Morgunblaðið - 04.06.1987, Blaðsíða 43
MORGUNBLAÐIÐ, FIMMTUDAGUR 4. JÚNÍ 1987
43
Dalvík:
Fjörkippur hefur
færst 1 avinnulífið
Morgunblaðið/
Nýútskrifaðir nemendur af 1. stigs skipstjórnarbraut frá Dalvíkurskóla ásamt kennurum og próf-
dómara. Aftari röð frá vinstri: Kristján Aðalsteinsson, Þórir Stefánsson, Birgir Valdimarsson, Friðþjófur
Jónsson, Sigurður Kristjánsson, Haukur Gunnarsson, Júlíus Kristjánsson, Heimir Hermannsson, Trausti
Steinsson, Trausti Þorsteinsson. Fremri röð, talið frá vinstri: Kjartan Valdimarsson, Víðir Björnsson,
Baldur Baldursson, Kristinn Snæbjörnsson, Birgir Stefánsson, Guðlaugur Arason. Einnig útskrifuðust
Gunnlaugur Antonsson og Siguijón Sigurbjörnsson.
13 nemendur útskrifast
af skipstjórnarbraut
Dnlvík
Dalvik.
DALVÍKURSKÓLA var slitið
miðvikudaginn 27. mai sl. í haust
voru 312 nemendur innritaðir í
skólann, þar af 278 r' grunnskóla
og forskóla en 34 í framlialds-
deild. Að þessu sinni útskrifuðust
45 nemendur úr 9. bekk en jafn-
framt brautskráðust frá skólan-
um nú í vor 13 nemendur af
skipstjórnarbraut 1. stigs með
200 tonna skipstjómarréttindi.
Þetta er í sjötta skipti sem út-
skrift af skipstjórnarbraut fer fram
frá Dalvíkurskóla en alls hefur 51
nemandi lokið 200 tonna skipstjóm-
arréttindum frá skólanum frá
upphafi. Um síðustu áramót út-
skrifuðust frá skólanum 11
nemendur með þessi réttindi eftir
réttindanámskeið sem haldið var
samkvæmt nýjum lögum um at-
vinnuréttindi skipstjómarmanna og
tveir með 80 tonna réttindi. Auk
þessa hefur nemendum 9. bekkjar
gefíst kostur á að ljúka 30 tonna
réttindum, pungaprófí, en siglinga-
fræði, siglingareglur og verkleg
sjóvinna hefur verið sem valgrein í
9. bekk allt frá árinu 1972. Nem-
endur hafa sýnt námi þessu mikinn
áhuga og nú í vor luku 13 nemend-
ur úr 9. bekk „pungaprófínu".
Góður námsárangur var hjá 1.
stigs skipstjómamemendum og
náðu 10 nemendur af 13 fyrstu ein-
kunn, þar af einn ágætiseinkunn.
Hæstu meðaleinkunn hlaut Birgir
Stefánsson frá Ólafsfírði, 9,50.
Hlaut hann viðurkenningu frá Út-
vegsmannafélagi Norðurlands fyrir
þann árangur en auk þess hlaut
hann ásamt Kristni Snæbjömssyni
frá Grenivík og Baldri Baldurssyni
frá Húsavík viðurkenningu frá
Skipstjórafélagi Norðlendinga fyrir
bestan árangur í skipstjómarfræð-
um, en þeir hlutu 39 stig af 40
mögulegum. Þá hlaut Siguijón Sig-
urbjömsson viðurkenningu frá
Dalvíkurskóla fyrir ástundun og
góða námsframför.
Það kom fram í máli skólastjóra
að mikil umræða hefði farið fram
í vetur um aukið nám á sviði sjávar-
útvegs við Dalvíkurskóla. Skólinn
hefði fengið heimild til starfrækslu
annars stigs skipstjómarbrautar og
útskrifa nemendur með fullgilt
fískimannspróf.
Þá hefði menntamálaráðherra
skipað fjögurra manna nefnd til að
kanna möguleika á að koma á
kennslu í fískvinnslu við skólann. í
þessari nefnd eiga sæti tveir fulltrú-
ar frá Fiskvinnsluskólanum í
Hafnarfirði og tveir fulltrúar frá
Dalvík. Mikill áhugi er meðal
heimamanna á því að af þessu geti
orðið og hafa útgerðarmenn og físk-
verkendur auk þjónustuaðila við
sjávarútveg á staðnum boðið fram
alla aðstoð þannig að sem best verði
hægt að standa að skólahaldinu.
— Fréttaritari
Dalvflc.
MIKIL vöntun er á leiguhúsnæði
á Dalvík um þessar mundir. Fjör-
kippur hefur færst í atvinnulifið
og vantar mannskap á staðinn
en erfitt er að fá íbúðir. Tvö
byggingafyrirtæki hafa nú
ákveðið að hefja smíði á húsum
með litlum íbúðum, fjölbýlishúsi
með 10 íbúðum og raðhúsi með
7 íbúðum, allt tveggja og þriggja
herbergja íbúðir.
Meira hefur verið sótt um lóðir
undir einbýlishús nú en sl. ár en
ekki er enn ljóst hve margir lóðar-
umsækjenda hefja framkvæmdir í
sumar. Lán frá Húsnæðismála-
stofnun liggja ekki á lausu og hafa
einhveijir fengið þau svör að þeir
þurfí að bíða í 2 ár eftir lánum. Á
undanfömum árum hafa íbúða-
byggingar legið að vemlegu leyti
niðri og þykir ljóst að nú séu Jlalvík-
ingar að bíta úr nálinni með það
eins og víðar í sveitarfélögum úti á
landsbyggðinni.
Tréverk hf. sótti um lóðir undir
tvö raðhús og hugðist fyrirtækið í
upphafi byggja 8 fjögurra her-
bergja íbúðir með bílskúr. Engir
kaupendur gáfu sig fram og breytti
fyrirtækið þá stefnu sinni og aug-
lýsti minni íbúðir. Svo virðist sem
meiri möguleiki sé á að selja þær.
Byggingafyrirtækið Viðar hf.
hefur sótt um lóð undir tvö fjölbýlis-
hús með 10 tveggja og þriggja
herbergja íbúðum hvort. Forsvars-
menn fyrirtækisins era staðráðnir
í því að hefja framkvæmdir og reisa
aðra blokkina nú í sumar og vetur
og era þegar famir að selja íbúðir
í henni. Ef þessar ráðagerðir fyrir-
tækjanna ganga eftir má ætla að
hafnar verði framkvæmdir á nálægt
20 nýjum íbúðum nú í sumar á
Dalvík.
Mikið er spurt um húsnæði á
Dalvík og margir hafa lýst áhuga
sínum á að flytjast til staðarins
enda nóga atvinnu að hafa. Þá
hafa nemendur í skipstjómamámi
við Dalvíkurskóla einnig leitað fyrir
sér um leiguhúsnæði. Fyrirtæki og
þjónustustofnanir á Dalvík vantar
fólk til starfa og hafa fyrirtækin
jafnvel leitt hugann að því að kaupa
íbúðir til að geta leyst sín mál en
lítil hreyfíng er á húsnæði á staðn-
um fyrr en þá nú með tilkomu íbúða
byggingarfyrirtækjanna. Bæði fyr-
irtækin stefna að því að afhenda
íbúðir til kaupenda nú í ár. Bæjar-
stjóm hefur lýst áhyggjum sínum
af húsnæðismálum á staðnum og
sótti um lán til Húsnæðismálastofn-
unar til bygginga leiguíbúða.
Heimild hefur fengist til byggingar
fjögurra verkamannabústaða en
ekki hefur enn verið ákveðið hvort
bærinn fari út í byggingu eða kaupi
íbúðir af verktökum.
— Fréttaritari.
Fj ór ðung’sþingið
haldið á Dalvík
Kristinn Snæbjörnsson, Baldur Baldursson og Birgir Stefánsson með
viðurkenningar sínar frá Skipstjórafélagi Norðlendinga ásamt Jó-
hanni Gunnarssyni sem sæti á í stjórn félagsins.
Fjórðungsþing Norðlendinga
verður haldið á Dalvík dagana
26. og 27. ágúst næstkomandi.
Þingið ber að þessu sinni upp á
miðvikudag og fímmtudag, en
venjulega er það haldið um helgi
og þá í kringum mánaðarmótin
ágúst/september. Akureyrarbær
verður hinsvegar 125 ára laugar-
daginn 29. ágúst svo ákveðið var
að flýta þinginu að þessu sinni.
Dagskrá þingsins er enn óljós,
en ljóst er að byggðamálin verða
í brennideplinum. Rétt til setu á
þinginu eiga 93 fulltrúar.
fyrir£aa kröfur
STÓRKOSTLEG HÖNNUN
í SÉRSTÖKUM
GÆÐAFLOKKI
Hvertisgata 37
Slmi 91-21490 91-21846
Pósthóll 761
101 Revkiavik
ViKurbraut 13
Slmi 92-2121
Pósthólf 32
230 Keflavlk