Morgunblaðið - 04.03.1999, Blaðsíða 49

MORGUNBLAÐIÐ
MINNINGAR
FIMMTUDAGUR 4. MARZ 1999 49
skráningu minnar frá Háskóla ís-
lands. Þar ræddum við Gísli jnikið
saman og var mikið hlegið. Óhætt
að segja að bjartssýni og lífsgleði
hafí verið okkur sammerkt þennan
dag og reyndar má líklega með
sanni segja að ofangreind lýsingar-
orð hafí verið eitt af hans aðalein-
kennum. Ekki verður ofsagt að Gísli
hafí átt stóran þátt í að gera þennan
dag mér sérlega eftirminninlegan.
Fundum okkar bar víst ekki aftur
saman eftir þennan dag en ráðgert
var að Gísli tæki myndir af mér og
fjölskyldu minni seinna um sumarið
en úr því gat því miður ekki orðið,
um það sáu æðri máttarvöld.
Eftirlifandi konu Gísla, börnum,
barnabörnum og öðrum ástvinum
votta ég mínar dýpstu samúð. Megi
Guð styrkja ykkur í ykkar miklu
sorg.
Guðni Ingi Pálsson.
Örfá kveðju- og þakkarorð við
fráfall góðkunningja og vinar Gísla
Jónssonar. Leiðir okkar lágu fyrst
saman fyrir nokkrum áratugum.
Þau samskipti leiddu til kunn-
ingsskapar og samstarfs á áhuga-
sviðum beggja. Hann rafmagns-
verkfræðingurinn hafði áhuga á
nýtingu rafmagns til húsahitunar og
ég hafði áhuga á að vita hvaða skil-
yrði þarf að uppfylla til að húsgerð-
in henti fyrir rafmagnshitun. Báðir
gerðum við okkur fulla grein fyrir
því að efnisnotkun og byggingarlag
húsa hentar með ólíkum hætti m.t.t.
upphitunaraðferða og upphitunar-
tækja.
Af þessu skapaðist kunnings-
skapur okkar, sem verið hefur óslit-
inn þó að hvor hafí gengið sína ævi-
braut og liðið hafi stundum nokkuð
á milli vinafunda.
Nú þegar örlögin hafa slitið þenn-
an þráð og komin er kveðjustund
verður ljósara hvaða eiginleikar
Gísla treystu tengslin og leiddu
okkur til nánara samstarfs síðustu
undangengin ár.
Félagsleg viðhorf Gísla og samfé-
lagslegur áhugi ásamt starfselju
hans gerðu hann virkari en almennt
gerist um samskipti almennings og
stjórnvalda.
Starfsferill Gísla lýsir vel hugðar-
efnum hans og vinnusemi. Það er
rakið annars staðar og verður ekki
endurtekið hér.
Síðustu árin hefur hann gegnt
formannsstarfi í Ljóstæknifélagi Is-
lands og jafnframt annast verksvið
framkvæmdastjóra fyrir félagið. I
því starfí höfum við notið áiTekni
hans við að auka fjölbreytni í starfí
félagsins.
Það er við ramman reip að draga
fyrir slíkt félag nú á tímum hraða
og kaupmennsku. Félagsþátttakan
byggist að miklum hluta á hugsjón
um umhverfisbætur með bættri lýs-
ingu fyrir sjónskerta og aldraða
jafnt og fyrir heilbrigða.
Það þarf meira en hugsjónina
eina í því efni, því um er að ræða
jafnt rannsóknarstörf, fræðslustörf
og áróðursstarf.
Til þessara hluta var Gísli sérlega
vel í stakk búinn vegna reynslu
sinnar, fyi'ri starfa og eljusemi við
störf sín.
í starfí prófessors í rafmagns-
fræðum við Háskóla íslands kom
hann svo að verulega nam kennslu á
í lýsingartækni. Hann kom á fót
rannsóknarstofu í lýsingartækni
með aðstöðu til að mæla lýsingar-
eiginleika og nýtni lampabúnaðar.
íslenzkir lampaframleiðendur
þurftu að senda lampa sína utan til
slíkra mælinga.
Við fráhvarf Gísla frá Háskólan-
um mun þessi búnaður að mestu
ónotaður.
Til að auka fjölbreytni í staifi
Ljóstæknifélagsins hefur tekizt
samstarf við innfiytjendur ljósapera
og lampabúnaðar og efnt til kynnis-
ferða í verksmiðjur peruframleið-
endanna. Auk þess að kynnast
framleiðslunni hafa kynnishóparnir
hlýtt á fyrirlestra færustu fag-
manna um lýsingu og skoðað sýn-
ingarsali með margháttaðri tækni
til að sýna og prófa lýsingar fyrir
mismunandi störf og starfsaðstæð-
ur.
Sú hefur orðið þróunin á undan-
förnum árum að áherzluatriðin við
hönnun lýsingar hafa verið að flytj-
ast æ meir á áhrifasvið líffræðilegra
og sálfræðilegra viðhorfa frá nær
eingöngu raftæknilegum áherzlum
þ.e.a.s. frá síauknum ljósstyrk yfír á
tilfinningaleg, skynjunarleg áhrif
lýsingarinnar. Þetta hefur gerzt
m.a. fyrir aukna þekkingu á eðlis-
eigindum ljóssins og líffræðilegum
áhrifum þess.
Ferðir þessar og erindin, sem þar
voru flutt, hafa aukið okkur þann
skilning.
I þessum hópum hafa verið 20-30
manns með mismunandi kunnáttu
og viðhorf í faginu. Þetta hefur
mælzt sérlega vel fyrir og aukið
okkur þekkingu og vonandi hæfni
til að vinna að markmiðum félags-
ins.
Einnig hefur Gísli verið í forsvari
við að endurvekja útgáfustarfsemi
félagsins, sem vonir standa til að
reynist lífvænleg.
í seinni tíð hefur aðsetur félags-
ins færst alveg inn á heimili Gísla.
Að sjálfsögðu skapar það álag á
heimilið. Þetta var því aðeins hægt
að Margi’ét kona Gísla stóð með
honum og studdi þessa ráðs-
mennsku.
Fyrir hennar hlut er Ljóstækni-
félagið í mikilli þakkarskuld.
Gísla hefði ekki auðnast að koma
öllu því í verk sem raun ber vitni,
nema fyrir hvað Margrét hefur
staðið við bak hans og reynzt hon-
um góður förunautur.
Auk þátttöku í alþjóðasamstarfi á
sviði lýsingartækni er Ljóstæknifé-
lagið aðili að non-ænum samtökum
Ljóstæknifélaga Nordlys. Fyrir til-
stilli Gísla gerðist LFÍ aðili að nýj-
um Evrópusamtökum, Lux-Evrópa,
sem starfa á þessu sviði. Er svo
komið að á fundi hér á landi síðasta
sumar var ákveðið að ráðstefna
þessara samtaka yrði haldin hér á
landi árið 2001. Með þeirri ákvörð-
un fluttist foi-mannastarf samtak-
anna til okkar og varð Gísli formað-
ur þeirra frá þeim fundi.
Þó að Ljóstæknifélag Islands sjái
á bak ötulum fomgismanni og
harmi þann missi er fráfall kærs
heimilisföður enn sárari missir og
verður trauðla bættur.
Með þessum fátæklegu línum
þakka ég Gísla áratugalanga við-
kynningu og vináttu. I þeim þökk-
um á Margrét sína hlutdeild og
votta ég henni og afkomendum
þeiiTa Gísla mína innilegustu sam-
úð.
Skúli H. Norðdahl, ark. FAÍ.
Gísli Jónsson prófessor er látinn.
Hann var einn af þeim samferða-
mönnum mínum á lífsleiðinni sem
hafði afgerandi áhrif á feril minn.
Mér er það því bæði ljúft og skylt
að rita fáein þakklætis- og kveðju-
orð við hið ótímabæra fráfall hans.
Fundum okkar Gísla bar fyrst
saman þegar ég hóf störf við Há-
skóla íslands. Þá var hann starfandi
við verkfræðideild sem prófessor í
raforkuverkfræði og hafði verið það
um nokkurt skeið. Hjá Verkfræði-
stofnun Háskóla Islands varð Gísli
einn af yfirmönnum mínum um ára-
bil, er hann gegndi stöðu stjórnar-
formanns stofnunarinnar, og síðar
meðal nánustu samstarfsmanna
minna.
Sem prófessor í raforkuverkfræði
hafði Gísli afgerandi áhrif á mótun
kennslu á því fræðasviði. Hann
sinnti einnig kennslu í ljóstækni en í
samræmi við gamlar hefðir var litið
svo á að hún tilheyrði fræðasviði
raforkuverkfræðinnar. En það var
einkum á sviði ljóstækninnar sem
hann lét til sín taka á síðari árum
starfsævi sinnar. Gísli var vinsæll
meðal nemenda og farsæll í sam-
skiptum við starfsfólk. Hann beitti
sér fyrir því að ráðnir voru nýir
menn til starfa við deildina til
kennslu og rannsókna, og er undir-
ritaður meðal þeirra.
Rannsóknarstörf Gísla voru fjöl-
breytt og spönnuðu vitt svið. Hann
var frumkvöðull í rannsóknum á
notkun rafbíla á íslandi og varð
landskunnur fyrir. Hann stundaði
einnig umfangsmiklar mælingar á
dagsbirtu og útfjólublárri geislun.
Þessar mælingar, sem meðal ann-
ars hafa gildi í tengslum við ýmsar
læknisfræðilegar rannsóknir, hafa
vakið verðskuldaða athygli meðal
fræðimanna. Gísli var óþreytandi að
minna á gildi ljóstæknirannsókna
og taldi að ísland og íslendingar
gætu gegnt þar ákveðnu forystu-
hlutverki. Hann sinnti þessum
rannsóknum ótrauður eftir að hann
lét af kennslustörfum og allt til dán-
ardægurs.
Gísli var dagfarsprúður maður,
einlægur og þægilegur í allri um-
gengni. Ég minnist þess ekki að það
hafi nokkru sinni borið skugga á í
samskiptum okkar, sem þó náðu yf-
ir nálega tvo áratugi. Það var gott
að leita til Gísla, enda var hann út-
sjónarsamur við að ráða fram úr
hvers kyns vanda. Hann var því vin-
sæll, tók virkan þátt í félagsmálum
og átti sæti í fjölmörgum nefndum
og ráðum.
Með Gísla Jónssyni prófessor er
horfinn af sjónarsviðinu einn af
frumherjum íslenskrar verkfræði,
fom'gismaður við eflingu verk-
fræðikennslu og frumkvöðull yerk-
fræðirannsókna hér á landi. Ég vil
þakka fyrir að hafa átt því láni að
fagna að kynnast og starfa með
drengskaparmanninum Gísla Jóns-
syni. Hluttekningu og samúð votta
ég og eiginkona mín, Bjarnveig
Höskuldsdóttir, eftirlifandi eigin-
konu Gísla, Margi-éti Guðnadóttur,
og aðstandendum öllum.
Ragnar Sigbjörnsson, prófessor.
Þegar ég frétti lát Gísla Jónsson-
ar hrönnuðust minningar upp. Ég
kynntist honum á fyrsta ársfundi
Sambands ísl. rafveitna sem ég sat
á ísafirði 1966, en hann var þá raf-
veitustjóri í Hafnarfirði. Hann hafði
forgöngu um að leigja litla rútu og
fórum við nokkrir félagar ásamt
mökum dagsstund í kynnisferð til
Bolungarvíkur. Fann ég í þeirri ferð
áhuga Gísla á náttúru og fegurð
landsins, sem hann festi á ljósmynd-
ir. Gísli var mikill málafylgjumaður
og bjó yfir sterkri réttlætiskennd,
þar sem hann bar hlut þeirra sem
minna mega sín fyrir brjósti. Ég
átti þess kost að starfa með honum í
stjórn Sambands ísl. rafveitna um
árabil. Á þessum árum voru mikil
umsvif í rafvæðingu landsins og
verðjöfnunargjald var lagt á rafveit-
ur sveitarfélaga árið 1965 til að létta
undir rekstri Rafmagnsveitna ríkis-
ins og síðar Orkubús Vestfjarða.
Gísli var einn þeirra sem harðast
börðust á móti þessu gjaldi og taldi
að ríkissjóður ætti að fjármagna
rekstur fyrirtækisins á annan hátt
en skattleggja aðrar rafveitur sem
leiddi til hækkunar á orkuverði
þeirra.
Gísli gegndi starfi framkvæmda-
stjóra Sambands ísl. rafveitna árin
1969-1975, á því tímabili var að
komast á samstarf við rafveitusam-
böndin á Norðurlöndunum. Á ég
góðar minningar um ferð sem hann
hvatti mig til að fara með sér á aðal-
fundi sænsku og dönsku rafveitu-
sambandanna. Vildi hann víkka hjá
mér sjóndeildarhringinn og gefa
mér tækifæri til að kynnast félögum
okkar á Norðurlöndunum. Gísli
hafði lært raforkuverkfræði við
tækniháskólann í Kaupmannahöfn
svo hann var þar vel kunnugur og
gaman að vera með honum.
Á þessum árum tókst ágæt vin-
átta með konum okkar og hittust
þær á hverju ári og blönduðu geði
meðan við sátum fundi. Þessum
fundum lauk oft með borðhaldi og
venjulega stiginn dans. Gísli var
þá hrókur alls fagnaðar. Eftir að
Gísli tók við starfi prófessors í raf-
orkuverkfræði við Háskóla íslands
minnkuðu samskipti okkar. Engu
að síður minnti Gísli á sig með
skrifum um hin ýmsu mál sem
okkur varða, svo sem umdeilda
gjaldtöku orkufyrirtækja á af-
gjaldi sem lögfræðinga gi-einir á
um að standist lög. Þarna fóru
skoðanir okkar saman og nú er of
seint að eiga við hann skoðana-
skipti. Ég minnist Gísla með sökn-
uði og eftirsjá. Kæra Magga, við
Auður sendum þér og aðstandend-
um þínum okkar innilegustu sam-
úðarkveðjur.
Sverrir Sveinsson.
+ Kristján Jó-
hannsson fædd-
ist á Ytra-Lágafelli
f Miklaholtshreppi í
Hnappadalssýslu
28. september 1929.
Hann lést á Sjúkra-
húsi Reykjavíkur
20. febrúar síðast-
liðinn og fór útför
hans fram frá
Digraneskirkju 26.
febrúar.
Ég fel í forsjá þína,
Guð faðir, sálu mína,
því nú er komin nótt.
Um Ijósið lát mig dreyma
og ljúfa engla geyma
öll börnin þín, svo blundi rótt.
(M.Joch.)
Nokkrar kveðjur og þakkarorð
frá fjölskyldunni Lyngbrekku 6,
sem var þar á árunum 1963-1993.
Við áttum heima á móti Kristjáni
og Svövu í 30 ár ásamt öllum okkar
börnum, við áttum átta en þau þrjú.
Aldrei bar skugga þar
á. Inga og Magga alltaf
saman og Bogga og
Halldór. Við viljum af
alhug þakka þér, Krist-
ján minn, fyrir alla þá
hlýju og hjálpsemi sem
þú sýndir okkur alltaf.
T.d. þegar við þurftum
að fara til Ámeríku
með veika drenginn
okkar þá fórst þú á
hverjum degi með tví--^
burana okkar á bama-
heimilið og ekki lét
Svava sitt eftir liggja
að aðstoða okkur, alltaf
boðin og búin. Þetta er geymt en
ekki gleymt.
Við Halldór og börnin öll viljum
votta þér, elsku Svava mín, börnum
ykkar, barnabömum og tengdadótt-
ur, innilega samúð okkar. Guð veri
með ykkur öllum í þessari sám
sorg. Við biðjum guð að geyma
minningu þína, Ki-istján minn.
Aðalheiður.
KRISTJÁN
JÓHANNSSON
+
Ástkær eiginkona mín, móðir okkar, tengda-
móðir og amma,
INGA JÓNSDÓTTIR
Hraunbæ 78,
sem lést á Sjúkrahúsi Reykjavíkur laugar-
daginn 20. febrúar sl., verður jarðsungin
frá Langholtskirkju á morgun, föstudaginn
5. mars, kl. 10.30.
Óðinn Björn Jakobsson,
Guðrún Óðinsdóttir, Þorsteinn Jakobsson,
Jakob Heimir Óðinsson, Sesselía Jóhannsdóttir,
Þóra Hrönn Óðinsdóttir, Óskar Jónsson
og barnabörn.
+
Elskuleg móðir okkar, tengdamóðir, amma og
langamma,
HANNA HELGASON,
Aflagranda 40,
Reykjavík,
sem lést laugardaginn 27. febrúar, verður
jarðsungin frá Fossvogskirkju föstudaginn
5. mars kl. 10.30.
Torfi Jónsson, Jónína H. Gísladóttir,
Helgi V. Jónsson, Ingibjörg Jóhannsdóttir,
Hallgrímur G. Jónsson,
Sigurveig I. Jónsdóttir,
barnabörn og barnabarnabörn.
+
Ástkær móðir okkar, tengdamóðir, amma og
langamma,
BÁRA LÝÐSDÓTTIR,
Hrafnistu Reykjavík,
áður til heimilis í Nóatúni 26,
sem lést sunnudaginn 21. febrúar, verður
jarðsungin frá Dómkirkjunni föstudaginn
5. mars kl. 13.30.
Ægir Ferdinandsson, Guðrún Marinósdóttir,
Halivarður Ferdinandsson, Sesselja Jónsdóttir,
Kristín Ferdinandsdóttir, Oddur Jónsson,
barnabörn og barnabarnabörn.
+
Þökkum innilega öllum þeim, sem sýndu
okkur samúð og hlýhug við andlát og útför
elskulegrar móður, systur, ömmu og
langömmu,
SIGRÍÐAR ERLU JÓNSDÓTTUR,
Efstalandi 4.
Fyrir hönd aðstandenda,
Arnheiður Ragnarsdóttír.