Morgunblaðið - 01.12.1998, Síða 78

78 ÞRIÐJUDAGUR 1. DESEMBER 1998
MORGUNBLAÐIÐ
FRÉTTIR
Úr dagbók lögreglunnar
Drukkinn maður á hjóli
Helgin 27-29 nóvember
MEIRA bar á eldri borgurum í
miðbænum á föstudag en oft áð-
ur. Líklega tengist það því að al-
gengt er að fólk sæki hin ýmsu
jólatilboð veitingahúsanna sem
flest eru á miðborgarsvæðinu.
Rólegt var í miðbænum þetta
kvöld. Fleiri voru á ferli á laugar-
dag og kom þá til einhverra átaka
milli einstaklinga án þess að telj-
andi meiðsl hlytust af.
Umferðarslys varð á Höfða-
bakkabrú á sunnudag um kvöld-
matarleytið. Annai- ökumanna
var fluttur á slysadeild vegna
eymsla í baki og brjósti. Umferð-
arslys varð á Langholtsvegi við
Sæbraut á sunnudagskvöld. Ann-
ar ökumanna var fluttur á slysa-
deild vegna eymsia í hálsi og
baki.
I síðustu viku hófst átak lög-
reglu, tryggingafélaganna,
læknafélagsins, Umferðarráðs og
íleiri aðila gegn ölvunarakstri.
Lögreglan var með um þessa
helgi markvissar aðgerðir og
voru nokkur hundruð ökutæki
stöðvuð í þeim aðgerðum. Ekki
stóðust allir ökumenn hins vegar
prófið og voru því sviptir ökurétt-
indum vegna ölvunaraksturs.
Voru aðgerðir lögreglu víða um
borgina auk þess sem fjölmargir
ökumenn, sem óku um Hvalfjarð-
argöng, voru stöðvaðir til að
kanna ástand þeirra. Einn öku-
manna sem þar var rætt við á
laugardag er grunaður að hafa
ekið undir áhrifum áfengis.
En ölvaður ökumenn voru ekki
eingöngu á bifreiðum þessa helgi
því lögreglumenn stöðvuðu mjög
ölvaðan einstakling á reiðhjóli á
Frakkastíg um miðjan dag á
fóstudag. Hann hafði hjólað utan
í bifreið og hlotið nokkra áverka
af. Hann var færður til töku
blóðsýnis enda fyrirmæli í um-
ferðarlögum um að óheimilt sé að
vera ölvaður á reiðhjóli.
Skömmu eftir miðnætti á laug-
ardag veittu lögreglumenn at-
hygli ökumanni sem ók austur
Skólavörðustíg. Honum voru gef-
in stöðvunarmerki sem ekki var
sinnt og því hófst eftirför lög-
reglu sem barst um nærliggjandi
götur. Áður en náðist að stöðva
aksturinn hafði bifreiðinni verið
ekið á og slasað gangandi vegfar-
anda og utan í fjórar bifreiðar.
Ökumaður var fluttur á lögreglu-
stöð en hann er grunaður um ölv-
un við akstur auk þess sem ætluð
fíkniefni fundust á honum.
Ökumaður, sem grunaður er
um ölvun, ók bifreið sinni á um-
ferðarmerki aðfai’anótt sunnu-
dags í Grafarvogi. Þá var lög-
reglu tilkynnt um glæfraakstur
innan um gangandi fólk á
háskólasvæðinu að morgni
sunnudags. Ökumaður var
stöðvaður og fluttur á lögreglu-
stöð en hann er grunaður um ölv-
un.
Ökumaður var stöðvaður á
Eiðsgranda eftir að hafa mælst
aka bifreið sinni á 100 km hraða
þar sem 50 km hámarkshraði er.
Lögreglan fylgdist um helgina
með því að lagaákvæðum um úti-
vistartíma væri framfylgt víða
um borgina. Þannig voru höfð af-
skipti af börnum undir aldri við
verslunarmiðstöðvar í austur-
borginni þar sem lögreglan hefur
nú nýverið sett upp
hverfalöggæslu, í Breiðholti, Ár-
bæ og Mosfellsbæ svo dæmi séu
tekin. Sömu sögu er að segja af
eftirliti sem foreldar hafa tekið
upp í hinum ýmsu hverfum borg-
arinnar með það markmið að
fylgja eftir útivistarákvæðum.
Lögreglan var kölluð að húsi í
Grafavogi vegna hávaða að
morgni sunnudags. Kom í ljós að
þar hafði unglingur, sem var einn
heima, haldið mikinn gleðskap.
Var aðkoma lögreglu ekki glæsi-
leg því mikið sá á húsnæðinu.
Lögregla leysti upp samkvæmið.
Þrír unglingspiltar voru hand-
teknir grunaðir um aðild að
skemmdarverkum á skólum í
Grafarvogi að kvöldi sunnudags.
Einstaklingur var handtekinn
eftir að hafa brotist inn í húsnæði
við miðborgina að morgni laugar-
dags. Hann hafði lagst til svefns í
rúm húsráðanda án samráðs við
hann. Hinn óvænti næturgestur
var handtekinn og fluttur í fanga-
hús þar sem hann þekkir vel til.
Lögreglan og slökkvilið voru
kölluð á Grundarstíg á sunnu-
dagskvöld eftir að kviknað hafði í
potti á eldavél. Töluverðar reyk-
skemmdir urðu en íbúar höfðu
náð að slökkva eldinn.
Morgunbiaðið/Ámi Sæberg
ÁRNI Sólonsson veitingamaður og Hassan Jamil Chahla yfirmat-
reiðslumeistari í veitingasal Jónatans Livingstons Mávs.
Jónatan Livingston
Mávur 10 ára
VEITINGAHÚSIÐ Jónatan
Livingston Mávur er 10 ára í
dag, þriðjudag. Veitingahúsið
hefur alla tíð verið til húsa í
Tryggvagötu 4-6.
Ymislegt verður gert til hátíð-
arbrigða í tilefni af afmælinu.
Boðið verður upp á sérstakan
hátíðarmatseðil afmælisvikuna.
Uppistaða matseðilsins er villi-
bráð, en Jónatan Livingston Máv-
ur hefur sérhæft sig í villibráð-
arréttum. Á fimmtudagskvöld
verður hátíðarkvöld gullklúbbs
útvarpsstöðvarinnar Gull 90,9 og
um helgina munu skemmtikraft-
ar koma fram.
Árni Sólonsson er veit-
ingamaður á Jónatan Livingston
Mávi en hann er jafnframt einn
eigenda. Yfirmatreiðslumaður er
Hassan Jamil Chahla frá Lí-
banon, en hann er menntaður í
Frakklandi.
Morgunblaðið/Árni Sæberg
Barnadeild Hringsins fær styrk
SAMBÍÓIN og Coke á íslandi
héldu sérstaka styrktarsýningu
sl. laugardag til handa barna-
spitala Hringsins, á nýjustu af-
urð Disney, Mulan. Á sýningunni
fengu allir krakkar gjafir frá
Vífilfelli og í hléi hélt HK sýn-
ingu á Tae Kwan Do. AJIir gest-
ir fengu að auki Coke frá Vífil-
felli og popp frá Sambíóunum.
Allar tekjur af sýningunni
sem námu samtals 135.000
krónum runnu óskiptar til
barnaspitala Hringsins. Pening-
arnir voru afhentir inni á
barnadeildinni síðastliðinn
NÚVERANDI Reykjanesviti er 90 ára gamall.
120 ár frá vígslu
fyrsta vitans
ÞESS er minnst í dag, 1. desem-
ber, að liðin eru 120 ár frá því að
fyrsti viti í eigu hins opinbera,
Reykjanesviti, var formlega tekinn
í notkun.
Á 6. áratugnum lauk uppbygg-
ingu vitakerfisins að mestu leyti
en þá hafði ljósvitahringnum verið
lokað. I dag eru 104 landsvitar við
strendur landsins og annast Sigl-
ingastofnun Islands uppbyggingu
og rekstur á þeim vitum, ásamt því
að hafa umsjón og eftirlit með upp-
byggingu og rekstri hafnarvita og
innsiglingarmerkj a.
Reykjanesviti var löngum talinn
aðalviti landsins. Vitinn var
byggður á Valahnjúk fram við
sjávarbrún þar sem bjargið stend-
ur þverhnípt. Fyrsti vitavörðurinn
var Arnbjöm Ólafsson. Vitinn var
endurnýjaður árið 1897 en hann
hafði skemmst í jarðskjálfum. Ný
viti var byggður á árunum
1907-1908 á Bæjarfelli. Þann 20.
mars 1908 var kveikt á núverandi
Reykjanesvita sem er 73 metra yf-
ir sjávarmáli.
Nýr kynningarbæklingur
Siglingastofnun hefur gefið út
kynningarbækling um starfsemi
stofnunarinnar sem ber heitið
Oryggi sjófarenda. Honum er
ætlað að kynna fyrir viðskiptavin-
um og almenningi öll helstu verk-
efni stofnunarinnar.
Hlutverk Siglingastofnunar er
að vinna að öryggi sjófarenda. Það
gerir hún með því að skapa örugg-
ar og hagvkæmar aðstæður til
siglinga og fiskveiða við landið.
Stofnunin fer með framkvæmd
þriggja málaflokka, siglinga-,
hafna- og vitamál.
Bæklinginn er hægt að fá send-
an með því að hafa samband við
stofnunina.
laugardag afþeim Alfreði
Árnasyni og Isleifi B. Þórhalls-
syni frá Sambíóunum og veitti
Ásgeir Haraldsson, yfírlæknir
barnadeildarinnar, þeim mót-
töku. Á eftir var öllum
viðstöddum boðið að þiggja létt-
ar veitingar.
Fullveldis-
samkoma
stúdenta
HÁTÍÐARSAMKOMA stúdenta í
tilefni af 80 ára afmæli fullveldis Is-
lendinga verður haldin í dag, þriðju-
daginn 1. desember, og hefst hún
með messu kl. 11 í kapellu aðal-
byggingar þar sem Bolli Gústafsson
vígslubiskup þjónar fyrir altari og
Bolli Bollason guðfræðinemi
predikar.
Kl. 13 leggja stúdentar
blómsveig að leiði Jóns Sigurðs-
sonar og Guðrún Eva Mínei’vu-
dóttir flytur minni Jóns Sigurðs-
sonar. Hátíðarhöldin verða síðan í
hátíðarsal Aðalbyggingar, 2. hæð,
kl. 14. Yfirskrift hátíðarinnar á
þessu 80 ára afmæli fullveldis okk-
ar Islendinga verður: „Sjálfstæðis-
barátta vísindanna - eflum
rannsóknir og yísindi."
Þar mun Ásdís Magnúsdóttir,
formaður stúdentaráðs, setja
hátíðina, Páll Skúlason, rektor
Háskóla Islands, ávarpar hátíðar-
gesti, Sigurður Guðmundsson land-
læknir flytur hátíðarræðu og Stein-
grímur Hermannsson, fyrrverandi
forsætisráðherra, flytur hátíð-
arræðu. Háskólakórinn mun einnig
flytja nokkur lög undir stjórn Egils
Gunnarssonar. Heiðursgestur
hátíðarinnar er forseti Islands,
Ólafur Ragnar Grímsson.
Opinn fundur í
Þingvallabænum
TVEIR síðustu fundirnir í funda-
lotu Árna Johnsen alþingismanns í
Suðurlandskjördæmi verða í dag og
á morgun.
I dag, fullveldisdaginn, verður
fundur í Þingvallabænum klukkan
14. Þar verða frummælendur Ólafur
G. Einarsson, forseti Alþingis, og
Árni Johnsen. Síðasti fundurinn
verður í Njálsbúð í Landeyjum kl.
21 á miðvikudagskvöld. Þar verða
frummælendur Friðrik Sophusson
varaformaður Sjálfstæðisflokksins
og Ámi Johnsen.
Alls hafa milli 500 og 600 manns
sótt þá liðlega 20 fundi sem búnir
eru í fundarlotunni.