Morgunblaðið - 10.01.1999, Qupperneq 50

MORGUNBLAÐIÐ
50 SUNNUDAGUR 10. JANÚAR 1999
Útsala
Allar vörur á útsölu
Allt að 60% afsláttur
SILFURBÚÐIN
Kringlunni, sími 568 9066.
KVENNAKÓR REYKJAVÍKUR
AUGLÝSIR.
ÆFINGAR HEFJAST SAMKVÆMT
STUNDASKRÁ SEM HÉR SEGIR:
Senjorítur, Gospelsystur og Kvennakór
mæti 11. janúar.
Léttsveit Kvennakórsins mæti 12. janúar
og Vox feminae 13. janúar.
Upplýsingar
í síma 896 6468 eftir kl. 14:00
KVeNNAKÓR ReyKJAVÍKUR
Dagskráin þín er komin út
í DAG
VELVAKANPI
Svarað í síma 569 1100 frá 10-12 og 13-15
frá mánudegi til fóstudags
Pólitískir
hrægammar
VIÐ sem stöndum utan
Bandaríkjanna veltum þvi
fyrir okkur hvað sé að
svokölluðu réttarfari í
Ameríku, moldviðrinu
kringum einkamál forset-
ans. Þarna er hann leidd-
ur fram eins og hver ann-
ar stríðsglæpamaður útaf
kvennamálum, sem eng-
inn náttúrusterkur maður
hefur hingað til þurft að
skammast sín fyrir, nema
ef vera skyldi þessa síð-
ustu daga, þegar fólk virð-
ist vera orðið meira og
minna samkynhneigt,
hvað sem veldur.
Forsetinn má ekki njóta
jafnréttis og skrökva á við
aðra sakbitna eiginmenn
og senda sinni ektakvinnu
bara blóm, heldur er hann
hundeltur árum saman af
ómerkilegri, fégráðugri
kvensnift út af kynferðis-
legri áreitni, margþvæld-
um orðum, sem löngu eru
búin að missa merkingu
sína. Er amerískt kven-
fólk virkilega svo tröll-
heimskt að halda það,
þegar þær lufsast á her-
bergi með kynhungruðum
karlmanni, þótt ríkisstjóri
sé, að hann ætli að spila
við þær Lúdó þegar hann
sýnir á sér reðinn?
Er enginn félagsleg
þjónusta þarna í Amer-
íkunni líkt og Stígamót
hér á Islandi?
Pá er nú ekki vitinu fyr-
ir að fara hjá ríkissak-
sóknaranum. Þarna
þvingar hann forsetann til
að biðjast fyrirgefningar
og játa syndir sínar
frammi fyrir söfnuðinum,
bandarísku þjóðinni, eins
og hver annar nýliði í
hvítasunnuhreyfíngunni,
eða þrautreyndur alki án
árangurs hjá SAL! Al-
máttugur. Ná engin æðri
lög yfir þennan gráðuga
ofsóknarlýð, pólitískt fífl,
repúblikana sem krefjast
afsagnar forsetans. og rík-
issaksóknarans sem ætti
að skammast sín, falla
fram og biðjast afsökunar
á öllum fjáraustrinum sem
hann hefur misnotað í
þessu fáheyrða máli, sem
orðið er aðhlátursefni út
um allan heim.
Guðrún Jacobsen,
Bergstaðastræti 34.
Ómöguleg biðskýli
VIÐ Laugavegi 176 og á
Miklubraut við Kringl-
una eru nýju dönsku bið-
skýlin. Þetta eru ómögu-
leg skýli, því að fólk sem
stendur í þeim er alveg
óvarið fyrir slettum sem
ganga frá bílum og alla
leið inn í skýlin. A sum-
um skýlum eru þó gler-
veggir að framanverðu
sem skýla fólki eitthvað.
Óska ég eftir því að
gömlu skýlin sem eru í
úthverfunum verði ekki
fjarlægð, þau eru miklu
betri en þessi nýju.
230626-4059.
Tapað/fundið
Myndavél týndist í
Garðabæ á
garnlárskvöld
MYNDAVÉL týndist við
göngustíginn við brennuna
í Garðabænum á gamlárs-
kvöld. Skilvís finnandi hafi
samband í síma 565 6650,
Þröstur eða Asta.
Myndavél og fílma
týndust
MYNDAVÉL og átekin
filma í svörtum vinilpoka
týndust í desember. Þessa
er saknað. Finnandi hring-
ið í síma 557 6535.
Skíðastafur
týndist í rútu
SKÍÐASTAFUR, með
gráu munstri og appelsínu-
gulum stöfum týndist í
rútu frá Teiti sem kom úr
Bláfjöllum sl. fimmtudag.
Skilvís finnandi hafi sam-
band í síma 564 5815.
Dýrahald
KETTLINGUR, lítill fress
ca. 7 vikna, sem fannst á
víðavangi óskar eftir góðu
heimili. Upplýsingar í síma
562 2895. Hildur.
Tík týndist
í Mosfellsbæ
YORKSHIRE-Terrier tík
týndist frá Mosfellsbæ sl.
þriðjudagskvöld. Hún er í
blárri nælonkápu. Svarar
nafninu Tína. Fólk er vin-
samlega beðið að athuga
geymslur og skúra. Þeir
sem hafa orðið hennar var-
ir eru beðnir að hafa sam-
band við Kristínu í síma
896 3306. Fundarlaun.
Svört iæða
týndist
UNG svört læða, hvit á
nefi, maga og loppum,
týndist líklega 26. desem-
ber frá Laufásvegi 45b.
Þeir sem hafa orðið henn-
ar varir hafi samband í
síma 562 2089.
SKAK
Um.vjón Margeir
Pétursvon
HINN kunni rússneski stórmeistari,
Efim Geller, lést í desember, 73ja ára
að aldri. Hann var einn sterkasti skák-
maður heims um áratugaskeið og kom
oft til Islands og tefldi hér. Hann var
aðalaðstoðarmaður hjá Boris Spasskí í
einvígi aldarinnar við Bobby Fischer í
Reykjavík 1972. Geller var einmitt
með eitt besta skorið gegn Fischer.
Hann var mjög vel heima í fræðunum
og ritaði fjölda bóka. Hann var þekkt-
ur fyrir hvassan skákstíl og leiftrandi
sóknir. Þessi staða kom upp í Moskvu
1967. Geller hafði hvítt og átti leik
gegn Lajos Portisch. 18. Bg5!! (Ekki
18. Bxh6 - Rxb3 19. Bg5 - f6 og svart-
ur verst) 18. - Dd7 (Svartur er mát
eftir 18. - Dxg5 19. Dxf7 + - Kh7 19.
Dg8 og 18. - hxg5 19. Rg6 með máti á
h8 í kjölfarið) 19. Hadl - Bd6 20.
Bxh6! - gxh6 21. Dg6+ - Kf8 22. Df6
- Kg8 23. He3 og Portisch gafst upp.
SKAKÞING REYKJAVÍKUR hefst í
dag kl. 14 í félagsheimili Taflfélags
Reykjavfkur, Faxafeni 12.
HVÍTUR leikur og vinnur
7. jan.-20. jan.
Víkverii skrifar...
BJÖRK Guðmundsdóttir vakti
athygli Víkverja á tónleikunum
í Þjóðleikhúsinu á dögunum. Vík-
verji varð reyndar að gera sér að
góðu að fýlgjast með í sjónvarpi, því
hann fékk ekki miða en hreifst samt
af því sem fyrir augu og eyru bar.
Ekki eingöngu af rómaðri tónlist-
inni - góðum söng og fallegum lög-
um þessa frægasta Islendings nú-
tímans - heldur kom það skemmti-
lega á óvart hve Björk er greinilega
í góðri líkamlegri æfingu. Hún ham-
aðist á sviðinu nánast allan tímann,
en blés samt ekki úr nös. Ahorfend-
um var ekki boðið upp á lafmóðan
söngvara síðari hluta tónleikanna,
heldur jafn fágaðan flutning og
hugsast getur. Svona vinna atvinnu-
menn. Hvaða líkamsrækt ætli hún
stundi?
xxx
RÓÐLEGT verður að sjá hvort
Geir Þorsteinsson, fram-
kvæmdastjóri Knattspyrnusam-
bands íslands, lýsir næsta landsleik
Islendinga sem verður í beinni út-
sendingu Ríkissjónvarpsins. Taki
jafnvel viðtal við þjálfara liðsins,
Guðjón Þórðarson, fyrir leik og spái
með honum í spilin.
Hljómar þetta ekki fáránlega?
Rynnu ekki tvær grímur á íþróttaá-
hugamenn? Eða ef Örn Magnússon,
framkvæmdastjóri HSI, tæki viðtal
við Þorbjörn Jensson, landsliðs-
þjálfara, fyrir næsta leik hand-
boltalandsliðsins og lýsti síðan
leiknum með einhverjum íþróttaf-
réttamannanna? Líklega. Finnst
engum þá undarlegt að fram-
kvæmdastjóri Skíðasambands ís-
lands skuli mæta í hverja beina út-
sendinguna af annarri þegar Krist-
inn Björnsson tekur þátt í svigmót-
um heimsbikarkeppninnar og lýsa
því sem fram fer? Leggja faglegt
mat á frammistöðu Kristins. Og í
vikunni var birt langt viðtal fram-
kvæmdastjórans við þjálfara Krist-
ins fyrir mótið í Krajnska Gora í
Slóveníu! Hver er munurinn á
skíðaíþróttinni og t.d. knattspyrnu
og handknattleik að þessu leyti?
XXX
FYRST farið er að minnast á
skíðaíþróttina getur Víkverji
ekki sleppt því að keppendur á mót-
inu í Krajnska Gora virtust öðru vísi
en fólk er flest. Að minnsta kosti
sagði framkvæmdastjóri Skíðasam-
bands íslands, sem lýsti því sem
fram fór eins og venjulega, þegar
ein kempan var í brautinni: „Efri
líkaminn á honum haggast ekki!“
xxx
ENN AF skíðamótinu og lýsingu
framkvæmdastjórans. Hann
sagði, þegar Kristinn var að fara af
stað: „Nú viljum við fá Rristin niður
í fyrri ferð og ekkert múður með
það - svo er hægt að vinna út frá
því.“ Þegar Kristinn nálgaðist miðja
braut sagði framkvæmdastjórinn að
framundan væri brattasti hluti
brautarinnar. „Kristinn hefur alltaf
verið góður í bratta...“ Varla hafði
hann sleppt orðinu en Kristni
Björnssyni hlekktist á og var þar
með úr leik.
GRO Harlem Bruntland, for-
stjóri Alþjóða heilbrigðismála-
stofnunar Sameinuðu þjóðanna, hef-
ur ákveðið að skera upp herör gegn
reykingum. Ekki síst gegn fram-
leiðendum tóbaks sem beina nú
sjónum sínum í æ ríkari mæli að
þriðja heiminum, þar sem fólk er
ekki eins meðvitað um skaðsemi
reykinga og á Vesturlöndum.
Víkverji heyrði í fréttum nýlega
að á næstu öld væri gert ráð fyrir
að 10 milljónir manna myndu deyja
árlega í heiminum verði ekkert að
gert: þrjátíu og sjö sinnum fjöldi
allra Islendinga í dag, á hverju ein-
asta ári!
Víkverji hefur viðurstyggð á
reykingum og segir því: Afram Gro
og allt hennar lið!
XXX
BRÁÐSNIÐUGT er hjá for-
svarsmönnum íslenskra get-
rauna að gefa landsmönnum kost á
að geta sér til um úrslit í ýmsum
öðrum íþróttagreinum en knatt-
spyrnu á Lengjunni. Til dæmis var
hægt að leggja fé á það hvor næði
betri tíma, Kristinn Björnsson eða
ólympíumeistarinn Hans-Peter
Buraas frá Noregi í Krajnska Gora
í vikunni.
Litiar líkur eru á að tveir fái ná-
kvæmlega sama tíma, og stuðullinn
þvi hár á jafntefli. Var 9,35 í þessu
tilfelli. Báðir heltust hins vegar úr
lesinni, þannig að ,jafntefli“ varð
staðreynd og hugsanlega einhver
þénað vel vegna þess.