Morgunblaðið - 30.08.1988, Blaðsíða 71

MORGUNBLAÐIÐ, ÞRIÐJUDAGUR 30. ÁGÚST 1988
Ik

Bregður yfirstéttin í Rúss-
landi fæti fyrir Gorbatsjov?
Hér á dögunum birtist grein í'
DV sem hét „Nú er hún gamla
grýla dauð.“ Grýla var búin til af
foreldrum, sem vildu hræða börn
sín til hlýðni og þótti sú uppeldisað-
ferð miður góð. Grýlan sem greinar-
höfundur á við er hin fræga Rúss-
agrýla, búin til af áróðursmeistur-
um Lenín-Stalínismans. Þeir sem
ekki gleyptu áróðurinn hráan voru
svo annaðhvort vangefnir eða óguð-
legir fasistar eða nasistar.
Ég trúði ekki á kenninguna um
ágæti alræðisins og sætti mig ekki
við afnám allra mannréttinda, og
að mótspyma skyldi barin niður
með harðri hendi. Þetta stríddi al-
gjörlega mót allri frelsisbaráttu sem
mannkynið hafði háð, frá því sögur
hófust. Þegar kommúnistamir vom
búnir að vera við völd í fjögur ár,
og höfðu brotið alla andspymu á
bak aftur, var rússneska þjóðin nær
dauða en lífi af hungri. Þá kom
hinn frjálsi heimur og sendi kúgur-
unum mat og þá fékk þjóðin að
fínna fyrir blessun kerfísins.
Ég hef reynt að fylgjast með
gangi mála í kommúnistaríkjunum
og nú sýnir æðsti maður Rússlands
heiminum, að það var ekki ljós-
glæta í kerfinu, og er hann núna
að sálga Grýlunni. Við sem óttuð-
umst kommúnismann höfðum á
réttu að standa. Nú óttast Gorbatsj-
ov að yfírstéttin í Rússlandi bregði
fæti fyrir hann í umbótum hans.
Stéttaskiptingin í Rússlandi er eins
og á dögum Katrínar miklu, nema
ég veit ekki til þess að þá hafi ver-
ið sérstök sjúkrahús fyrir verka-
menn eins og í dag, 1988. Segjum
nú sem svo, að einhverjar umbætur
verði, þá verða þær meiriháttar
kjaraskerðing fyrir flokksgæðing-
ana.
Ég óttast hins vegar ekki síður,
að almenningsálitið í lýðræðisríkj-
unum bili, og þar hljóti Gorbatsjov
ekki réttmætan stuðning. Það
stafar af því, að hér á landi og ég
tala nú ekki um í Skandinavíu geng-
ur allur áróðurinn út á fijálshyggju
og „frelsiskjaftæði", eins og félags-
hyggjufólkið hefur orðað það. Og
þar hefur andi gömlu kommúnis-
tanna svifíð yfír vötnunum, allt frá
byltingunni í Rússlandi.
Öll heimsveldisútþensla Rússa
hefur verið afsökuð, allir glæpirnir
hafa verið afsakaðir og allt illt hef-
ur verið fijálsræðinu að kenna,
samanber álit kennarans á innrás-
inni í Tékkóslóvakíu fyrir tuttugu
árum. Þá sagði framsóknarmaður-
inn: „Hvað áttu aumingja Rússam-
ir annað að gera?“ Þá svaraði við-
mælandi hans: „Að þú skulir ekki
skammast þín.“
Vegaskilti við
Markarfljót
ófullnægjandi
Þetta vegaskilti er skammt frá
Markarfljótsbrú, þegar ekið er af
hringveginum inn í Þórsmörk. Eins
og sjá má er á því nauðsynleg við-
vörun. Lesandi vakti athygli á því,
að textinn væri aðeins á íslensku,
þótt það væru ekki síst erlendir
ökumenn, sem þyrfti að vara við
með þessum hætti.
Ég skammast mín ekkert þó ég
hafí notfært mér það, að segja
frómt frá hryllingi kommúnismans.
Félagshyggjufólki væri hollt að
vita, að efnahagslífið í Austurblokk-
inni, sem aldrei hefur getað borgað
mannsæmandi laun, að það er ekki
markaðshyggjunni, eða öðm ftjáls-
ræði að kenna.
Húsmóðir.
í>essir hringdu . .
Ömurleg Viðeyjarferð
Borgarstarfsmaður hringdi:
„Á dögunum efndi Starfs-
mannafélag Reykjavíkurborgar til
ferðar fyrir félagsmenn út í Við-
ey. Ég og vinnufélagar mínir ák-
váðum að fara með. Við sigldum
þangað með Hafsteini og skoðuð-
um okkur um á eynni. Þegar við
ætluðum að fara í Viðeyjarstofu
var okkur tjáð, að þar væri allt
fullt vegna samkvæmis. Við geng-
um um í nokkum tíma og þegar
við snemm aftur var okkur aftur
vísað frá. Við fengum ekki einu
sinni tækifæri til að kíkja á húsið.
Nokkm síðar snemm við heim og
höfðum hvorki fengið vott né
þurrt í ferðinni. Þetta var í sann-
leika sagt ömurleg ferð.“
Slæm umhirða á lóð við
fjölbýlishús
íbúi í blokk hringdi:
„Ég bý í blokk með þremur
stigagöngum. Lóðin er ekki sam-
eiginleg, heldur skipt milli stiga-
ganganna. Fólkið í einum stiga-
gangnum hefur ekki hirt neitt um
sinn hluta í langa hríð. Það hvorki
týnir msl þar né slær grasið. Við
hin höfuð rætt við þetta fólk, en
það hefur engan árangur borið.
Mig langar til að spyija, hvert ég
geti snúið mér vegna þessa máls.
Gott væri að fá svar við því héma
í Velvakanda."
Veski týndist á Borginni
Brúnt seðlaveski týndist á Hót-
el Borg eða næsta nágrenni að-
faranótt sunnudagsins 21. ágúst.
Finnandi hringi í síma 84983.
Hvar er hægt að fá gert
við sokka?
Kona hringdi:
„Mig langar til að fá upplýsing-
ar um það, hvort það séu ekki
einhveijar konur sem taka að sér
að gera við sokka. Þetta tíðkaðist
hér áður fyrr, en ég hef ekki orð-
ið vör við það í seinni tíð.“
Þakkir til borgarstjórn-
ar
Borgarbúi hringdi:
„Mið langar að þakka borgar-
stjóm og Davíð Oddssyni fyrir
það, hve rösklega var gengið til
verks í Viðey. Framkvæmdimar
þar em borgaryfírvöldum og ark-
ítektunum til sóma.“
Gullhringur týndist í
Reykjavík
Sléttur karlmannsguilhringur
með bláum safírsteini týndist í
Reykjavík rétt fyrir síðustu helgi.
Nafnið Herdís Ásgeirsdóttir er
grafíð í hann að innanverðu.
Finnandi vinsamlegast hringi í
síma 15846, helst fyrir 10 á
morgnana. í boði em fundarlaun.
Ömurleg auglýsing á
Bylgjunni
Hlustandi hringdi:
„Mér finnst alveg ömurleg aug-
lýsing um umferðarmál á Bylgj-
unni þessa dagana. Þar er sagt
frá ungri stúlku, sem er í bíl með
kærasta sínum og ekur hann of
hratt. Mér fínnst verið að dæma
alla stráka út frá þeim sem keyra
of hratt. Það má ekki gleyma
því, að stelpur geta líka gert það.“
Undrun vegna þáttarins
um „Mann vikunnar“
Sigurlaug Tryggvadóttir
hringdi:
„Mér er orða vant til að lýsa
ógeði mínu og undmn vegna þátt-
arins um „Mann vikunnar" 20.
ágúst. Þessi þáttur var í einu orði
sagt andstyggilegur."
Námskeið
Sjálfsþekking - Sjálfsöryggi
Á námskeiðinu kynnast þátttakendur:
• Hvaða persónulegan stíl þeir hafa í samskiptum
• Hvernig má greina og skilja samskipti
• Hvernig ráða má við gagnrýni
• Hvernig finna má lausnir í árekstrum
• Hvernig læra má samskipti sem auka sjálfsöryggi
Leiðbeinendur
eru
sálfræðingarnir
Áifheiður Steinþórsdóttir og Guðfinna Eydal.
r
Innritun og nánari upplýsingar
í símum Sálfræðistöðvarinnar:
62 30 75 og 21110 kl. 11-12.
Tveir menn í fjölmennu samkvæmi ræðast
við:
„Það er nú frekar leiðinlegt hérna, finnst
yður ekki?“
„Jú, það er svo sannarlega rétt.“
„Eigum við ekki að stinga af?“
„Nei, ég get það varla, — ég er gestgjafinn."
KÓKÓMJÓL/c FifKÍR 6LATT FÓLK !
| MjÓLKURSAMSALAN í REYKjAVlK ~