Morgunblaðið - 17.11.1987, Blaðsíða 57

MORGUNBLAÐIÐ, ÞRJÐJUDAGUR 17. NÓVEMBER 1987
57
dóttir Þórðar Matthíassonar frá
Miðfelli í Hrunamannahreppi og
konu hans, Guðrúnar Jónsdóttur frá
Skriðufelli i Þjórsárdal. Höfðu þau
hjónin, Guðrún og Þórður, fyrst
hafíð búskap í Gíslaholti en fluttust
síðar í Haga í Holtum, þar sem
Matthía móðir Klöru var fædd. Þar
var kirkjustaður. Fjölskyldan bjó í
Haga árið 1896, þegar suðurlands-
skjálftinn mikli reið yfir — engan
sakaði í Haga, en bærinn jafnaðist
við jörðu. Kirkjan stóðst þó skjálft-
ann, og hafðist heimilisfólkið þar
við, unz búið ^ var að endurreisa
bæjarhúsin. Árið 1908 kvaddi
Matthía heimaslóðir sínar í Ámes-
sýslu og hugðist halda til Noregs
til að leita sér mennta. Hélt hún
því austur til Seyðisfjarðar og ætl-
aði þaðan utan með skipum, sem
vom í förum til Björgvinjar. En við-
dvöl hennar á Seyðisfírði varð lengri
en hún í fyrstu hafði ráðgert. Hún
kynntist þar ungum norskuní
tæknifræðingi, Jentoft Komelius
Kristiansen að nafni, sem skömmu
áður, eða 1906, hafði verið fenginn
hingað til lands til að annast ýmis-
leg tæknileg undirbúningsstörf við
framkvæmdir. Hafði hann m.a. á
hendi mælingar í sambandi við val
á hentugasta vegarstæði yfír
Fagradal og hafði umsjón með lagn-
ingu fyrsta þjóðvegarins milli
Fljótsdalshéraðs og Reyðarfjarðar.
Ætlun hans hafði þó verið að flytj-
ast síðar vestur um haf og setjast
að í Bandarfkjunum; því staðnæm-
dist hann á Seyðisfirði og beið
skipsferðar utan. En það fór á ann-
an veg. Þau Matthía og Jentoft
felldu hugi saman, gengu í hjóna-
band 1909 og settust að þar eystra.
Faðir Klöru, Jentoft Komelius
Kristiansen, var fæddur 30. október
1881 í Ojer, lttilli byggð handan
fjarðarins, þar sem bærinn Narvik
stendur, en það er Nordland fylke
í Noregi. Áður en Jentoft hélt út
til Islands, hafði hann unnið sem
tæknifræðingur við lagningu jám-
brautarinnar milli Björgvipjar og
Kiruna í Svíþjóð, á þeim kafla
brautarinnar, sem liggur um Ofot-
en. Eftir að Kristiansen hafði tekið
staðfestu á Seyðisfirði, brá hann á
það ráð að gera út bát, „ölduna“,
og var hann ^jálfur í mörg ár skip-
stjóri á þeim bát, sem reyndist
happafleyta undir hans stjóm.
Klara var elzt fímm bama þeirra
Kristiansens-hjóna: Hin systkinin
eru Gustaf (f. 1915), búsettur í
Reykjavík, Selma (f. 1917), búsett
í Reykjavík, Baldur (f. 1919), en
hann er látinn fyrir nokkrum árum,
og Trúmann (f. 1928), búsettur í
Hveragerði.
Hjá Kristiansens-fjölskyldunni á
Seyðisfírði var heimilisbragur góð-
ur; bömin ólust upp við ástríki og
gott atlæti en þó við aga og vinnu-
semi. Mun bömunum snemma hafa
verið kennt, að þau yrðu líka að
axla ábyrgð við sitt hæfí og ekki
að láta deigan síga, þótt erfíðleikar
bjátuðu á. Þetta fékk Klara að
reyna á unga aldri, þegar móðir
hennar átti um tveggja ára skeið
við alvarleg veikindi að stíða og lá
rúmföst heima. Varð Klara þá að
annast heimilishaldið að mestu um
skeið, þótt hún væri þá ekki nema
12 ára. Þá tók Guðbjörg Ámadóttir
frá Njarðvík við heimilisstörfunum
og reyndist hún fjölskyldunni ein-
staklega vel. Öll voru þau systkinin
gædd góðum gáfum og samheldnin
og ástúðin þeirra á milli var ætíð
mikil. Klöru gekk strax vel í skóla
og lauk skyldunámi með svo góðum
vitnisburði, að Karl Finnbogason
skólastjóri sá ástæðu til að gera sér
sérstaka ferð heim til foreldra henn-
ar á Austurvegi 5 til þess að hvetja
þau til að láta Klöru stunda fram-
haldsnám. Árið 1929 fór Klara til
Reykjavíkur og hóf nám í hár-
greiðslu hjá Kristólínu Kragh;
þremur árum síðar lauk hún náminu
með tilskildu lokaprófi. 1932 hélt
hún svo til Kaupmannahafnar og
stundaði þar frekara nám í kvöld-
skólum, lærði m.a. hand- og fót-
snyrtingu. Á daginn vann hún á
hárgreiðslustofu til að standa
straum af námsdvöl sinni. Árið
1935 lauk hún framhaldsnámi sínu
ytra, og buðust henni þar þá mörg
góð atvinnutækifæri í faginu, en
hún kaus þó að snúa heim aftur,
enda var hún þá farin að kenna
nokkurs heilsubrests — var það
einkum liðagigt, sem plagaði hana
mjög. Hún kom það ár aftur heim
til Seyðisfjarðar og setti upp hár-
greiðslu- og snyrtistofu á Austur-
vegi 12, en það hús hafði áður verið
heimili Imslands-fjölskyldunnar.
Klara aflaði sér brátt fjölmargra
viðskiptavina með færni sinni í fag-
inu og þeirri miklu alúð, sem hún
ætíð lagði við starf sitt; og vegna
mikilla mannkosta og meðfædds
sjarma varð henni líka gott til vina.
Hún hafði mikið yndi af bókum og
var vel lesin — einörð var hún í
skoðunum, en réttsýn og alltaf
hreinskiptin. Og svo var glettnin
aldrei langt undan: „Strákar, komið
þið, nú ætla ég að krulla ykkur og
gera ykkur reglulega fína!" gat hún
átt til að kalla til hóps 9—10 ára
seyðfirzkra stráka, sem voru að
ærslast úr hófi fram í boltaleik
framan við húsið, þar sem hún var
með hárgreiðslustofuna. Og hópur-
inn varð felmtri sleginn og tvístrað-
ist á augabragði — en Klara
skellihló.
Árið 1952 fluttist Klara frá Seyð-
isfírði til Neskaupstaðar, keypti þar
lítið hús og setti upp hárgreiðslu-
-og snyrtistofu. Nokkru síðar giftist
hún Jóni Sigurðssyni, ættuðum frá
Breiðafirði, en sambúð þeirra varð
ekki löng; þau skildu. Bjó hún eftir
það ein síns liðs í Neskaupstað, allt
fram til 1961, er hún fluttist alfar-
in til Reykjavíkur, sökum heilsu-
brests sem sífellt var að ágerast.
Átti hún um árabil bæði við mikil
bijóstþyngsli eða asthma að stríða
og kvalafulla liðagigt að auki. En
henni var ekki gjarnt að kvarta
yfír eigin bágindum — leitaðist
fremur við að rétta öðrum þjálpar-
hönd, þegar hún vissi að eitthvað
bjátaði á. Hún var alla tíð trygglynd
og vinfost og ættrækin vel, bæði
við sína íslenzku ættingja og þá
norsku, sem hún hélt sambandi við.
Fór hún t.d. skömmu eftir stríð í
kynnisför til ættingja sinna í
N-Noregi til Soletjelma, Bodo og
Narvíkur, þar sem föðursystur
þeirra Kristiansens-systkina
hjuggu.
Klara hélt fullri andlegri reisn
sinni fram til hins síðasta og þegar
hún nú er horfín af okkar sjónar-
sviði, munu þeir margir, sem sakna
vinar í stað. Ættingjum hennar og
venzlafólki votta ég einlæga samúð
mína.
Halldór Vilhjálmsson
Birting af-
mælis og
minningar-
greina
Morgunblaðið tekur af-
mælis- og minningargreinar
til birtingar endurgjaldslaust.
Tekið er við greinum á rit-
stjórn blaðsins & 2. hæð í
Aðalstræti 6, Reykjavík og á
skrifstofu blaðsins í Hafnar-
stræti 85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
POWER STAR
Verslunareigendur!
Góð gluggalýsing
80%
ORKUSPARNAÐUR
MIKIL ENDING
360°
JÓHANN ÓLAFSS0N & C0. HF.
SUNDABORC 13 — 104 REYKJAVÍK — SÍMI 688-588
(ffi) Metabo
Hausttilboð!
RAFHLÖÐUBORVÉL Verö: Tilboösverð:
100 wött, í tösku 13.541
HÖGGBORVÉLAR
480 wött, í tösku
7.270
500 wött, 12S®£) 9.068
1000 wött, í tösku 16.529
STINGSÖG
450 wött, í tösku
9.221
SLIPIROKKAR
115 mm skíta 1ÍXD 8.482
125 mm skíia 122SSÍ- 10.486
B.B. BYGGINGARVORUR
SUÐURLANDSBRAUT4