Morgunblaðið - 11.12.1990, Blaðsíða 76

76
MORGUNBLAÐIÐ ÞRIÐJUDAGUR 11. DESEMBER 1990
„ þessi homar faittir stöáagt
5~cm tiL i/irtsérr."
Ást er...
•JfiK
IO-ICV1
. .. blómlegt fjolskyldulíf.
TM Reg. U.S. Pat Off.—all riflhu reserved
® 1990 Los Angeles Times Syndicate
A K 3
Hve stórtækur ætlar þú að
vera hér í kvöld?
Ég hélt að þetta augnablik
væri rómantískara.
Sterkari Sjálfstæðisflokkur
Til Velvakanda.
Sú ákvörðun þingflokks Sjálf-
stæðisflokksins að lýsa andstöðu
við bráðabirgðalög ríkisstjórnarinn-
ar á samninga BHMR hefur valdið
miklum úlfaþyt undanfarna daga.
Margir hafa sakað Sjálfstæðis-
flokkinn um óábyrga afstöðu, talið
hann og þá sérstaklega formann
hans sekan um að vilja hnekkja
hinni svokölluðu þjóðarsátt með
framgöngu sinni. Atvinnurekendur
segja flokkinn bregðast sér, verka-
lýðsforkólfar tala um atlögu að
kjörum launafólks.
Hið sanna í þessu máli er að ríkis-
stjórnin hefur aldrei verið í stakk
búin til að halda þjóðarsáttina. Hún
stóð að samningum við BHMR sem
hún gat ekki staðið við. í stað þess
að leita eftir viðræðum við forystu-
menn félagsins strax og ljóst var
að samningana yrði ekki hægt að
halda, voru sett bráðabirgðalög sem
bijóta í bága við lög og stjórnar-
skrá. Atlaga ríkisstjórnarinnar að
þjóðarsáttinni heldur áfram: Aukin
skattheimta um tvo milljarða króna,
fjárlagahalli og óstjórn sjá til þess.
Sjálfstæðisflokkurinn gat aldrei
samþykkt það mannréttindabrot
sem þessi bráðabirgðalög fela í sér,
bæði stefnu sinnar vegna og sögu
sinnar. Sú ákvörðun að greiða at-
kvæði gegn lögunum var því nauð-
synleg og um leið aðdáunarverð.
Hún sýnir trúnað formanns flokks-
ins og þingflokks hans um stefnu
flokksins. Hún sýnir þor til að tak-
ast á við hagsmunahópa sem löng-
um hafa viljað seilast til aukinna
áhrifa rnnan Sjálfstæðisflokksins.
Hún sýnir að sjálfstæðismenn eru
óhræddir við að ganga til kosninga
og leysa úr þeim vanda sem skap-
ast hefur.
Flokkur sem gerist gólftuska
ríkisstjórnar þegar hvikulir stuðn-
ingsmenn hennar bregðast er ekki
líklegur til stórra afreka.
Flokkur sem er stjórnað af hags-
munahópum, en sem fórnar stefnu
sinni getur aldrei orðið það stjórn-
málaafl sem honum ber að vera.
Ákvörðun þingflokks Sjálfstæð-
isflokksins sýnir, að skilningur á
þessu er fyrir hendi hjá forystu
flokksins. Þessi ákvörðun mun
verða til þess að styrkja innviði
flokksins og efla traust á forystu
hans. Hún sýnir að forysta Sjálf-
stæðisflokksins hefur styrk og þor
til að takast á við þau vandamál
sem núverandi ríkisstjórn mun
skilja eftir sig. Hún sýnir að flokk-
urinn hefur festu til að vinna af
heilindum og treysta þá þjóðarsátt
sem skapast hefur, ekki með svik-
um og lögbrotum, heldur sjálfstæð-
isstefnunni, þeirri stefnu sem verið
hefur flokknum leiðarljós í sextíu
ára baráttu gegn ofstjórn og spill-
ingu.
Þorsteinn Siglaugsson
Við getum fækkað skuggum
Til Velvakanda.
Hver maður hefir áhrif annað-
hvort til ills eða góðs, sagði gamall
vinur minn. Eins og þú heilsar öðr-
um ávarpa aðrir þig. Þetta eru
sannmæli. Við getum gert þjóðlíf
okkar betra. Við getum fækkað
skuggunum. Við getum látið' Ijósin
loga skærar og breytt böli í ham-
ingju. Þetta vitum við öll. Og þá
kemur alltaf þessi spurning upp í
hugann: Hvers vegna ekki að gera
það? Það er talað um forvarnir gegn
allskonar ósóma. En hvað eru for-
varnir? Eru ekki bestu forvarnir
okkar fólgnar í því að ganga fram
með góðu fordæmi. Hvernig getum
við vænst þess af æskunni að hún
lendi ekki í villu ef við höfum alls-
konar ósóma fyrir henni. Hver
byggir upp heimilin. Eru það ekki
við? Það þarf ekki nema eitt heim-
ili sem tekið er eftir sem góðu for-
dæmi þá koma mörg á eftir. Getum
við búist við að aðrir gangi mjóa
veginn, þegar svona margir
þramma hinn breiða. Er ekki alltaf
verið að leggja fleiri snörur fyrir
saklausa unglinga. Og þegar það
er gert af þeim sem blessuð börnin
líta upp til er ekki von á góðu.
Hver ber ábyrgðina? Eru það ekki
þeir sem eiga að vera í forystu
góðra verka? Enginn efi. Hafa menn
yfirleitt hugleitt þetta. Hefir þó
góði vinur gert þér í hugarlund að
þú ert annaðhvort ljósgeisli í þessu
lífi, eða skuggi þar sem myrkrið á
bækistöðvar? Finnst ekki þjóð minni
í dag vera ískyggilegt allt þetta
mannlega myrkur í öllu, hvort það
er í heimilislífi, viðskiptum, fé-
lagslífí, eða öðru. Hvernig ætlast
menn til sem byija afmælisfagnaði
með áfengi að börnin gangi ekki
sömu slóð. Þetta er siður. Eg verð
að gera þetta eins og hinir, er sagt
við mig. Skammdegið færist í auk-
ana. Hið árlega skammdegi. En er
ekki verið að gera þetta skammdegi
enn svartara með því að freista
mannssálarinnar með allskonar
vímuefnum. Gróði, gróði og aftur
gróði blindar svo margan og þá
skiptir minnstu hvernig sá gróði er
myndaður. Líður þeim vel í alls-
nægtum sem hafa slökkt ljósið fyr-
ir öðrum? Varla. Við eigum gott
land. Við eigum svo góð og saklaus
börn. Við erum í raun hamingjusöm,
ef ekki væri .þetta illa sem alltaf
er að þvælast fyrir og settur fótinn
fyrir blessaða æskuna um leið og
hún þarf svo mikið á styrk þjóðfé-
lagsins að halda. Við skulum íhuga
þessi mál í fullri alvöru. Það er
ekkert mál að ef við leggjumst á
eitt. Með orð frelsarans í farar-
broddi, mætti stórfækka í allri lög-
reglu, stórfækka öllum drykkju-
mannahælum, sjúkdómum, og öðru
sem kemur í veg fyrir heilbrigt og
fagurt líf. Ertu ekki sammála? Og
er ekki kominn tími til að hætta
að leggja blóm á leiði dáins manns
en láta jjyma á vegum hinna spretta.
Árni Helgason
Þriðja heimsstyrjöldin?
Til Velvakanda.
Ég er að hugleiða hvort spádóm-
ur Nostradamusar um þriðju heims-
styijöldina sé að rætast. Mér datt
þetta svona í hug, í sambandi við
stríðsrekstur Bandaríkjamanna -
og nú í þriðja sinn í annarra manna
löndum - Kórea - Víetnam og nú
síðast Flóinn 15. janúar.
Er núverandi forseti Banda-
ríkjanna tilbúinn til að fórna öllum
þessum mannslífum út af barátt-
unni um olíuna? Hvað varðar okkur
um innanhússeijur tveggja bræðra
í trúnni á Allah? Annar er fátækur
hinn ríkur - veður í eiginkonum
og hjákonum með fjárfestingar líkt
og Japanir um alla hina vestrænu
byggð. Þetta er innanríkismál, sem
oss ber ekki að skipta okkur af.
Taki einhver að sér stjórn, hvort
sem er heimili eða ríki, ber hann
eða hún ábyrgð á sínum þegnum.
Guðrún Jacobsen
HÖGNI HREKKVÍSI
f,CG PBK 5W0 í M/eTUei//MNU ! "
Víkveiji skrifar
Ihverri viku berast fjölmargar
greinar til ritstjórnar Morgun-
blaðsins, sem óskað er birtingar á
og er orðið við þeim óskum í lang-
flestum tilvikum. Yfirleitt er frá-
gangur á handritum góður en þó
eru of mörg dæmi þess, að höfund-
ar lesa greinar sínar ekki nægilega
vel yfir áður en þær eru sendar til
blaðsins. Afleiðingin er sú, að ýmist
er of mikið af málvillum í þeim
greinum eða stafsetningarvillum.
Líklega hugsa þeir höfundar, sem
senda slíkar greinar frá sér, eitt-
hvað á þá leið, að starfsmenn Morg-
unblaðsins muni lagfæra þessar víll-
ur og auðvitað er það gert, eftir
því sem kostur er. En satt bezt að
segja er það til of mikils mælzt,
að starfsmenn blaðsins taki að sér
hlutverk kennara, sem er að fara
yfir stíla nemenda sinna með þess-
um hætti. Þess vegna vill Víkverji
beina þeím tilmælum til þeirra, sem
senda blaðinu greinar til birtíngar,
að þeir lesi handritin vandlega yfir,
áður en þau eru send til blaðsins,
þannig að þau séu að mestu villu-
laus. Þá er líka meiri trygging fyr-
ir því, að greinarnar birtist þannig,
að þær verði bæði höfundi og blað-
inu til sóma.
XXX
Ríkisútvarpið sendi út í fyrradag
fróðlegan og skemmtilegan
þátt þar sem gripið var niður í frétt-
ir útvarpsins í 60 ár. Þessi þáttur
sýndi glögglega hvílík náma af fróð-
leik um liðna tíð útvarpið er, sem
virðist geyma upptökur af öllum
fréttum stofnunarinnar. Vel gerðir
þættir úr 60 ára sögu Ríkisútvarps-
ins hafa einnig verið sýndir í sjón-
varpinu.
Það er umhugsunarefni, hvort
hægt er að gera sumt af þessu efni
aðgengilegt fyrir almenning í ein-
hveiju formi. Það er t.d. ómetanlegt
fyrir þær kynslóðir Vestmanney-
inga, sem ekki upplifðu gosið 1973
að kynnast því með því að hlusta
á fréttasendingar útvarpsins eins
og þær voru endurfluttar í fyrradag.
xxx
Ifréttatíma Stöðvar 2 í fyrrakvöld
var sagt frá tillögum yfirskoð-
unarmanna ríkisreiknings frá 1988
um að breyta þeim reglum, sem nú
gilda um ferðakostnað ráðherra,
þingmanna og annarra embættis-
manna. Þar kom fram, að skv. nú-
gildandi reglum fá ráðherrar
greiddan allan hótelkostnað og
risnukostnað erlendis en fá jafn-
framt 125% dagpeninga. Víkveiji
telur sig hafa vissu fyrir því, að
svipaðar reglur gildi um alþingis-
menn og æðstu embættismenn.
Skv. frásögn sjónvarpsstöðvar-
innar töldu yfirskoðunarmenn á
þeim tíma eðlilegt, að menn hefðu
ekki kostnað af slíkum ferðum en
heldur ekki tekjur og lögðu til, að
þeir sem fá hótelkostnað greiddan
fái einungis 75% dagpeninga. Þetta
er augljóslega skynsamleg ráðstöf-
un, sem þarf að koma í framkvæmd.