Morgunblaðið - 02.03.1999, Blaðsíða 20
20 ÞRIÐJUDAGUR 2. MARZ 1999
VIÐSKIPTI
MORGUNBLAÐIÐ
Volvo þegir um
tilboð í Navistar
Stokkhdlmi. Reuters.
VOLVO hefur neitað að láta hafa
nokkuð eftir sér um nýjar vangavelt-
ur um að fyrirtækið sé í þann veginn
að gera tilboð í bandaríska vörubíla-
og strætisvagnaframleiðandann Na-
vistar Intemational Corporation.
Blaðið Dagens Industrí segir að til-
boð Volvo kunni að verða á biiinu
48-60 dollarar á hlutabréf og sam-
kvæmt því yrði fyrirtækið metið á allt
að 3,3 milljarða bandaiískra dollara.
Verð hlutabréfa í Navistar komst í
43,50 dollara um miðjan febrúar og
hafði ekki verið hærra í níu ár.
Astæðan var tal um að Volvo mundi
yfirtaka Navistar til að auka vöru-
bílaframleiðslu sína eftir sölu fólks-
bíladeildarinnar til Ford.
Sérfræðingar segja að Volvo verði
að ákveða fljótt hvernig fyrirtækið
eigi að fjárfesta 6,46 milljarða doll-
ara, sem það fékk fyrir fólksbíla-
deildina, til að tryggja hag hluthafa
og koma í veg fyrir yfírtöku. Volvo
hefur oft sagt að ekkert liggi á.
Viðræðum Volvo við sænska
keppinautinn Scania hefur verið slit-
ið vegna þess að aðalhluthafinn, In-
vestor AB, setur upp of hátt verð.
Að sögn Dagens Industri munu
forstjórar Volvo og Navistar hittast í
næstu viku. Volvo hefur staðfest að
Leif Johansson forstjóri fari til New
York að taka þátt í bíiaráðstefnu, en
vill ekkert um það segja hvort hann
hittir forstjóra Navistar, John Home.
Lífeyrissjóðir SR og hjúkrunarfræðinga
Vextir af nýjum lán-
um lækka í 5,3%
LÍFEYRISSJÓÐUR starfsmanna
ríkisins og Lífeyrissjóður hjúkrunar-
fræðinga munu lækka vexti af lánum
til sjóðfélaga og breyta lánareglum
frá og með næstu mánaðamótum.
Samkvæmt ákvörðun stjóma lífeyr-
issjóðanna verða vextir af nýjum lán-
um 5,3% og verða þéir breytilegir.
Vextir af lánum til sjóðfélaga hafa
að undanfómu verið 6% og 6,8% að
því er kemur fram í fréttatilkynningu
frá sjóðunum. Eldri lán sjóðanna em
ýmist með fasta vexti eða breytilega.
Breytilegir vextir af eldri lánum
verða færðir í 5,3% og sjóðfélögum,
sem em með lán með fóstum vöxtum,
verður gefinn kostur á að breyta
þeim í 5,3% og gera þá breytiiega.
Auk breytinga á vöxtum ákváðu
stjórnir Lífeyrissjóðs starfsmanna
ríkisins og Lífeyrissjóðs hjúkrunar-
fræðinga aðrar breytingar á lána-
reglum sjóðanna. Hámark lánsfjár-
hæðar verður að jafnaði fjórar millj-
ónir króna en sjóðfélagar geta þó
fengið hærri lán að undangengnu
sérstöku mati á greiðslugetu og veð-
hæfni eigna.
Reglum um hverjir eigi rétt á láni
verður jafnframt breytt á þann veg
að allir sem greiða eða greitt hafa ið-
gjald til sjóðanna eigi rétt á láni. All-
ar takmarkanir á lánsrétti varðandi
iðgjaldagreiðslur í tiltekinn tíma
verða því afnumdar að því er segir í
tilkynningunni.
NÝSKÖPUNAR-
VERÐLAUN
RANNSÓKNARRÁÐS
OC ÚTFLUTNINGSRÁÐS
1999
Morgunverðarfundur um nýsköpun
Rannsóknarráð íslands og Útflutningsráð íslands bjóða til
morgunverðarfundar um nýsköpun að Grand Hóteli, Sigtúni 38,
miðvikudaginn 3. mars nk. kl. 8.00 - 10.00.
Nýsköpunarverðlaun Rannsóknarráðs og
Útflutningsráðs verða afhent á fundinum.
Fundarstjóri
Vilhjálmur Lúðvíksson
framkvœmdastjóri Rannsóknarráðs íslands
DAGSKRÁ
„Að flytja út ísland“
Davíð Oddsson
forsœtisráðherra
Er íslensk stjórnsýsla útflutningsvara?
Ágúst Jónsson
ráðgjafaverkfrœðingur
Afhending Nýsköpunarverðlauna
Rannsóknarráðs og Utflutningsráðs 1999
Páll Sigurjónsson
stjómarformaður Utflutningsráðs Islands
Þátttaka er ókeypis og öllum heimil. Vinsamlega tilkynnið þátttöku til
Rannsóknarráðs í síma 562 1320 eða títflutningsráðs í síma 511 4000
RAIUMÍS
ÚTFLUTNINGSRÁÐ
ÍSLANDS
Morgunblaðið/Golli
LIISA Joronen klæðist alltaf gulu, enda lítur hún á sig sem gangandi ímynd fyrirtækis síns, SOL ltd. eða Sól-
ar. „Eg elska gult, klæði jafnvel hundinn minn í gult og maðurinu minn gengur með gult bindi,“ sagði Liisa.
Liisa Joronen forstjóri Sol ltd. í Finnlandi
á ráðstefnu Gæðastjórnunarfélagsins
Gott fyrirtæki er eins
og djasshljómsveit
DR. LIISA Joronen, hugmynda-
smiður og forstjóri hreingerningar-
og viðhaldsfyrirtækisins SOL ltd. í
Finnlandi, sagði gestum á ráðstefnu
Gæðastjórnunarfélags íslands ný-
verið, sem bar yfirskriftina Listin
að stjórna, „sannar sögur“, af því
hvernig óhefðbundnar stjórnunar-
og skipulagsaðferðir sem hún hefur
beitt í fyrirtæki sínu, hafi náð að
skila góðum árangri, svo eftir er
tekið víða um lönd.
Fyrirtæki hennar hefur tvisvar
hlotið finnsku gæðaverðlaunin, árið
1991 og 1993, og að því er fram
kom í máli hennar á ráðstefnunni
var mælst til þess við fyrirtækið að
það sækti ekki oftar um útnefningu
til verðlaunanna þar sem gæði
þjónustunnar sem fyrirtækið veitir
er í slíkum úrvalsflokki. Sam-
kvæmt Liisu líður ekki sá dagur í
fyrirtækinu að rætt sé um hvernig
megi uppfylla betur þarfir við-
skiptavinanna og gera þá ánægð-
ari.
Hagnaður felst
í hamingjusömu starfsfólki
Sol er fyrirtæki með alls um 3.600
starfsmenn og óhefðbundið að því
leyti að það er ekki með skipurit,
starfslýsingar og fleira þar sem Li-
isa er efins um það rekstrarform,
þrátt fyrir að það sé algengast hjá
fyrirtækjum um þessar mundir. Hjá
fyrirtækinu eru til dæmis engin
stöðutákn og enginn starfsmaður er
með eigin skrifstofu, ekki einu sinni
forstjórinn sjálfur.
Ekki er um fastan vinnutíma að
ræða hjá fyrirtækinu og eins og Li-
isa orðar það sjálf, er nóg að starfs-
fólkið sé meðvitað um markmiðin
sem þuifa að nást og að það skili
sinni vinnu þannig að viðskiptavin-
urinn verði ánægður.
Til gamans sagði Liisa að hana
grípi stundum skelfing þegar hún
áttar sig á því að hún er ekki lengur
„bráðnauðsynleg" í fyrirtækinu og
þá finnst henni hún jafnvel þurfa að
gera sig mikilvæga með einhverjum
ráðum. Nefndi hún sem dæmi að
eftir 5 vikna fjarveru eitt sinn, hafi
allt verið í himnalagi þegar hún kom
aftur, engin vandamál hafi komið
upp, fyrirtækið hafi „rekið sig
sjálft" með glæsibrag.
„Gott fyrirtæki er eins og djass-
hljómsveit. Allir geta verið stjörnur
og haft gaman af því að spila með.
Allir geta spunnið en spilamennsk-
an verður samt að fara eftir ákveðn-
um reglum,“ segir Liisa.
Hún sagði að nokkur lykilorð
skiptu máli í stjórnunarstefnu fé-
lagsins; traust, frjálsræði, ábyrgð,
sköpunarkraftur, verkgleði, reglu-
leg endurmenntun og markmið.
Einnig er það mikilvægt í hennar
stefnu að fólk sé hamingjusamt í
vinnunni, skili miklum gæðum,
brosandi viðskiptavinum og
þarafleiðandi góðum hagnaði.
Það sem er grundvallaratriði í
hennar hugmyndafræði er traust til
starfsmanna. Hún segir að fyrst að
starfsmönnum hennar takist að lifa
sínu daglega lífi og takast á við öll
þau vandamál sem þar koma upp
geti þeir gert það sama í vinnunni,
engin ástæða sé til þess að slökkva
á heilastarfseminni þegar þangað
kemur. „Lífið á ekki að vera aðskilið
í vinnu og einkalíf, lífíð á að vera
heildstæð blanda af hvorutveggja,"
sagði Liisa.
Þessu til staðfestingar sagði hún
að „draumahreingerningastarfs-
maðurinn“, sem nokkur hundruð
starfsmenn í fyrirtækinu flokkast
þegar undir, sé sá sem ekki aðeins
hreinsar sín svæði, eða sínar bygg-
ingar, heldur sjái um launabókhald
sitt, skipuleggi verkefni með við-
skiptavininum, hafi eftirlit með því
verkefni sem fyrir hendi er, geti selt
viðskiptavinum nýja þjónustu og
vinni einföldustu tölvuvinnu sem
snýr að verkefninu. Að auki ber
hann ábyrgð á að útvega fólk til að
fylla í skarð sitt ef hann forfallast.
„Af hverju ætti allt svona að fara í
gegnum einhvem yfirmann þegar
starfsmaðurinn sjálfur veit miklu
betur hver staða verkefnisins er á
hverjum tíma, hvað þarf að bæta og
svo framvegis?“
Ánægður íslenskur
Ieigubflstjóri
Liisa segir að þrátt fyrir að hún
hafi í raun illan bifur á tölvum sé
SOL eitt tæknivæddasta fyrirtækið
í Finnlandi. Allt starfsfólk er með
farsíma, raddstýrðan tölvupóst, far-
tölvur og allan búnað sem þarf til að
viðkomandi geti unnið hvar og
hvenær sem hann kýs.
I þeim hluta þar sem Liisa talaði
um mikilvægi þess að hafa ánægt
starfsfólk tók hún íslenskt dæmi.
Hún sagðist strax hafa fengið mjög
jákvæða mynd af íslandi þegar hún
var nýkomin til landsins. Hún hafi
tekið leigubíl frá flugvellinum og
leigubílstjórinn hafi sagt henni sitt-
hvað um land og þjóð. Henni fannst
starfsgleði bílstjórans skína í gegn-
um það sem hann sagði og augljóst
væri að þama væri starfsmaður sem
hefði ánægju af sínu starfi og það
skilaði sér í ánægðum viðskiptavini,
sem var hún í þessu tilfelli.
selur til ALCAN
Altech
ALTECH JHM hf hefur undir-
ritað samninga um sölu á fimm
tækjum í nýtt álver ALCAN fyrir-
tækisins í bænum Alma í Quebec
fylki í Kanada. ALCAN er stærsti
álfarmleiðandi heims og hefur
markað sér mjög umhverfisvæna
framtíðarstefnu. Hönnuðir hins
nýja álvers eru verkfræðifyrirtæk-
ið Bechtel.
Það má telja það viðurkenningu
fyrir ALTECH að þessir aðilar
hafi valið búnað frá íslensku fyrir-
tæki i Alma álverið, sem á að
verða hagkvæmasta álver heims,
að því er kemur fram í fréttatil-
kynningu.
Fyrirtækið ALTECH hefur ein-
beitt sér að þróun tækni til upphit-
unar, þurrkunar og viðgerða í
skautsmiðjum álvera, þar sem not-
uð er rafhitunartækni. ALTECH
hefur þegar þróað og selt tæki til ál-
vera fyrir 650 milljónir króna á síð-
ustu þremur árum. Samningar um
ný tæki nema 90 milljónum króna
það sem af er af árinu.
ALTECH flutti starfsemi sína
nýlega í húsnæði að Lynghálsi 10 í
Reykjavík. Hlutafé ALTECH er að
mestum hluta í eigu Jóns Hjaltalíns
Magnússonar og fjölskyldu hans,
en tæknistjóri fyrirtækisins er
Pálmi Stefánsson, verkfræðingur.
10 starfsmenn vinna hjá fyrirtæk-
inu.