Morgunblaðið - 28.11.1996, Blaðsíða 4

Morgunblaðið - 28.11.1996, Blaðsíða 4
4 FIMMTUDAGUR 28. NÓVEMBER 1996 MORGUNBLAÐIÐ FRETTIR 161 sækir um styrk úr Kvik- myndasjóði 161 UMSÓKN barst um styrk úr Kvikmyndasjóði íslands en til sam- anburðar má geta þess að 107 umsóknir bárust á síðasta ári og 88 árið áður. Umsóknirnar nú skiptast þannig að 26 umsóknir bárust um fram- leiðslustyrk fyrir bíómyndir, 83 um handritastyrk fyrir bíómyndir, 17 um framleiðslustyrk fyrir heimilda- myndir 7 um handritsstyrk fyrir heimildamyndir,—3 umsóknir um undirbúning og kynningu á heim- ildamyndum, 11 um framleiðslu- styrk fyrir stuttmyndir, 11 umsókn- ir um handritsstyrk fyrir stutt- myndir, 1 umsókn um framleiðslu á teiknimynd og 2 um annað. I frétt frá Kvikmyndasjóði segir, að helsta skýringin á þessari fjölg- un sé fjöldi handritaumsókna, eða 83 talsins, sem skýra má af þeirri nýbreytni í Kvikmyndasjóði að styrkja handritagerð og handrita- þróun með afgerandi hætti. Stefnt er að því að veita 10 handritaum- sækjendum brautargengi, með það fyrir augum að þeir eigi kost á að hljóta frekari styrki með því að fullvinna handritið. Eriftt er að meta hver er heildar- upphæð þeirra styrkja, sem óskað er eftir, en varlega áætlað er hún í kringum einn milljarð króna. Ef aðeins eru skoðaðar umsóknir um framleiðslu á leiknum kvikmynd- um (26 talsins) kemur í ljós að samanlagður framleiðslukostnaður þeirra er rösklega 2,5 milljarðar króna. Þar af er sótt um styrki úr Kvikmyndasjóði fyrir rösklega 640 milljónir króna. Fjárþörfin úr Kvikmyndasjóði fyrir þessar 26 kvikmyndir er í raun miklu hærri, en umsækjend- um er ekki heimilt að óska eftir hærri styrkjum en sem nemur 35% af framleiðslukostnaði. Kona fyrir bíl KONA á sextugasta og þriðja ald- ursári varð fyrir bifreið á horni Flókagötu og Snorrabrautar í gærmorgun og slasaðist talsvert. Konan var á leið yfir götuna þegar bifreiðin, sem ók suður Snorrabraut, ók á hana. Konan fékk höfuðhögg auk meiðsla á baki og fótum. Hún var flutt á slysadeild með sjúkrabíl. Ökumaður bifreiðarinn- ar kvaðst ekki hafa orðið var við vegfarandann. Morgunblaðið/Asdís Dyttað að í höfninni SÓLIN reyndi sitt ýtrasta til að vega á móti áhrifum kulda- bola í Hafnarfjarðarhöfn en þar var þessi mynd tekin. Gott tæki- færi gafst til að dytta að bátum og skipum í höfninni að því 1 il- skildu að menn klæddu sig mjög vel. ¦ Orsakir rafmagnsleysisins enn óljósar Víðahlutust af óþægindi LANDSVIRKJUN hefur ekki kom- ist að því hvers eðlis sú bilun var sem olli því að eldingavari rauf straum frá spennistöðinni á Geit- hálsi svo að rafmagnslaust varð á höfuðborgarsvæðinu í 15-20 mínútur um klukkan 18 í fyrradag. Allmörg fyrirtæki og stofnanir urðu fyrir óþægindum og tjóni vegna rafmagnsleysisins og áttu viðgerðarmenn tölvukerfa og versl- unarkerfa nokkuð annríkt af þeim sökum fyrripart dags í gær. Að sögn Þorsteins Hilmarssonar, upplýsingafulltrúa Landsvirkjunar, liggur ekki enn ljóst fyrir hvort það var vegna raka eða af öðrum orsök- um sem eldingavarinn gaf sig og olli því að raforkukerfið brást við með því að slá út spenna á Geit- hálsi og Hamranesi í Hafnar- fjarðarhrauni og í dreifistöð Raf- magnsveitu Reykjavíkur við Elliða- ár. Víða urðu notendur tölva og raf- búnaðar af ýmsu tagi fyrir óþæg- indum vegna rafmagnsleysisins. Fyrirtæki sem rætt var við í gær þurfti að kalla til sérfræðinga vegna þess að símaskiptiborð án varaaflsgjafa týndi öllum númerum úr minni. Þá má gera ráð fyrir að notendur einkatölva hafi orðið fyrir óþægindum og jafnvel týnt gögnum ef tölvur hafa verið í notkun og skrár opnar þegar rafmagn fór af. Á verkstæði Nýherja I Reykjavík fengust þær upplýsingar að mikið hefði verið um að viðskiptavinir hefðu hringt inn að fá leiðbeiningar um rétt viðbrö'gð og einnig hafði þurft víða að stilla inn sjóðsvéla- og verslunarkerfi svo og innhringi- kerfi í skólum á stöðum þar sem varaaflgjafar voru ekki til staðar. Ægir Pálsson, hjá tæknisviði Nýherja, sagði að varaaflgjafar yrðu sífellt útbreiddari og í útboð- um sem nú er efnt til verði æ al- gengara að krafist sé varaaflgjafa. Vantaði varaafl í 20 sekúndur Varaaflgjafi kom þó ekki í veg fyrir að rafmagn færi af tækjasal Skýrsluvéla ríkisins og Reykjavík- urborgar vegna rafmagnsleysis. Að sögn Helga Nielsen, forstöðu- manns rekstrardeildar Skýrr, er fyrirtækið með svonefndan rafbak- hjarl sem tryggir straum í 10-12 mínútur og hélt straumi á tölvum fyrirtækisins þar til um það bil 20 sekúndum áður en straumur komst á að nýju. Þá tók um klukkustund að keyra upp tækin að nýju. „Við höfum aldrei tapað gögnum vegna rafmagnsleysis en vélbúnað- ur kemur stundum ekki upp í eðli- legri stöðu. Það gerðist í gær og við þurftum að kalla á viðgerða- menn," sagði Helgi. Alls liðu um fjórir klukkutímar þar til fyrirtækið veitti eðlilega þjónustu að nýju. „Draugar rafmagnsleysisins," eins og Helgi kallar það gerðu svo vart við sig hjá Skýrr í gær. Ýmsir aðilar sem eru tengdir þjónustunet- um Skýrr og ræstu þau ekki að loknu rafmagnsleysi fyrr en í gær- morgun þurftu þá að sögn Helga að endurræsa kerfin og þola nokkr- ar tafir. Helgi sagði hins vegar að engin hætta væri á því að Skýrr týndi gögnum vegna rafmagnsleys- is. Jafnvel þótt mesta hugsanlega tjón yrði á húsnæði og tækjum fyr- irtækisins mundu ekki tapast nema breytingar síðasta dags, þar sem Skýrr geymir afrit alíra gagna á öðrum og öruggum stað. Helgi sagði einnig að með vænt- anlegri fjárfestingu í nýjum tölvum sem nota minna rafmagn megi búast við því að rafbakhjarl Skýrr muni framvegis þola lengra raf- magnsleysistímabil en í fyrradag. Reiknað er með að staðan í kjaraviðræðum skýrist eftir mánaðamótin VERULEGAR líkur eru taldar á að í næstu kjarasamningum verði farið inn á þá braut að færa hluta af samningsgerðinni inn í fyrirtækin. Undanfarnar vikur hafa samnings- aðilar rætt um með hvaða hætti þetta geti gerst. Verzlunarmanna- félag Reykjavíkur, Samiðn og Raf- iðnaðarsambandið hafa lýst áhuga á að fara þessa leið, en Verka- mannasambandið hefur sett fyrir- vara við hana. Kjaraviðræðurnar hafa farið fram með nokkuð öðrum hætti að þessu sinni en undanfarin ár. Breyt- ingar á vinnulöggjöfinni hafa leitt til þess að viðræður eru nú fyrr á ferðinni. Sem kunnugt er ræða aðil- ar vinnumarkaðarins saman eftir fyrirfram gerðri áætlun. Áætlanirn- ar gera flestar ráð fyrir að viðræður fari fram um sérmál fram í fyrstu viku desembermánaðar en þá verði rætt um launaliði. Náist ekki sam- komulag um nýjan samning er mið- að við að deilunni verði vísað til ríkis- sáttasemjara um miðjan mánuðinn. Síðustu vikur hafa viðræður samningsaðila á almenna vinnu- markaðinum ekki síst fjallað svokallaða fyrirtækja- ____ samninga. VSÍ kynnti hugmyndir um slíka samninga í haust, en áður höfðu sum lands- sambönd innan ASÍ lýst ~~™—"" áhuga á að draga úr miðstýringu samninga og færa þá inn á vinnu- staðina. Enn er ekki ljóst hvaða árangri þessar viðræður koma til með að skila, en af samtölum við forystumenn á vinnumarkaði er ljóst að talsverður áhugi er á að fara þessa leið. Viðræður einkum um fyrirtækjasamninga Talsverður skríður er að komast á viðræður um gerð svokallaðra fyrirtækja- samninga. Búist er við að það ráðist í næstu viku hvort þessar viðræður leiða til niðurstöðu. Egill Olafsson ræddi við samningsaðila um stöðuna í kjaraviðræðum á almennum vinnumarkaði. um Launakröfur settar f ram í næstu viku Skriflegir samningar Af hálfu VSÍ hefur verið lögð áhersla á að fá sem flest landssam- bönd til að fara inn á þessa braut vegna þess að samningar innan fyrirtækja ganga í flestum tilvikum þvert á öll stéttarfélagamörk. Nokkuð mismunandi ¦ áherslur hafa verið innan ASÍ um hvernig beri að svara hug- myndum VSÍ um fyrirtækjasamn- ing. Verzlunarmannafélag Reykja- víkur hefur fagnað hugmyndum VSÍ og lýst yfir eindregnum vilja til að fara þessa leið. Samiðn og Rafiðnaðarsambandið hafa einnig sýnt áhuga á að ræða þessar hug- myndir. Innan Verkamannasam- bandsins hefur hins vegar verið tortryggni út í þessar hugmyndir, en þó er ekki litið svo á að það hafi hafnað að ræða þær. í mörgum fyrirtækjum hafa verið gerðir samningar af ýmsum gerðum sem snerta kjör eða vinnutilhögun. Upp og ofan hefur verið hvort þess- ir samningar hafa verið skriflegir, en nú er stefnt að því að allir samn- ingar verði skriflegir. Rætt er um að samningsaðilar móti grunnþætti í slíkum samningum, m.a. um hverj- ir eigi að gera samningana, hvernig eigi að fara með ágreining ef hann kemur upp, hvaða þættir eigi erindi í slíka samninga og fleira. Innan ASÍ á sú krafa sér sterkan hljómgrunn að stéttarfélögin komi að gerð fyrirtækjasamninga með beinum hætti. Krafa þessa efnis var samþykkt á síðasta^ sambands- stjórnarfundi ASÍ. VSÍ hefur hafn- að kröfunni. Af samtölum við for- ystumenn landssambandanna má ráða að þessi krafa eigi ekki að þurfa að koma í veg fyrir samkomu- lag. Menn benda m.a. á að forystu- menn stéttarfélaganna hafi tæplega möguleika á að semja um kjör á hverjum einasta vinnustað. Trúnað- armenn eða samningamenn sem starfsmenn kjósi hljóti að hafa for- ystu um samningagerðina. Þeir komi hins vegar til með að leita til stéttarfélaganna um ráðgjöf og aðstoð. . Stéttarfélögin hafa lagt áherslu á að ef farið verði inn á _______ þessa braut verði að styrkja stöðu trúnaðar- manna og tryggja að þeir hafi stöðu til að mæta stjórnendum fyrir- —— tækja í samningum á jafnræðis- grunni. Talsvert hefur verið rætt um hvernig starfsmenn geti brugð- ist við ef ekki næst samkomulag um gerð fyrirtækissamnings. M.a. hefur verið rætt um að starfsmenn geti eftir ákveðinn tíma óskað eft- ir beinum afskiptum stéttarfélags Styrkja þarf stöðu trúnað- armanna af deilunni. Þetta eins og annað sem hér er tæpt á er þó enn ófrá- gengið. Stefnt að hagræðingu Umræður hafa einnig farið fram um hvaða efnisatriði eigi að vera í fyrirtækjasamningum. Hugsunin á bak við þá er sú að breytingar á vinnutilhögun leiði til hagræðing- ar innan fyrirtækja sem starfs- menn fái hlutdeild í. Almennt er samkomulag um að vinnutími eigi að vera eitt af þvf sem breytt vinn- utilhögun nái til. Einnig hefur ver- ið til skoðunar hvort bónusgreiðsl- ur og laun eigi að vera samnings- atriði í fyrirtækjasamningum. Af hálfu landssambandanna hef- ur verið óskað eftir umræðu um aukinn rétt launþega til upplýsinga um stöðu fyrirtækjanna, en víða á Norðurlöndum eru þeir hlutir með öðrum hætti en hér, Almennt má segja að fyrirmyndir að fyrirtækja- samningum séu sóttar til Norður- landanna, ekki síst Danmerkur. Búist er við að það skýrist veru- lega í næstu viku hver niðurstaðan verði í umræðum um fyrirtækja- samninga þó ekki sé gert ráð fyrir að umræðan klárist þá. Samkvæmt viðræðuáætlun eiga stéttarfélögin að leggja fram launakröfur í lok næstu viku. Viðræður um þær hefj- ast í kjölfarið. Búist er við að í framhaldinu skýrist hversu mikil harka verður f kjaraviðræðunum. Þó stefnt sé að því að ljúka viðræð- um fyrir áramót eru flestir þeirrar skoðunar að það takist ekki og viðræður haldi áfram í janúar.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.