Morgunblaðið - 04.11.1998, Blaðsíða 18

18 MIÐVIKUDAGUR 4. NÓVEMBER 1998
MORGUNBLAÐIÐ
VIÐSKIPTI
Vinnslustöðin með 146 milljóna tap á reglulegri starfsemi
Heildarskuldir lækkuðu
um 1.349 milljónir króna
HAGNAÐUR Vinnslustöðvarinnar
nam 21 milljón króna á síðasta
rekstrarári, frá 1. september 1997 til
31. ágúst 1998, en hafði verið 99
milljónir króna árið á undan.
146 milljóna króna tap varð á
reglulegri starfsemi að teknu tilliti til
6 milljóna króna eignaskatts. A síð-
asta ári var 283 milljón króna tap á
reglulegri starfsemi félagsins. Hagn-
aður af sölu eigna og aðrar tekjur
námu 167 milljónum króna saman-
borið við 382 milljónir árið á undan.
Heildarskuldir fyrirtækisins nema
nú 3.611 milljónum króna en heildar-
skuldimar í lok fyrra árs námu 4.960
milljónum króna. Heildarskuldh'
lækka því um 1.349 milljónir króna.
í fréttatilkynningu frá Vinnslu-
stöðinni kemur fram að eins og
greint var frá í vor versnaði afkoma í
veiðum og vinnslu á síld og loðnu til
manneldis verulega á árinu. „Astæð-
ur versnandi afkomu eru af náttúr-
legum toga, en eins og kunnugt er
brugðust síldveiðar haustið 1997 og
leiddi það til verulegs rekstrarlegs
taps fyrir Vinnslustöðina hf.
Á loðnuvertíðinni hófst frysting á
loðnu til manneldis þremur vikum
seinna en venjulega vegna breytts
hegðunarmynsturs loðnunnar.
Afleiðingar þessa voru þær að mun
minna var fryst á Japansmarkað en
áður og loðnan var einnig mun
smærri en á fyrri árum. Afkoman
varð því mun lakari en á fyrra ári.
Rekstur nótaskipanna gekk einnig
talsvert verr en á fyrra ári enda dróst
afli verulega saman á milli ára. Eitt
nótaskipanna hefur nú verið selt og
mun það væntanlega auka arðsemi
útgerðarinnar á nýhöfnu rekstrar-
ári,“ segir í fréttatilkynningu.
Betri afkoma bolfískvinnslu
Rekstur fiskimjölsverksmiðjunnai'
gekk vel á árinu þrátt fyrir að verk-
smiðjan hafi tekið á móti um 30.000
lestum minna af hráefni en á fyrra
ári. Heildarafkoma veiða og vinnslu í
uppsjávarfiski varð um 245 milljón-
um króna lakari en á síðasta reikn-
ingsskilaári. Afkoma bolfiskveiða og
vinnslu batnaði verulega á rekstrar-
árinu og skilaði sá hluti rekstrarins
um 252 milljónum betri afkomu en á
fyi'ra ári.
Afkoma bolfiskvinnslunnar hefur
batnað umtalsvert að lokinni endur-
skipulagningu vinnslunnar á síðasta
vetri. Afurðaverð hefur hækkað tals-
vert frá fyrra ári en auk þess hefur
framleiðsla á sérpakkningum og
neytendavörum aukist til muna er
skÖar betri afkomu til vinnslunnar.
I fréttatilkynningunni kemur fram
að humarveiðar gengu betur á árinu
en á fyrri árum og var afkoma
humarvinnslu félagsins mun betri en
áður. Bolfiskútgerðin gekk einnig vel
á rekstrarárinu. Vinnslustöðin hf.
seldi tvo isfisktogara á árinu, þá
Breka og Jón V.
Aðalfundur Vinnslustöðvarinnar
hf. verður haldinn í Akóges í Vest-
mannaeyjum 14. nóvember 1998 kl.
16. Á aðalfundinum mun stjórn fé-
lagsins bera fram tillögu um heimild
til aukningar hlutafjár um allt að
175,5 milljónir króna, í allt að 1500
milljónir króna, og að heimildin sé til
5 ára. Ekki verður greiddur arður að
þessu sinni til hluthafa.
Vinnslustöðin hf. j
ÁRSREIKNINGUR U
1 september 1997 til 31. ágúst 1998 1/9 ‘97 - 1/9 ‘96 -
Rekstrarreikningur Miiijónir króna 31/8 ‘98 31/8 ‘97] Brevtinq
Heildarvelta 4.336 4.451 -3%
Rekstrargjöld 3.903 4.029 -3%
Hagnaður fyrir afskrittir 433 422 +3%
Afskriftir 479 465 +3%
Tap fyrir fjármaqnslíði -46 -43 +7%
Fjármagnsgjöld, nettó 94 240 -61%
Tap af reqiuleqri starfsemi -146 -283 -48%
Hagnaður af sölu eigna.aðrar tekjur/gjöld 167 382 -56%
Hagnaður ársins 21 99 -79%
Efnahagsreikningur Mitiiónir króna
Eigið fá 2.455 2.539
Hiðurstaða efnahagsreiknings 6.067 7.498
SjÓðstreymÍ Milljónir króna
Veltufé frá rekstri 216 94
Fjárfestingahreyfingar 472 -1.137
I Kennitölur:
Innra virði 1,85 1,92
Veltufjárhlutfall 1,30 1,14
Eiginfjárhlutfall 40% 34%
Ávöxtun eigin fjár 1% 5%
Yfirlýsing
Verðbréfaþings
kom IS á óvart
Jökull hf. á Raufarhöfn og SR~mjöl
Sameinast undir
nafni SR-mjöls
BENEDIKT Sveinsson, forstjóri
Islenskra sjávarafurða, segir að yf-
irlýsing Verðbréfaþings Islands
vegna hlutafjárútboðs Islenskra
sjávarafurða, sem birtist m.a. í
Morgunblaðinu í gær, hafi komið
stjórn ÍS mjög á óvart þar sem
framkvæmdastjóri Verðbréfaþings
íslands, Stefán Halldórsson, hafi á
fundi með forsvarsmönnum IS á
fóstudag talið að nægjanlegt væri
að láta viðauka fylgja með útboðs-
lýsingunni.
„Á stjómarfundi hjá íslenskum
sjávarafurðum sl. föstudag var sér-
staklega verið að fara yfir málefni
Iceland Seafood. Corp. Þar kom
m.a. fram að e.t.v. væri rétt að und-
irstrika enn frekar þá erfiðleika
sem fyrirtækið á í í Bandaríkjun-
um. Utboðslýsingin hafði hins veg-
ar verið send út um morguninn.
Vegna þessa óskuðum við sérstak-
lega eftir fundi með Stefáni Hall-
dórssyni og báðum hann um ráð-
leggingar. Stefán taldi að þar sem
útboðið væri að hefjast og væri enn
á forkaupsréttarstigi væri nægjan-
legt að láta viðauka fylgja útboðs-
lýsingunni og ekki væri ástæða til
þess að kalla útboðið inn þó svo að
við vildum skerpa á einhverjum
áherslum. Við fórum nákvæmlega
eftir Ieiðbeiningum Stefáns og
töldum okkur vera að gera rétt.
Þar af leiðandi koma viðbrögð hans
sem fram koma í yfirlýsingunni
verulega á óvart. Við höfum sent
stjóm Verðbréfaþings okkar at-
hugasemdir og bíðum svara frá
þeim.“
Benedikt segir að stjórn IS telji
það mjög alvarlegt að Stefán hafi
ekki ráðlagt fyrirtækinu rétt og
það komi IS mjög illa. „Ef okkur
hefði grunað að eftirmálin yrðu
þessi þá hefðum við mjög hugsan-
lega innkallað útboðslýsinguna,
breytt henni og gefið nánari skýr-
ingar,“ segir Benedikt.
Útboðslýsing samin af
fullum heilindum
Brynjólfur Helgason, fram-
kvæmdastjóri fyrirtækjasviðs
Landsbanka Islands, segir að út-
boðslýsingin hafi verið unnin af
fullum heilindum af viðskiptastofu
Landsbankans og að í henni komi
fram skýrt orðuð afkomuaðvörun.
„Það er hins vegar óheppilegt að
við skyldum ekki vita af þessum
stjórnendabreytingum hjá félag-
inu fyrr en útboðslýsingin var til-
búin. En það sem stendur upp úr
er að framkvæmdastjóri Verð-
bréfaþingsins kom á fund forstjóra
og stjómarformanns IS og töldu
þeir eftir þann fund að málið væri í
eðlilegum farvegi. Hlutirnir gerast
oft hratt í fyrirtækjum og menn
leita þá ráða. I þessu tilviki var
leitað beint til Verðbréfaþingsins.
Það kom því öllum í opna skjöldu
að afstaða þingsins skyldi gjör-
breytast yfir helgina," segir
Brynjólfur.
Hann segist telja að viðaukinn
við útboðslýsinguna og fréttatil-
kynningin sem IS sendi frá sér á
laugardag hafi verið til þess að
upplýsa markaðinn enn frekar.
„Það var ekki verið að draga úr
trúverðugleika útboðslýsingarinn-
ar af hálfu félagsins og ég tel að
Landsbankinn hafi unnið í sam-
ræmi við almennar reglur sem
gilda um útboðslýsingar," segir
Brynjólfur.
„Hefðu átt að bregðast
öðruvísi við“
Stefán Halldórsson, fram-
kvæmdastjóri Verðbréfaþings ís-
lands, segir að fundurinn sem hann
hafi átt með forstjóra og stjórnar-
formanni IS á föstudag hafi snúist
um hvernig bregðast ætti við því
ástandi sem hafði skapast eftir að
þeir voru búnir að senda frá sér
upplýsingar sem síðan höfðu
breyst. „Ég fór yfir það með þeim
hvernig beri að haga sér í málum
sem þessum. Það sem breyttist eft-
ir þennan fund var að ég kynnti
mér gögnin betur og sá að þetta
var ekki eitthvað sem var að koma
upp fyrirvaralaust. Ég komst að
þeirri niðurstöðu að þeim hafi hlot-
ið að vera Ijóst að það mál sem var
til umræðu hafði átt sér aðdrag-
anda og þeir hefðu átt að standa
öðruvísi að útboðinu og bregðast
öðruvísi við,“ segir Stefán.
FULLTRÚAR frá stjórnum fyrir-
tækjanna SR-mjöIs hf. og Jökuls
hf. á Raufarhöfn, samþykktu á
fundi sem haldinn var á mánudag-
inn að leggja tillögu um samruna
fyrirtækjanna undir nafni SR-
mjöls fyrir stjórnir beggja félag-
anna.
Samkvæmt fréttatOkynningu frá
félögunum yrði sameiningin með
þeim hætti að hluthafar SR-mjöls
hf. eignuðust 77% í sameinuðu félagi
og hluthafar Jökuls hf. 23%. Stefnt
er að sameiningu fyrir áramót.
Um sögulegan samruna yrði að
ræða því þetta yrði í fyrsta sinn
sem tvö fyrirtæki á VÞI í hefð-
bundnum rekstri rynnu saman.
Forstjóri SR-mjöls, Jón Reynir
Magnússon, vildi í samtali við
Morgunblaðið lítið tjá sig um sam-
runann að sinni, eða ekki fyrr en
búið væri að leggja málið fyrir
BÚNAÐARBANKINN hefur
ákveðið að veita viðskiptamönnum
sínum lán til kaupa á hlutabréfum í
Fjárfestingarbanka atvinnulífsins
(FBA). Lánin verða veitt gegn
handveði í hlutabréfunum og geta
numið 85% af kaupverði þein-a.
Kjörin eru kjörvextir bankans að
viðbættu 1% eða 9,5%. Lántöku-
gjald er 1% og hámarkslánstími 36
mánuðir.
Sú spurning vaknar hvað gerist
þegar bankar lána til kaupa á
hlutabréfum gegn slíku handveði í
bréfunum en verð þeirra lækkar
niður fyrir lánsupphæðina. Andri
Sveinsson, verðbréfamiðlari hjá
Yrði um sögu-
legan samruna
að ræða
stjómarfund síðar í vikunni. Hann
sagði að umræður um samrunann
hefðu staðið lengi yfir. „Við erum
með rekstur á Raufarhöfn líkt og
Jökull og þetta mun koma vel sam-
an,“ sagði Jón aðspurður um hag-
ræðið af sameiningunni.
Jóhann Ólafsson, framkvæmda-
stjóri Jökuls hf., sagði að hagræðið
við sameininguna myndi einkum
verða fólgið í því að veiðar og
vinnsla tengdust betur saman.
Á fyrstu sex mánuðum ársins
skilaði SR-mjöl hf. 154 milljóna
króna hagnaði. Til samanburðar
tapaði Jökull hf. 69 milljónum
króna á sama tímabili.
Búnaðarbankanum-Verðbréfum,
segir að með umræddu handveði,
ásamt því að lána ekki fyrir allri
upphæðinni, telji bankinn sig hafa
næga tryggingu fyrir láninu. „í
þessu tilviki lánum við t.d. fyrir
85% af upphæðinni og við teljum
að gengið fari ekki niður fyrir þau
viðmiðunarmörk. Ef svo ólíklega
vildi til samt sem áður að gengi
hlutabréfanna lækkaði niður fyrir
þessi mörk yrði lántakandinn eftir
sem áður ábyrgur fyrir skuldabréf-
inu. Hann tekst á hendur skuld-
bindingar til að greiða lánið hvem-
ig sem gengi hlutabréfanna þró-
ast,“ segir Andri.
Jökull einbeitir sér að veiðum á
rækju og uppsjávarfiskum ásamt
landvinnslu á bolfiski og uppsjáv-
arfiskum.
SR-mjöl rekur fískimjölsverk-
smiðjur á Siglufirði, Raufarhöfn,
Seyðisfirði og Reyðaifirði auk þess
sem félagið rekur vélaverkstæði á
Siglufirði og Raufarhöfn. Félagið
er sérhæft í framleiðslu og sölu á
fískimjöli og lýsi.
Tilvist VÞÍ
auðveldar samruna
Verði af samrunanum yrði um að
ræða fyrsta samruna tveggja fé-
laga í hefðbundnum rekstri sem
skráð era á Verðbréfaþingi Is-
lands. Ekki yrði þó um fyrsta sam-
runa félaga á þingi að ræða, að
sögn Stefáns Halldórssonar, fram-
kvæmdastjóra VÞÍ, því hlutabréfa-
sjóðirnir Hlutabréfasjóður VBÍ og
Hlutabréfasjóðurinn hf. runnu
saman árið 1995.
„Reynslan erlendis frá sýnir að
þegar félög hafa verið skráð á
skipulegan markað og verð mynd-
ast á bréfin í viðskiptum þá auð-
veldar það mjög og leiðir til fjölg-
unar á samruna og yfirtökum fyrir-
tækja af því að verðgildið er þá
orðið miklu ljósara í hugum manna.
Markaðurinn er þá búinn að verð-
leggja bréfin. Tilvist VÞÍ auðveld-
ar þannig samruna og yfirtökuferli
á Islandi," sagði Stefán Halldórs-
son.
Verð bréfa Jökuls
hækkar um 66,7%
Stefán sagði að það hvernig
upplýsingar um hugsanlegan sam-
nma væru sendar út, þ.e. að sagt
væri frá skiptahlutfalli í samein-
uðu félagi, gerði það að verkum að
verð á bréfum annars félagsins
breyttist strax verulega, en verð
bréfa í Jökli hækkaði um 66,7% í
gær.
Viðskipti með hlutabréf á VÞI
námu 11 milljónum í gær, þar af
voru 7 mkr. viðskipti með bréf
Jökuls og 3 mkr. með bréf SR-
mjöls.
Hlutabréf Fjárfestingarbankans
Búnaðarbank-
inn lánar fyrir
kaupunum