Tímarit lögfræðinga - 01.04.1986, Blaðsíða 39
kom var að umsjón og yfirstjórn lénsmannsembættanna var að hluta
til í höndum fylkismanna og að rágert var að auka hlut þeirra í því
efni. Fylkismönnum hafði verið falið að hafa stjórn á ókeypis lögfræði-
aðstoð með ráðuneytið sem æðri málskotsaðila. Ráðagerðir voru um að
fela fylkismönnum ákvörðunarvald varðandi gjafsóknarleyfi, staðfest-
ingar erfðaskráa og breytingar á skipulagsskrám opinberra sjóða. Þá
var talið hugsanlegt að fylkismönnum yrðu falin aukin verkefni varð-
andi dómsmálastjórn. Sveitarstjórnar- og atvinnumálaráðuneytið
reyndist vera að fela fylkismönnum aukið umboð til að samþykkja ráð-
stafanir sveitarstjórna og fylkisstjórna sem þarfnast staðfestingar.
Aðalnefndin telur rétt að draga úr umsjón stjórnarinnar með sveit-
arfélögunum, en jafnframt að færa ákvörðunarvald varðandi þá um-
sjón í verulegum mæli í hendur fylkismanna eða annarra umboðsmanna
í héraði. Aðalnefndin gerir ráð fyrir að verkefni fylkismanna verði
m.a. og í aðalatriðum eins og hér greinir í framtíðinni:
Fylkismaðurinn
— sé umboðsmaður stj órnarinnar í fylkinu og sem slíkur
a. leysi hann úr þeim verkefnum sem stjórnin og einstök ráðuneyti
fela honum á hverjum tíma,
b. annist tengslin við sveitarstjórnir og atvinnulífið,
c. útvegi og láti stjórninni í té upplýsingar um mikilvæg málefni í
fylkinu og geri tillögur um úrlausn mikilvægra mála,
— hafi umsjón með stjórnsýslu og atvinnurekstri ríkisins, að frátal-
inni lögréglustjórn, dómsmálastjórn, kirkjustjórn svo og þeim stofn-
unum sem nota önnur umdæmi en fylkin,
— fari með þau mál sem til hans eru lögð með lögum eða öðrum fyrir-
mælum,
— samhæfi alla starfsemi ríkisins sem fellur undir umsjón hans,
— sé formaður atvinnumála- og framkvæmdanefndar fylkisins og yfir-
skattanefndar og formaður eða stjórnarmaður annarra fjölskipaðra
stjórnarstofnana, eftir því sem talið verði hagkvæmt,
— vinni að einföldun stjórnsýslukerfisins og hagræðingu í stjórnsýslu,
— annist samstarf ríkisins við fylkisstjórn og sveitarstjórnir,
— aðstoði og leiðbeini fylkisstjórnum og sveitarstjórnum og sjái um
að þeim sé veitt aðstoð og leiðbeiningar annarra ríkisstofnana,
— hafi umsjón með stjórnsýslu fylkisstjórna og sveitarstjórna, eink-
um að því er varðar lögmæti ákvarðana þeirra,
— sé fulltrúi ríkisins í málum er varða áætlanagerð, skipulág, byggða-
þróun, mengunarvarnir, náttúruvernd og útivist,
33