Morgunblaðið - 16.04.1997, Qupperneq 8

8 MIÐVIKUDAGUR 16. APRÍL 1997
MORGUNBLAÐIÐ
FRÉTTIR
■ Grétar Mar Jónsson skipstjóri um fiskveiðistjórnunina, sjávarútvegsráðherrann og fiskifræðinga
Það skal verða hlustað á okkur
Segir Hafrannsóknatofnun líta niöur á sjómenn og þeirra sjónarmió
"!l ■' I ‘!
YKKUR tekst ekki að afgreiða þetta sem guðlast.
Ég geng ekki á vatni. Eg geng á þorski . . .
Stj órnarandstæðingar gagnrýna Lánasjóðsfrumvarp á Alþingi
Segja kosningaloforð
Framsóknar svikin
STJÓRNARANDSTÆÐINGAR
gagnrýndu Framsóknarflokkinn
harðlega á Alþingi á mánudaginn
við umræður um frumvarp til laga
um Lánasjóð íslenskra námsmanna.
Þeir sögðu hann hafa svikið nánast
öll kosningaloforð sín um úrbætur
í málum námsmanna og gengist
undir ok sjálfstæðismanna, eða eins
og Svavar Gestsson, Alþýðubanda-
lagi, orðaði það voru framsóknar-
menn „teknir í nefið af íhaldinu“.
Stjórnarandstæðingar gagn-
rýndu sérstaklega að ekki hefðu
verið teknar upp samtímagreiðslur,
enda hefðu framsóknarmenn lofað
þeim fyrir síðustu kosningar. Þeir
efuðust einnig um kosti þess að
fela bönkunum stórt hlutverk í af-
greiðslu námslána. Þeir töldu meðal
annars að sú upphæð sem ætluð
væri í frumvarpinu til greiðslu
vaxta og lántökukostnaðar náms-
manna, 36-60 milljónir króna, væri
ónákvæm og of há. Þeir sögðu
ókannað hvort Lánasjóðurinn gæti
sjálfur sinnt þessu hlutverki fyrir
lægri upphæð.
Of mikið vald til
stjórnar LIN
Stjórnarandstöðuþingmenn
gagnrýndu að tiltekið væri í frum-
varpinu að úrskurður stjórnar
Lánasjóðsins væri endanlegur í
málefnum lánþega. Þar með væri
sama aðila falið að semja reglur
um mál, rannsaka það og úrskurða.
Einnig gagnrýndu þeir að með
frumvarpinu væri að öðru leyti of
mikið vald framselt til stjórnar
sjóðsins og ráðherra.
Stjórnarþingmenn bentu á að í
frumvarpinu fælist mikil framför
frá núverandi kerfi, til dæmis með
lækkun endurgreiðsluhlutfalls og
með því að lántökukostnaður væri
greiddur sem styrkur. Þeir bentu á
að þjónusta við námsmenn væri
mun betri ef hún færi fram í útibú-
um bankanna, sem eru um allt land,
en ef hún færi aðeins fram hjá
Lánasjóðnum. Gagnrýni á mikið
vald stjórnar Lánasjóðsins svöruðu
þeir með því að benda á að náms-
menn ættu helming fulltrúa í stjórn-
inni. Einnig ættu námsmenn þess
kost að leita til umboðsmanns Al-
þingis og dómstóla ef þeir teldu á
rétt sinn gengið.
Ljósmynd/Yann Kolbeinsson
ÞESSI vepja sást í Sandgerði
ásamt fjórum öðrum.
HRINGÖNDIN á myndinni sást
við Tjörnina í Reykjavík.
UNDANFARNAR tvær vikur
hefur töluvert borist af flækings-
fuglum til landsins ásamt fyrstu
farfuglunum.
Mest hefur fundist af skóg-
arsnípum (allt að tíu fuglar) en
Iíka ýmsir evrópskir spörfuglar.
Einnig hafa nokkrar vepjur sést
Flækingar
áferð
en hvergi jafnmargar saman og
í Sandgerði nú um helgina en
þar voru fimm fuglar saman.
Einnig má nefna eina amer-
íska önd, hringönd, en steggur
hefur verið að sjást reglulega á
Tjörninni síðustu daga. Hring-
önd þekkist vel á gráu síðunum
sem eru hvítar fremst og hvítu
hringunum á og við gogg.
Kirkjulistavika á Akureyri
Ómissandi þátt-
ur í menningar-
lífi norðanlands
Margrét Björgvinsdóttir
Kirkjulistavika
hefst í Akureyrar-
■ kirkju í fimmta sinn
næstkomandi sunnudag, en
kirkjulistavika er haldin
annað hvert ár í kirkjunni.
í framkvæmdastjórn sitja
þau Hrefna Harðardóttir,
Björn Steinar Sólbergsson,
Jón Árnason og Margrét
Björgvinsdóttir. Það var
Listvinafélag Akureyrar-
kirkju sem hafði forgöngu
um að efna til kirkjulista-
viku en hvatamaður að
stofnun félagsins var Björn
Steinar Sólbergsson organ-
isti við kirkjuna. Kirkju-
listavika er ævinlega að
vorlagi, hefst að jafnaði
þriðja sunnudag eftir
páska. Akureyrarkirkja,
Listvinafélag Ákureyrar-
kirkju, Sinfóníuhljómsveit íslands,
Tónlistarfélag Akureyrar, Kvik-
myndaklúbbur Akureyrar, Kór
Akureyrarkirkju, Barna- og ungl-
ingakór Akureyrarkirkju og Lista-
safnið á Akureyri taka að þessu
sinni þátt í kirkjulistavikunni.
„Frá því kirkjulistavika var
fyrst haldin hefur efnisskráin ver-
ið að vaxa og er afar vönduð að
efni og umfangi. Kirkjulistavika
er nú ómissandi þáttur í menning-
arlífi hér norðanlands," segir Mar-
grét Björgvinsdóttir. „Hún skipar
sérstakan sess í hugum bæjarbúa
og landsmanna allra, því bæði
heimamenn og gestir taka þátt í
henni.“
- Kirkjulistavikan hefst nú á
sunnudag, hvað verður á dag-
skránni við upphaf listavikunnar?
„Samkvæmt hefð hefst kirkju-
listavika með flölskylduguðsþjón-
ustu í Akureyrarkirkju. í guðs-
þjónustunni flytur Barna- og ungl-
ipgakór kirkjunnar helgileikinn
Ég er barn þitt, Ó Guð sem Heið-
dís Norðfjörð samdi sérstaklega
fyrir kirkjulistaviku. Marta Nordal
leikstýrir og Gunnar Gunnarsson,
sonur Heiðdísar, er tónlistarstjóri.
Kórinn og Málmblásarakvintett
Tónlistarskólans á Akureyri flytja
nokkur lög undir stjórn Jóns Hall-
dórs Finnssonar og félagar úr
Æskulýðsfélaginu lesa ritningar-
lestra, en við höfum iagt áherslu
á að börnin taki þátt í þessari
hátíð og setja þau því mikinn svip
á fjölskylduguðsþjónustuna.
Strax að messu lokinni verður
kirkjugestum boðið að vera við
opnun myndlistarsýningar Þor-
gerðar Sigurðardóttur í Safnaðar-
heimilinu, en sú sýning er sett upp
í samvinnu við Lista-
safnið á Akureyri. Yfir-
skrift sýningarinnar er
Heilagur Marteinn frá
Tours og Bænir og
brauð. Myndefnið sækir
hún í einn merkasta list-
grip fslandssögunnar,
Marteinsklæðið frá Grenjaðar-
stað, en einnig eru á sýningunni
nýstárlegar tréristur eða brauð-
mót.
Þessum fyrsta degi listavikunn-
ar lýkur með hátíðartónleikum
Sinfóníuhljómsveitar íslands undir
stjórn Petri Sakari en þetta er í
þriðja sinn sem hljómsveitin heim-
sækir kirkjulistaviku. Að þessu
sinni verða flutt verk eftir frönsk
tónskáld og tekur Kór Akureyrar-
kirkju þátt í flutningnum með
hljómsveitinni. Sigrún Hjálmtýs-
dóttir, Diddú, verður einsöngvari
og er mikill fengur að komu henn-
ar. Björn Steinar leikur einleik á
orgelið og er kórstjóri.
►Margrét Björgvinsdóttlr er
fædd 18. október árið 1944 í
Reykjavík. Hún varð stúdent
frá Menntaskólanum við
Hamrahlíð árið 1974. Hún sótti
námskeið í bókmenntum við
Háskóla íslands að loknu stúd-
entsprófi. Margrét lauk BA-
prófi í ensku og sögu frá Man-
itobaháskóla árið 1984. Einnig
hefur hún lokið prófi í uppeld-
is- og kennslufræði frá Háskól-
anum á Akureyri. Hún hefur
m.a. starfað við blaðamennsku
og þýðingar en siðustu tíu ár
verið skólasafnskennari við
Glerárskóla á Akureyri en
starfar nú að mestu á bóka-
safni Háskólans á Akureyri.
Eiginmaður Margrétar er Har-
aldur Bessason fyrrverandi
rektor Háskólans á Akureyri.
Þau eiga saman eitt barn, en
bæði eiga einnig börn af fyrri
hjónaböndum.
- Það verður mikið um að vera
strax á fyrsta degi, en hvað tekur
svo við?
„Venjan er sú að láta hefð-
bundna dagskrá halda sér, en
gera meira úr í tilefni af listavik-
unni til að mynda á opnu húsi
fyrir aldraða og á mömmumorgni.
Áf öðrum dagskrárliðum í vikunni
má nefna hátíðarsýningu á vegum
Kvikmyndaklúbbs Akureyrar á
Brimbroti eftir Lars von Trier á
sumardaginn fyrsta. Þann dag
flytur Ólafur H. Torfason einnig
fyrirlestur um heilagan Martein
frá Tours og altarisklæðin frá
Grenjaðarstað. Þá hefur sú hefð
skapast að syngja aft-
ansöng, Vesper, sem
er ein hinna klassísku
tíðagjörða og er sung-
in um miðjan aftan,
kl. 18. Þetta er mjög
skemmtileg hefð, en
þessar bænastundir
varðveitast aðeins hjá okkur í aft-
ansöngvum á aðfangadegi jóla og
gamlársdegi.
Þá má einnig nefna að Tónlist-
arfélag Akureyrar efnir til tón-
leika þar sem fram koma Þórunn
Guðmundsdóttir, sópran og Krist-
inn Örn Kristinsson píanóleikari,
en kirkjuiistavikunni lýkur sunnu-
daginn 27. apríl með hátíðarmessu
þar sem séra Karl Sigurbjörnsson
prédikar og kór kirkjunnar flytur
þætti úr þýskri messu eftir Schu-
bert í þýðingu Sverris Pálssonar.
Við erum stolt af þessari dag-
skrá og væntum þess að bæjarbú-
ar og gestir eigi góðar stundir í
vændum í Akureyrarkirkju."
Klrkjulfsta-
vika skipar
sérstakan
sess meðal
bæjarbúa