum en fjölmennari og einkum ef haft er í huga að leppbreytunni fyrir dreifbýli
var sleppt í keyrslunni og var hún því grunnurinn sem hinar staðarbreyturnar tóku mið af.
Margt annað er áhugavert í niðurstöðum þessarar rannsóknar og verður ekki rakið í smáatriðum
hér því í þessari grein var lögð áhersla á að skoða stöðu innflytjenda á vinnumarkaði sérstaklega
m.t.t. staða, stærðar þeirra og hvort þeir þyrftu að sækja vinnu langt. Með rýni í töflurnar geta les-
endur sjálfir skoðað aðrar niðurstöður sem kunna að vekja þeim áhuga.