Morgunblaðið - 06.01.1999, Page 4

4 MIÐVIKUDAGUR 6. JANÚAR 1999
MORGUNBLAÐIÐ
FRÉTTIR
Líkur á hlýn-
andi veðri
Mjög góð sfldveiði en
sfldin fremur smá
TALSVERT snjóaði austanlands í
fyrradag. Á Egilsstöðum hióðust
upp miklir snjóskaflar á skömm-
um tíma, eins og sést á myndinni,
en greiðlega gekk að ryðja snjó-
inn af götum. Verulega birti í
kjölfar snjókomunnar en rigning-
ar og myrkur hafa verið á Egils-
stöðum undanfarið. Samkvæmt
upplýsingum frá Veðurstofu Is-
lands stefnir í ákveðnari suð-aust-
anátt í dag, en í gær var hæg
breytileg átt. Þessari breytingu
getur fylgt gola eða kaldi suðvest-
anlands, en gola um landið aust-
anvert. Búast má við að hlýni
heldur á morgun og snjórinn láti
undan síga en þess í stað verði
slydda eða rigning. Talið er að
hitastigið á landinu verði á milli 1
og 2 gráður suðvestanlands, en
ögn kaldara annars staðar, sér-
staklega inn tii landsins. Austan
til má búast við að verði bjartara
en vestanlands og úrkomulítið.
MJÖG góð síldveiði var um 10 mílur
vestur af Malarrifi á Snæfellsnesi í
fyrrinótt. Svæðinu hefur nú hins
vegar verið lokað vegna smásíldar.
Að sögn Gunnars Þorlákssonar,
skipverja á Húnaröst SF, fylltu sig
flest skip í fáum köstum en skipið
var í gær á leið til Hornafjarðar með
fullfermi, um 800 tonn.
„Við tókum aðeins þrjú köst og
fengum um 1.000 tonn í síðasta kast-
inu. Bjarni Ólafsson AK fékk síðan
afganginn þegar við vorum búnir að
fylla skipið. Síldin er hins vegar
alltof blönduð og svæðinu var því
lokað,“ sagði Gunnar. Nótaskipin
hafa ekki getað leitað síldar dýpra út
af Faxaflóa það sem af er árinu
vegna veðurs.
Beitir NK hefur síðustu daga ver-
ið á síldveiðum með flottroll í Hér-
aðsflóadýpi og landaði um 150 tonn-
um á Neskaupstað á mánudag. Frey-
steinn Bjarnason, útgerðarstjóri
Síldarvinnslunnar hf., segir talsvert
hafa orðið vart við síld fyrir austan
en leiðindaveður hafi torveldað veið-
arnar. Ekki eru fleiri skip á troll-
veiðum fyrir austan land eins og er.
Loðnuleit hafin
Nokkur skip eru einnig komin á
loðnumiðin fyrir austan land og
norðaustur af Langanesi en þar
fékkst sæmileg loðnuveiði rétt fyrir
jólin. Slæmt veður hefm- verið á
þessum slóðum að undanförnu en er
nú að ganga niður. Ekki hafði fund-
ist loðna í veiðanlegu magni þegar
siðast fréttist í gær.
Morgunblaðið/Anna
Rannsókn Hauks Valdimarssonar læknis á svefnlyfjanotkun meðal aldraðra
Líklegt að draga megi
úr notkun án skaða
ÝMISLEGT bendir til þess að
stöðva megi notkun svefnlyfja aldr-
aðra með því að draga kerfisbundið
út notkun þeirra. Jafnvel er talið að
svefn verði betri og að hreyfmg
fólks að degi til aukist. Þetta er
meðal ályktana sem Haukur Valdi-
marsson læknir kynnti á ráðstefnu
um rannsóknir læknadeildar Há-
skóla Islands sem lauk í gær.
Haukur Valdimarsson, sem
starfar á öldrunarsviði Sjúkrahúss
Reykjavíkur, sagði að lengi hefði
verið vitað að notkun svefnlyfja
væri hér nokkru meiri en í ýmsum
nágrannalöndum, það væri vandi
sem menn viðurkenndu. Tilgangur
könnunar Hauks og samstarfs-
manna hans var að kanna hvort
draga mætti úr svefnlyfjanotkun
meðal aldraðra án þess að vand-
ræði hlytust af. Hefði verið tekinn
ákveðinn hópur til skoðunar, alls 25
manns, 14 konur og 11 karlar.
Hópnum var skipt í
tvennt, annars vegar
12 manns sem ekki
notuðu svefnlyf og hins
vegar 13 sem notað
höfðu svefnlyf að
minnsta kosti í tvo
mánuði áður en rann-
sóknin fór fram. Sumir
höfðu reyndar verið
nokkru lengur á svefn-
lyfjum. Svefn og gæði
hans voru metin með
spumingalistum,
svefnskrá og sérstök-
um hreyfiskynjara.
Fylgst var með svefni
fólksins áður en lyfja-
notkun var hætt, og á
ný tveimur vikum eftir
að notkun svefnlyfja var hætt.
Meðal niðurstaðna er að svefn-
gæði verða meiri eftir að svefnlyfja-
notkun var hætt en dregið var úr
henni smám saman á
tveimur vikum. Hauk-
ur segir að bæði hafi
það tekið fólkið
skemmri tíma að sofna
og svefntímabilum án
hreyfínga fjölgaði.
Ekki komu fram
breytingar á hópnum
sem engin svefnlyf tók.
Haukur tók fram að
enn væri verið að
vinna úr gögnum rann-
sóknarinnar en niður-
stöður bentu til þess að
þótt svefnlyf væru góð
og nauðsynleg í ákveð-
inn tíma þá væm tak-
mörk fyrir því hversu
lengi slík notkun borg-
aði sig. Hugsanlega gætu þau á
endanum gert ógagn.
Haukur sagði ýmsa þætti geta
ráðið því af hverju svefnlyf væru
gefin lengi, menn tækju upp ein-
hvern slíkan vana sem héldi of lengi
áfram. Hann sagði nú ákveðinn
áróður uppi meðal lækna að athuga
sinn gang og reyna að draga úr
þessari lyfjanotkun sem gæti í sum-
um vilvikum verið of mikil.
„Ég get ekki fullyrt um þessar
niðurstöður en ýmislegt bendir til
þess að fólkið sofi betur og það
hreyfir sig jafnvel meira á daginn,"
segir Haukur. „Þegar menn eldast
og ef menn eru slappir verður nið-
urbrot lyfja hægara og þannig
gætu áhrif svefnlyfja varað lengur
og jafnvel fram á næsta dag sem
getur þýtt að fólkið verður enn
slappara af þeim sökum og er
minna á ferðinni."
Haukur sagði að lokum að hugs-
anlega yrði fylgst áfram með þess-
um hópi en meðalaldur er hins veg-
ar 84 ár og hann sagði áhugavert að
kanna þessi áhrif frekar.
Haukur
Valdimarsson
STUTT
Læknir
slasaðist
við störf
LÆKNIR slasaðist á höfði er
hann steig út úr sjúkrabifreið á
ferð, en verið var að flytja slas-
aðan farþega eftir bflveltu á
Þjórsárdalsvegi við Sandá við
Búrfellsvirkjun klukkan 7.20 í
gærmorgun. Læknirinn var
fluttur á Sjúkrahús Reykjavík-
ur til aðgerðar og var síðan
lagður inn á gjörgæsludeild. Að
sögn lækna á hann að ná sér að
fullu að öllu óbreyttu og voru
meiðsl hans ekki eins alvarleg
og talin voru í fyrstu. Að sögn
lögreglunnar á Selfossi mun
sjúkrabifreiðin hafa verið að
hægja á sér þegar slysið vildi til
og gæti hafa verið á 30-50 km
hraða á klukkustund.
Farþeginn úr bílveltunni á
Þjórsárdalsvegi var ekki alvar-
lega slasaður, en hann var ekki í
bflbelti og hlaut beinbrot.
Að sögn lögreglunnar á Sel-
fossi var nokkuð um beinbrot
gangandi vegfarenda á Selfossi
í gær vegna hálku sem myndað-
ist skyndilega á götum bæjarins
þegar fór að snjóa í bænum.
Slökkviliðið
kallað út
vegna sinu-
bruna
SLÖKKVILIÐ Reykjavíkur
var kvatt út vegna sinubruna
við Vættaborgir í Borgarholts-
hvei-fi um klukkan 17 í gær. Til-
kynnt var um sinueld rétt hjá
verslun Bónus, sem stendur við
Vættaborgir. Slökkviliðið réð
niðurlögum eldsins á 10 mínút-
um.
Þá var tilkynnt um sinueld
við Fálkabakka og Arnarbakka
en er slökkviliðsmenn komu á
vettvang fannst enginn eldur.
Virtust vegfarendur hafa slökkt
hann.
Þetta var annar dagurinn í
röð sem slökkviliðið er kallað út
til að slökkva sinuelda í borg-
inni og er talið að kveikt hafi
verið í af ásetningi.
Maður tek-
inn með hass
LÖGREGLAN í Reykjavík
fann tæp 44 grömm af hassi í
bifreið sem hún stöðvaði í eftir-
litsferð á mótum Miklubrautar
og Kringlumýrarbrautar um
tvöleytið í fyrrinótt.
Lögreglan hafði grun um að
ökumaðurinn hefði fíkniefni í
fórum sínum og stöðvaði hún
því ferð hans. Hann var færður
í fangageymslu lögreglunnar og
yfirheyrður vegna málsins í gær
og er iaus úr haldi, en mál hans
er til rannsóknar hjá fíkniefna-
deild lögi-eglunnar.
Alþingi kemur
saman í dag
ALÞINGI kemur saman á ný í
dag eftir rúmlega tveggja vikna
jólafrí. Þingfundur hefst kl.
13.30 og fer þá einungis fram
útbýting þingskjala. Þingflokks-
fundir verða síðar í dag en á
morgun er stefnt að því að
halda aðra umræðu um frum-
vörpin tvö um sjávarútvegsmál
sem lögð voru fram í kjölfar
dóms Hæstaréttar í máli Valdi-
mars Jóhannessonar.