Morgunblaðið - 28.04.1998, Síða 62

62 ÞRIÐJUDAGUR 28. APRÍL 1998
MORGUNBLAÐIÐ
FÓLK í FRÉTTUM
V aldamennirnir
í Hollywood
Hverjir eru það sem ákveða hvaða myndir
eru gerðar í Hollywood? Hverjir eru
valdamestu mennirnir í draumaverk-
smiðjunni? Arnaldur Indriðason
skoðaði Ksta sem gerður hefur verið
yfir þá 100 einstaklinga sem
taldir eru ráða mestu um
bandaríska kvikmyndagerð.
GIBSON, Costner og
Foster komast öll á
listann.
irtaskinu einnig eins og „Volcano" og
ekki síst „Speed 2“, að líkindum
versta mynd síðasta árs.
I þriðja sæti listans er Sumner
Redstone, eigandi og stjómarformað-
ur Viacom, sem ræður yfir Para-
mount kvikmyndaverinu ásamt öðru.
Sagt er að hluthafarnir í fyrirtækinu
vildu óska þess að hann hefði framtíð-
arsýn Murdochs en Redstone lætur
engan bilbug á sér finna og sagt er að
hann hafi gert Viacom að beinskeytt-
ara skemmtanafyriitæki en það var
áður. Að vísu mun Paramount áforma
að kvikmynda „Beavis og Butthead
2“ og „Star Trek 9“ en svo eru líka
bitastæðari stykki í bígerð.
Steven Spielberg, gulldrengurinn
í Hollywood, vermir fjórða sæti list-
ans. Titanic hefur skotið E.T. og
Júragarðinum ref fyrir rass en víst
þykir að Spielberg gæti auðveldlega
fengið fé í þrjár Titanicmyndir ef
honum hugnaðist svo. Fyrirtæki
hans, Amblin Entertainment,
græddi óhemju á sumarmyndunum
1997, Júragarðinum 2 og Mönnum í
svörtu, en nýja fyrirtækið, Dr-
eamWorks, hikstaði á „Peacema-
ker“ og „Mouse Hunt“. Nokkur von-
brigði fyrir Spielberg að Amistad
kom hvergi nærri Óskarnum í ár.
Eigi að síður veit enginn betur en
hann hvaða myndir seljast best.
Tom Cruise fyrstur
og fremstur
I fimmta sæti er Edgar Bronfman
yngri, forstjóri Seagram, eiganda
Universal kvikmyndaversins, en
Spielberg var einmitt helsta fjöðrin í
hatti Universal áður en allur tími
hans fór í DreamWorks. I sjötta
sæti er leikarinn Tom Cruise. Hann
er fyrsti leikarinn sem nefndur er á
listanum enda sá sem kvikmynda-
húsaeigendur um heim allan treysta
best til þess að skila tekjum í kass-
ann. Hann dvaldi í London í 15 mán-
uði á meðan Stanley Kubrick gerði
með honum „Eyes Wide Shut“ og
gæti hafa tapað 40 milljón dollurum
í launum á meðan meistarinn hélt
honum út af fyrir sig. Ætlar að gera
„Mission: Impossible 2“ en leist ekki
nógu vel á hvernig Oliver Stone
hugsaði þá mynd og hafnaði honum
sem leikstjóra. Ræðir nú málið við
John Woo.
í næstu tveimur sætum eru for-
stjórar kvikmyndavers Disney fyrir-
tækisins, Joe Roth, og Warner Bros.
kvikmyndaversins, Robert Daly og
Terry Semel. Árið í fyrra var Warn-
er Bros. þungt í skauti; fyrirtækið
græddi ekki nógu vel á Batman og
Robin enda myndin vond og sömu
sögu má segja um Samsæriskenn-
inguna eða „Conspiracy Theory"
með Mel Gibson og Juliu Roberts og
svo komu skellirnir: „Father’s Day“,
Póstmaðurinn, „Sphere" og „Mad
City“. í sumar senda þeir frá sér
„Lethal Weapon 4“ og í enn fjarlæg-
ari framtíð Súperman lifir eftir Tim
Burton, sem gæti orðið rósin í
Utanlandsferðir
í boði á næstunni
Beint flug til Budapest
30. maf og 11. sept.
Vikudvöl í stórborginni Budapest,
drottningu Dónár.
Stóra Evrópuferðin 2. júnf
Sautján daga rútuferö um Luxemborg,
Belgíu, Holland, Þýskaland, Danmörku,
Noreg, Færeyjar og ísland.
Beint flug til Prag
6. og 27. ágúst
Sex daga ferö til ævintýraborgarinnar Prag.
Granninn í vestri
Stangveiðiferðir til Suöur Grænlands.
fer&askrffstofa
GUÐMUNDAR JÓNASSONAR Hf.
Borgartúni 34, sími 511 1515.
9
EINU sinni á ári tekur
bandaríska kvikmynda-
tímaritið Premiere saman
lista yfir þá 100 einstak-
linga sem það telur valdamestu
mennina í kvikmyndaheiminum
vestra. Nýlega birtist slíkur listi og
tróna efstir á honum eigendur og
forstjórar kvikmyndaveranna í
Hollywood. Efstur er forstjóri Disn-
ey fyrirtækisins, Michael Eisner.
Sagt er að Disney veldið blómstri
sem aldrei fyrr undir stjórn hans.
Tekjur fyrirtækisins námu 21,6
milljörðum dollara á síðasta ári og
jókst um átta prósent. Tekjur sjálfs
Disney kvikmyndaversins voru að
vísu minni en tekjur Columbia kvik-
myndaversins, sem er í eigu Sony
fyrirtækisins, en það kemur ekki að
sök; á síðasta ári einu fjölgaði Disn-
ey búðum um 106.
Eigendur og forstjórar
í öðru sæti er ástralski fjölmiðla-
kóngurinn Rupert Murdoch, eigandi
og stjómarformaður News Corp.,
móðurfyrirtækis 20th Century Fox
kvikmyndaversins. Hann keypti Los
Angeles Dodgers á síðasta ári,
teiknimyndadeild Fox skilaði viðun-
andi árangri með Anastasíu og hin
nýja kvikmyndadeild, Fox Se-
archlight, græddi 200 milljónir á
Með fullri reisn. Ekki má gleyma að
Fox græðir fúlgur á Titanic. Hins
vegar komu vondar myndir frá fyr-
LEONARDO DiCaprio er í 25. sæti.
STEVEN Spielberg er í fjórða sæti listans; hér við tökur á „Saving
Private Rvan“ með Tom Hanks, sem er í 14. sæti listans.
ROBIN Williams er í 28. sæti en Matt Damon í 88.
TOM Cruise JAMES Cam-
er valdamesti eron er í ní-
leikarinn. unda sæti.
hnappagatið.
Leikstjórinn James Cameron er í
níunda sæti yfir valdamestu menn í
Hollywood. Titanic hefur mjög aukið
hróður þessa besta hasarmyndaleik-
stjóra draumaverksmiðjunnar en
hann var í 30. sæti á þessum sama
lista í fyi'ra. Titanic er fyrsta bíó-
myndin í sögunni sem skilar meira
en milljarði dollara í tekjur. Hvort
hann fær nokkuð af þeim er óvist
ennþá. Framleiðendurnir Fox og
Paramount eru enn að segjast ætla
að láta hann hafa eitthvað af hagn-
aðinum en lítið hefur orðið úr efnd-
unum. Cameron ætlar ekki að gera
Tortímandann 3 en skrifar handritið
að endurgerð Apaplánetunnar og
ætlar að framleiða þá mynd.
I tíunda til þrettánda sæti eru
stjórnendur 20th Century Fox, Pet-
er Chernin og Bill Mechanic, en ein-
hverjar líkur eru taldar á að þeir fái
fyrstir að bjóða í dreifingarréttinn á
nýju Stjörnustríðsseríunni þótt ekk-
ert sé ákveðið í þeim efnum; John
Calley, forstjóri kvikmyndadeildar
Sony fyrirtækisins en hann fékk þá
Roland Emmerich og Dean Devlin
(„Independence Day“) frá Fox með
sumarmyndina Godzilla, og yfir-
menn Paramount og Universal, Jon-
athan Dolgen og Sherry Lansing,
sem er fyrsta konan á valdalistan-
um, og Ron Meyer og Casey Silver.
Stjörnurnar
I næstu tveimur sætum eru tvær
kvikmyndastjömur. Tom Hanks er í
14. sæti sem annar vinsælasti kvik-
myndaleikari heimsins. Hann mun
bráðlega leika aðalhlutverkið í
Grænu mflunni, sem byggð er á sam-
nefndri sögu eftir Stephen King, og á
móti Meg Ryan í þriðja sinnið í
„You’ve Got Mail“ fyrir leikstjórann
Noru Ephron, sem áður gerði með
þeim Svefnvana í Seattle. Mel Gibson
er í 15. sæti sem einn af vinsælustu
kvikmyndaleikurum jarðarinnar.
Hann leikur í fyrsta skipti óþokka í
myndinni „Payback“ og mun leik-
stýra endurgerð „Farenheit 451“,
hugsanlega með Tom Cruise í aðal-
hlutverkinu.
Leikstjórinn og framleiðandinn Ge-
orgejLucas er í 17. sæti. Hann hefur
lokið tökum á fyrstu myndinni af
þremur í nýrri Stjörniistríðsseríu og
kvikmyndaverin í Hollywood berjast
öll sem eitt um dreifingarréttinn.
Tölvubrellufyiirtæki hans, ILM,
stendur sig best í samkeppninni. 119.
til 21. sæti eru leikaramir Harrison
Ford, sem virðist ekki eldast hætis-
hót, John Travolta, sem öllum líkar
við en gæti átt á hættu að þynnast út
með því að vera í of mörgum mynd-
um í einu, og Jim Carrey, sem kallað-
ur er konungur gamanmyndanna.
122. sæti eru forstjórar New Line
Cinema, Robert Shaye og Michael
Lynne, og síðan Frank Mancuso
sem stjórnar Metro Goldwyn Meyer
og í 24. sæti er leikarinn Will Smith,
sem leikið hefur í tveimur sum-
arsmellum í röð, „Independence
Day“ og Menn í svörtu. Hann var í
79. sæti í fyrra. A eftir honum kem-
ur svo hjai’taknúsari ungviðisins,
Leonardo DiCaprio; fær nú 20 millj-
ónir dollara fyrir mynd.
Nicholas Cage er í 37. sæti list-
ans, orðinn einn eftirsóttasti hasar-
myndaleikarinn vestra eftir myndir
eins og Fangaflugið og „Face/Off’.
Gamla buffið Clint Eastwood kemur
á eftir honum og Robert Redford
þar á eftir. Fyrstu leikkonumar sem
nefndar eru á listanum eru Jodie
Foster í 40. sæti og Julia Roberts í
41. sæti, sem segja má að njóti
mestra vinsælda í dag (Demi Moore
er í 92. sæti). Brad Pitt er í 43. sæti
en hann mun leika í „The Fight
Club“ sem David Fincher leikstýrir.
Bruce Willis er um miðbik listans,
í 49. sæti. Hann mun á næstunni
leika í mynd sem ber heitið Sjötta
skilningarvitið. Kevin Costner er í
53. sæti þrátt fyrir að hera alla
ábyrgð á Póstmanninum, sem mun
sennilega vera sú mynd sem mestir
peningar hafa tapast á í sögu Warn-
er Bros. kvikmyndaversins. Michael
Douglas fylgir honum í næsta sæti
en nokkru neðar eru tveir metsölu-
höfundar, Michael Crichton í 59.
sæti og John Grisham í því sextug-
asta. Sagt er að Crichton hafi selt
kvikmyndarétt ,Airframe“ á tíu
milljónir dollara. Þá er Sean Conn-
ery í 62. sæti og á eftir honum kem-
ur Arnold Schwarzenegger, sem oft
hefur verið ofar á listanum. Hann
vill ekki leika í Tortímandanum 3
nema Cameron sé sáttur við það en
kvikmyndarétturinn mun ekki vera
lengur í höndum Titanicleikstjórans.
Ónnur nöfn neðar á valdalistanum
eru m.a.: Stanley Kubrick, Martin
Scorsese, John Woo, Jack Nicholson
í 76. sæti, Danny DeVito, Tim
Burton, Quentin Tarantino í 80. sæti
og Sylvester Stallone í næstneðsta
sæti listans.