Morgunblaðið - 09.04.1998, Blaðsíða 65

MORGUNBLAÐIÐ
FRETTIR
FIMMTUDAGUR 9. APRÍL 1998 65
JÓNA Guðmundsdóttir, Magdalena Kristinsdóttir og
Halla Sveinsdóttir, eigandi.
Ný vefnaðarvöruverslun
í Hlíðarsmára
OPNUÐ hefur verið ný vefnað-
arvöruverslun, Saumalína, í
Hlíðasmára 14, Kópavogi, þar
sem áhersla er lögð á vönduð
efni í saumaskapinn. Eigandi
verslunarinnar er Halla Sveins-
dóttir.
Verslunin flytur inn efni frá
Belgíu, Þýskalandi og Hollandi
ásamt fleiri aðilum.
Borgaraleg-
ferming í
tíunda sinn
UM 900 manns voru viðstaddir
borgaralega fermingu sem fór fram
í Háskólabíói sunnudaginn 29.
mars. Þetta er tíunda árið í röð sem
borgaraleg ferming er haldin.
Mörg fermingarbörn tóku virkan
þátt í hátíðinni með hljóðfæraleik,
ljóðaupplestri, ávarpi og flutt var
frumsamin tónlist. Hátíðinni stjórn-
aði Þorleifur Hauksson, íslensku-
fræðingur. Ræðumenn voru Haf-
steinn Karlsson, skólastjóri, og
Guðlaug María Bjarnadóttir, leik-
kona.
„Borgarleg ferming er kostur
sem margar fjölskyldur velja. Um
260 fjölskyldur hafa tekið þátt í
borgaralegri fermingu undanfarin
10 ár. Félagið Siðmennt sér um at-
höfnina og undirbúningsnámskeið,
þar sem m.a. er fjallað um mannleg
samskipti og siðfræði óháð trúar-
brögðum," segir í frétt frá Sið-
mennt.
----------------
• •
Hverinn í Oskju-
hlíð gýs um
páskana
GOSHVERINN í Öskjuhlíð hefur
notið sívaxandi vinsælda borgarbúa
og gesta sem til borgarinnar koma,
bæði innlendra sem erlendra.
Vegna þess fjölda sem daglega
kemur að skoða hverinn hefur verið
ákveðið að lengja tímann sem hver-
inn gýs nú um páskana og mun
hann þá gjósa frá kl. 13-17 dag
hvern. Fyrst um sinn mun hverinn
einnig gjósa á sama tíma allar helg-
ar.
Athugasemd frá formanni
Dagsbrúnar-Framsóknar
MORGUNBLAÐINU hefur borist
eftirfarandi athugasemd frá Hall-
dóri Björnssyni, formanni Dags-
brúnar-Framsóknar:
í grein í Morgunblaðinu miðviku-
daginn 8. apríl krefur Björgvin Þor-
varðarson undirritaðan skýringa á
ólýðræðislegum og einræðislegum
vinnubrögðum í Dagsbrún og
Framsókn - stéttarfélagi.
Þeim hluta greinarir.nar var svar-
að í Morgunblaðinu í gær, þar sem
farið var nákvæmlega yfir ásakanir
vegna póstatkvæðagreiðslu í félag-
inu, afstöðu stjórnar D&F til sam-
einingar við Sókn og FSV, þannig
að ekki er ástæða til að endurtaka
þau svör.
Rétt er þó að benda á að samein-
ingin hefur hvorki verið samþykkt
né afgreidd og niðurstaðan í at-
kvæðagreiðslunni í D&F liggur ekki
fyrir fyrr en 18. apríl og þá verður
tekin afstaða til framhalds málsins.
Annað mál er ásakanir hans á
mig vegna „Ölfusborgasukksins"
sem hann nefnir svo smekklega.
Þar verður Björgvin að gera sér
grein íyrir að ég er aðeins einn í sjö
manna stjórn. Þar með er hann að
bera þessar sakir á alla stjórnina,
þar með fulltrúa annarra stéttarfé-
laga.
Hann heldur því fram að D&F sé
að byggja marmarahöll í Ölfusborg-
um á kostnað orlofssjóðs félagsins.
Sannleikurinn er sá að verið er að
byggja timburhús á einni hæð ca.
380 fm til að bæta úr allri kennslu-
og fundaraðstöðu í Ölfusborgum svo
hægt sé að veita orlofsbyggðinni og
félögunum fullnægjandi þjónustu.
Dagsbrún og Framsókn - stéttarfé-
lag er einn af 23 eigendum í Ölfus-
borjnim.
Akvörðun um byggingu þessa
húss í Ölfusborgum var tekin á lög-
legum aðalfundi 1997, þar sem mik-
ill meirihluti húseigenda samþykkti
að fara út í þessa framkvæmd. Við
erum ekki að byggja þetta hús fyrir
fjármagn úr oriofssjóði félagsins
nema sem svarar eignarhlutdeild
okkar í byggðinni. í öðrum orlofs-
byggðum, þar sem þjónustumið-
stöðvar hafa verið byggðar, hefur
það verið framkvæmt með þessum
hætti án þess að til ágreinings hafi
komið.
í Ölfusborgum er hins vegar
kominn upp ágreiningur um lög-
mæti samþykktar aðalfundarins frá
1997, en það mál er ekld kosninga-
mál í Dagsbrún og Framsókn -
stéttarfélagi, eins og Björgvin vill
láta gerast. Það mál verður tekið
fyrir á fulltrúaráðsfundi í rekstrar-
félagi Ölfusborga seinna í þessum
mánuði og það er rétti vettvangur-
inn til að leiða það til lykta en ekki í
framboðsslag í Dagsbrún og Fram-
sókn - stéttarfélagi.
En mér er ijúft að vera kallaður
„sukkari“ ef það á að vera einkunn-
arorð um þá sem vilja auka og bæta
aðstöðu félagsmanna í orlofsbyggð-
unum.
Allur þessi málatilbúnaður lýsir
óskaplegri málefnafátækt þess hóps
sem kallar sig „Framboð verka-
fólks“ og segist stefna að stjórnar-
framboði við stjórnarkjör 1998.
Ferðafélag
Islands með
páskaferðir
FERÐAFÉLAG íslands efnir til
nokkurra ferða um bænadaga og
páska og er rútuferð frá Reykjavík
í þær frá Umferðarmiðstöðinni,
austanmegin og Ferðafélagshús-
inu, Mörkinni 6.
A skírdag, fímmtudag 9. apríl,
kl. 10.30 er bryddað upp á
skemmtilegum nýjungum í ferðum
en þá er höfð samvinna við Ferða-
málafélag Ölfushrepps í tveimur
ferðum. Annars vegar er strand-
ganga frá Þorlákshöfn í Selvog
sem er gönguferð um mjög sér-
stæða strandlengju er tekur um 4
klst. í þessari ferð er farið frá fé-
lagsheimilinu Þorlákshöfn kl.
11.30. Hins vegar er um að ræða
fjölskylduferð Ferðamálafélagsins
í Selvog. Þetta er létt ganga með
Hlíðarvatni niður að ósi. Hin fræga
Strandarkirkja verður heimsótt og
síðan komið við í fjárhúsunum í
Vogsósum og skoðuð nýfædd lömb.
I Þorlákshöfn er farið í þessa
ferð á einkabílum frá félagsheimil-
inu kl. 11.30. Fararstjóri í fjöl-
skylduferðinni er Edda Pálsdóttir
frá Ferðamálafélagi Ölfushrepps.
Heimkoma til Reykjavíkur er áætl-
uð um kl. 17.30.
A föstudaginn langa 10. apríl kl.
10 er ferð á söguslóðir í Rangár-
þingi. Farið verður á Njáluslóðir
og aðrar söguslóðir. M.a. farið að
Odda, Bergþórshvoli, ýmsum stöð-
um í Fljótshlíð, Njálumiðstöðin á
Hvolsvelli heimsótt, komið að
Keldum og víðar. Fararstjóri er
Sigurður Kristinsson.
A mánudaginn annan í páskum
13. apríl kl. 13 er gengin Almenn-
ingsvegur í Vatnsleysustrandar-
hreppi. Genginn hluti þessarar
elstu samgönguleiðar í hreppnum
og tekur gangan um 3 klst.
-------♦-♦-♦-----
Norskur predik-
ari í heimsókn
NORSKI leikpredikarinn Gunnar
Hamnoy kemur hingað til lands um
næstu helgi. Hann hefur í mörg ár
verið starfsmaður Kristniboðssam-
bandsins í Noregi og hefur haft
mikil áhrif víðsvegar í heimalandi
sínu. Hamnöy hefur komið áður til
íslands.
í tilefni af heimsókn Hamnöys
verður haldin samkomuröð, alls
fimm samkomur, í Kristniboðssaln-
um, Háaleitsbraut 58 í Reykjavík,
þar sem gesturinn predikar. Mál
hans verður túlkað. Fyrsta sam-
koman verður þriðjudaginn 14. þ.m.
og hefst kl. 20.30. Einsöngur, tví-
söngur eða kvartettsöngur verður
öll kvöldin og mikill almennur söng-
ur. Hamnöy mun einnig tala á al-
mennum samkomum í félagsheimili
KFUM og K, Holtavegi 28, sunnu-
dagana 19. og 29. þ.m. og hefjast
þær kl. 17. Þá verður hann á Akur-
eyri mánudag og þriðjudag í næstu
viku og predikar þar í sal KFUM og
K í Sunnuhlíð. Allir eru velkomnir á
samkomur Gunnars Hamnöy.
Kirkjuskóli á snældu
KIRKJUSKÓLINN minn heitir ný
snælda sem gefin hefur verið út
af útgáfufyrirtækinu September
ehf. en það rekur m.a. stafrænt
hljóðver. Eigendur þess eru Þórð-
ur Guðmundsson, Hafþór Guð-
mundsson og Siggeir Pétursson.
Um er að ræða nokkurs konar
sunnudagaskóla þar sem bæði eru
sungið og talað, segir í fréttatil-
kynningu.
Á þessari snældu syngja stúlkur
úr Hjallaskóla í Kópavogi undir
stjórn Guðrúnar Magnúsdóttur og
Þóru V. Guðmundsdóttur. Lögin
sem stúlkurnar syngja eru ein-
faldir hreyfisöngvar, svo sem:
Jesús er besti vinur barnanna,
Djúp og breið. Þá er einnig að
finna sálma frá fyrri tíð, eins og
t.d. Ó Jesús, bróðir besti og skírn-
arsálminn Ó, blíði Jesús blessa þú.
Á milli sálmanna er kristileg
fræðsla og boðun sem sr. Karl V.
Matthíasson, sóknarprestur í
Grundarfirði, flytur. Fjallar hann
um ást Guðs á okkur mönnunum,
víkur að páskum, skírninni og
fermingunni, ásamt því sem hann
talar um mikilvægi þakklætisins í
lífinu. Efninu lýkur svo með bæn
sem sr. Karl fer með, en þar er
beðið fyrir Iandi og þjóð ásamt
öðrum bænarefnum.
Snældan er seld í Kirkjuhúsinu
við Laugaveg og Akureyrarkirkju
en einnig munu börn ganga sums
staðar í hús og bjóða hana til
styrktar ýmissi æskulýðs- og ung-
lingastarfsemi.
LEIÐRÉTT
Rangur opnunartími
í BLAÐINU í gær miðvikudag birt-
ist myndlistardómur Gunnars J.
Árnasonar um sýningu Jónasar
Braga Jónassonar í Stöðlakoti.
Rangur opnunartími var greininni
og er beðist velvirðingar á því. Rétt-
ur opnunartími er að það er opið alla
daga frá kl. 14-18.
Stjórnvöld mega ekki
I Morgunblaðinu í gær, miðviku-
dag 8. apríl, birtist grein eftir Guð-
mund Hauksson, sparisjóðsstjóra
SPRON, með yfu'skriftinni: Sann-
gjarnar leikreglur. Villa var í út-
drætti með greininni, sem átti að
vera þessi: Stjórnvöld mega ekki,
segir Guðmundur Hauksson, grípa
til aðgerða sem skekkja samkeppnis-
stöðu fyrii-tækja á fjármálamarak-
aði.
Ekki trúartónlist
í fréttatilkynningu frá Óháða
söfnuðinum í Morgunblaðinu á
þriðjudag segir að tónlistarmaðurinn
KK, Kristján Kristjánsson, muni
„syngja trúartónlist sem hann hefur
samið“ í kirkju safnaðarins næst-
komandi fóstudag. Til fyrirbyggja
misskilning vill Kristján taka fram
að hann hvorki syngi né semji „trú-
artónlist", heldur hyggist hann flytja
lög úr safni sínu sem hann telur við-
eigandi að syngja í kirkju á fóstu-
daginn langa.
Ekki framkvæmdastjóri
Alþýðubandalagsins
I Morgunblaðinu í gær var Einar
Karl Haraldsson sagður fram-
kvæmdastjóri Alþýðubandalagsins.
Hann var framkvæmdastjóri flokks-
ins frá 1992 til haustsins 1996, en
gegnir því starfi ekki lengur.
--------♦-♦-♦--------
■ STJÓRN Bandalags háskóla-
manna lýsir þungum áhyggjum af
þeirri stöðu sem upp er komin í
heilbrigðisþjónustu vegna viðtækra
uppsagna hjúkrunarfræðinga.
Stjórn bandalagsins skorar á
stjórnvöld að beita öllum tiltækum
ráðum til að bæta starfskjör hjúkr-
unarfræðinga í þeim tilgangi að laða
þá til starfa við heilbrigðisstofnanir,
segir í ályktun.
Skemmtanir
■ Á MÓTI SÓL er komin á fullt
skrið eftir smávetrarfrí. Hljóm-
sveitin leikur á Gjánni Selfossi
föstudagskvöld frá kl. 00-4 og
Höfðanum, Vestmannaeyjum laug-
ardags- og sunnudagskvöld. Þess
má geta að hljómsveitin er nú í
hljóðveri að taka upp tvö lög sem
verða á safnplötu sem Skífan sendir
frá sér í byrjun júní. I rammanum
a-ö var hljómsveitin sögð heita Á
túr og er beðist velvirðingar á þeim
mistökum.
■ BÍÓBARINN Hljómsveitin
Croysztantz leikur fýrir dansi
föstudagskvöld frá miðnætti. Að-
gangur ókeypis.
■ REGGAE ON ICE leikur fóstu-
dagskvöld í Inghóli Selfossi og með
þeim í för er trúbadorinn Jónas úr
Sólstrandargæjunum. Á laugardag
verður haldið páskaball í Sjallanum
á Akureyri.
Fræðslufyrirlestur um geð-
heilsu barna og unglinga
FRÆÐSLUFYRIRLESTRAR um
geðheilsuvanda barna og unglinga
á vegum barna- og unglingageð-
deildar Landspítalans.
í tilefni af Álþjóðlegum geðheil-
brigðisdegi þann 10. október sl.
sem helgaður var málefnum barna
með geðheilsuvanda var ákveðið af
starfsfólki barna- og unglingageð-
deildar Landspítalans að bjóða upp
á fræðslu til almennings mánaðar-
lega í tíu skipti.
Fræðslukvöldin bera yfirskrift-
ina: Hegðun, tilfinningar og þroski
- Hefur þú áhyggjur af barninu
þínu? Efni þeiiTa hefur verið skipt
í þema. Þannig fjalla fyrstu kvöldin
um geðheilsu barna, næst verður
tekið fvrir geðheilsa ungbarna og
að lokum verður fjallað um geð-
heilsu unglinga.
Næsta fræðslukvöld verður
þriðjudagskvöldið 14. apríl kl. 20 á
barna- og unglingageðdeild Land-
spítalans, Dalbraut 12 (ekið inn frá
Leirulæk). Efni kvöldsins verður:
Frávik í hegðun og þroska fyrstu
fimm æviárin. Umsjón er í höndum
Ólafs Ó. Guðmundssonar, yfir-
læknis, Páls Magnússonar, sál-
fræðings, og Málfríðar Lorange,
sálfræðings. Spurningar frá þeim
sem sækja fræðsluna verða vel
þegnar. Aðgangur að fræðslu-
kvöldunum er ókeypis. I boði verða
kaffiveitingar.