Morgunblaðið - 28.04.1998, Qupperneq 21

MORGUNB LAÐIÐ
ÞRIÐJUDAGUR 28. APRÍL 1998 21
VIÐSKIPTI
Fyrsta verslun sinnar teffundar á Islandi
Debenhams
verður kjöl-
festan í
Smáralind
LÍKAN af verslunarmiðstöðiimi Smáralind þar sem Debenhams stór-
verslunin verður til húsa.
BRESKA stórverslunarkeðjan
Debenhams mun opna stórverslun
á tveimur hæðum í nýju verslunar-
og þjónustumiðstöðinni Smáralind
sem framkvæmdir eru að hefjast
við í Kópavogsdal. Aætlað er að
hún verði opnuð haustið 2000. Það
er fyrirtækið Smáralind ehf. sem
stendur að framkvæmdunum en að
fyrirtækinu standa fyrirtækin
Byggingarfélag Gylfa og Gunnars,
Byko, Olíufélagið, Skeifan 15 og
Saxhóll ehf.
Ein sú stærsta í Evrópu
Debenhams stórverslunin verður
kjölfestan í verslunar- og þjónustu-
miðstöðinni sem áætlað er að verði
alls um 44.000 fermetrar að flatar-
máli. Debenhams er ein stærsta
stórverslunarkeðja í Bretlandi og í
Evrópu og væntanleg verslun
þeirra hér verður fyrsta deildar-
skipta stórverslunin af þessu tagi á
Islandi. Að sögn Pálma Kristins-
sonar, framkvæmdastjóra Smára-
lindar ehf., var gengið frá samning-
um við fyrirtækið í síðustu viku en
undirbúningur þeirra hefur staðið
lengi yfir.
Markaðskannanir hafa sýnt að
markaður er fyrir verslun af þessu
tagi hér á landi en auk þess sem bú-
ist er við að Islendingar fjölmenni í
verslunarmiðstöðina verður reynt
að laða að erlenda ferðamenn, að
sögn Pálma, og færa verslun Is-
lendinga í útlöndum heim.
„Það er mat þeirra sem að þessu
standa að verslunin muni höfða
mjög sterkt til íslenskra neytenda.
Það er engin svona verslun til hér á
landi, alhliða deildaskipt heimilis-
verslun með búsáhöld, húsbúnað,
leikföng, sportbúnað, fatnað og
fleira. Svona verslanir hafa mikið
aðdráttarafl. Þær draga að mikil
viðskipti og mikið streymi fólks og
er verslun Debenhams ætlað að
gegna einu af lykilhlutverkinu í
þeim hugmyndum sem við höfum
um þessa verslunar- og þjónustu-
miðstöð," sagði Pálmi.
Margir Islendingar á ferð er-
lendis hafa sjálfsagt farið i búð
keðjunnar, flaggskip hennar í Ox-
fordstræti, en hún er þeirra elsta
verslun í London.
Sú glæsilegasta í flotanum
Debenhams rekur 92 verslanir af
þessu tagi í Bretlandi og í undirbún-
ingi eru þijár verslanir utan Bret-
lands fyrir utan þá íslensku. Þegar
rekur keðjan eina verslun utan Bret-
lands.
„Verslunin mun verða mjög svipuð
og þeirra nýjustu verslanir í dag og
verður sú glæsilegasta í flotanum
þegar hún verður opnuð, ég er full-
viss um það,“ sagði Pálmi.
Verslunin verður svokölluð sérleyf-
isverslun. Hún verður alfarið í eigu
Islendinga og starfsfólk allt íslenskt.
Að sögn Pálma mun verslunin
verða mjög samkeppnishæf. „Ég hef
fúlla trú á að hún muni bjóða upp á
nýja og spennandi valkosti inn á ís-
lenskan markað hvort heldur er í
vöruúrvali eða vöruverði. Hugsunin
er sú að þetta verði heimilum í land-
inu til hagsbóta, við munum koma
með nýtt verð inn á markaðinn."
Auk stórverslunarinnar verða um
80-100 verslanir og þjónustufyrirtæki
í verslunarmiðstöðinni auk þess sem
Nóatún verður væntanlegur verslun-
araðili í hinum enda hússins og mun,
að sögn Pálma, starfrækja þar
stærstu matvöruverslun landsins, um
4-5000 fermetra að flatarmáli.
Kostnaður við byggingu verslun-
armiðstöðvarinnar mun skipta millj-
örðum.
Fálkinn og
Kværner
taka upp
samstarf
FÁLKINN hf. hefur tekið upp sam-
starf við norska fyrirtækið Kværner
Hetland a/s um sölu á vélum og
tækjum til fiskimjölsframleiðslu.
Fyrirtækið er einnig að taka upp
beint samband við ítalska þjöppu-
framleiðandann Babbini og getur
eftir það boðið heildarlausnir við
uppbyggingu og endurnýjun fiski-
mjölsverksmiðja, að sögn Páls
Bragasonar forstjóra Fálkans.
Þekkt fyrir tæki
í fiskimjölsverksmiðjur
Fálkinn og Kvæmer undirrituðu
samstarfssamning fyrr í vikunni.
Kværner Hetland a/s, sem stofnað er
árið 1912, er hluti af Kværner málm-
iðnaðarsamsteypunni. Fyrirtækið er
þekkt um allan heim fyrir framleiðslu
á vélasamstæðum til fiskimjölsfram-
leiðslu.
Páll segir að Fálkinn hafi þjónað
íslenskum fiskimjölsiðnaði með
rekstrarvöru, vélar og rafbúnað allt
fi'á árinu 1955. Framboðið hafi aukist
í áranna rás og nú geti Fálkinn, í
samvinnu við samstarfsaðila sína
heima og erlendis, boðið heilar véla-
samstæður og allt upp í fullbúnar
verksmiðjur ef á þurfi að halda.
Margar fiskimjölsverksmiðjur
hafa verið endumýjaðar á síðustu ár-
um. Páll segir þó að enn sé ekki búið
að endumýja nema helming þeirra
og þvi séu mikil verkefni framundan.
Telur hann að Fálkinn sé með góða
aðstöðu til að taka þátt í áframhald-
andi uppbyggingu með umræddu
samstarfi við Kvæmer sem nú er
annar af tveimur meginframleiðend-
um tækja til fiskimjölsverksmiðja.
Rétt eins og blettatígurinn er fótfráasta dýrið - viljum við hjá DHL vera fljótastir í hraðsendingum.
Til að ná því takmarki fljúgum við á hverju kvöldi til Brussel þar sem DHL rekur fullkomnustu flokkunar-
og dreifingarstöð sinnar tegundar í Evrópu. Það tryggir að sendingin þín kemst hratt og örugglega til viðtakanda
Það geta aliir verið fljótir - en það er bara einn sem er fljótastur!
womuw/oe expoess •
Viö stöndum viö skuidbindingar þínar