Tímarit lögfræðinga - 01.04.1986, Blaðsíða 51

í sem ríkustum mæli fara fram í héraði81).
Sýslumaður hefur á hendi yfirstjórn náttúruverndarmála, almanna-
varna og aðgerða vegna náttúruhamfara og stórslysa. Hann er um-
boðsmaður forsætisráðherra og annarra ráðherra með stérstök tengsl
við innanríkisráðuneytið. Hann ber ábyrgð á framkvæmd stjórnar-
stefnunnar í efnahagsmálum og félagsmálum í umdæmi sínu, og hon-
um ber að hamla gegn atvinnuleysi. Hann getur skuldbundið ríkið
með samningum, m.a. sveitarfélög, sýslufélög og einkaaðila. Hann einn
hefur umboð til að koma fram gagnvart kjörnum héraðsstjórnum í
nafni ríkisins og annast samvinnu við þau. Héraðsstjórnum og um-
boðsmönnum ríkisins ber að aðstoða hvert annað í störfum þeirra.
Sýslumaður getur sótt fundi sýslunefnda og tekið þar til máls, þar á
meðal um stefnumál stjórnarinnar. Einu sinni á ári flytur hann sýslu-
nefndinni skýrslu um störf ríkisstofnana í héraðinu. Sýslumaður og
oddviti sýslunefndarinnar hafa samráð um samhæfingu í starfsemi
sýslu og ríkis í héraðinu.
Til þess að auðvelda sýslumönnum eftirlit með fjárstjórn sveitar-
félaga hafa verið settar á fót endurskoðunarskrifstofur í hverju fylki,
og er þeim einkum ætlað að fylgjast með að fjárhagsáætlanir héraðs-
stjórna og reikningsgerð sé í samræmi við lög og reglur.
Hin nýja löggjöf leggur mjög aukna áherslu á yfirstjórn sýslumanns
varðandi alla stjórnsýslu ríkisins og rekstur í umdæminu á vegum ríkis-
ins. M.a. nær yfirstjórn sýslumanns nú til miðstjórnarstofnana sem
hafa höfuðstöðvar í umdæmi hans82). Sýslumaður annast yfirumsjón
með eignum ríkisins í umdæminu.
Starfssvið sýslumanna á sviði efnahagsmála, fjármála og félagsmála
hefur mjög verið aukið. Hin nýju verkefni lúta einkum að áætlana-
gerð, byggðamálum, aðstoð við atvinnurekstur og úrræðum í barátt-
unni gegn atvinnuleysi. Aukin áhersla er nú lögð á það hlutverk sýslu-
manna að sjá fyrir hag þeirra sem standa höllum fæti af einhverjum
ástæðum, svo sem innflytjendur og fjallabændur. Þeim ber og að gæta
þess að mönnum sé ekki mismunað. Störf á sviði fjármála eru einkum
fólgin í formennsku í nefndum sem fjalla um fjárveitingar.
Til þess að vinna að flutningi verkefna frá miðstjórnarstofnunum til
umboðsmanna stjórnarinnar hefur verið sett á fót nefnd fulltrúa allra
ráðuneyta (CIATER)83). Meginsjónarmið varðandi verkefnaflutninga
81) Sbr. umburðarbréf forsætisráðherra 12. júlí 1982, Journal officiel 13. júlí 1982 s. 2216,
Bernard s. 121, 127.
82) Sérreglur gilda um París.
83) Forsetaúrskurður 10. maí 1982.
45