Morgunblaðið - 28.11.1996, Blaðsíða 29

MORGUNBLAÐIÐ
FIMMTUDAGUR 28. NÓVEMBER 1996 29
LISTIR
GUÐMUNDA Andrésdóttir: Án titils.
Léttleiki á
gulum grunni
MYNDLIST
Gallerí Sólon
í s I a n d u s
MÁLVERK
Guðmunda Andrésdóttir. Opið kl.
12-18 alla daga til 8. desember; að-
gangnr ókeypis.
ÞAÐ var óneitanlega eitt helsta
framlag þeirra listamanna sem báru
abstraktlistina til öndvegis hér á
landi á fimmta og sjötta áratugnum
að með þeirri hreyfingu komst ís-
lensk myndlist loks í beint samband
við það sem var að gerast í samtíma-
listinni erlendis. Það er alltaf við-
burður þegar haldin er sýning á
verkum þeirrar kynslóðar lista-
manna sem átti þar drýgstan þátt
en Guðmunda Andrésdóttir heyrði
vissulega til þessum hópi, og hefur
verið ötul við listina allt frá því hún
tók þátt í síðustu September-sýning-
unni 1952.
Árið 1990 var haldin mikil yfirlits-
sýning á verkum listakonunnar á
Kjarvalsstöðum, þar sem ferill hennar
og staða kom mjög sterkt fram. En
Guðmunda lét ekki staðar numið á
grunni fyrri afreka fremur en aðrir
skapandi listamenn og tveimur árum
síðar hélt hún einkasýningu í lista-
salnum Nýhöfn sem vakti verðskuld-
aða athygli enda var hún þar að
brydda upp á nýjungum í sínu mynd-
máli sem þó byggðist á eldri grunni.
Allar myndirnar á þeirri sýningu voru
byggðar upp á hvítum grunni þar sem
hringir og stjörnuform voru þungam-
iðjan í þeim grindum línuspils, sem
listakonan byggði upp, og á sýning-
unni nú má segja að hún haldi áfram
þar sem frá var horfið þar.
Hér sýnir Guðmunda níu málverk,
öll án titils. Verkin eru unnin á gul-
málaðan grunnflöt, sem þó er aldrei
hinn sami í neinum tveimur myndum;
mismunandi tónar gula litarins skapa
fjölbreyttar og hlýlegar stemmur eft-
ir myndröðinni, sem nýtur sín vel á
eina vegg rýmisins. Ofan á þetta
byggir listakonan formspil sem virkar
kunnuglegt og er þó ætíð nýtt þar
sem allir þættir eru virkir hlutar í
heildinni og engu er ofaukið.
Það er mikill leikur í þessum
myndum sem og í tæru litaspjaldinu.
Tvö hringform mynda andstæða
póla í flestum verkanna og í rýminu
á milli þeirra rís geometrískt net lína
og reita þar sem léttleikinn er í fyrir-
rúmi fyrir tilstilli þess grunns sem
byggt er upp frá; stjörnur og spreng-
ingar verða nánast sem flugeldar í
samhengi leiksins í fletinum.
Möguleikar þessa myndmáls til
endalausrar fjölbreytni koma einna
best í ljós ef litið er til þgirra sam-
stæðu-verka, sem hér er'að finna.
Myndir nr. 2 og 6 annars vegar og
nr. 3 og 8 hins vegar eru greinilega
unnar út frá sömu meginþáttum, en
eru þrátt fyrir það hver með sínu
yfirbragði; uppbyggingin er þannig
sem leiðsögn, sem listakonan spinn-
ur síðan fijálslega við eftir því hvað
sinnið býður henni þá stundina.
Sýningu Guðmundu í Nýhöfn
1992 var gefin yfirskriftin „Léttleiki
tilverunnar", og ætti sú nafngift
ekki síður við nú. Hér hefur lista-
konan haldið áfram að þróa þá
myndgerð sem hún kynnti þá til
sögunnar og er eins og ferskleiki
málverkanna eigi nú enn betur við
samtímann. Málverkið er í góðri
sókn í heimi myndlistarinnar, og
öflugir listamenn á áttræðisaldri
geta ekki síður reynst virkir þátttak-
endur í þeirri hreyfingu en þeir sem
yngri eru.
Eiríkur Þorláksson
Van Damme o g Ringo Lam
KVIKMYNPIR
Stjörnubíó
HÆTTUSPIL„MAXIMUM
RISK“ ★ >/2
Leikstjóri: Ringo Lam. Handrit:
Larry Ferguson. Aðalhlutverk: Jean-
Claude van Damme, Natasha
Henstride og Jean-Hugues Anglade.
Columbia/Tri Star. 1996.
LEIKSTJÓRARNIR John Woo og
Ringo Lam, sem gert hafa B-myndir
í Hong Kong, hafa verið að fikra sig
vestur til Hollywood á undanförnum
árum m.a. með samstarfi við belgíska
buffið, Jean-Claude van Damme.
Leikstjórar þessir þykja nokkuð
flinkir í framleiðslu hasaratriða og
nýjasta van Damme myndin, Hættu-
spil eftir Ringo Lam, býður upp á
nokkra sæmilega kvikmyndaða elt-
ingaleiki. En innvolsið að öðru leyti
er skelfing ómerkilegt.
Van Damme leikur franskan lög-
reglumann sem kemst að því að tví-
burabróðir hans hefur verið myrtur.
Hann hafði aldrei séð hann áður í
lífinu enda tvíburinn alinn upp hjá
rússnesku mafíunni í New York og
til að komast að því hver hann var
þykist van Damme vera eigin tví-
burabróðir og flýgur vestur um haf.
Hann er fljótur að komast að því að
brósi var lítt vinsæll meðal mafíunn-
ar og alls ekkert meðal FBI en súp-
ermódelið Natasha Henstride leit
hann girndarauga og nýtur hann
mjög góðs af því.
Það er kannski ekki sanngjarnt að
gera mjög miklar kröfur til B-has-
armynda en stundum má fínna í þeim
óvænt gaman. Eitt það versta og um
leið besta við þessa mynd er samtölin
sem handritshöfundurinn góðkunni
Larry Ferguson hefur kokkað upp.
Þau eru svo hallærisleg og leikurinn
að auki svo viðvaningslegur að af
þeim má hafa þónokkra skemmtun.
Franski leikarinn Jean-Hugues
Anglade, sem leikur starfsbróður van
Dammes í Frakklandi, fær kannski
verstu setningamar og enskan hans
er jafnvei verri en van Dammes. Af
hverju þessir tveir frönsku lögreglu-
menn kjósa að tala saman á lélegri
ensku er aldrei útskýrt.
Ringo Lam vinnur ágætlega úr
hasaratriðunum sem koma á færi-
bandi en hann er samt ekkert að
gera neitt merkilegra en kollegar
hans vestanhafs. Mest er þetta form-
úluhasar, mjög svo venjubundnir elt-
ingaleikir, skotbardagar og ofbeldis-
full slagsmál þar sem annáluð fóta-
fimi stjörnunnar fær notið sín. Og
búið.
Arnaldur Indriðason
FATASKÁPAR
úrvalið
s3msetningu
Opið virka daga 9-18
Laugardaga 10-16
Sunnudaga 14-16
rsalur
TM - HÚSGÖGN
w
SíSumúla 30 -Sími 568 6822
Hringdu núna og þú færð geisladiskasett að gjöf meðan birgðir endast
Nú þarftu ekki að hafa áhyggjur af svimandi háum símareikningum. Ný tækni og þróun
símamála markar endalok einokunar símafyrirtækja. Island hefur veigamiklu hlutverki að
gegna á alþjóðlegum vetvangi. Símkostnaður má ekki hindra samskipti okkar við
umheiminn. Þess vegna býður Friður 2000 allt að 73% ódýrari símtöl.
Þú færð einnig internetið, alþjóðlega neyðartryggingu og ýmis önnur fríðindi þegar þú
gerist félagi Friðar 2000. ,
Friður 2000, Ingólfsstræti 5, Reykjavík, sími 552 2000, www.peace.i
.is/2000 V rý