Tímarit lögfræðinga - 01.04.1986, Blaðsíða 40

— sé miðstjórnarstofnunum ríkisins til ráðuneytis um fjármál fylkis-
ins og hagstjórn,
— hafi á hendi yfirstjórn áætlanagerðar í fylkinu,
— veiti leyfi og undanþágur, heimildir og staðfestingar, taki við kær-
um og leysi úr einstökum málum og
— hafi á hendi skrifstofuhald fyrir sjórnsýslu ríkisins í fylkinu.
Nýskipan umboðsstjórnar
Aðalnefndin telur að skortur á samhæfingu í umboðsstjórninni, þar
sem ýmsar innbyrðis óháðar stofnanir í fylkjunum standa í beinu sam-
bandi við viðkomandi miðstjórnarstofnun en hafi erigin eða ófullnægj-
andi tengsl við aðalumboðsstofnun fylkisins, geti leitt til þröngsýni í
einstökum stjórnsýslugreinum, tefji oft málsmeðferð og torveldi sam-
hæfingu á miðstjórnarstigi. Þá telur nefndin þetta ástand til tjóns
fyrir samvinnu ríkisvalds og sveitarfélaga og leiða til lakari þjónustu
við almenning en vera þyrfti. Nefndin minnir á að Hagræðingarstofn-
un ríkisins hafi þégar á árinu 1963 lagt áherslu á nauðsyn þess að fylk-
ismönnum væri falið að samræma starf hinna ýmsu umboðsgreina og
stjórna samstarfi þeirra. Nefndin telur samræmingu af þessu tagi
munu leiða til hagræðingar og sparnaðar, aukinnar virkni í stjórnsýslu
og betri þjónustu. Hún bendir á að þegar fylkismenn hætti að fara
með framkvæmdastj órn á sviði sveitarstjórnarmála hafi þeir rýmri
möguleika til að sinna samhæfingu umboðsstjórnar. Hún telur eink-
um fjórar aðferðir koma til álita:
1. að hinar ýmsu ríkisstofnanir í fylkinu verði sjálfstæðar deildir í
hinni almennu stjórnsýslumiðstöð ríkisins í fylkinu,
2. að þær verði sameinaðar skrifstofu fylkismannsins,
3. að hinar einstöku sérhæfðu umboðsskrifstofur haldist, en að kveðið
verði á um samræmingarvald fylkismanna í erindisbréfum þeirra og
forstöðumanna viðkomandi stofnana
4. að fylkismenn verði sjálfskipaðir stj órnarformenn viðkomandi stofn-
ana og að sett verði á fót ráð sem allir forstöðumenn umboðsstofn-
ana eigi sæti í með fylkismanninn sem formann.
Nýjar þjónustugreinar
Nefndin leggur til að þegar stofnað sé til umboðsþjónustu á nýju
sviði verði fylkismönnum að jafnaði falið að annast hana. Varðandi þær
stofnanir sem fyrir eru mælir nefndin með því að forstöðumenn þeirra
verði settir undir stjórnskipulega yfirstjórn fylkismanns en verði eftir
sem áður óháðir honum í faglegum efnum. Nefndin telur samræmingu
34