Tímarit lögfræðinga - 01.04.1986, Blaðsíða 73
ið höfðu þarna að sprengingum. Unnt var að komast inn á svæð-
ið án verulegrar fyrirhafnar. Starfsmenn Flugráðs leituðu að ó-
sprungnum hylkjum á svæðinu, en þær öryggisráðstafanir þóttu
ekki hafa verið fullnægjandi sökum þess, að þarna var unnið með
sprengiefni. Ríkissjóður var dæmdur bótaskyldur, en sök var
skipt.
Hér var ekki til að dreifa neinum öðrum, sem höfðu unnið þarna að
sprengingum. Sönnunaraðstaða var einnig að öðru leyti betri en í málí
Rarik (styttri tími frá því að sprengt var).
H 1961, 749
Maður nokkur vann að því á bifreiðaverkstæði að gata pakkn-
ingar. Notaði hann til þess koparhólk, sem tiltækur var á verk-
stæðinu. Hólkurinn sprakk í höndum mannsins, sem slasaðist
við þetta. I Ijós kom, að hólkurinn var hlaðið sprengjuhylki. Voru
slík hylki í opnum skáp á verkstæðinu, án þess að leitt væri í ljós,
að nokkrum væri kunnugt um, að í þeim væri sprengiefni. Hæsti-
réttur sýknaði eiganda verkstæðisins af kröfum um bætur fyrir
slysið, enda þótti ekki í ljós leitt, að hylkin hefðu borist inn á
verkstæðið með vitund eða vilja eigandans eða manna, sem hann
bar ábyrgð á. Ekki var þeim heldur metið til vangæslu, að þeir
veittu hylkjunum ekki eftirtekt og fjarlægðu þau.
Úrslit ultu hér ekki á sönnun um orsakatengsl heldur því, hvort
sök væri sönnuð. Hæstiréttur taldi svo ekki vera, en dómarar í héraði
lögðu til grundvallar, að einhver af starfsmönnum verkstæðisins ætti
sök á því, að svo stórháskalegur hlutur var þarna innan um verk-
stæðisáhöld. Sumum kann að finnast, að í málinu um verkstæðið hafi
komið fram meiri líkur stefnda í óhag en í máli því, sem er tilefni
þessarar greinar.
H 1979, 978
Þrír drengir brutust inn í geymslu og tóku þar m.a. hvellhettur.
Þýfið barst til annarra drengja, þ.ám. Þ, sem var 9 ára gamall.
Ein hvellhettan sprakk í höndum Þ og hlaut hann varanleg ör-
kuml af. Þeir, sem báru ábyrgð á geymsluhúsinu, þóttu hafa gerst
sekir um hirðuleysi og skort á eftirliti. Var þeim dæmt að greiða
skaðabætur vegna slyssins.
Ekki lék neinn vafi á hvaðan sprengiefnið kom, þannig að eigi var
deilt um sönnun orsakatengsla.
67