Morgunblaðið - 28.11.1996, Blaðsíða 32

Morgunblaðið - 28.11.1996, Blaðsíða 32
32 FIMMTUDAGUR 28. NÓVEMBER 1996 MORGUNBLAÐIÐ LISTIR Af Njálsgötunni í töfraheima BOKMENNTIR Barnabók GAUTI VINUR MINN Eftír Vigdísi Grímsdóttur. Myndin Brian Pilkington. Iðunn, 1996 - 94 bls. SAGAN hefst á Njálsgötunni þar semBegga blaðburðarkona á leið um. I glugga situr lítill drengur sem bendir henni að koma inn. Þessi litli drengur heitir Gauti. Hann er oft einn heima og einmana á meðan mamma hans er úti að vinna en nú hefur hann eignast dýrgrip sem er auga. Augað gefur honum vísbend- ingar sem hann hlýðir og þegar augað segir honum að kalla í Beggu hlýðir hann því. Þau verða miklir vinir og skilja hvort annað ákaflega vel. Sagan er sögð frá hennar sjón- arhóli og við skynjum sögusviðið og atburðina með augum hennar. Saga Vigdísar er ákaflega vel skrifuð. Hún er hljóðlát og hlý, mannleg og sögð á látlausan máta. Við kynnumst bæði Beggu og Gauta mjög vel í gegnum þær ævintýra- ferðir sem þau fara. Þau eru bæði hversdagslegar manneskjur, engir kappar eða ofurmenni. Saman fara þau með hjálp augans inn í Gula heiminn og hitta fyrir Önnu Maríu, litla englastúlku sem er týnd af því að hún hefur brotið loforð sitt. Hún situr illa í súpunni fyrir vikið og hennar bíður ekkert annað en hung- urdauði. Þeim tekst að bjarga henni úr klípunni og fá að kynnast veröld hennar. í Gula heiminum er aldrei rifist og þar má enginn eiga leyndar- mál. Gauti og Begga verða að segja frá sínu lífi og þannig kynnast les- endurnir þeim. I næsta ferðalagi kynnast þau Bláa heiminum. Þar hitta þau fyrir landamæravörðinn Manna, strák- inn sem er með tvö höfuð. Þetta urðu örlög hans vegna þess að þeir tveir sem í honum bjuggu, þeir Fúli og Reiði, gátu aldrei kom- ið sér saman um neitt og því ekki um annað að ræða en skipta hausn- um í tvennt. Hann getur ekki fyrir- gefið og því er þetta hlutskipti hans. Það eina sem getur hjálpað honum úr þessum álögum er að bjargvættir hans segi honum leyndar- mál sín. Þar með kynn- ist lesandinn Beggu og Gauta ennþá betur þegar þau þurfa að segja sín dýpstu leynd- armál, segja frá því sem þau hræðast og því sem aldrei hefur mátt tala um. í lokaferðinni hitta þau upprunalega eig- anda augans og kom- ast að því hvernig draumar eru búnir til. Sérhver maður á sér ósýnilegan draumamann sem fylgir honum eftir á meðan hann lifir og sá fram- leiðir drauma í draumaverksmiðj- unni. Ef einhvern boðskap má finna út úr þessari sögu er hann sá að með vináttu er hægt að leysa mörg mál, þar á meðal að losa sig út úr viðjum leyndra hugsana K«^* W -SP^ "'i r ¦» % ¦i*' ^m^w Æ ip^^SB m** ** 1 ^B -V :-** , -M $q^B ^í^í***. ¦ " "M ^¦^::-'.: . ..Æíim \" K '¦¦ ' ' i Vigdís Grímsdóttir sem gera manni illt. Vigdís skrifar mjög látlausan og tilgerðar- lausan texta. Samt sem áður er hann alls ekki neitt barnalegur og hún notar jafnvel orð eins og að hlaupa á „harðakani" sem ég hef ekki heyrt annars staðar en á Austfjörð- um og fínnst tæpast í orðabókum. Myndir Brians Pilk- ingtons eru gullfalleg- ar og falla ákaflega vel að textanum. Þær eru einnig óvenjulegar fyr- ir þá sök að þær eru fremur skreytingar og eru mjög misstórar. Ég minnist varla að hafa séð hann teiknajafn mildar og lát- lausar myndir. í heildina hefur ís- lensk barnabókaútgáfa auðgast verulega við að fá þessa bók. Hún á varla sinn líka hvað snertir mál- far, stíl og frásögn. Sigrún Klara Hannesdóttir Hðrður Torfasson • HORÐURTorfasonhetur sent frá sér geisladisk með barna- efni sem nefnist Barnagaman. Þar er að finna níu barnalög úr ýmsum leikhús- verkefnum sem Hörður hefur unnið fyrir börn víðsvegar um landið á ferli sín- um sem leik- stjóri. Þannig er frá söngvunum gengið á diskn- um að fyrst eru þau sungin við undirleik en síðan er aðeins undir- leikurinn þannig að börnin geta sungið með þegar þau hafa lært textana sem fylgja með disknum og eru allir prentaðir með stóru og vel læsilegu letri. Höfundur texta og tónlistar er Hörður Torfa sem einnig leikur á gítar og syngur. I laginu um Línu Langsokk í leikhúsinu syngur ung stúlka, Ólöf Jakobsdóttir, en hún teiknaði líka myndina sem prýðir diskinn. Um útsetningar, hljóm- borðsleik, hljóðblöndun og forrit- un sá Hlynur Sölvi Jakobsson. Hörður Torfason gefur plötuna út ogJapis sér um dreifingu. Um hönnun sá HjörturHjartarson. • „Steini spil frá Selfossi" inni- heldur þau lög er komu út á hljóm- plötum með Hljómsveit Þorsteins Guðmundssonar á sínum tíma. Lögin komu annarsvegar út á tveimur fjögurra laga plötum árin 1970 og '72 og hinsvegar á einni stórri plötu árið 1976. Þegar Hljómsveit Þorsteins Guðmundssonar var og hét léku lengst með henni trommuleikar- inn Kristinn Alexandersson og Haukur Ingibergsson gítarleikari. Þegar Haukur hætti 1974 tók Hermann Jónsson gítaristi stöðu hans, en einnig komu ýmsir fleiri tónlistarmenn við sögu hljóm- sveitarinnar á þeim tveimur ára- tugum sem hún var starfrækt. Það eru samt sem áður fyrst og fremst fyrrnefndir þrír tónlistar- menn, auk Þorsteins sjálfs, sem leika og syngja þau lög sem hljóm- sveitin hljóðritaði til útgáfu á hljómplötum. Hér má fínna m.a. Vakna Dísa, Snjómokstur, Hanna litla, Ó, Mar- ía mig langar heim, Bréfið hennar Stínu, Grásleppu Gvendur, Hann Tumi fer á fætur, Á Kanarí, Ég fer í Sjallann og tíu önnur lög. I plötubæklingi er saga sveitar- innar rakin í stuttu máli, ennfrem- ur fylgja allir textar með. Spor ehf. gefurút og dreifir. Það varPrísma sem sá um útlit ogfúmuvinnslu, SonyDADCann- aðist framleiðslu. Leiðbeinandi verðer 1.699 kr. Nýjar plötur • JETZ hefur sent frá sér geisla- disk. Jetz skipa þeir Gunnar Bjarni Ragnarsson, Guðlaugur Júníusson, og Kristinn Júníusson. Gunnar Bjarni starfaði áður með hljómsveitinni Jet Black Joe og tvíburabræðurnir Guðlaugur og Kristinn með hljómsveitinni Tjajz Gizzur. Á disknum koma fram nokkrir listamenn aðrir sem gestir: Móeið- ur Júníusdóttir systir tvíburanna syngur tvö lög á plötunni, Þórhall- ur Bergmann sér um hljómborðs- leik, Eyþór Arnalds leikur á selló, Dan Cassidy leikur á fiðlu og Ein- ar Hjartarson á gítar. Þá syngur bandaríska söngkonan Kate Nel- son eitt lag á plötunni. Að öðru leyti sjá Jetz um söng og annan hljóðfæraleik. Gunnar Bjarni semur flest lög- in, syngur og útsetur. Kristinn Júníusson syngur eigið lag á plöt- unni en eitt lag plötunnar er frá hljómsveitinni Velvet Undergro- und. Upptaka fór að mestu fram í Stúdíó Stöðin. Upptökustjórn var í höndum Gunnars Bjarna og Ól- afs Halldórssonar upptökumanns. Skífan ehf. sér um dreifingu. • ÍTILEFNIaffimmtugsafmæli Gylfa Ægissonarverða gefnir út tveir gisladiskar með efni eftir hann. Fyrst er að telja diskinn GylfiÆgisson - „20 bestu köst- in". Tuttugu vinsælustu lögin sem Gylfi hefur sungið á ferli sínum. En á hon- um eru: Minning um mann, Helg- arfrí, íslensku sjómennirnir, Vertu sæll herra Bakkus og fleiri lög samin og flutt af Gylfa. Disknum fylgir 20 síðna bæklingur með umsögn um lista- manninn, myndum og öllum text- um á disknum. Um leið og tuttugu vinsælustu lög Gylf a koma út kemur út ann- ar diskur með verkum hans: „Ævintýrí". Þar er að finna barnaævintýrin, Stígvélaði kött- urinn, Kiðlingarnir sjö og Eldfær- in eins og Gylfi samdi þau. Meðal þeirra sem leika og syngja í þessum ævintýrum eru Gylfí sjálfur, Páll Óskar Hjálmtýs- son, Hemmi Gunn, Laddi og Júlíus Brjánsson. Disknum fylgir bækl- ingur með öllum textunum í söng- leikjunum þremur. Utgefandi er Geimsteinsútgáf- an íKeflavík. • „ TIL hamingju með fallið" heitir nýútkomin plata með Meg- asi. Hún inniheldur 15 ný lög og Anna Halldórsdóttir Gylfi Ægisson texta. Um stjórn upptöku sá Pjet- ur Stefáns, en platan var tekin upp í Geimsteini og Gný af þeim Rúnari Júlíussyni, Pjetri Stefáns, Sigurði Bjólu (sem hljóðblandaði síðan plötuna) og Jens Hanssyni. Útgefandi Falleg, PO box 1642 -121 Rvk. Japis sér um dreifingu. • ANNA Halldórsdóttir erung stúlka ættuð frá Akranesi og sendir nú frá sér sína fyrstu plötu sem ber nafnið „ Villtir morgn- ar". Anna syng- ur sjálf, semur lög og texta og spilar auk þess á píanó. Við undir- leik nýtur Anna aðstoðar margra tónlistarmanna, en upptöku- stjórn var í höndum Orra Harðarsonar og Rafns Jónssonar. Upptökumenn plötunnar voru þeir Tómas Tóm- asson og Ken Thomas, Tómas sá einnig um hljóðblöndum. Útgefandi erAnna Halldórsdóttir. Japis sér um dreifingu. • „KEF" er geislaplata með lög- um eftir Jóhann Helgason tón- listarmann úr Keflavík. Á „KEF" flytur Jóhann tíu frumsamin lög við texta breska tónlistarmanns- ins Reg Meuross. „KEF" er fjórða sólóskífa Jóhanns. Áður hafa komið út „Tass" 1981, „Einn" 1983 og „Ástin" 1985. Á „KEF" nýtur Jóhann aðstoðar valin- kunnra íslenskra tónlistarmanna. Jóhann hefur löngum starfað sem annar helmingur dúettsins „Magnús og Jóhann" með hléum frá 1972, auk tímabundna dúetts- ins „Þú og ég" ásamt að hafa starfað með hljómsveitunum Change, Poker og Celsíus á átt- unda áratugnum. Þá hefur Jóhann samið fjöldann allan af lögum í annarra flutningi í gegnum árin. Útgefandi Hugverkaútgáfan. Skífan sér um dreifingu. Verð 1.999 kr. • „EINSoger..."er nýgeisla- plata frá Stefám' Hilmarssyni. Platan ber nafnið „Eins og er...", og er önnur einherjaplata Stefáns. Þrjú ár eru nú liðin frá því að Stefán sendi frá sér sína fyrstu plötu, „Líf'. Á „Eins og er ..." sækir Stefán meðal annars rhytmískan inn- blástur í dans- tónlist síðustu missera og blandar þeim saman við hans „me- Stefán Hilmarsson lódíska innri mann", eins og hann hefur orðað það í viðtölum. Átta lög plötunnar eru samin af Stefáni, Mána Svavarssyni og Friðriki Sturlusyni, en þeir annast jafnframt hljóðfæraleik að mestu leyti. Eitt er eftir Stefán og Sigurð Gröndal og annað eftir Stefán og Ástvald Traustason. Allir textar eru eftir Stefán. Aðrir listamenn sem koma nokkuð við sögu á plöt- unni eru Jóel Pálsson saxófónleik- ari, Veigar Margeirsson trompet- leikari og Jóhann Hjörleifsson trommuleikari. Upptökustjórn er í höndum Stefáns, en um útsetning- ar sáu þeir Stefán, Máni og Frið- rik. Ljósmyndir á kápu tók Gunnar Gunnarsson, förðun annaðist Hanna Maja og grafísk hönnum var í höndum Páls Ólafssonar. Útgefandi er útgáfufyrirtæki Stefáns, SoulHeimar. Sporhf. sér um dreifingu. • „Með stuð í hjarta " er nýj asta afurð Riínars Júlíussonar. Við lagasmíðar á þessum diski fær Rúnar í lið með sér ýmsa af þekkt- ustu lagahöfundum landsins, en sjálfur sér hann að mestu um textagerð. 13 lög er að finna á þessum diski. Þau 12 fyrstu tilheyra þess- ari útgáfu, en sú nýbreytni er hér í hávegum höfð að 13. lagið er sýnishorn af næsta diski. Útgefandi er Geimsteinn. • TODMOBILE hefur tekið upp þráðinn þar sem frá var horfið í árslok 1993. Komin er út ný Todmobile plata sem er framhald geislaplötunnar Spillt sem kom út fyrir jólin 1993. Síðastliðið vor, þegar Þorvaldur Bjarni Þorvaldsson og Andrea Gylfadóttir voru að hefja vinnslu á nýrri plötu sinni, þótti rétt að kalla gamla hópinn saman til að vinna að gerð plötunnar. Þar á meðal var Eyþór Arnalds sem leik- ur á selló í nokkrum lögum, en þar sem aðalvettvangur hans er í hljómsveitinni Bong verður hann ekki fullgildur meðlimur að þessu sinni. Eiður Arnars (bassi), Kjart- an Valdemarsson (hljómborð) og Olafur Hólm leika með á plötunni ásamt ýmsu öðru tónlistarfólki. Geislaplatan Perlur ogsvin inni- heldur 10 ný lög eftir Þorvald Bjarna við ljóð Andreu. Halldór Baldursson teiknaði for- síðumynd geislaplötunnar Perlur og svín, en Halldór átti einnig heiðurinn af umslagi síðustu plötu Todmobile, Spillt. Sjöundi himinn sá um útlitshönnun. ÚtgefandierSporhf. með Todmobile ogannast dreifingu. Offsetþjónustan annaðist filmu- vinnslu og Sony DADC framleiddi geislaplötur og bæklinga. Leið- beinandi verð er 1.999 kr. EinarÞ. Ásgeirsson Einar Björgvinsson Nýjar bækur • INNSÝN í mannlega tilveru nefhist ný bók eftir Einar Þorstein Ásgeirsson. „Mikil þáttaskil eru framundan. End- urskoða þarf allan grundvöll tilveru okkar. Raunvís- indalögmál sem trúað hefur verið á, Newtonlögmálið og Einsteinslög- málið standa höll- um fæti og fá ekki staðist," segir út- gefandi í kynningu og að þetta sé kjarninn í þessu rit- verki Einars Þorsteins. „Meginhluti bókarinnar er opinská rannsókn á röksemdum tilverunnar frá öllum hliðum. Einkum skoðar hann þau óræðu lokasvið mannlegrar hugs- unar, þar sem raunvísindi gefast upp og eiga ekkert endanlegt svar svo sem um lífíð, uppruna óendanleikans og ^ uppruna tímans," segir ennfremur. I lokakafla eru tilgátur fyrir eðlisfræði mannlega sviðsins en þar safnar höf- undur saman um 140 röksemdum um það hvers eðlis tilveran er. Útgefandi er Fjölvaútgáfan. Með heimildum og tilvitnunum íótal al- þjóðleg rít er bókin 240 bls. með fjölda táknrænna teikninga. Filmu- gerð annaðist PMS í Súðarvogi, en bókin erprentuð oginnbundin í Singapore. Verð 2.980 kr. • ÚTER komin bók sem fjallar um þátttöku íslendinga í heimsstyrjöld- inni með Þjóðverjum. Hún ereftir Einar Björgvins- son og nefnist /s- lendingur á víga- slóð í Waffen-SS. Bókin er í skáld- söguformi en eins og segir á kápu er hún „fléttuð raun- sönnum atburðum úr síðari heims- styriöldinni". Höf- undurinn hefur um langt skeið sökkt sér ofan í sögu stríðsins og þykist haf a komist að því að hlutur manna af íslensku bergi hafi til þessa verið nokkuð vanmet- inn. Fjölvaútgáfa gefur út. Bókin er 240 bls. ífiórum meginköflum sem nefnast Hæl Hitler, Krossferðin í Austurveg, Dauði og djófull og loks Rústir. Bókin er filmutekin hjá PMS en prentuð og innbundin íSingapore. Verð 2.980 kr. • UNGLINGABÓKINÉg get svariðþaðer eftir Þorstein Marels- son. Ferming er mikilvægur áf angi í lífi unglinga og kringum hana er töluvert tilstand. Stefán og félagar hans standa í þess- um sporum. Freist- andi tilboðum rign- ir yfir þá og fjöl- skyldur þeirra og ekki er allt með kyrrum kjörum frá kirkjunni. „Þetta er gamansöm unglingasaga um fermingarárið og inngönguna í heim hinna fullorðnu," segir í kynningu. Útgefandi er Mál og menning. Bókin er 150 bls. ogkostar 1.880 kr. Prentsmiðjan Oddi hf. prentaði. Alda Lóa Leifsdóttir gerði kápu. • ISAFOLD fer í síld eftir Gísla J. Ástþórsson hefur verið endurút- gefin með nýjum teikningum eftir höfundinn. f safold fer á síld á Sigló ásamt Krumma og Ólafi ketti og kynnist Jósafat síldarkóngi og ótal litríkum einstaklingum að ógleymdum álfa- kónginum sem Gísli J. gefur henni eina Astþórsson x„j, „Bókin var vinsæl á sinni tíð enda gamansöm ádeila á íslenskt þjóðfélag á síldarárunum en um leið hug- myndarík fantasía," segir í kynn- ingu. Útgefandi er Mál og menning. Bókin er 64 bls., prentuð íSvíþjóð og kostar 1.380 kr. I \ \ \
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.