Morgunblaðið - 11.12.1993, Qupperneq 23

MORGUNBLAÐIÐ LAUGARDAGUR 11. DESEMBER 1993
23
Tímamót í sögu Graf-
arvogssafnaðar
hafði verið á bilinu ein til tvær
milljónir ísl. kr. á einstakling fyrir
meðferðina.
Er það ekki þetta sem sparnaður
í heilbrigðisþjónustunni ætti m.a.
að íjalla um? Verður ekki íslenski
heilbrigðisráðherrann að læra að
skilja þessa hugsun? Að loka heim-
ilinu að Gunnarsholti felur ekki
annað í sér en að stofna til kostnað-
ar (sennilega meiri) annars staðar
í kerfinu. Maður verður að reyna
að átta sig á því hvað sé árangur
af meðferð og hvað það felur í sér
að ná þessum árangri í heild og
að til er fólk sem ekki nær árangri
en þarf engu að síður á hjálp að
halda.
Starfsemi SÁÁ er fyrirbyggjandi
í sjálfu sér. Það er dæmi um sparn-
að í heildarsamhengi heilbrigðis-
þjónustunnar sem a.m.k. Svíar eru
að reyna að tileinka sér. Um árang-
ur af hinni nýju meðferðarlínu geð-
deildarinnar að Vífilsstöðum skal
ósagt látið, en þess getið að fyrir-
byggjandi starf og nýjar áherslur
skila oft árangri þegar til lengri
tíma er litið og er það af hinu góða.
Eins og fram kemur af afstöðu
heilbrigðisstarfsfólks sem getið var
hér að framan og grein þeirra Tóm-
asar og Óttars ber með sér er það
allt of algengt að menn innan heil-
brigðisþjónustunnar horfi einungis
til þess sem þeir sjálfir eru að gera.
Þannig sést mönnum yfir hlutverk
sitt og vægi í heildarsamhengi þeirr-
ar þjónustu sem samfélagið þarfn-
ast. Þetta leiðir til þess að yfirmenn
heilbrigðismála taka stundum sam-
hengislausar geðþóttaákvarðanir,
illa yfirvegaðar og óskiljanlegar eins
og nú virðist hafa orðið með Gunn-
arsholt og boðaður niðurskurður á
fjárframlögum til áfengismeðferðar
felur í sér.
Höfundur er framkv.stj.
afeitrunarsjúkrahúss í Svíþjóð.
Hann hefuráttsæti íStjórn
sjúkrastofnana Reykjavíkur
(1986-1990).
eftir Vigfús Þór
Arnason
Það var fyrir rúmum fjórum
árum að eiginlegt safnaðarstarf
hófst í Grafarvogssókn í Reykjavík-
urprófastsdæmi eystra. Stuttu áður
eða 5. júní 1989 var stofnfundur
Grafarvogssóknar haldinn. Fyrsta
verk nýkjörinnar sóknarnefndar
var að velja fyrsta sóknarprestinn.
Á fyrsta fundi sóknarnefndar
kom fram áhugi á að reyna að
koma upp kirkjubyggingu sem
fyrst, þar sem það skiptir megin
máli fyrir alla söfnuði að hafa
starfsaðstöðu, að ekki sé talað um
í kirkjusókn þar sem fjölgun sókn-
arbarna hefur verið mjög mikil frá
ári til árs. Þegar sóknin var stofnuð
tilheyrðu henni rúmlega þtjú þús-
und sóknarbörn, en nú fjórum árum
síðar eru þau orðin níu þúsund tals-
ins.
Safnaðarstarfíð hófst síðan með
Innsetningarguðsþjónustu sem fór
fram 22. október 1989 í Félagsmið-
stöðinni Fjörgyn. Dómprófastur
séra Guðmundur Þorsteinsson setti
nýkjörinn sóknarprest, séra Vigfús
Þór Árnason, í embætti. í félags-
miðstöðinni Fjörgyn hefur söfnuð-
urinn haft aðstöðu allt til dagsins
í dag, þá er við flytjum með allt
safnaðarstarfið í Grafarvogskirkju.
Það hefur verið gott að starfa í
Fjörgyn og samstarfið við starfs-
fólkið þar og í skólanum hefur ver-
ið mjög gott, en eðlilega hefur ekki
verið hægt að komast að með allt
starfið þar í félagsmiðstöð sem
fyrst og síðast er ætluð fyrir félags-
starf unglinganna. En þrátt fyrir
aðstöðuleysið hefur söfnuðurinn
tekið virkan þátt í safnaðarstarfinu
og guðsþjónustur hafa verið afar
vel sóttar.
.Ef við lítum aðeins að þessu
hausti þá má segja að það hafi
verið fullt út úr dyrum við hveija
guðsþjónustu, bæði barna og al-
mennar guðsþjónustur. Slíkan hug
sóknarbarnanna til kirkjunnar ber
að þakka, en við vitum og trúum,
að enn mun starfið vaxa, er við
fáum aðstöðu í okkar eigin kirkju.
Nú þegar fyrri áfangi kirkjunnar
verður vígður eignumst við safnað-
arsal, sem notaður verður fyrir
guðsþjónustur, barnamessur,
æskulýðssamkomur, tónleika
o.s.frv. Á þeirri hæð kirkjunnar
sem nú verður tekin í notkun, er
einnig fundarherbergi, kennslu-
stofa fyrir fermingarbörnin og að-
staða fyrir æskulýðsfélag, skrif-
stofa sóknarprests, eldhús, tækja-
geymsla, tæknirými o.s.frv.
Þegar litið er til safnaðarstarfs-
ins kemur fljótt upp í hugann hve
lánsöm við höfum verið með fólk
sem hefur valist til forystu í söfn-
uðinum. Við eigum að fólk sem er
reiðubúið að fórna óendanlega
miklum tíma fyrir söfnuðinn. Það
er því eðlilegt við þau tímamót sem
nú blasa við að þakka öllum sem
hafa lagt hönd á plóginn fyrir fórn-
fúst starf á liðnum árum, um leið
og við hlökkum til að halda áfram
uppbyggingarstarfinu.
Byggingu kirkjunnar sem stend-
ur mjög miðlægt í sókninni, er
ekki lokið. Enn er unnið að allri
gerð hennar, en hún er teiknuð af
Séra Vigfús Þór Árnason.
„Það upphaf markast
af vígslu næsta sunnu-
dag, 12. desember, þá
er biskup Islands herra
Ólafur Skúlason vígir
fyrri áfanga kirkjunn-
ar. Vígsluathöfnin
hefstkl. 16.00.“
arkitektunum Finni Björgvinssyni
og Hilmari Þór Björnssyni.
Næstu verkefni verða væntan-
lega að ganga frá kirkjunni utan-
húss og fegra allt umhverfi henn-
ar. Hér má bæta við því verkefni
sem er uppbygging á Borgarbóka-
safni í kirkjunni. Því verkefni, þeirri
áætlun Reykjavíkurborgar, hefur
verið fagnað mjög svo, af íbúum
hér í Grafarvogi.
Þegar þetta er skrifað er farið
að líða á aðventu, sem ávallt er
yndislegur tími. Þá tendrum við
aðventuljósin sem lýsa svo bjart í
skammdegismyrkrinu. Öll benda
þau í eina átt, til þess „sem stend-
ur við dyrnar og knýr á, til þess“
sem brýtur ekki brákaðan reyrinn“,
til þess „sem varð hold á jörð og
býr með oss“. Fyrir okkur sem
búum í Grafarvogi, verður þessi
aðventa sérstaklega minnisstæð,
þar sem við erum nú að eignast
hús, kirkju, hvar starfið fyrst og
síðast mótast af boðskapnum um
aðyentukonunginn, um barnið sem
fæddist á hinum fyrstu jólum, mót-
ast af boðskapnum um Jesú Krist.
Við hefjum nú starfið í húsi sem
er tileinkað honum, þar sem allt
starfið er unnið Guði til dýrðar og
manninum til heilla. Það upphaf
markast af vígslu næsta sunnudag,
12. desember, þá er biskup Islands
herra Ólafpr Skúlason vígir fyrri
áfanga kirkjunnar. Vígsluathöfnin
hefst kl. 16.00.
Við þessi tímamót í sögu safnað-
arins má óska sóknarbörnum í
Grafarvogi til hamingju með merk-
an áfanga.
Höfundur er sóknarprestur í
Grafarvogssókn.
FLÍSASKERAR
OG FLISASAGIR
z - -±- -'ó s
-1 iyfi 1U
lis m
Stórhnfða 17. við Gullinbrú,
sími 67 48 44

RAUNSÖNN FRÁSÖGN JÓHÖNNU KRISTJÓNSDÓTTUR
3.290 kr.

ALMENNA BÓKAFÉLAGIÐ
- góð bók um jólin
H F
Margbrotíð líf
Jökuls Jakobssonar
.UND,

Jóhanna er raungóð kona og sannkölluð hetja sem
• barist heíur við lausn ýn ú isa verk-
ITie^ ótrúlegum ártuigri."
i.Það þarf vissulega kjark til að opinbera
einkalíf sitt með þeim hætti sem hér heíur
veriðgert"
. Jón Birgir Pétursson,
I * Alþýðublaðið 3. desember
o
&
s&tí
^sember