Morgunblaðið - 09.04.1998, Blaðsíða 80

[
Það besta
úr báðum heimum!
unix og NT = hp
OPIN KERFIHF
IW1
HEWLETT
PACKARD

S3.Lausnir
Nýherja fyrir
Lotus Notes
Promigm partner
www.nyherii.is
MORGUNBLAÐIÐ, KRINGLANI, 103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
FIMMTUDAGUR 9. APRÍL 1998
VERÐ í LAUSASÖLU 125 KR. MEÐ VSK

Allt að 25%
verðmunur
á hjólbarða-
skiptingu
25% munur reyndlst á hæsta
og lægsta verði hjólbarða-
skiptingar, umfelgunar og
jafnvægisstillingar þegar
starfsfólk samstarfsverkefnis
ASÍ, BSRB og Neytendasam-
takanna gerði verðsamanburð
á 27 verkstæðum fyrir
skömmu.
Lægst var verðið 2.800
krónur, en hæst 3.500 krónur.
Könnunin var gerð á nokkrum
stöðum á landinu.
Hinn 15. apríl næstkomandi
rennur út frestur til að skipta
yfir á sumardekk.
■ 25% verðmunur/22
Morgunblaðið/Sigurjón J. Sigurðsson
Mál drengsins sem enga skólavist hefur fengið í vetur
Selfyssingar samþykkja að
veita drengnum skólavist
BÆJARSTJÓRN Selfoss sam-
þykkti einróma í gær tillögu Ing-
unnar Guðmundsdóttur bæjarfull-
trúa um að veita dreng úr Reykja-
vík, sem býr á fósturheimili í Vill-
ingaholtshreppi, skólavist í grunn-
skóla á Selfossi. Mikil umræða hef-
ur átt sér stað að undanfömu um
málefni drengsins sem hefur enga
skólavist fengið í vetur. Ingunn
hafði áður borið tillöguna upp í
skólaráði Selfoss en þar var henni
hafnað. Hún sagðist í gær vera
mjög ánægð vegna niðurstöðu bæj-
arstjómarinnar.
„Við fengum þetta erindi í haust
og emm búin að veltast með þetta
eins og fleiri. Ég hef ekki verið
ánægð með þann velting þó að ég
hafí tekið þátt í öllum afgreiðslun-
urji. Ég ákvað því að fá fram afstöðu
bæjarstjómar og hún var mjög ein-
dregin. Ég er mjög þakklát fyrir
það,“ segir Ingunn.
Bæjarstjórn fól forstöðumanni
fræðslu- og menningarsviðs að
ganga frá samningum við Reykja-
víkurborg sem fyrst, svo nemand-
inn gæti notið skólagöngu það sem
eftir er af skólaárinu.
I umræddri tillögu og bókun sem
samþykkt var í bæjarstjórn Selfoss
í gær segir að ijóst sé að Reykjavík-
urborg beri alla ábyrgð og allar
skyldur í þessu máli samkvæmt lög-
um. „Umræða sem fram hefur farið
á opinberum vettvangi hefur því
miður ekki borið vitni um þá stað-
reynd, heldur hafa sveitarfélögin í
Flóanum legið undir ómaklegum
ásökunum. Framgangur þessa máls
er áminning til sveitarfélaganna um
að sveitarfélög sem þurfa að taka
börn frá heimilum sínum og vista
annars staðar verða að seinja um
skólaúrræði áður en vistun kemur
til framkvæmda. BS leggur áherslu
á að svo verði gert í framtíðinni."
Sólskinsstund
á fjöllum
Isafjiirdui'. Morgunblaðið.
FJÖLMARGIR Vestfírðingar
hafa notið veðurblíðunnar und-
anfarið með því að bregða sér á
skíði eða stunda einhverja aðra
útivist. A sunnudag nutu margir
sólarinnar á Breiðadalsheiði milli
Skutulsíjarðar og Önundarfjarð-
ar og meðal þeirra voru Sigurð-
ur Jónsson, framkvæmdasijóri
Skipasmíðastöðvarinnar á Isa-
firði, og fjölskylda hans. Þau
hjón Sigurður og Sólveig Sigurð-
ardóttir, sem eru á myndinni
ásamt börnum sínum, þeim
Ragnari Óla og Björk, höfðu með
sér tjald og hitunartæki og fengu
sér sunnudagskaffi á heiðinni. Þá
hlóðu þau skjólvegg til að skýla
sér fyrir norðanáttinni sem var
fremur köld þennan dag.
Bretaprins vill
koma með syni
sína til Islands
KARL Bretaprins sagði að hann
vildi koma til íslands og veiða lax
ásamt sonum sínum, Vilhjálmi og
Harry, og lýsti yfír eindregnum
stuðningi við tilraunir Norður-
4 TBRtlantshafslaxasjóðsins (NASF) til
að draga úr laxveiðum í sjó á
fundi, sem haldinn var við ósa ár-
innar Dee við Aberdeen í
Skotlandi á þriðjudagskvöld.
Að sögn Orra Vigfússonar,
stofnanda sjóðsins, komu um 250
manns til kvöldverðarfundarins,
sem haldinn var í fjáröflunar-
skyni. Hann sagði að ræða Karls
hefði vakið athygli og hann rakið
áhyggjur sínar af stöðu villtra
laxastofna.
„Hann vék frá skrifuðum texta
^jinum og flutti hjartnæma ræðu
af því þegar hann hóf veiðiskap
fjögurra ára og veiddi laxaseiði í
lítinn ketil handa ömmu sinni,
drottningarmóðurinni, sem er á
98. aldursári og mikil veiðimann-
eskja," sagði Orri. „Síðan sagði
hann frá fyrstu löxunum, sem
hann hefði veitt, sjö eða átta ára
^JBramalI, og lýsti yndislegum veiði-
dögum á Islandi. Hann kvaðst
vilja koma aftur til veiða á íslandi
einhvern tímann með syni sína
með sér.“
Orri bætti því við að prinsinn
ætti boð um að veiða lax á íslandi.
Hann sagði að Bretaprins hefði
einnig lýst yfir því að hann styddi
aðgerðir á borð við að veiða laxa
og sleppa þeim, en það hefði verið
mikið hitamál í veiðiheiminum
undanfarin tvö ár.
Orri flutti ræðu á kvöldverð-
arftmdinum þar sem hann gerði
grein fyrir markmiðum NASF.
Stofnunin ynni að því að ffiða lax-
inn í Norðurhöfum með því að
kaupa kvóta í sjó, en það væri erfitt
að réttlæta það á meðan hann væri
veiddur í net við Bretland. Nú gæti
hins vegar verið að reknetaveiðar
Breta legðust brátt af.
Ihuga reknetabann
Talið er líklegt, að Jack Cunn-
ingham, landbúnaðarráðherra
Bretlands, muni taka til athugun-
ar að banna enskum sjómönnum
að nota reknet í Norðursjó. Er til-
gangurinn sá að vernda laxinn en
helmingur laxaflans er tekinn í
Morgimblaðið/Steve Martin
KARL Bretaprins ásamt Stewart Spence og hjónunum
Orra Vigfússyni og Unni Kristinsdóttur.
reknet áður en hann nær að
ganga upp í árnar. Kom þetta
fram í The Daily Telegraph í
fyrradag.
Cunningham, sem er sjálfur
áhugamaður um laxveiðar, sagði
að hann byggist við því, að nefnd,
sem falið hefiir verið að endur-
skoða lög um veiðar á laxi og
ferskvatnsfiski, myndi skoða til
hvaða ráða væri best að grípa til
verndar laxinum en á síðasta ári
veiddist minna af honum en
nokkru sinni fyrr. Það eru eink-
um reknetin við norðausturströnd
Englands, sem eru mönnum þyrn-
ir í augum, en í þau koma árlega
um 50.000 laxar og jafnmikið af
sjóbirtingi.
Vaxandi reknetaafli
Ríkissljórn íhaldsflokksins
ákvað á sínum tíma að hætta út-
gáfu nýrra reknetaleyfa og siðan
hefur leyfishöfunum fækkað úr
1411 89. Laxafli reknetabátanna
hefur samt verið að aukast á sið-
ustu árum og er meðal annars
nýjum og betri netum þakkað
það. Hafa þessar veiðar bitnað
sérstaklega á skosku ánum en í
þær ganga 80% laxins í Bretlandi.
I Skotiandi hafa þó reknetaveiðar
verið bannaðar í mörg ár.
Fínn miðill ehf.
Bandarískt
fyrirtæki
kaupir 50%
ÚTVARP , FM hf., fyrirtæki
feðganna Arna Samúelssonar og
Björns Amasonar í Sam-bíóunum,
keypti í gær 50% eignarhlut Afl-
vakans hf. í Fínum miðli ehf. sem
rekur fimm útvarpsstöðvar. Ami
og Björn áttu fyrir helmingshlut í
félaginu. Gengið var frá kaupunum
á hádegi í gær og hálftíma síðar
framseldu Ai-ni og Björn svo 50%
eignarhlutann til bandarísks fjöl-
miðlafyrirtækis. Um er að ræða
stórt fyrirtæki sem starfrækir
bæði útvarps- og sjónvarpsstöðvar
í Bandaríkjunum. Að sögn Ama er
salan nánast fullfrágengin.
Ekki er unnt að greina frá nafni
fyrirtækisins að svo stöddu. Greint
verður opinberlega frá kaupunum
á Islandi og í Bandaríkjunum
næstkomandi þriðjudag. Ami segir
að umrætt fyrirtæki muni taka
mikinn þátt í starfsemi útvarps-
stöðva Fíns miðils enda búi það að
mildlli reynslu og þekkingu á
rekstri útvarps- og sjónvarps-
stöðva. „Þeirra aðferðir eiga eftir
að koma vel í Ijós hér á landi á
næstu mánuðum. Þeir búa yfir
mjög mikilli þekkingu á þessu
sviði,“ sagði Arni.
Byggja upp öflugt
Ijósvakafyrirtæki
Baldvin Jónsson, stjómarfor-
maður Aflvakans hf., sem einnig
hefur verið stjómarformaður Fíns
miðils, kvaðst í gær vera mjög
ánægður með eigendasldptin og að
aðilar sýndu því áhuga að koma inn
í þennan rekstur af fullum krafti í
þeim tilgangi að byggja upp mjög
öflugt ljósvakafyrirtæki. Greinilegt
væri að tekist hefði vel til við upp-
byggingu Fíns miðils á undanforn-
um sjö ámm og að gera það að
áhugaverðu fjölmiðlafyrirtæki.
„Ég skil mjög sáttur við þetta fyr-
irtæki og er yfirmáta ánægður með
þróun mála,“ sagði Baldvin.
„Aflvakinn hefur byggt upp út-
varpsstöðvar sínar á undanfomum
sjö árnrn. Samkeppni ljósvaka-
miðla er mjög hörð og erfitt að fóta
sig því það gætir mikillar ósann-
girni í samkeppninni. Menn eiga í
baráttu við Ríkisútvarpið sem nýt-
ur lögbundinna afnotagjalda og er
jafnframt að keppa á hinum frjálsa
auglýsingamarkaði. Þótt við höfum
vakið athygli Samkeppnisstofnun-
ar á ýmsum þáttum í rekstri RÚV
hefur ekki verið tekið tillit til þess
og RÚV ekki farið eftir því. I öðm
lagi er um mismunun að ræða, þeir
sem auglýsa í ljósvakamiðlum
þurfa að greiða 10% gjald af aug-
lýsingum í Menningarsjóð. í allri
þessari baráttu er mjög ánægju-
legt að sjá að þrátt fyrir þetta hef-
ur vaxið upp úr þessu mjög gott
fyrirtæki sem gengur vel. Það býr
að góðri blöndu útvarpsstöðva.
Mér fannst kominn tími á það per-
sónulega á þessum tímamótum að
snúa mér af fullum krafti að öðmm
spennandi verkefnum sem ég er að
vinna að,“ sagði hann.
MORGUNBLAÐIÐ kemur
næst út miðvikudaginn 15. apríl.
Fréttavefur Morgunblaðsins
verður með fréttaþjónustu yfir
páskana. Slóðin er www.mbl.is