Morgunblaðið - 04.03.1999, Blaðsíða 4

Morgunblaðið - 04.03.1999, Blaðsíða 4
FIMMTUDAGUR 4. MARZ 1999 MORGUNBLAÐIÐ FRETTIR Rændu konu eftir úttekt í banka KONA á sjötugsaldri var rænd í austurhluta Reykjavíkur að morgni þriðjudags er hún var að koma úr banka. Hafði hún tekið út um 50 þúsund krónur og fylgdust tveir menn með ferðum hennar og réðust síðan að henni. Eftir að hafa tekið fé úr bankan- um tók konan strætisvagn og fór annar mannanna einnig í vagninn en hinn fylgdi vagninum eftir í bíl. Þegar konan yfirgaf vagninn létu þeir til skarar skríða, annar hrifsaði af henni handtöskuna og síðan hurfu þeir á braut í bílnum. Konan meiddist ekki. Lögreglan segir greinilegt að mennirnir hafi fylgst með konunni og ákveðið að elta hana þegar þeir sáu hana handleika féð í bankanum. Lögreglan komst fljótlega á sporið, grunaði ákveðna menn og voru þeir handteknir aðfaranótt miðvikudags. Viðurkenndu þeir verknaðinn og er málið upplýst. Þeir höfðu notað pen- ingana til ffkniefnakaupa og báðir hafa ítrekað komið við sögu lög- reglu. Áburðarverksmiðjan komin í hendur nýrra eigenda Kaup verðið greitt með tveimur ávísunum Nýir eigendur stefna að fjölbreyttri starfsemi á svæðinu ABURÐARVERKSMIÐJAN í Gufunesi skípti um eígendur þegar kaupendur hennar, með Harald Haraldsson í forsvari, reiddu fram kaupverðið, 1.257 milljónir króna, hjá ríkisféhirði kl. 13.55 í gær. Greiðslan var innt af hendi með tveimur ávísunum. Að sögn Sigurðar Þorkelssonar ríkisféhirðis ræður bankakerfið ekki við að innleysa hærri ávísanir en 990 milljónir króna í einu lagi. Eitthvað virðist þetta þó hafa skolast til, því aðeíns vantaði eina krónu upp á að önnur ávisunin væri upp á einn milljarð króna. Sigurður sagði að þetta ylli þó engum vandræðum því upphæðin yrði millifærð handvirkt. Þetta er líklega stærsta einstaka greiðslan fyrir viðskipti sem ríkisfé- hirðir hefur tekið á móti. Hinir nýju eigendur taka við rekstri verksmiðjunnar á hádegi í dag. Tilkynnt var um nýtt áburðar- verð í febrúar sl. Meðaltalshækkun milli ára er rúmlega 1%. Haraldur Haraldsson sagði í sam- tali við Morgunblaðið að skipt yrði um stjórn í fyrirtækinu í dag og hann tæki stöðu stjórnarformanns. Hann sagði að ný eignaraðild fæli engar breytingar í sér varðandi rekstur verksmiðjunnar til að byrja með. „Þetta hefur gengið svo hratt fyrir sig að það hefur ekki verið svigrúm til að skoða það. Við mun- um skoða reksturinn og vinna áfram út frá því með það eitt að leiðarljósi að halda áfram fullri starfsemi og reyna að auka aðra starfsemi á svæðinu til að auka betur viðgang og hagnaðarmöguleika fyrirtækisins. Önnur hafnsækin starfsemi á þarna heima. Hafharaðstaða er góð fyrir ýmsa stórvöru. Hægt er að hugsa sér að hafa þarna malbikunarstöð, sementssíló og birgðageymslur fyrir stóra hluti. Þetta eru 20 hektarar lands. Það eru uppi áform um að nýta það land og umhverfi sem er þarna," sagði Haraldur. Haraldur sagði að fyrirspurn hefði borist inn í fyrirtækið um að- stöðu fyrír sementssíló. Hann segir nýja starfsemi þurfa inn á svæðið og jafnframt verði skoðað hvort einhver akkilesarhæll sé í rekstri verksmiðjunnar sjálfrar. „En það verður allt gert til þess að halda eins mörgum störfum við verk- smiðjuna og hægt er. 011 störf sem þarna verða eru í raun störf sem var bjargað, því það átti jú að leggja fyrirtækið niður fyrir þrem- ur árum," sagði Haraldur. Hann sagði að menn væru stað- ráðnir í að halda áfram framleiðslu á áburði í verksmiðjunni. Fyrirtækið væri jafnframt hluthafi í Vistorku og stæði við skuldbindingar sínar í þeim efnum. Áburðarverksmiðjan reist 1952 Áburðarverksmiðjan var reist ár- ið 1952 og hefur þyiyerið starfrækt í 47 ár. Rekstur yerksmiðjunnar hef- ur verið umdeildur á síðustu árum í kjölfar nokkurra óhappa sem þar hafa orðið. Eldur kom upp í ammon- íaksgeymi í verksmiðjunni 15. apríl Morgunblaðið/Golli HARALDUR Haraldsson safnar saman hlutabréfunum í Áburðarverksmiðjunni hjá ríkisféhirði í gær eftir að hafa greitt fyrir þau. 1990. Taldi rannsóknarlögreglan að við bruna ammoníaks hefðu mynd- ast köfnunarefni og vatn. Bruni ammoníaksins hefði komið í veg fyr- ir að eitruð ammoníaksský gætu borist til svæða í nágrenni verk- smiðjunnar, en slíkt hefði hugsan- lega getað gerst ef ammoníak hefði streymt úr geyminum án þess að brenna. Rannsóknarlögreglan taldi einnig hættu á að loft hefði getað komist inn í ammoníaksgeyminn og blandast þar ammoníaki og skapað sprengihættu. íbúar mótmæltu verk- smiðjunni í kjölfar slyssins var haldinn fjölmennur borg- arafundur Grafarvogsbúa þar sem fram kom mikil andstaða íbúanna við Áburðarverksmiðjuna. Borgarráð samþykkti síðan í aprílmánuði 1990 að krefj- ast þess að rekstri verk- smiðjunnar yrði hætt. Da- víð Oddsson, þáverandi borgarstjóri, sagði þá að vorið 1988 hefðu miklar um- ræður verið í borgarráði um hættuna af rekstri verk- smiðjunnar. Það hefði verið vegna nýrra upplýsinga um skaðsemi ammoníaks, sem borgarverkfræðingur hefði bent á. Fram að því hefðu menn aðallega óttast sprengihættu vegna kjarná- burðar. 1985 fól borgarráð dr. Ágústi Valfells og Rúnari Bjarnasyni að gera úttekt á áhættuþáttumvegna starf- semi verksmiðjunnar. I greinargerð þeirra kemur fram að veruleg hætta geti stafað af geymslu fljótandi ammoníaks í kúlugeymi á verk- smiðjulóðinni. Meginhættan sé mengunarhætta, þ.e. að ammoníaks- ský kunni að berast frá verksmiðj- unni yfir borgina ef verulegt óhapp verði á verksmiðjusvæðinu. Eggert Hauksson, framkvæmda- stjóri Áburðarverksmiðjunnar, segir að gert hafi verið mat á hættu frá Áburðarverksmiðjunni. íbúðar- byggð sé utan hættumarka. Morgunblaðið/RAX heimilisbankinn a re ókeypis aðgangur til ársins 2000 Ærslast í • s snjonum BÖRNIN á Blönduósi skottuðust úti í brekku og ærsluðust í snjón- um sem þar gaf og þurftu ekki að hafa áhyggjur af daglegu amstri hinna fullorðnu. Sjálfsagt var að prófa ýmsar aðferðir í brekkunni og gáfust þær allar vel. ? ??--------- IBUNAÐARBANKINN Tnfustiif ba/iki Krafa öryrkja um hærri bætur Kostnaður liggur ekki fyrir GEIR H. Haarde fjármálaráðherra segir ekki ljóst hvaða möguleika rík- isstjórnin hefur til þess að mæta kröfum öryrkja um hærri örorkulíf- eyri. A fundi Sjálfsbjargar um stöðu ör- yrkja um síðustu helgi var samþykkt ályktun þess efnis að krafa yrði gerð um aukið fjármagn ríkisins til Tryggingastofnunar. Hljóðaði kraf- an þannig að frá og með 1. apríl og 1. september myndi örorkulífeyrir hækka um 10 þúsund krónur og aðr- ir greiðsluflokkar um 5%. Geir vildi ekkert segja um málið annað en verið væri að reikna út hve mikinn kostnað slík hækkun örorku- lífeyris hefði í fór með sér. Hann sat fund Sjálfsbjargar og hefur fengið ályktunina í hendur. Sagði hann að verið væri að fara yfir þau fjölmörgu atriði sem þar komu fram. -----------»?? Brotist inn vegna spila- kassa ÞRISVAR hefur verið brotist inn í söluturna í Reykjavík undanfarnar nætur en í öllum tilvikum gripu þjóf- ar í tómt. Þeir brutu upp spilakassa en höfðu ekkert uppúr krafsinu. Innbrotsmálin eru í rannsókn hjá lögreglunni. Að sögn Ómars Smára Armannssonar aðstoðaryfirlög- regluþjóns var enga fjármuni að hafa í spilakössunum þar sem þeir eru í flestum tilvikum tæmdir á hverju kvöldi. Segir Ómar þjófana aðeins valda spjöilum með tilheyr- andi kostnaði fyrir eigendur sölu- turna. I
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.