Morgunblaðið - 01.11.1986, Blaðsíða 47

47
MORGUNBLAÐIÐ, LAUGARDAGUR 1. NÓVEMBER 1986
Sameinumst um glæsi-
lega þátttöku í ÓL ’88
eftir Örn Eiðsson
Á tímum sívaxandi upplýsinga-
þjóðfélags, hvort sem um er að
ræða innan þjóðfélags eða milli
þjóða, er oft til umræðu hvaða leið-
ir séu vænlegastar til árangurs á
þessu sviði.
Það leikur ekki á tveim tungum,
að nýafstaðinn leiðtogafundur hér
í Reykjavík hefur virkað eins og
vítamínsprauta á umræðuna um
þessi mál hér á landi. Þó að sjálf-
sagt sé að reyna að notfæra sér
slíka auglýsingu á landi og þjóð er
kapp ávallt best með forsjá og rétt
að taka ekki of mörg skref í einu.
Talandi um jákvæða og góða
kynningu á íslenskri þjóð er það
mín skoðun, að fátt ef nokkuð sé
betri landkynning en afreksfólk á
sviði íþrótta. Þetta eru bæði gömul
sannindi og ný, en góð vísa er sjald-
an of oft kveðin. íslenskt íþróttafólk
hefur margoft vakið verðskuldaða
athygli um víða veröld fyrir frábær-
an árangurí hinum ýmsu íþrótta-
greinum. Erlendir íþróttafrétta-
menn og sérfræðingar á sviði
íþrótta undrast hina mikla getu hjá
svo fámennri þjóð, sem vissulega
stendur verr að vígi en fjölmennar
og ríkar þjóðir, þar sem ekkert
skortir, hvorki fjármuni eða að-
stöðu.
Sá íþróttaviðburður, sem hæst
ber í veröldinni og milljarðar fylgj-
ast með í sjónvarpi, eru Ólympíu-
leikamir, sem haldnir eru fjórða
hvert ár. Næstu sumarleikar fara
fram í Seoul í Suður-Kóreu og vetr-
arleikamir í Calgary í Kanada. Oft
hefur verið staðið veglega að undir-
búningi og þátttöku okkar á
Ólympíuleikunum. Sjaldan eða aldr-
ei þó eins vel og fyrir síðustu leika,
enda árangurinn eftir því. Við verð-
um að horfast í augu við þá stað-
reynd, að leiðin á toppinn í íþróttum
krefst ekki aðeins gífurlegs vilja-
styrks og áhuga, heldur, og ekki
síður, mikilla fjármuna.
Fyrir síðustu Ólympíuleika hagn-
aðist Ólympíunefnd íslands, sem
kostar þátttöku okkar fólks í leikun-
um, allvel á happdrætti sínu. Nú
stendur yfir happdrætti Ólympíu-
nefndar 1986 og það skiptir sköpum
um undirbúning og árangur okkar
manna í Seoul og Calgary hveijar
undirtektir þjóðarinnar verða.
Ólympíunefndin fær að vísu fram-
lag frá því opinbera, en það er
óverulegur hluti af því fé, sem nauð-
synlegt er. Það er því í ykkar
höndum, sem fengið hafa senda
happdrættismiða Olympíunefndar,
hvort hinir fræknu íþróttamenn
okkar mæti vel undirbúnir til leik-
anna 1988.
Öll viljum við sjá okkar frábæm
handknattleiksmenn sigra í leikjum
og afreksfólk okkar í frjálsum
íþróttum, júdó, sundi, siglingum og
skíðaíþróttum. Að þessu sinni taka
knattspymumenn okkar einnig þátt
í undankeppni leikanna og við þá
eru bundnar miklar vonir. Ef þú
kaupir happdrættismiða Ólympíu-
nefndar, sem kostar aðeins 250
krónur, getur það ráðið úrslitum
um sigur eða tap í Seoul eða Calg-
ary. íslenska Ólympíunefndin getur
ekki gengið í opinbera sjóði, eins
Órn Eiðsson
og flestar hliðstæðar nefndir ann-
arra þjóða gera. Okkar afreksfólk
verður að treysta á velvilja og skiln-
ing almennings, sem alltaf er
jákvæður, þegar íþróttafólkið er
annarsvegar. Sameinumst um
glæsilega þátttöku í Ólympíuleikun-
um 1988.
Höfundur er stjómarmaður í
Ólympíunefnd tslands.
Flökunarvélin góða. Það tekur nú mun skemmri tíma að flaka en á
meðan það var gert í höndunum.
Síldarf lökun og
pæklun á Eskifirði
TALSVERT hefur verið saltað
af síld á Eskifirði í haust og það
sem af er vetri en þegar Morgun-
blaðið var á ferðinni þar fyrir
nokkru var kvótinn orðinn fullur
og því lítið að gerast á söltunar-
plönunum.
Eskfírðingar bíða nú í ofvæni
eftir því hvort samið verður um
sölu á meiri sfld til Sovétríkjanna
en á meðan huga menn að þeirri
sfld sem þegar hefur verið söltuð.
Þó algengasta aðferðin við
vinnslu á sfldinni sé að salta hana
þá er nokkuð gert af því að flaka
sfldina og salta hana þannig. Starfs-
fólk Hraðfrystihúss Eskifjarðar
vann við flökun þegar Morgun-
blaðið bar að garði á dögunum og
þar sem annars staðar hefur tækn-
in sett svip á sfldarflökun.
Nú til dags nota menn vélar til
flökunar og vinnur hún á við marga
fljóta flakara. Auk þess flakar hún
ágætlega þannig að Svíamir sem
kaupa sfldina þannig unna ættu að
vera ánægðir með handbragðið.
Pæklað hjá Auðbjörgu á Eskifirði. Nú er mest saltað í plasttunnur
en góðu gömlu trétunnumar eru þó notaðar með enda vitfa Srvét-
menn síldina í þannig tunnum. Hér er verið að pækla í trétunnumar
en plasttunnurnar nýju standa upp á endann.
9
opnum við og bjóð-
um alla velkomna
sem vilja taka daginn
snemma og gera
góð helgarinnkaup.
_i
2
Æm0
Austurveri og Glæsibæ
Þú hefur
tíma til kl. 4
í dag til að gera
helgarinnkaupin
hjá okkur
Við vekjum sérstaka athygli á nýju og glæsilegu kjötborði í Austurveri,
sem danski kjötmeistarinn okkar á allan heiðurinn af - og í dag verða
einnig margar vörur á tilboðsverði í báðum búðunum ,svo sem
stórafsláttur af svínakjöti, rauð epli á kr. 62,- kg, appelsínur
kr. 52,- kg, Uncle Ben’s hrísgrjón kr. 32,90 lítill pakki og kr. 63,-
stór pakki og Nesquick 400 g á kr. 75,-
4
Þá fyrst lokum við,
svo þú hefur nægan
tíma til að gera
helgarinnkaupin hjá
okkur.