Morgunblaðið - 28.05.1992, Síða 12

12
MORGUNBLAÐIÐ PIMMTUDAGUR 28. MAÍ 1982
"var einhver að tala um
á útimálningu og viðarvörn?"
VERÐDÆMI
Komdu og kynntu þér málin og gerðu
OÓÐ LvidJP
IMfflBliWr
OrentAavtgi 11 • Reykjmfk • Stmi #3600
METRÓ
mögnud verslun í mjódd
Álfabakka 16 @670050
G.Á. Böðvarsson hf.
SELFOSSI
%
mna§Uhi
akranesi
$
Sjúkrapúða
í hvem bíl
eftir Jón Baldursson
Allt of margir telja sig þess
ekki umkomna að veita fyrstu hjálp
á slysstað og finnst að aðhlynning
slasaðra hljóti að vera verkefni
þeirra sem hafa þekkingu og
reynslu í hjúkrun af einhveiju tagi.
Við sem störfum í heilbrigðisþjón-
ustunni vitum að þetta er hættu-
legur misskilningur því skyndihjálp
og fyrstu viðbrögð eftir komu að
slysi geta ráðið úrslitum um líf og
heilsu hin slasaða.
Rauði kross íslands og Lands-
björg hafa um áratuga skeið stuðl-
að að slysavörnum í landinu og
þróað ýmis konar úrræði til bjarg-
ar mannslífum. Nú ætla samtökin
að gangast fyrir sérstöku átaki til
að selja sjúkrapúða í bíla og munu
sjálfboðaliðar ganga í hús og bjóða
þessa nauðsynjavöru til sölu. Er
takmarkið að selja púða í hvern
bíl á landinu.
Hjartastopp — bráðar
blæðingar
Því miður er það svo að þeir sem
koma að umferðarslysi eiga oft
örðugt með að veita aðstoð vegna
þess að nauðsynleg hjálpartæki
vantar á slysstað. Þar kemur
sjúkrapúði Rauða krossins og
Landsbjargar í góðar þarfir. í hon-
um er að finna nauðsynlega hluti
til að binda um sár og veita aðra
þá bráðaaðstoð sem getur ráðið
úrslitum. Þar er auk þess að finna
ýmis góð ráð í þeim tilfellum sem
hinn slasaði er í bráðri lífshættu,
t.d. ef um meðvitundarleysi er að
ræða, hjartastopp, bruna eða bráða
blæðingu.
Sá sem á sjúkrapúða þarf von-
andi aldrei að nota hann, en ef
hans verður þörf er betra að kunna
skil á því sem í honum er. Þess
vegna er nauðsynlegt að lesa vel
allar leiðbeiningar og allra best er
að æfa sig í meðferð þeirra hluta
sem þar er að finna. Slík æfing,
t.d. með fjölskyldunni eða vinnufé-
lögunum, tekur ekki nema örfáar
mínútur, en reynslan sem þar fæst
getur reynst öðrum dýrmæt þegar
á reynir og jafnvel bjargað manns-
lífí.
Ættingjar okkar
Umferðin á íslandi er hættuleg
og enginn veit hver greiðir næst
þann toll sem umferðarslysin taka
á degi hveijum. Við skulum vera
þess minnug að úti í umferðinni
er ekki aðeins að finna fólk sem
við ekki þekkjum, heldur líka ætt-
ingja okkar og vini, böm, foreldra
eða maka. Eitthvert þeirra gæti
verið fómarlambið þegar við kom-
um að slysi og þá, eins og endra-
nær, er vissara að vera við öllu
búinn.
Við sem störfum á slysadeildum
sjúkrahúsanna verðum oft vitni að
ólýsanlegum hörmungum fólks
sem verður fyrir barðinu á þessum
þarfasta þjóni nútímans, bifreið-
inni. Að lokinni aðhlynningu á okk-
ar deild tekur oft við löng vist á
sjúkrahúsi og enn lengri sjúkra-
Jón Baldursson
„Rauði kross íslands og
Landsbjörg hafa um
áratuga skeið stuðlað
að slysavörnum í land-
inu og þróað ýmis kon-
ar úrræði til bjargar
mannslífum.“
þjálfun — ef viðkomandi er hepp-
inn. Þeir eru margir sem aldrei
bíða þess bætur og búa við skerta
starfsorku til æviloka. — í ár og
áratugi eftir að klausan um slysið
birtist í einhveiju dagblaðanna.
Sjálfboðaliðar
í öllum tilvikum skiptir aðhlynn-
ing á slysstað miklu máli og þar
verða þeir slösuðu að treysta á þá
vegfarendur sem fyrstir koma að.
Við skulum ekki bregðast því
trausti heldur gera okkur í stakk
búin að veita alla þá aðstoð sem
unnt er að láta í té. Þar getur
sjúkrapúðinn komið í góðar þarfir.
Ég skora á landsmenn að taka
vel á móti sjálfboðaliðum Rauða
krossins og Landsbjargar þegar
þeir ganga í hús næstu daga og
bjóða til sölu þá hjálp sem getur
ráðið úrslitum um björgun manns-
lífa — jafnvel okkar nánustu. Höf-
um það í huga.
Höfundur er læknir á slysadeild
Borgarspítalans í Rcykjavík.
-----» ♦ 4----
Vatnslitamynd-
ir í Eden
BJARNI Jónsson, b.jóns, listmál-
ari hefur opnað sýningu á litlum
vatnslitamyndum í blómaskálan-
um Eden í Hveragerði.
Á sýningunni eru um 50 myndir
sem gerðar hafa verið á undanförn-
um árum og er myndefnið mjög
fjölbreytt. Sýningin stendur til 8.
júní.

' ■ •’ ■,., ... ;■ ' ■■■■■■' ■ : :■ . ■ ..■ ••
ÞETTA RÖR ER NÍÐSTERKT EN ÞÚ LEGGUR ÞAÐ SAMT LÉTTILEGA
REYKJALUNDUR
MEÐ VATNIÐ Á HREINU!