Morgunblaðið - 01.11.1986, Blaðsíða 26

26
MORGUNBLAÐIÐ, LAUGARDAGUR 1. NÓVEMBER 1986
Morgunblaðið/Ól.K.M.
Valtýr Pétursson, listmálari við eitt verka sinna á sýningunni, Höfnin frá 1985.
Yfirlitssýning um lífsstarf Valtýs Péturssonar, listmálara:
Einn ötulasti fulltrúi geó-
metrískrar abstraktsjónar
NÚ stendur yfir í Listasafni
íslands yfirlitssýning á verk-
um Valtýs Péturssonar,
listmálara. Það er safnið
sjálft sem stendur fyrir sýn-
ingunni, en hún hófst 18.
október síðastliðinn og lýkur
16. nóvember. A sýningunni
eru 127 myndir, sem spanna
40 ára feril listamannsins,
en elsta myndin er frá 1944.
Valtýr Pétursson sagði í
samtali við Morgunblaðið að
sýningin væri óvenjuleg að því
leyrti að þar gæfíst einstakt
tækifæri til að sjá sumar
myndanna sem væru í einka-
eign, og auk þess gullið
tækifæri til að eignast myndir
frá hinum ýmsu tímabilum, þar
sem sýningin er jafnframt sölu-
sýning. Valtýr sagði að safnið
sjálft hefði alfarið séð um upp-
setningu sýningarinnar og
sjálfur hefði hann hvergi kom-
ið nærri við val myndanna.
Margar þeirra hefðu ekki verið
sýndar áður og þar af nokkr-
ar, sem hann sjálfur hefði átt
í fórum sínum.
Valtýr Pétursson fæddist
27. mars 1919 á Greinivík við
Eyjafjörð í Suður-Þingeyja-
sýslu. Hann stundaði listnám
hjá Birni Bjömssyni í
Reykjavík 1934 til 1936 og
síðar hjá Hyman Bloom í Bos-
ton 1944 til 1946. Á árunum
1949 og 1950 var hann við
nám í Flórens og París auk
þess sem hann var við styttri
námsdvalir í París á árunum
1951 til 1956. Hann var kenn-
ari við Handíðaskólann frá
1951 til 1953 er hann varð
myndlistargagnrýnandi Morg-
unblaðsins. Valtýr stundaði
nám í mósaik hjá Gino Severini
í París 1956 og 1957 og á árun-
um 1964 og 1965 fullgerði
Rauða
formið, 1954.
hann 10 mósaikveggmyndir
fyrir Kennaraskóla Islands.
Valtýr hélt sína fyrstu sýningu
í Listamannaskálanum árið
1947 og hefur síðan haldið Qöl-
margar sýningar bæði hér
heima og erlendis. Hann fékk
heiðurslaun Reykjavíkurborg-
ar 1985.
Selma Jónsdóttir, forstöðu-
maður Listasafns íslands,
skrifar aðfaraorð í vandaða
sýningarskrá og segir: „Valtýr
Pétursson hefur síðustu fjóra
áratugi verið einn virkasti per-
sónuleiki í íslensku listalífi.
Hann var meðal upphafs-
manna Septembersýninganna,
sem komu róti á hugi manna
og mörkuðu tímamót í íslenskri
myndlist. Á Septembersýning-
unni 1947 kom hann fyrst
opinberlega fram sem málari.
Valtýr hefur alltaf haft
brennandi áhuga á viðgangi
myndlistar á Islandi. Hann
hefur verið ósérhlífínn þáttak-
andi í samtökum íslenskra og
reyndar norrænna listamanna,
og oft komið fram sem tals-
maður þeirra og beitt áhrifum
sínum þeim í hag.
Eftir að hann gerðist list-
dómari Morgunblaðsins 1953
hefur hann skrifað að staðaldri
um myndlist og jafnan veitt
ungum og upprennandi lista-
mönnum örvandi hönd með
jákvæðum viðhorfum.
Með þessari sýningu sem
Listasafn íslands efnir nú til
gefst áhorfendum ekki aðeins
kostur á að fá yfirlit um
lífsstarf málarans Valtýs Pét-
urssonar, heldur einnig að
endumýja fyrri kynni við einn
ötulasta og ágætasta fulltrúa
geómetrískrar abstraktsjónar
á íslandi, en sú stefna á nú
vaxandi fylgi að fagna víða um
heim svo að jafnvel mætti líkja
við endurvakningu."

Unnið að viðgerð á heilsugaeslustöðinni i Grindavík.
Viðgerð á húsi Heilsu-
gæslunnar að ljúka
Grindavík.
MIKLUM endurbótum og viðgerð er nú að ljúka á húsnæði Heiisu-
gæslu Suðurnesja i Grindavík. Húsið var orðið mjög slæmt og hélt
hvorki vatni né vindi. Það var upphaflega steypt úr brunamöl, en
sement hefur sennilega verið of lítið í steypunni og því var það
orðið mjög sprungið.
Nú hefur Þórður Waldorf smiður
og hans menn klætt húsið að utan
með steinplötum og einangrað á
milli. Kostnaður við endurbætumar
er að nálgast 400.000 krónur. Að
sögn Jóns Hólmgeirssonar bæjarrit-
ara, keypti Grindavíkurhreppur
húsið árið 1964 og flutti þá í það
hjúkrunarkona, sem hér hefur búið.
Um 1975 leigði svo Heilsugæsla
Suðumesja kjallarann undir heilsu-
gæslu þegar Grindavíkurbær
gerðist aðili að því samstarfi.
Ekki hefur verið mörkuð ákveðin
stefna um byggingu nýrrar heilsu-
gæslu, sem orðið er mjög brýnt, en
sl. vor var skipuð nefnd til að vinna
að því. „Erfitt er að marka þessa
stefnu nema læknir sé til staðar,“
sagði Jón. Kr. Ben.