Morgunblaðið - 28.10.1987, Qupperneq 32

32
MORGUNBLAÐIÐ, MIÐVIKUDAGUR 28. OKTÓBER 1987
Morgunblaðifl/GSV
Þórarinn Ágústsson(t.v.), Bjarni Hafþór Helgason og Viðar Garðars-
son i nýlegum upptökubQ Samvers hf.
Myndband í tilefni umferðardags:
„Inn í eilífðina“
eftir Bjarna Hafþór
„Inn í eilífðina" nefnist mynd-
band sem frumsýnt var um
helgina á báðum sjónvarpsstöðv-
um. Myndbandið var gert í tilefni
umferðardags JC og FararheiU-
ar ’87, sem var si. laugardag, og
er markmiðið með verkefninu
að höfða til ungs fólks á aldrin-
um 17 til 25 ára, en á þeim aldri
er tfðni banaslysa hæst.
Lag og texta hefur Bjami Hafþór
Helgason samið. Útsetningu, hljóð-
færaleik og hljóðblöndun annaðist
Atli Örvarsson. Upptaka og hljóð-
blöndun var i höndum Viðars
Garðarssonar og söng annast þau
Karl Örvarsson og Olöf Sigríður
Valsdóttir. Hönnun myndbands,
kvikmyndun, klippingu og stjóm
annaðist Þórarinn Ágústsson og var
myndbandið unnið af Samveri hf.
á Akureyri fyrir Fararheill ’87, JC
ísland, Velti hf. og Sanitas.
Bjami Hafþór sagði í samtali við
Morgunblaðið að myndbandið sner-
ist um ungt og ástfangið par, sem
væri á ferðalagi í bíl. Hann keyrði,
en ökuferðinni lyki með slysi og
bana stúlkunnar.
Bryndfs Einarsdóttir
> # #
Islandsmeistarakeppni í einstaklingsdansi:
Bryndís Einarsdóttir
keppir í Hippodrome
BRYNDÍS Einarsdóttir, 18 ára
Njarðvíkingur, sigraði f íslands-
meistarakeppninni f einstakl-
ingsdansi sem haldin var í
veitingahúsinu Zebra sfðastliðið
laugardagskvöld. Alls kepptu
fimm dansarar um titilinn, auk
Bryndfsar, þrír Reykvíkingar og
einn Sauðkræklingur.
Bryndís fékk í verðlaun vikuferð
til London og mun hún þá jafnframt
keppa í heimsmeistarakeppninni
sem fram fer á Hippodrome í byijun
desember. Einnig fékk hún dem-
antshring frá skartgripaverslun
Flosa Jónssonar.
Veitingahúsið Zebra hefur um-
boðið fyrir heimsmeistarakeppnina
og er meiningin að halda slíkar
keppnir árlega framvegis, en þær
hafa hingað til farið fram með höpp-
um og glöppum, eins og Ásta
Sigurðardóttir komst að orði, en
hún sigraði í keppnmni í fyrra og
lenti í íjórða sæti í heimsmeistara-
keppninni á Hippodrome. Búast má
við í ár keppendum frá yfír 30 lönd-
um.
Fiskvinnslufólk í leik-
fimi tvisvar á dag
Útgerðarfélag Akureyringa
tók upp á þeim góða sið nú fyrir
skömmu að bjóða fiskvinnslu-
fólki sfnu upp á leikfimitíma
tvisvar á dag, um það bil fimm
mfnútur f senn. Óhætt er að segja
að þátttakan f leikfiminni sé góð,
að minnsta kosti kepptust allir
starfsmenn við að toga sig og
teygja þegar Morgunblaðsmenn
litu inn f fiskvinnslusalinn fyrir
helgina.
Það er Magnús ólafsson, sjúkra-
þjálfari á Akureyri, sem á heiðurinn
aJf leikfímisnældunum og munu
fleiri ffystihús auk rækjuvinnsla
hafa tekið upp þennan sið, við góð-
ar undirtektir starfsmanna sinna,
en fyrir um það bil ári reið frystihú-
sið Kaldbakur hf. á Grenivlk á vaðið
með leikfímina. Gunnar Lórenzson
er verkstjóri hjá ÚA og lét hann
ekki deigan síga við teygjumar og
beygjumar. Hann sagði að leikfímin
færi fram kl. 10.00 á morgnana og
í fiskvinnslusal Útgerðarfélags Akureyringa.
Morgunblaðiö/GSV
eftir hádegið kl. 14.30 og væri ekki
annað að sjá á fólki en að það
væri samtaka og ánægt með þetta
fyrirkomulag.
Ólafsfjarðarhöfn:
Tjón nemur tíu
nulljónum króna
hafnarbótasjóður tómur
TJÓN á hafnarmannvirkjum á
Ólafsfirði vegna brims er gerði
um miðjan september sl. nemur
tfu miiyónum króna, samkvæmt
mati starfsmanna Hafnarmála-
stofnunar. Sótt hefur verið um
fé til hafnarbótasjóðs vegna lag-
færinga. Ekkert fé hefur þó
fengist ennþá, þar sem sjóðurinn
er tómur.
í þessari tölu er innifalin lokafrá-
gangur við gijótgarð utan Norður-
garðs, sem nauðsynlegur er talinn.
Oskar Sigurbjömsson, formaður
hafnamefndar, sagði í samtali við
Morgunblaðið að allt væri enn á
huldu um hvort fjárveiting fengist
vegna lagfæringanna. Það væri al-
farið í höndum fjárveitingavaldsins
hvemig málum á ólafsfírði lyktaði
þar sem ekki væri einn eyri að finna
í hafnarbótasjóði. Auk matsmanna,
komu þeir Hermann Guðjónssön,
hafnarmálastjóri, og Ólafur Steinar
Valdimarsson, ráðuneytisstjóri í
samgönguráðuneytinu, til að líta á
aðstæður. Matsskýrsla hefur þegar
verið lögð fram. Hafnarbótasjóði
ber skylda til að sinna slíkum bráða-
tilvikum og hefur Hafnarmálastofn-
un nú þegar sótt um fjárveitingu
til handa sjóðnum svo hann geti
sinnt hlutverki sínu.
Óskar sagði ljóst að ekki yrði
hægt að ráðast í lágfæringamar
allar í haust. „Hinsvegar er það
fullvíst að við þurfum nokkrar millj-
ónir til að gera bráðustu varúðar-
ráðstafanir og fer það eftir því hvað
Hafnarmálastofnun treystir sér í.
Við vitum ekkert ennþá, en erum
að reka á eftir málinu. Það hlýtur
að þurfa að koma til kasta fjármála-
ráðherra til að fyrirbyggja frekara
tjón á hafnarmannvirkjum," sagði
óskar að lokum.
Morgunblaöið/GSV
Ásta Sigurðardóttir sigurvegari frá þvi í fyrra með keppendunum fimm, þeim Bryndísi Einarsdóttur,
Maríu Kristjánsdóttur, Þórönnu Rósu Sigurðardóttur, Jóni Agli Bragasyni og Sigrúnu Siguijónsdóttur.