Tímarit lögfræðinga - 01.04.1986, Blaðsíða 80
Boga eru mjög vel samrýmanleg. Lögréttan sem dómstóll í meiri háttar
einkamálum og opinberum málum og sem áfrýjunardómstóll i' kærumálum
og minni háttar málum ætti að leysa vanda Hæstaréttar og mæta þörfum
fyrir fjölskipaðan dómstól í meiri háttar einkamálum og opinberum málum,
sem miklir hagsmunir eru tengdir við, t.d. mál á hendur ríkinu og mál á hend-
ur opinberum starfsmönnum vegna starfa þeirra. Síðan mætti skipta landinu
að hugmynd Boga í dómstólaumdæmi þar sem öll önnur mál yrðu dæmd á
fyrsta dómstigi.
í raun eiga lögfræðingar ekki að þurfa ao deila um dómaskipun landsins
í framtíðinni heldur sameinast um að selja stjórnmálamönnunum þær tillögur
sem ekki eru svo skiptar skoðanir um í raun og veru. Réttarfarsnefnd ætti
að hafa frumkvæði að þessu. Hún átti frumkvæði að þeirri réttarfarsbreytingu
sem lögfræðingar geta verið stoltir af, þ.e. þegar komið var á aðalmeðferð
einkamála í héraði. Það er ef til vill engum betur Ijóst en þeim sem unnið
hafa að meðferð einkamála eftir þessa breytingu hversu vel hefur tekist.
Vinnubrögð eru orðin skipulegri og seinagangur í málsmeðferð hættur að
vera vandamál. Líklega er þó almenningi og stjórnmálamönnum þetta ekki
Ijóst því að enn er hamrað á því að meðferð einkamála dragist úr hömlu
fyrir héraðsdómstólunum. Þetta er í raun sú breyting sem best hefur tekist
í meðferð mála síðustu áratugina hér á landi, enda unnin af þeim sem vissu
hvar skórinn kreppti og var kynnt með myndarskap af Dómarafélagi íslands
og Lögmannafélagi íslands á frægri námsstefnu á Hótel Loftleiðum.
Hrafn Bragason
FRÁ ORATOR
Hinn 7. nóvember 1985 var haldinn á Hótel Sögu aðalfundur Orators, félags
laganema. í stjórn voru kosin: Jónas Guðmundsson, formaður, Tómas Jóns-
son, varaformaður, Páll Hreinsson, ritstjóri Úlfljóts og meðstjórnendur voru
kjörin þau Sigríður Kristinsdóttir, Arnór Halldórsson, Steinunn Guðbjarts-
dóttir og Ágúst Sigurðsson.
Fljótlega eftir að hin nýja stjórn tók við, var ákveðið að festa kaup á þrem
tölvum. Með tilkomu þeirra verður vinnsla kandidatsritgerða mun auðveldari
fyrir bragðið, auk þess sem allir félagsmenn hafa nú aðgang að tölvunum
við úrlausn raunhæfra verkefna.
Miðvikudagskvöldið 27. nóvember var haldinn almennur félagsfundur um
okur. Framsögumenn voru þeir Jónatan Þórmundsson prófessor, Viðar M.
Matthíasson lögfræðingur, Sigurður B. Stefánsson hagfræðingur á Kaupþingi,
Björn Líndal deildarstjóri í viðskiptaráðuneytinu og Þorvaldur Einarsson lög-
fræðingur í Búnaðarbankanum. Var fundurinn fjölsóttur og líflegur í alla
staði.
7. desember 1985 fóru 1. árs nemendur í próf í heimspekilegum forspjalls-
vísindum. Alls tóku 164 próf. Af þeim náðu 90 nemendur einkunninni 7 og
þar yfir.
Sunnudaginn 15. desember var lögfræðingum boðið í jólaglögg á vegum
Orators. Var tilgangurinn að þakka lögfræðingum hinn mikla stuðning við
Orator á árinu.
74