Morgunblaðið - 04.03.1999, Blaðsíða 11

MORGUNB LAÐIÐ
FIMMTUDAGUR 4. MARZ 1999 11
FRÉTTIR
Hart deilt á samningsdrög um íþróttahús í bæjarstjórn Reykjanesbæjar
Minnihluti hyggst
kæra málsmeðferð
ÚTLITSTEIKNING af hina nýja fjölnota íþróttahúsi sem Verkafl mun reisa í Reykjanesbæ.
MINNIHLUTI bæjarráðs í
Reykjanesbæ hefur í hyggju að
kæra málsmeðferð meirihlutans
vegna fjölnota íþróttahúss í Reykja-
nesbæ, en á fundi bæjarráðs á
mánudag var samþykkt að taka til-
boði frá fyrirtækinu Verkafli hf. um
byggingu hússins og drög að leigu-
samningi vegna þess. I samnings-
drögunum er gert ráð fyrir að bær-
inn leigi húsið til 35 ára fyrir
2.250.000 krónur á mánuði, allt frá
því að húsið verður afhent sem á
ekki að vera síðar en 18. febrúar á
næsta ári.
Þá samþykkti bæjarráð að greiða
Verkafli hf. sérstaklega vegna fjár-
magnskostnaðar á byggingartíma
hússins, samtals 7.350.000 krónur,
þar af 4,9 milljónir á þessu ári. Á
fundinum á þriðjudag lagði minni-
hlutinn fram útreikninga sína á
kostnaði samfara leigusamningnum
og öðrum valkostum, ásamt lög-
fræðiáliti sem samið var að ósk
minnihlutans vegna útboðs og mats
á tilboðum í fjölnota íþróttahús fyrir
Reykjanesbæ.
Eftir að meirihlutinn samþykkti
að ganga að tilboði Verkafls hf.,
lagði minnihlutinn fram bókun þar
sem hann lýsir þeirri skoðun að
„veruleg réttaróvissa ríkir um
þennan gjöming“, og að verið væri
að umbuna tilteknum einstaklingum
með óeðlilegum hætti í tengslum við
þetta mál. Minnihlutinn neitaði síð-
an að taka þátt í frekari afgreiðslu
samningsins. I upphafí fundar vék
Ellert Eiríksson bæjarstjóri af
fundi og tjáði viðstöddum að hann
væri vanhæfur í allri umræðu og af-
greiðslu er varðar fjölnota íþrótta-
hús.
Að sögn Jónínu Sanders, for-
manns bæjairáðs, er ástæðan sú að
Ellert og systkini hans eiga hluta-
bréf í Islenskum aðalverktökum,
eiganda Verkafls hf.
Telur reglur brotnar
Jóhann Geirdal, einn bæjarfull-
trúa minnihlutans, kveðst telja að
málsmeðferð vegna íþróttahússins
sé óeðlileg og hyggi minnihlutinn á
að fara kæruleiðina í því sambandi.
Hann telji málsmeðferðina m.a.
varða við skipulagslög og reikni
hann með að yfirstjórn þeirra mála
muni verða sett erindi vegna húss-
ins. Þá verði þeim hluta samnings-
ins, sem snertir fjármál sveitarfé-
laga, vísað til félagsmálaráðuneytis
til umsagnar. Hann telji einnig út-
boðsreglur brotnar og muni minni-
hlutinn afla sér lögfræðilegrar ráð-
gjafar til að þeim hluta málsins
verði beint í réttan farveg.
„Þarna er gerður leigusamningur
við verktaka um hús sem á að vera á
lóð sem er á svæði sem ekkert
deiliskipulag er fyrir og hefur ekk-
ert verið kynnt með nokki-um hætti
fyrir íbúum. I öðru lagi er það ekki í
neinu samræmi við þær reglur sem
opinberir aðilar eiga að starfa eftir,
að gera samning upp á tæplega
milljarð króna án útboðs. Fram-
kvæmdin er meira að segja svo um-
fangsmikil að hún ætti að vera boð-
in út á Evrópska efnahagssvæðinu.
Mér skilst að Ármannsfell hf. hafí
falið Samtökum iðnaðarins að
kanna hvort farið hafi verið að lög-
um í þeim efnum, og í mínum huga
leikur enginn vafí á að um brot sé
að ræða.
Eg er jafnframt sannfærður um
að þessi samningur sé mjög óhag-
stæður og kosti sveitarfélagið mun
meira en ýmsar aðrar lausnir sem
skila sama árangri, þannig að hags-
munum sveitarfélagsins og íbúa
þess er varpað fyrir róða,“ segir Jó-
hann.
Leigutaki greiðir gjöld
„Meðal annars ber leigjanda sam-
kvæmt samningnum að greiða öll
þau gjöld sem venjulega falla á eig-
endur fasteigna, ásamt því greiða
allan kostnað samfara viðhaldi bún-
aðar og lóðar ásamt tryggingum og
fasteigna- og lóðagjöldum. Eins og
þetta væri ekki nóg, þá skuldbindur
bærinn sig samkvæmt samningi til
að endurgreiða alla skatta og gjöld
sem kann að verða beint á leiguna
eða leigusalann vegna samningsins
og framkvæmda við byggingu húss-
ins.
Ekki aðeins er því bærinn að
tryggja verktakanum endurgreiðslu
sem er verulega umfram eðlilegan
kostnað og vexti, heldur tekur hann
á sig allar kvaðir og ábyrgðir sem
ættu að hvíla á eiganda, og borgar
þar að auki þá skatta sem verktak-
inn kynni að fá vegna gróðans af
leigunni," segir hann. Jóhann
kveðst telja að kostnaður samfara
húsinu sé um 50% hærri en aðrir
sambærilegir möguleikar myndu
kosta.
Húsaleiga ekki útboðsskyld
Jónína Sanders segir að vegna
lögbundinna, kostnaðarsamra fram-
kvæmda sem bæjarsjóður standi í
um þessar mundir, meðal annars í
tengslum við einsetningu grunn-
skóla og frárennslismál, hafí verið
hagstæðara að leigja íþróttahúsið.
„Bæjarsjóður stendur vel, en við
tókum í fyrra 700 milljóna króna lán
til að byggja grunnskóla og fyrirsjá-
anlegar eru fleiri stórar lántökur.
Með þvi að taka lán fyrir íþrótta-
húsinu værum við að rýra þau
vaxtakjör sem bænum bjóðast.“
Jónína bendir á að samkvæmt
samningnum við Verkafl geti bæj-
arsjóður fest kaup á húsinu þegar
betur hentar fjárhagslega.
Hún vísar því á bug að réttaró-
vissa sé um framkvæmdina. „Húsa-
leiga er ekki útboðsskyld, hvorki á
íslandi né á Evrópska efnahags-
svæðinu. Þetta er hlutur sem við
höfum kannað.“
Jónína segir að gagnrýni minni-
hlutans á val á lóð undir íþróttahús-
ið og skort á deiliskipulagi sé ekki
byggð á réttum forsendum. „Við
fórum í það að breyta aðalskipulagi
á þessari lóð. Aðalskipulag er sam-
þykkt hjá skipulagsstjóra og ég á
von á því að ráðherra undirriti það
einhvem tíma næstu daga. Þegar
það er búið er farið í að deiliskipu-
leggja þessa lóð og auglýsa skipu-
lagið. Þegar að því kemur verður
málið kynnt fyrir nágrönnum.
Reykjanesbær á mikið land þannig
að við eigum nægjanlegt pláss undir
þetta hús ef það fær ekki þann reit
sem ætlaður hefur verið fyrir það.
Við gátum ekki farið að kynna fyrir
íbúunum einhverja byggingu sem
ekki var búið að ákveða að ætti að
reisa.“
Jónína segir að þegar hafi fengist
reynsla af því fyrirkomulagi sem
haft er við byggingu íþróttahússins,
því fyrir um tíu árum hafí svipaður
háttur verið hafður á þegar samið
var við Islenska aðalverktaka um
byggingu bæjarskrifstofanna.
Saltsíld til Evrópusambandsins
Samið um fjögur
þúsund tonna
tollfrjálsan kvóta
ÍSLENSKIR síldarútflytjendur
töpuðu mikilvægum tollfrjálsum
mörkuðum fyrir ákveðnar tegundir
síldarafurða þegar fyrrverandi
EFTA-ríkin Svíþjóð, Finnland og
Austurríki gengu inn í Evrópusam:
bandið fyrir nokkrum árum. I
framhaldi af því var samið um rúm-
lega fjögur þúsund tonna tollfrjáls-
an innflutningskvóta á síld til Evr-
ópusambandsins, sem var minni
kvóti en íslendingar fóru fram á, og
síðan þá hafa íslensk stjórnvöld ít-
rekað reynt að að fá þennan kvóta
aukinn.
Breytingar á tollareglum nokk-
urra íslenskra afurða á innri mark-
aði Evrópu, einkum síld, voru með-
al þess sem var til umræðu á fundi
Halldórs Ásgrímssonar utann'kis-
ráðherra og Emmu Bonino, sem fer
með sjávarútvegsmál og mannúðar-
og neytendamál í framkvæmda-
stjórn ESB, í Brussel á þriðjudag.
Niðurstaða þess fundar var fyrir-
heit um að viðræður yi-ðu teknar
upp í þessum efnum, að því er fram
kemur í samtali við utanríkisráð-
herra í Morgunblaðinu í gær.
Samið var um 4.150 tonna toll-
frjálsan innflutningskvóta milli ís-
lands og Evrópusambandsins
haustið 1995 og var við setningu
kvótans tekið tillit til meðaltalsút-
flutnings íslenski-a síldarafurða til
Finnlands og Svíþjóðar undan-
gengin þrjú ár.
Ekki tekið tillit til
vaxandi útflutnings
Ekki var tekið tillit til þess að út-
flutningur hafði farið vaxandi á
þessa markaði á þessu tímabili, auk
þess sem sfldarstofnar voru í vexti
og því líklegt að útflutningur gæti
aukist verulega næstu árin.
Utflutningskvóti á ýmiss konar
krydd- og edikssfld var ákveðinn
2.400 tonn, en slík vara hefði ella
borið 10% toll samkvæmt fríversl-
unarsamningi Islands og Evrópu-
sambandsins. Þessi kvóti var búinn
strax á vormánuðum árið 1996 og
bar útflutningurinn eftir það 10%
toll. Þá var tollfrjáls kvóti á heila
hausskorna saltsíld ákveðinn 1.750
tonn, en hún ber annars 12% toll.
Söltuð síldarflök eru hins vegar
tollfrjáls samkvæmt samningnum
um Evrópska efnahagssvæðið.
FLISFATI
1 STK 1 980
2 STK 2980
ATH. OPfÐ ALLA VIRKA DAGA 10-20
OG ALLA LAUGARDAGA 10-18
Ath Sendum í póstkröfu. Grænt númer
800-5730. Simi 562-9730. Fax 562-9731
LAUGAVEGI 18 B - REYKJAVIK