Morgunblaðið - 28.04.1998, Síða 31

MORGUNBLAÐIÐ
ÞRIÐJUDAGUR 28. APRÍL 1998 31
LISTIR
Verðlauna-
störf fyr-
ir börnin
HILMAR Hilmarsson, Kristín Thorlacius og Hildur Hermóðsdóttir
Á SUMARGLEÐI Barnabóka-
ráðsins, IslandsdeUdar IBBY,
voru veittar árlegar viðurkenn-
ingar félagsins fyrir menningar-
starf í þágu barna og unglinga.
Viðurkenningarnar hlutu eft-
irtaldir þýðendur: Hildur Her-
móðsdóttir sem hefur um árabil
þýtt bækur fyrir yngstu börnin
á góða og vandaða íslensku.
Með starfi sínu hjá Máli og
menningu hefur Hildur jafn-
framt stuðlað að útgáfu valinna
erlendra bóka fyrir börn og
unglinga þar sem áhersla á
gæði hefur yfirskyggt gróða-
sjónarmið.
Kristín Thorlacius fyrir þýð-
ingar á bókaflokki C. S. Lewis
um töfralandið Narníu. Bóka-
flokkurinn tilheyrir svokölluð-
um fantasíubókmenntum en
þeirri tegund barnabókmennta
hafði lítt verið sinnt hér á landi
er Kristín hóf að þýða Narníu-
bækurnar og var þetta frum-
kvæði hennar lofsvert.
Hilmar Hilmarsson fyrir
vandaðar þýðingar á unglinga-
bókum sænska rithöfundarins
Mats Wahl. Bækurnar fjalla
einkum um tilfinningalíf ung-
linga og eru raunsæjar og til-
fínningaþrungnar en jafnframt
afar spennandi.
Sumar í Sólheimum
LEIKLIST
Leikfélag Sólheima
BÍÓSÖGUR
Spunaverk eftir leikendur Leikstjóri:
Gunnar Sigurðsson Aðstoðarleikstj.
Estelle Burgel Lýsing: Bernd
Friedrich Aðstoð baksviðs: Andrea
Cosimo Leikendur: Kristjana Larsen,
Erla Sigmundsdóttir, Edda Guð-
mundsdóttir, Ólafur Benediktsson,
Rúnar Magnússon, Haukur Þorsteins-
son, Ármann Eggertsson, Kristján
Ólafsson, Hanný Haraldsdóttir, Dísa
Sigurðardóttir, Guðlaug Jónatans-
dóttir, Pálína Erlendsdóttir, Árni Ge-
orgsson, María Kristjánsdóttir, Lárus
Fjeldsted, Gísli Haraldsson, Erla
Leifsdóttir, Einar Baldursson,
Sigurlín Sigurgeirsdóttir. Frumsýn-
ing að Sólheimum í Grímsnesi á
sumardaginn fyrsta.
Á SUMARDAGINN fyrsta
höldum við upp á hamskipti náttúr-
unnar. Þungur skrápur vetrar vík-
ur fyrir léttu skrúði sumars og á
einhvern forritaðan genetískan
hátt verðum við einnig ný. Okkur
eflist máttur til nýrra verka, því
þótt við séum alltaf söm verðum
við þó önnur á sumrin og stundum
meiri. Á Sólheimum í Grímsnesi, í
hvilftinni sem veitir skjól fyrir
nöprustu vindunum, og innan um
höggmyndirnar allar sem bera vott
um staðfestu kærleikans, sjást
þessar breytingar hvert sem litið
er. Jörð litverpist, opin mold bíður
sáningar, á greinum trjánna brýst
undrið undan berkinum enn einu
sinni og aftur og hárprúðir hund-
amir ærslast hrekklausir á milli
gestanna og leika tunguleiki mjúk-
lega við hvem þeirra fingm-.
Á þessum blíða degi fyrirheit-
anna hópast Sólheimingar inn í
samkomuhúsið sitt og taka þátt í
helgisiðum árstíðarinnar með því
að setja upp leikverk. Þeir sömu
verða aðrir um stund. Það er hollt
að gleyma því ekki, að einmitt
þetta er einn persónulegasti og
dýpsti munaður leiklistarinnar, að
skreppa út úr skrápnum.
Og þama bmgðu karlar og kon-
ur sér í heim kvikmyndanna, sett-
ust niður í kring um varðeldinn og
átu brúnar baunir af bestu lyst og
bmgðu sér á hestbak og stóðu
ábúðafull með kábojhattinn á
hvirflinum og hendur á mjöðm, en
það var einnig sú stelling sem gerði
Jón heitinn veinandi heimsfrægan.
Og svo kynnust Danny og Sandy
þama á ný, þau sem allir unglinga
féllu í yfirlið yfir í fitus-
klessuræmunni Grís. Og ekki var
síðra að sjá álfaskarann undir
söngnum Stóð ég útí tunglsljósi.
Það tókst vel á Sólheimum að
skreppa út úr skrápnum og þótt
sumir hafi eflaust verið með sviðs-
skrekk og ekki allir alltaf með á
nótunum er það eitthvað sem þekk-
ist ekkert síður í leikhúsum í
Reykjavík, París, London og Róm
og fylgir hverri leiksýningu. Það
sem máli skipti var gleðin, og hana
mátti sjá á leikendum, ljóst og
kannski ekki síður leynt, og alveg
fortakslaust meðal áhorfenda í
salnum. Og kærleikann líka, en sú
kennd er dýrmæt af sjálfri sér,
enda aldrei ókeypis.
Guðbrandur Gíslason
Skagfírska
fær í flestan sjó
TÓNLIST
Langhol tskirkja
KÓRTÓNLEIKAR
Skagfirska söngsveitin fiutti innlend
og erlend söngverk. Einsöngvarar:
Kristín R. Sigurðardóttir og Guð-
mundur Sigurðsson. Píanóleikari:
Sigurður Marteinsson. Stjórnandi:
Björgvin Þ. Valdimarsson. Fimmtu-
daginn 23. apríl 1998.
VORBOÐINN var að þessu
sinni Skagfirska söngsveitin, með
tónleikum í Langholtskirkju á
sumardaginn fyrsta, og hófust
tónleikamir með hinu fallega lagi
Senn kemur vor eftir rússneska
tónskáldið Dimitri Kabalevski.
Þetta fallega lag var mjög vel flutt
og sömuleiðis Nú sefur jörðin
sumargræn, eftir Þorvald Blöndal,
en bæði lögin söng kórinn sérlega
þýðlega og með fallegum sam-
hljómi.
Augasteinninn, þýskt þjóðlag í
útsetningu eftir Ernst Tittel,
Sláttuvísa, slóvenskt þjóðlag út-
sett af Heinz Lau, og þrír ung-
verskir söngvar í sérlega
skemmtilegri gerð eftir Matthias
Seiber voru nokkuð misjafnlega
flutt, en sérstaklega truflaði
áhersluskipanin í útsetningum
Seibers, sem á köflum stóð óþægi-
lega á skakk við áhersluskipan ís-
lensku þýðingarinnar. Þetta
vandamál kemur oft upp þegar
reynt er að stemma saman er-
lenda áhersluskipan laga við ís-
lenskan texta.
íslenska þjóðlagið Ég að öllum
háska hlæ, í útsetningu Hallgrím's
Helgasonar, var mjög vel flutt en
lag eins og Ég fann þig, amerískt
þjóðlag, hefði mátt missa sín og
auk þess var það allt of djúpt fyrir
einsöngvarann, Guðmund Sig-
urðsson, sem hefur bjarta og fal-
lega tenórrödd. Tvö lög eftir söng-
stjórann, Ástarþrá og Vorsól, voru
síðust fyrir hlé. Ástarþrá er ágætt
lag og var það einnig mjög vel
flutt. Vorsól við kvæði eftir Stefán
frá Hvítadal er allt of gassalegt
fyrir annars lýrískan texta Stef-
áns og var auk þess nokkuð of
kraftmikið í flutningi, bæði hjá
kór og einsöngvara, Kristínu R.
Sigurðardóttur, sem hefur í raun
lýríska rödd en hættir til að „for-
sera“ hana um of í átökum við háa
tóna. Efnisskráin eftir hlé var að
mestu erlend tónverk, utan Friður
á jörðu eftir Árna Thorsteinsson,
sem Guðmundur Sigurðsson söng
ágætlega í allt of lágri tóntegund.
Erlendu lögin voru Deep river,
sálmurinn frægi í úsetningu eftir
H.T. Burleigh. Besti hluti efnis-
skrárinnar hófst með Locus iste
eftir Bruckner, sem var sérlega
vel flutt. Minna bragð var að In-
flammatus et accensus eftir Ross-
ini, en í því verki, sem er víxlsöng-
ur einsöngvara og kórs, vantaði
hinn ítalska fínleika, þótt einsöng-
ur Kristínar R. Sigurðardóttur
væri á margan hátt góður.
Faðir vor eftir Berggreen, sem
er ágæt tónsmíð, var vel flutt og
sama má segja um Sicut locutus
est úr Magnificat eftir J.S. Bach,
sem er stutt fúga að gerð og var
nokkuð vel sungin, þótt sums stað-
ar væri samskipan raddanna ekki
alveg nógu góð. Lokakórinn úr
Mattheusarpassíunni eftir J.S.
Bach var á margan hátt vel fluttur
en það var í lokalagi tónleikanna,
Hallelújakórnum eftir Hándel,
sem flutningur kórsins var hinn
glæsilegasti og sýnir síðari hluti
efnisskrárinnar að kórinn er að
verða fær í flestan sjó. Björgvin
og kórinn mega sem best ætla sér
erfið verkefni í framtíðinni, þótt
ekki beri að lasta léttleikandi við-
fangsefni í bland. Sérlega ánægju-
legt var að heyra hve karlaradd-
imar voru góðar og hljómmiklar
og kórinn í heild vel hljómandi,
bæði í veikum og sterkum söng.
Undirleikari með kórnun var Sig-
urður Marteinsson, er lék af hóg-
værð og sérlega vel í tveimur síð-
ustu verkunum, þar sem helst
reyndi á.
Jón Ásgeirsson
Afmælis-
hátíð í
Dalabyggð
Búðardal - í tilefni 50 ára afmælis
Söngfélagsins Vorboðans ætlar
kórinn að halda veglega tónleika í
Dalabúð, Búðardal, föstudaginn 1.
maí nk. kl. 21.
Kórinn var stofnaður í janúar
árið 1948 og aðalhvatamenn að
stofnun kórsins voru hjónin Elísa-
bet Guðmundsdóttir og Magnús
Rögnvaldsson í Búðardal. Fyrsti
stjórnandi kórsins var Krístján
Einarsson frá Hróðnýjarstöðum í
Laxárdal. Stofnendur voru 22 tals-
ins. M.a. viðfangsefna sá kórinn
um messusöng í Hjarðarholts-
kirkju um 40 ára bil. Kórfélagar
eru nú 28 talsins auk undirleikara.
Núverandi stjómandi kórsins er
Halldór Þórðarson frá Breiða-
bólsstsað á Fellsströnd.
Efnisskráin á þessum tónleikum
verður fjölbreytt að vanda og
verða þar flutt m.a. nokkur lög
sem sungin voru á fyrsta starfsári
kórsins. Einnig verður rakin saga
hans frá upphafi og fleira verður
sér til gamans gert. Stofnfélagar
kórsins eru sérstaklega boðnir vel-
komnir og vonast aðstandendur til
að sem flestir sjái sér fært að
mæta.
Núverandi formaður kórsins er
Magnína Kristjánsdóttir.
Umboðsaðilar:
Akureyri: Höldur, s: 461 3014 • Akranes: Bílver, s: 431 1985 • ísafjörður: Bilasala Jóels, s: 456 4712
Keflavík: B.G. Bílakringlan, s: 421 1200 • Egilsstaðir: Bíla og Búvélasalan, s: 471 2011
Fjórhjóladrifinn fjölskyldubíll - hannaður fyrir íslenskar aðstæður
InnifaiiO í verpj bíi$in$
s 2.01 4 strokka 16 ventla léttmálmsvél
s Loftpúðar fyrir ökumann og farþega
^ Rafdrifnar rúður og speglar
■S ABS bremsukerfi
s Veghæð: 20,5 cm
y Fjórhjóladrif
v Samlæsingar
✓ Ryðvörn og skráning
•/ Útvarp og kassettutæki
✓ Hjólhaf: 2.62 m
/ Lengd: 4.52m, Breidd: 1.75m, Hæð: 1.675m
Verð á götuna: 2.285.000.- með abs
Sjálfskipting kostar 80.000,
(H
HONDA
Sími: 520 1100