Morgunblaðið - 10.11.1994, Blaðsíða 1

Morgunblaðið - 10.11.1994, Blaðsíða 1
88 SIÐUR B/C/D wttmiÞIiiMfe STOFNAÐ 1913 257. TBL. 82. ARG. FIMMTUDAGUR 10. NOVEMBER 1994 PRENTSMIÐJA MORGUNBLAÐSINS Demókratar bíða mikínn ósigur í sögulegum kosningum í Bandaríkjunum Clinton seg- ir ábyrgðina sína að hluta Washington. Reuter. REPÚBLIKANAR unnu stórsigur á demókrötum í kosningunum í Banda- ríkjunum á þriðjudag og fengu meirihluta í báðum deildum þingsins í fyrsta skipti í 40 ár. Þetta er mikið áfall fyrir Bill Clinton forseta, sem sagði í gær á fyrsta blaðamannafundi sínum eftir kosningarnar að kjósend- ur hefðu dregið demókrata til ábyrgðar fyrir að standa ekki undir þeim vonum sem við þá voru bundnar. „Ég viðurkenni minn hluta ábyrgðarinn- ar á þessum kosningaúrslitum," bætti forsetinn við og lýsti kosningunum sem „byltingu". Hann lofaði ennfremur að gera allt sem á valdi hans stæði til að tryggja gott samstarf við repúblikana á þinginu. Clinton ræddi í gær við Robert Dole, leiðtoga repúblikana í öld- ungadeildinni, og Newt Gingrich, sem verður-að öllum líkindum næsti forseti fulltrúadeildarinnar. „For- setinn gerði þeim ljóst að hann myndi bjóða þeim samvinnu, að hann vildi samstarf við leiðtoga repúblikana og meirihluta þeirra á þinginu," sagði fréttafulltrúi Clint- ons, Dee Dee Myers. „Framtíð bandarísku þjóðarinnar er í veði." Cuomo féll „Ég vil láta þig vita strax að við viljum vinna með þér þegar við getum það," kvaðst Dole hafa sagt við Clinton. „Ég tel ekki að við tök- umst strax á við hluti sem kalla á átök við forsetann," sagði Gingrich. Hann hvatti þó til þess að nýja þing- ið léti mikið að sér kveða fyrstu 90 dagana eftir að það kemur saman í janúar. Repúblikanar fengu einnig flest ríkisstjóraembættin, meðal annars í tveimur af höfuðvígjum demó- krata, New York og Texas. Mario Cuomo, sem hafði verið ríkisstjóri í New York í þrjú kjörtímabil, beið ósigur fyrir lítt þekktum repúblik- ana, George Pataki. Ann Richards, ríkisstjóri í Texas, tapaði fyrir George W. Bush, syni forsetans fyrrverandi. Repúblikanar verða með ríkis- stjóra í að minnsta kosti 29 ríkjum eftir kosningarnar og demókratar í 20. Ekki var enn vitað í gær hver verður ríkisstjóri Maryiand. Demókrati tilliðs við repúblikana Reuter. RICHARD Shelby, öldungadeildarþingmaður frá Alabama, tilkynnti í gær að hann hefði ákveðið að segja skilið við demókrata og ganga til liðs við repúblikana. Við það jókst meirihluti repúblik- ana, sem hafa nú 53 sæti í öldungadeildinni en demókratar 47. „Ég.taldi að svigrúm væri fyrir íhaldssaman demókrata frá suðurríkjunum í Demókrataflokknum. Það reyndist hins vegar ekki- vera rétt," sagði Shelby. Á myndinni sýnir hann samstöðu með Robert Dole, leiðtoga repúblikana í öldungadeildinni (t.v.), og Phil Gramm, þingmanni repúblikana frá Texas. Repúblikanar eru nú með 53 þingmenn í öldungadeildinni og demókratar 47. Meirihluti repúblik- ana í fulltrúadeildinni er naumur; þeir þurftu að vinna 40 þingsæti og bættu við sig að minnsta kosti 47. Margir repúblikanar líta svo á að eftir þessi úrslit sé baráttan fyr- ir forsetakosningarnar 1996 í raun hafin og þeir telja sig eiga sigur vísan. „Dauðadómur yfir Clinton" Mörg dagblöð í Evrópu sögðu úrslitin „dauðadóm yfir Clinton" og fréttaskýrendur óttuðust að þau héfðu áhrif á utanríkisstefnu Bandaríkjastjórnar þótt Warren Christopher utanríkisráðherra segði í gær að svo yrði ekki. Stjórnarer- indrekar sögðu að Clinton myndi beita sér meira í utanríkismálum en áður þar sem ljóst væri að hann gæti ekki knúið fram þær umbætur sem hann stefndi að heima fyrir. ¦ Þingleiðtogum hafnað/18 ¦ Repúblikanar sáttfúsir/31 ¦ Leiðari: Ósigur demókrata/30 Þjóðaratkvæðið um ESB í Svíþjóð Stjórnin sökuð um hálfvelgju Aðeins þrír ráðherrar sagðir beita sér að ráði í umræðumii um ESB Carlsson Kaupmannahöfn. Morgunblaðið. EFTIR því sem nær dregur þjóðaratkvæðinu um aðild Svía að Evrópusamband- inu (ESB) á sunnudag vex ör- vænting þeirra semstyðja aðild- ina. í sænska dag- blaðinu Dagens Industri hafa Ing- var Carlsson forsætisráðherra og sænska stjórnin verið gagnrýnd fyrir að beita sér ekki nóg fyrir inngöngu Svía, sérstaklega nú þessa síðustu viku fyrir kosningar. Landbúnaðarráð- herra á móti aðild Blaðið segir að aðeins þrír ráð- herrar beiti sér að einhverju marki í ESB-umræðunni, meðan hinir leiði hana að mestu hjá sér. Einn af atkvæðamestu andstæðingun- um er Margareta Winberg land- búnaðarráðherra. Sænsku land- búnaðarsamtökin hafa hins vegar lýst yfír stuðningi við ESB-aðild og um alla Svíþjóð hanga vegg- skilti með stuðningsyfirlýsingum frá þeim. Jafnaðarmenn klofnir Það vakti athygli þegar Carls- son útnefndi Winberg sem land- búnaðarráðherra, en Carlsson ákvað að hafa einnig ESB-and- stæðinga með, þar sem flokkur hans, Jafnaðarmannaflokkurinn, er klofinn í tvennt í afstöðunni til ESB. Gagnrýnendur Carlssons álíta að framganga hans mótist af þessum sterku andstæðum í flokknum. ¦ Norskir Evrópusinnar/16 Rcutcr „Ekkjustríð" í kosning- unum á Sri Lanka KJOSENDUR á Sri Lanka gengu að kjörborðinu í gær í „Ekkjustríðinu", sem svo hefur verið kallað, forsetakosning- um þar sem tvær konur og ekkjur keppa eftir embættinu. Er önnur þeirra Chandrika Bandaranaike Kumaratunga forsætisráðherra og er hún fyrir miðri mynd á kjörstað í Colombo ásamt móður sinni. Hin konan er Srima Dissanay- ake. Báðar misstu konurnar eigin- menn sína fyrir morðingja- , hendi. Er Kumaratunga spáð sigri en úrslitin eiga að liggja fyrir í dag. Tékkland Stefnt að ESB-aðild áríð 1999 Prag. Reuter. VACLAV Klaus, forsætisráðherra Tékklands, sagði í gær að Tékkar myndu sækja um aðild að Evrópu- sambandinu (ESB) árið 1996, en kvað ekki raunhæft að ætla að þeir gengju í sambandið fyrr en árið 1999. „Viðræðurnar hefjast eftir ríkja- ráðstefnu sambandsins árið 1996 og við teljum aðild geta orðið að veru- leika árið 1999," sagði Klaus. Pól- land og Ungverjaland urðu fyrstu fyrrverandi kommúnistaríkin til að sækja um fulla aðild að Evrópusam- bandinu fyrr á árinu. Joseph kruzel, aðstoðarvarnar- málaráðherra Bandaríkjanna, sagði í gær að Bandaríkjastjórn vildi að Atlantshafsbandalagið (NATO) tæki af skarið um að ný lýðræðisríki í Mið- og Austur-Evrópu gætu fengið aðild að bandalaginu. Hann sagði að á fundi varnarmála- og utanríkis- ráðherra NATO í næsta mánuði yrði útskýrt í smáatriðum hvaða skilyrði ríkin þyrftu að uppfylla til að fá aðild, þótt ekki yrði ákveðið hvenær af inngöngunni gæti orðið.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.