Morgunblaðið - 21.05.1998, Síða 18

18 FIMMTUDAGUR 21. MAÍ 1998
AKUREYRI
LANDIÐ
MORGUNBLAÐIÐ
^ Morgunblaðið/Kristján
JÓN Magnússon, fuglaáhugamaður við hreiður álftaparsins í hólmanum á Leirutjörn. titi á tjörninni gaf
parið hinum óboðnu gestum illt auga og sendi þeim tóninn.
Akureyringar eignast sínar bæjarálftir
Sjö egg í hreiðri á Leirutjarnahólma
AKUREYRINGAR hafa eignast
sínar bæjarálftir, en álftapar hef-
ur gert sér hreiður í hólmanum á
Leirutjörn. I hreiðrinu eru sjö
egg og má því búast við að líflegt
verði á tjöminni þegar ungamir
koma úr eggjunum.
Jón Magnússon,
fuglaáhugamaður á Akureyri,
segir að þetta séu fyrstu álftim-
ar sem geri sér hreiður á Akur-
eyri svo vitað sé, þannig að hér
er því um nokkuð merkilegan at-
burð að ræða. Hann sagði mjög
mikilvægt að fuglinn fengi að
vera í friði í sínu fyrsta varpi í
hólmanum og gengi það eftir
væm miklar líkur á að hann yrði
hér áfram næstu árin.
Æðarkolluhreiður í
vegkantinum
Æðarkollur era farnar að
verpa í bæjarlandinu og mikill
Qöldi þeirra er i kringum Akur-
eyrarflugvöll. Að minnsta kosti
tvenn æðarkollupör hafa hins
vegar gert sér hreiður í vegkant-
inum við Drottningarbraut og
eru þau bæði aðeins um 3 metra
frá vegkantinum. Æðarkollurnar
virðast kunna nokkuð vel við sig
í hávaðanum frá umferðinni um
Drottningarbraut, en mikilvægt
er að þær fái einnig frið á hreiðr-
um sínum.
Jón segir að um 100
stormmávapör haldi til í austur-
kanti flugbrautarinnar en ekki
séu nema 300-400 stormmávapör
í landinu. Þá hafa fuglaáhuga-
menn merkt fyrstu þrastarung-
anana á þessu vori og auðnutitt-
lingar em komnir með unga fyr-
ir nokkru.
Staða skólastjóra við Brekkuskóla
Umsókn dregin til baka
SVEINBJÖRN Markús Njálsson
hefur dregið umsókn sína um starf
skólastjóra Brekkuskóla til baka.
Hann var eini umsækjandinn um
stöðuna og hefur starfað sem skóla-
stjóri síðasta árið. Jakob Björnsson
bæjarstjóri sagði á fundi bæjar-
stjómar Akureyrar á þriðjudag að
staðan yrði nú væntanlega auglýst
að nýju.
Nokkurrar óánægju hefur gætt
eftir að skólarnir tveir, Barnaskóli
Akureyrar og Gagnfræðaskóli Ak-
ureyrar, voru sameinaðir í Brekku-
skóla síðasta haust. Foreldrafélag
og foreldraráð Brekkuskóla sendu
bæjarstjóra bréf á þriðjudagsmorg-
un þar sem m.a. er rætt um slæman
aðbúnað og að byggja þurfi upp
innra starf skólans.
Þórunn í Lundarskóla
Ásta Sigurðardóttir, formaður
skólanefndar, gerði grein fyrir
miklu þróunarstarfi sem unnið hefði
verið í vetur á sviði fjarkennslu
nemenda á grunnskólaaldri, en
skólinn hefur fengið styrk vegna
þróunarverkefnis í fjarkennslu úr
Þróunarsjóði grunnskóla. Sagði
Ásta að nú væri með lítilli fyrir-
hyggju verið að setja þetta þróunar-
starf í uppnám.
Á fundi bæjarstjórnar var ráðn-
ing Þórunnar Bergsdóttur í stöðu
skólastjóra Lundarskóla samþykkt,
en hún hefur verið skólastjóri Dal-
víkurskóla undanfarin ár. Sigmar
Ólafsson, sem skólanefnd hafði
samþykkt að mæla með í stöðu að-
stoðarskólastjóra, dró umsókn sína
til baka á mánudag. Samþykkt var á
fundi bæjarstjórnar að ráða Gunnar
Jónsson í starfið, en kennararáð
hafði mælt með honum.
Oddakirkja á Rangárvöllum
Sæmundur fróði
kominn heim
Afsteypa af listaverki Asmundar
Sveinssonar afhjúpuð í Odda
Hellu-Sl. sunnudag var afsteypa
listaverksins ^Sæmundur á seln-
um“ eftir Ásmund Sveinsson
myndhöggvara afhjúpuð við hátíð-
lega athöfn við kirkjuna í Odda.
Markar sú athöfn upphaf hátíða-
halda í Rangárvallasýslu til að
minnast þúsund ára kristnitökuaf-
mælis á Islandi.
Dagskráin hófst með messu í
Odda, þar sem sr. Sigurður Sig-
urðarson vígslubiskup predikaði
og sr. Sigurður Jónsson sóknar-
prestur þjónaði fyrir altari, en aðr-
ir prestar úr héraðinu lásu ritning-
arorð. Að því búnu afhjúpaði sr.
Sváfnir Sveinbjarnarson prófastur
styttuna, sem stendur á hæð utan
við kirkjuna. Ávörp íluttu dr.
Stefán Karlsson forstöðumaður
Árnastofnunar, Þór Jakobsson for-
maður Oddafélagsins og sr. Sig-
urður Jónsson sóknarprestur. Þá
las ung stúlka frá Hellu, Sigríður
Harpa Jónsdóttir, þjóðsöguna Sæ-
mundur fær Oddann, en sagan
mun vera uppspretta myndverks
Ásmundar.
Segir þar frá því er Sæmundur
fróði hafði verið við nám i Svarta-
skóla að honum berast spurnir af
því að prestakall í Odda muni vera
laust. Upphefst mikið kapphlaup
meðal Sæmundar og skólabræðra
hans, þein-a Kálfs og Hálfdáns,
hver yrði fyrstur heim. Gerir Sæ-
mundur samning við kölska, eitt
sinn sem oftar, um að ef kölski geti
flutt hann yfir hafið og heim án
þess að hann myndi vökna, fengi
kölski sálu hans. Kölski taldi það
auðsótt mál og breytti sér í ferlíki
mikið í selsmynd og bauð Sæmundi
að setjast á bak og synti síðan af
stað. Á leiðinni las Sæmundur Dav-
íðssálmana og var svo niðursokk-
inn í lesturinn að hann uggði ekki
að sér fyrr en í lestri 148. sálms og
voru þeir þá komnir fram hjá Vest-
mannaeyjum skammt undan
Rangársandi. Rak þá Sæmundur
saltarann af öllu afli í haus selsins
sem hrökk við og missti Sæmund
af baki, sem óð í land og náði fyrst-
ur heim að Odda og var þar með
úthlutað brauðinu.
Það var að frumkvæði Odda-
félagsmanna, sem er félagsskapur
áhugafólks um sögu og menningu
Oddastaðar, að ráðist var í söfnun
fjár til verksins undir forystu sr.
Sigurðar Jónssonar sóknarprests í
Odda. Framlög bárust víða að, en
þó langflest úr héraðinu. Háskóli
Islands á frumgerð styttunnar sem
stendur fyrir utan háskólann og
gaf, ásamt erfingjum Ásmundar,
góðfúslegt leyfi til afsteypunnar.
Fjölmenni var við athöfnina, en að
henni lokinni bauð sóknamefnd og
Kvenfélag Oddakirkju til kaffisam-
sætis í Hellubíói.
Sr. SVÁFNIR Sveinbjarnarson prófastur Rangárvallaprófastsdæmis
afhjúpaði styttuna af Sæmundi á selnum við kirkjuna í Odda að
viðstöddum fjölda kirkjugesta.
Þeir sem eru reiðubúnir að hjálpa til eru hvattir til að hafa samband við
hverfaskrifstofurnar eða skrifstofu Sjálfstæðisflokksins fsíma 515 1700.
Að fanga
fugla á
filmu
ÖRN Óskarsson, líffræðingur
og kennari við Fjölbrauta-
skóla Suðurlands, mun segja
frá aðferðum og tækni sem
hann beitir til að ljósmynda
fugla og smádýr sunnudaginn
24. maí.
Þetta er síðasti fyrirlestur-
inn í vor sem Listasafn Ár-
nesinga stendur fyrir og hefst
hann kl. 16 í húsi safnsins við
Tryggvagötu á Selfossi.
Örn er þekktur fyrir marg-
vísleg störf í þágu skógrækt-
ar og fyrir dýramyndir sínar.
Ljósmyndir hans hafa birst í
tímaritum og bókum.
f
r
»
i
i
i
»
»
i
t
i
»
f;
I
|
»
I