Morgunblaðið - 28.10.1998, Qupperneq 8

8 MIÐVIKUDAGUR 28. OKTÓBER 1998
MORGUNBLAÐIÐ
FRETTIR
Dríla stefnir á efsta

KEMST hún á toppinn eða bíður mærin bara við brúsapallinn með nýja kló á gítar Eyjajarlsins?
BLAREFUR
Meðalverð á íslenskum
loðskinnum hjá DPA
árin 1988/89 til 1997/98
Öll verð i islenskum krónum. Reiknað
útfrá gengi dönsku krónunnar, sem
to S var 10,993 kr. þann 23. okt. 1998.
Meðalverð á uppboðum
árið 1997/98
Kr.—
88/ 89/ 90/ 91/ 92/
89 90 91 92 93
93/ 94/ 95/ 96/ 97/
94 95 96 97 98
MINKUR
cn S
lilil
88/ 89/ 90/ 91/ 92/ 93/ 94/ 95/ 96/ 97/
89 90 91 92 93 94 95 96 97 98
OG FYLGIHLUTIR
Fást í
leikfangaverslunum,
bóka' og
ritfangaverslunum,
stórmörkuðum og
matvörubúðum um
allt land
—.—^ --------PREJRNGARAÐIU
MfíMHbiMSSSFJrehfi
■ Sími: 533-1999, Fax 533-1995
30% verð-
lækkun
til refa-
bænda
VERÐ á minka- og refaskinnum
lækkaði nokkuð á síðasta skinna-
uppboði í Kaupmannahöfn. Arvid
Ki-o, framkvæmdastjóri Sambands
íslenskra loðdýrabænda, segir að
verð hafi farið lækkandi á uppboð-
um í september og október og nemi
lækkunin um 30% frá í júní, bæði á
refa- og minkaskinnum. Þar með er
sú hækkun, sem varð á uppboðun-
um í apríl að engu orðin og verðið
orðið svipað og var í fyrrahaust.
„Það versta við þetta er óvissan
sem ríkir í fjármálaheiminum og
kreppan í Rússlandi, þar sem gengi
rúblunnar er ekki skráð, og því er
enginn innflutningur til Rússlands í
augnablikinu," segir Arvid Kro.
„Það er eftirspurn í Rússlandi, af
því að þar er fólk sem á nóga pen-
inga. En þegar rúblan er ekki
skráð þá kaupir það ekki. Ódýri
markaðurinn á skinnavöru í Rúss-
landi er hins vegar erfíður vegna
erfíðs efnahags hjá almenningi.“
Undanfarin ár hefur loðdýra-
bændum fjölgað hérlendis og búin
hafa stækkað. „Greinin er aðeins
komin upp úr lægðinni, sem varð
fyrir nokkrum árum, þegar við átt-
um 4 til 5 erfíð ár. Síðastliðin 3 til 4
ár hafa verið þokkaleg og menn
áttu von á því sama með þetta ár en
síðan kom kreppan og óvissan í
Rússlandi og gerir þær vonir að
engu.“
Arvid segir að nýtt söluár byrji í
desember og haldin verði 5-6 upp-
boð frá desember fram í september
á næsta ári. Aðspurður um þróun
fram í desember sagði Arvid að
heimildarmenn sínir í Danmörku
telji að frekar erfitt tímabil sé að
hefjast vegna ástandsins í Rúss-
landi og Asíu.
Hvernig bregðast íslenskir loð-
dýrabændur við þessum tíðindum?
„Stór hluti mun draga saman, aðal-
lega refabændur. Refaskinn seljast
undir kostnaðarverði í dag,“ sagði
hann.
Reykjavíkurdeild Rauða krossins
Hefja starf með
ungum mæðrum
Sara Margrét
Sigurðardóttir
UNGMENNA-
DEILD Reykja-
víkurdeildar
Rauða kross íslands
býður í kvöld, miðviku-
dagskvöld, til kynning-
arfundar á starfi með
ungum mæðrum.
Sara Margrét Sigurð-
ardóttir er í forsvari fyr-
ir starfsemina.
„Upphaflega er hug-
myndin komin frá
grunnskólakrökkum
sem komu í heimsókn til
Rauða krossins. Þau
voru beðin um að setja
fram hugmyndir um
hvernig Rauði krossinn
gæti starfað og þar á
meðal var þessi uppá-
stunga frá einu barn-
anna.“
Sara Margrét segir að
sjálfboðaliðum hjá ung-
mennadeild Reykjavík-
urdeildar Rauða krossins hafi
litist ljómandi vel á þessa hug-
mynd og ákveðið að athuga
hvort þörf væri á starfsemi fyrir
þennan hóp.
„Við skrifuðum fjölda bréfa til
stofnana og félagasamtaka til að
kanna hvort starf með ungum
mæðrum væri á boðstólum og
hvort viðkomandi teldu þörf á
slíkri starfsemi. Niðurstaðan
var að slíkt starf hefði verið
reynt fyrir nokkrum árum en
væri ekki lengur við lýði og full
þörf væri á fræðslu og aðhlynn-
ingu íyrir ungar mæður.“
- Á hvaða aldri eru þær mæð-
ur sem þið eruð að höfða til með
þessu starfi?
„Við bjóðum ungum mæðrum
til okkar og setjum engin ald-
urstakmörk í því sambandi. All-
ar mæður sem telja sig ungar
eru hjartanlega velkomnar í
hópinn okkar.“
- Hvers konar starfsemi
hyggist þið bjóða upp á?
„Við munum fyrst og fremst
leitast við að veita þá fræðslu og
þjónustu sem ungar mæður
telja sig þurfa á að halda. Til að
byrja með bjóðum við þeim að
hittast hjá okkur og setja síðan
fram hugmyndir sínar sem við
reynum að mæta eftir bestu
getu. Hjá Rauða krossinum
starfa margir með sérfræði-
kunnáttu og þeir eiga eflaust
eftir að miðla af þekkingu sinni
til þessara ungu mæðra.“
Sara Margrét segist sjá fyrir
sér að þetta geti verið vettvang-
ur fyrir ungar mæður til að hitt-
ast og miðla af reynslu sinni og
fá fræðslu um ýmis
málefni eins og
barnauppeldi, um-
önnun, skyndihjálp,
fjármál, menntun og
svo framvegis."
-Hvað verður tek-
ið fyrir á kynningar-
fundinum í kvöld?
„Sá fundur verður opinn öll-
um sem vilja kynna sér starfið.
Við fáum tfl okkar nokkrar
ungar mæður sem ætla að
starfa með okkur og halda utan
um starfsemina með okkur.
A kynningarfundinum mun-
um við aðallega leggja áherslu á
að heyra í ungu mæðrunum, fá
hugmyndir frá þeim um hvað
þær vilja og bera undir þær
okkar hugmyndir.
Við leggjum mikla áherslu á
að starfsemin miðist fyrst og
fremst við þeirra þarfir. I raun-
inni verða engar ákvarðanir um
starfsemina teknar fyrr en að
►Sara Margrét Sigurðardóttir
er fædd í Svíþjóð árið 1978.
Hún útskrifaðist frá Mennta-
skólanum í Kópavogi síðastlið-
ið vor og stundar nú nám í við-
skiptafræði við Háskóla ís-
lands.
Sara Margrét er í forsvari
fyrir starf ungmennadeildar
Reykjavíkurdeildar Rauða
kross íslands með ungum
mæðrum og starfar auk þess
með Kópavogsdeild Rauða
krossins.
Unnusti hennar er Sigtrygg-
ur Örn Sigurðsson.
loknum kynningarfundinum þar
sem sjónarmið mæðranna koma
fram. Framhaldið ræðst af
þeirra óskum.“
- Purfa mæðurnar að bera
kostnað af starfseminni?
„Nei. Þessi þjónusta við ung-
ar mæður verður endurgjalds-
laus og við munum veita þeim
sérfræðiþekkingu þeim að
kostnaðarlausu."
Sara Margrét segir að sjálf-
boðamiðstöðin á vegum Reykja-
víkurdeildar Rauða krossins sé
aðallega nýtt á daginn og því
hafi forsvarsmenn verið að leita
leiða til að nýta húsnæðið betur
á kvöldin. „Húsið er opið alla
daga og þessi starfsemi mun
glæða húsið lífi á daginn.“
Hún bendir á að iðulega hafi
ungar mæður samband við sjálf-
boðamiðstöðina og eru þá að
forvitnast um starfsemina.
„Miðstöð sjálfboðaliða Rauða
krossins í Reykjavík
var opnuð hinn 8. maí
síðastliðinn. Starf
sjálfboðaliða er
skipulagt þama og
frá í byrjun maí hafa
um þúsund manns
komið og fengið
kynningu og fræðslu
hjá okkur. Starf með ungum
mæðrum fellur undir markmið
Rauða krossins, því þörfin virð-
ist brýn og Rauði krossinn á að
vera í fararbroddi við að leita
uppi verkefni og ýta þeim úr
vör. Það verður því mjög spenn-
andi að sjá hvernig tekst til.“
- Hvar verður kynningar-
fundurinn haldinn?
„Við hittumst í kvöld, mið-
vikudagskvöldið 28. október.
Fundurinn hefst klukkan 20 og
verður haldinn í Sjálfboðamið-
stöð Reykjavíkurdeildar Rauða
kross íslands sem er til húsa á
Hverfisgötu 105.
Starfsemin
verður miðuð
við þarfir og
óskir ungra
mæðra