Tímarit lögfræðinga - 01.04.1986, Blaðsíða 50

sýsluráðs með tillögurétti og málfrelsi. Þeir sýslumenn sem jafnframt
fóru með fylkisstj órn (préfets de région) önnuðust sams konar störf
gagnvart fylkisráðum eins og gágnvart sýslunefndum, stýrðu auk þess
fundum sýslumanna fylkisins og skiptu fjárveitingum milli sýslna.
Sýslumenn gátu stöðvað framkvæmd ályktana sveitarstjórna og sett
sveitarstjórnaroddvita (framkvæmdastjóra sveitarfélaga, maires) af
um stundarsakir.
Breytingar á starfssviði sýslumanna
Með gildistöku valddreifingarlöggjafarinnar varð veruleg breyting á
starfssviði sýslumanna. Þeir hættu að annast framkvæmdastjórn fyrir
sýslunefndirnar og fylkisstj órnirnar, og umsjón þeirra með sveitar-
stjórnum var færð í það horf að ályktanir sveitarstjórna og annarra
sveitaryfirvalda ber nú almennt að senda sýslumanni til þess að þær
taki gildi. Telji sýslumaður þær ólöglegar leggur hann þær undir úr-
lausn stjórnsýsludómstóls. Samsvarandi reglur gilda um umsjón sýslu-
manna með sýslum og fylkjum. Aðilar sem telja gengið á hagsmuni
sína með ákvörðunum og athöfnum sveitaryfirvalda geta borið mál
sín undir sýslumann með það fyrir augum að hann leiti úrlausnar
stjórnsýsludómstóls. Það nægir nú ekki lengur að sýslumaður telji
ákvarðanir eða athafnir sveitarstjórnar óæskilegar frá sjónarmiði rík-
isins til að þær verði stöðvaðar eða felldar úr gildi. Umsjón fer nú ein-
vörðungu fram eftir á, og ákvarðanir sveitarstj órna þarfnast ekki sam-
þykkis af hálfu ríkisvaldsins til að öðlast gildi. Sýslumaður getur á-
frýjað úrlausn stjórnsýsludómstóls til æðsta stjórnsýsludómstólsins
(Conseil d’État)so).
Enn fara framkvæmdastjórar sveitarfélaga með nokkur umboðsstörf
fyrir stjórnina og eru í þeim efnum settir undir yfirstjóm sýslumanna.
Verkefnaflutningur
Umboðsstörfin hafa alla tíð verið kjarninn í starfssviði sýslumanna.
Þegar héraðsstj órnin var frá þeim tekin þótti mönnum einsýnt að auka
mætti verksvið þeirra með því að færa til þeirra sjálfstætt vald í ríkara
mæli en verið hafði. Þessi skoðun studdist og við það álit að valddreif-
ing til héraðsstjórna (décentralisation) yrði ekki nema nafnið ef vald
og verkefni yrðu ekki jafnframt flutt til umboðsmanna stjórnarinnar
(déconcentration) þannig að samskipti ríkis og sveitarfélaga mættu
80) Lög nr. 213 frá 2. inars 1982, 3. gr., 46. gr. og 69. gr.; ályktun stjórnlagaráðsins (Conseil
constitutionnel) nr. 137/25. febr. 1982, lög 623/22. júlí 1982 og umburðarbréf s.d.,
Démocratie locale no 21, Bernard s. 173-180.
44