Íslenska þjóðfélagið - 01.08.2023, Side 161

Íslenska þjóðfélagið Sérrit 14. árgangur 2023, 161–180
© höfundar 2023. Tengiliður: Kolbeinn Stefánsson, kolbeinn@hi.is
Vefbirting 29. desember 2023. Birtist á vefnum https://www.thjodfelagid.is
Útgefandi: Félagsfræðingafélag Íslands, Gimli, Sæmundargötu 10, 102 Reykjavík
ÍSLENSKA
ÞJÓÐFÉLAGIÐ
tímarit um íslenskt þjóðfelag … … sem fræðilegt viðfangsefni
Aðskilin búseta
Búsetumynstur pólskra innflytjenda í Reykjavík
Kolbeinn Stefánsson, dósent við félagsráðgjafardeild Háskóla Íslands
ÚTDRÁTTUR: Í þessari grein er fjallað um búsetumynstur pólskra inn-
flytjenda í Reykjavík í samanburði við borgarbúa með íslenskan bakgrunn
út frá. Búsetumynstur innflytjenda gefa vísbendingu um aðlögun þeirra að
og inngildingu í samfélagið sem þeir flytja til og getur að auki haft um-
talsverð áhrif á lífsgæði þeirra og framtíðarmöguleika barna þeirra. Niður-
stöðurnar byggja á skráargögnum Hagstofu Íslands. Auk lýsandi tölfræði
og fylgnigreininga er notast við svokallaða ólíkindavísitölu (e. index of
dissimilarity) til að bera saman búsetumynstur eftir skólahverfum Reykja-
víkurborgar. Horft er til þess hvernig fjárhagur innflytjenda og lengd bú-
setu hefur áhrif á búsetumynstur. Niðurstöðurnar benda til þess að aðskiln-
aður pólskra innflytjenda og íbúa með íslenskan bakgrunn sé með minna
móti en engu að síður séu tvö svæði innan Reykjavíkur sem skera sig úr
með há hlutföll íbúa af pólskum uppruna. Í öðru hverfinu eru innflytjendur
með lægri tekjur og sem hafa dvalið skemur á Íslandi en í hinu hverf-
inu er hópurinn tekjuhærri og hefur búið hér lengur. Pólskir innflytjendur
hafa almennt tilhneigingu til að búa í tekjulægri hverfum. Þeir sem hafa
búið lengst á Íslandi og hafa hæstu tekjurnar búa hins vegar á svæðum
þar sem pólskir innflytjendur eru fáir. Niðurstöðurnar eru helst í samræmi
við kenningar um lagskipta aðlögun en hugsanlega er það tímabundinn
fasi í aðlögun og inngildingu pólskra innflytjenda og í frekari rannsóknum
á búsetumynstrum hópsins er nauðsynlegt að taka tillit til fjölbreytileika
hópsins.
LYKILORÐ: Innflytjendur – Búsetumynstur – Reykjavík – Aðskilnaður
ABSTRACT: This article examines the residential segregation of polish
immigrants in Reykjavik relative to people with and Icelandic background
living there. Residential segregation gives indications about how well the
immigrant group has integrated into their host society and has implica-
tions for immigrant well-being as well as future opportunities for their
children. The analysis presented are descriptive statistics, correlation co-
efficients and indexes of dissimilarity used to compare residential patterns
of polish immigrants with people with an Icelandic background on the