Tímarit lögfræðinga - 01.04.1986, Blaðsíða 32
ÞingstÖrf
Eftir að Alþingi hið forna var aflagt hafa sýslumenn ekki þurft að
sækja Alþingi í embættisnafni þótt lengi þætti fara vel á að kjósa þá á
þing. Þeir hafa með höndum utankj örfundaratkvæðagreiðslu við al-
mennar kosningar og fara með kjörskrármál sem dómarar. Leiðarþing
eru aflögð fyrir margt löngu, og eftir að menn hættu að greiða þing-
gjöld á manntalsþingum og þinglýsirigar aflögðust hafa þessi þing víða
verið aftekin. Enn mun þó eitthvað um að menn greiði þinggjöld sín
á manntalsþingum þar sem þau eru enn háð.
Dómsstörf fóru lengi fram á manntalsþingum, en aukadómþing voru
haldin eftir þörfum. Á síðustu áratugum hefur þróunin orðið sú að
þingstörf fari í auknum mæli fram á aukadómþingum. Hrepparnir voru
dómþinghár til loka árs 1981, og varð því að heyja a.m.k. fyrsta dóm-
þing í hverju máli á þingstað viðkomandi hrepps. Nú eru flest dóm-
þing háð á sýsluskrifstofunum.
Ný sveitarstjórnarlög
Þegar handrit ritgerðar þessarar var búið til prentunar í byrjun
mars 1986 var frumvarp til nýrra sveitarstjórnarlaga til meðferðar á
Alþingi. Þá var þar miðað við að sýslunefndir yrðu lágðar niður, en að
sveitarstjórnir eða samtök sveitarfélaga, svonefndar héraðsnefndir,
sem kaupstaðir gætu átt aðild að, tækju við verkefnum þeirra, öðrum
en eftirliti með störfum hreppsnefnda, sem á að flytjast til félagsmála-
ráðuneytisins. Ákvæði eru um að ráðuneytið geti falið umboðsmönnum
ríkisins í héraði að annast verkefni, sem því eru falin í lögunum, og
þeim er skylt, samkvæmt frumvarpinu, að annast framkvæmdastj órn
fyrir héraðsnefndir, ef þess er óskað. Frumvarpið var afgreitt sem lög
frá Alþingi 16. apríl 1986, óbreytt að því er varðar ofangreind atriði.
(Sveitarstjórnarlög nr. 8 18. apríl 1986).
III. UMHEIMURINN
Svo sem kunnugt er má margt læra af öðrum þjóðum þegar koma
skal á nýrri skipan mála eða endurbæta eldri skipan. Þegar endurskoð-
unarnefnd sveitarstjórnarlaga hafði verið skipuð á árinu 1981 var
hafist handa um öflun upplýsiriga frá ýmsum nágrannalöndum um ný-
skipan sveitarstjórnar og valddreifingu48). Kom það í hlut höfundar
48) Tillögur „Endurskoðunarncfndar" um ný sveitarstjórnarlög, Reykjavík 1984.
26