Morgunblaðið - 04.03.1999, Blaðsíða 22

Morgunblaðið - 04.03.1999, Blaðsíða 22
22 FIMMTUDAGUR 4. MABZ 1999 MORGUNBLAÐIÐ ERLENT 0 Mannræningja í Uganda enn leitað Morðin sögð skilaboð til þjóða heims Kampala, Washington. Reuters. SKÆRULIÐANNA sem urðu átta ferðamönnum að bana á hrottaleg- an hátt í Bwindi-þjóðgarðinum í Úganda á mánudag er enn leitað. Skæruliðarnir tóku fjórtán ferða- menn í gíshngu, en sex komust lífs af. Alls voru ferðamennirnir 31 sem gistu í þjóðgarðinum, þar sem finna má um helming allra górilla í heimi, en sautján voru ýmist látnir lausir eða tókst að flýja. Fórnarlömbin voru frá Banda- ríkjunum, Bretlandi og Nýja-Sjá- landi. Skæruliðarnir eru sagðir með ódæðinu hafa viljað koma boðum til þjóða heims um að láta stjórnmál í Rúanda afskiptalaus. Ódæðin hafa vakið mikla reiði og hét forseti Ug- anda, Yoweri Museveni, því í gær að haft yrði uppi á mannræningjun- um „lífs eða liðnum". Skæruliðanna leitað Umfangsmikil leit að skæruliðun- um stendur nú yfir, en rúandískar og úgandískar hersveitir sameinuðu krafta sína í gær og héldu inn í Kongó, þar sem skæruliðarnir eru taldir halda sig. Talsmaður úg- andísku hersveitarinnar sagði ætl- unina að umkringja ódæðismennina í Kongó. Hópur rannsóknarlögreglumanna á vegum Alríkislögreglu Bandaríkj- anna (FBI) er í Uganda og hefur hafið rannsókn á málinu, að sögn Virgils Bodeens, fréttaritara banda- ríska sendiráðsins í Kampala. Borin hafa verið kennsl á lík allra fórnar- lambanna. Enn hefur ekki tekist að hafa hendur í hári mannræningjanna, sem eru Hútúmenn úr hópi Inter- hamwe-skæruliða. Interhamwe er hópur vopnaðra sveita sem tóku þátt í þjóðarmorðinu á Tútsum í Rúanda fyrir nokkrum árum. Um milljón manns beið þá bana á u.þ.b. mánuði. Hútúmenn voru við stjórn er þjóðarmorðin voru framin, en voru hraktir frá völdum árið 1994 og tóku Tútsar, sem verið höfðu í út- legð, við stjórntaumunum. Yoweri Museveni, forseti Úganda, studdi núverandi stjórn Tútsa til valda. Við stjórnarskiptin flúði stærsti hluti hersveita Interhamwe inn í skóglendið við landamæri Úganda, Kongó og Rúanda ásamt tveimur milljónum óbreyttra borgara. Skæruliðarnir héldu áfram að herja yfir landamærin til Rúanda, og not- uðu erlent fjármagn sem ætlað var til að hjálpa flóttamönnunum til að fjármagna árásir sínar. Arið 1996 þótti Rúandastjórn nóg komið og hrakti Hútúmenn af svæð- inu. Um hálf milljón Hútúmanna lét lífið í árásum Tútsa á leið hinna fyrrnefndu í leit að nýjum sama- stað. Skilaboð til alþjóðar Með mannránunum segist Inter- hamwe vera að refsa ríkisstjórn Úg- anda fyrir stuðning hennar við Tútsa. Einnig vildu þeir refsa enskumælandi ferðamönnum, því ósigur Hútúmanna fyrir Tútsum eigi rætur að rekja til þess að enskumælandi þjóðir vilji taka yfir frönskumælandi lönd Mið-Afríku. Skæruliðarnir skildu eftir skila- boð á illa leiknum líkunum svohljóð- andi: „Bandaríkjamenn og Bretar, nærveru ykkar er ekki óskað í landi okkar. Þið styðjið óvininn." Mark Ross er Bandaríkjamaður og einn af sex ferðamönnum sem komust lífs af úr höndum mannræn- ingjanna. Honum var gert að koma boðum áleiðis frá Interhamwe. „Skæruliðarnir sögðust yilja valda efnahagslegum skaða í Úganda og láta alþjóð vita að þarna ætti sér stað stríð," sagði Ross í samtali við AP-fréttastofuna. Skipulögð atlaga Skæruliðarnir, um 150 talsins, réðust inn í tjaldbúðirnar í þjóð- garðinum snemma á mánudags- morgun. íbúar búðanna vöknuðu við byssuskot og öskur, er skærulið- arnir réðust inn í þjóðgarðinn. Urðu þeir fjórum úgandískum þjóðgarðs- vörðum að bana er þeir reyndu að hindra áhlaupið. Að sögn vitna skiptu skærulið- Morgunblaðið/Ásdís I BWTNDI-þjóðgarðinum í suðvesturhluta Úganda má finna um helming allra górilla í heiminum. Átta ferðamenn voru myrtir þar á mánudag. arnir sér upp í lið og hernámu tjald- búðirnar á örfáum mínútum og reyndu þannig að koma í veg fyrir að nokkur kæmist undan. Ollu steini léttara var stolið og annað brennt. Ferðamennirnir, sem voru frá Bretlandi, Bandaríkjunum, Nýja- Sjálandi, Ástralíu, Kanada og Frakklandi, voru dregnir úr tjöld- um sínum og gistihúsum, Mtt klædd- ir, og eldur var borinn að jeppum þeirra. FerðafóUtinu var skipað að standa í röð þar sem allt verðmætt var tekið af því og þeim sem voru frá Bandaríkjunum og Bretlandi var gert að fara með skæruliðunum. Hrottalegur dauðdagi Fjórtán ferðamenn voru valdir af handahófi til að fara með skærulið- unum í átt að fjallshlíðunum. Sumir gíslanna gátu vart gengið vegna sársauka í fótum, þar sem þeir voru ekki í skóm. Eftir að hafa gengið í u.þ.b. tíu klukkustundir hófu mannræningj- arnir að deila sín á milli og brátt höfðu átta ferðamenn látið lífið eftir að hafa verið barðir og höggnir með sveðjum. Skömmu síðar fundu úg- andískar hersveitir sex ferðamenn sem eftir voru. Hörmungarnar hafa vakið óhug meðal fólks um allan heim, og hefur ferðamönnum verið ráðlagt að leggja ekki leið sína til Bwindi-þjóð- garðsins. Museveni forseti viður- kenndi að öryggi ferðamanna hefði ekki verið nægilega tryggt á svæð- inu, en hét því jafnframt að her- sveitir myndu ná skæruliðunum, lífs eða liðnum. Bandarísk og bresk stjórnvöld hvöttu til þess í gær að rannsókn málsins yrði sem fljótast leidd til lykta. Ennfremur sagði James Foley, talsmaður bandarísku ríkis- stjórnarinnar, í gær, að Bandaríkin myndu leggja þeim stjórnvöldum lið sem fyndu mennina og leiddu þá fyrir rétt. Hefði mátt sjá hörmungarnar fyrir? Bwindi-þjóðgarðurinn hefur verið aðalaðdráttarafl ferðamanna til Ug- anda og ljóst þykir að ódæðisverkið kemur til með að hafa neikvæð áhrif á straum ferðamanna til landsins. Því hefur verið haldið á lofti að atburðinn hefði mátt sjá fyrir, þar sem ástandið hafi farið versnandi á þessum slóðum. Bresk dagblöð skýrðu frá því í gær að stjórnvöld- um í Uganda hefðu fyrir tveimur vikum borist hótanir um -að rú- andískir skæruliðar ætluðu að drepa bandaríska og breska ferða- menn. Þessar staðhæfingar hafa ekki fengist staðfestar hjá úgandískum stjórnvöldum, en utanríkisráðherra Bretlands sagðist í gær ætla að leita eftir því hjá Museveni forseta hvort þær ættu við rök að styðjast. Að sögn AP-fréttastofunnar kom fram í gær, að íslendingar hefðu verið meðal þeirra sem gistu þjóð- garðinn er skæruliðarnir réðust inn. I kjölfarið hafði Morgunblaðið samband við íslendinga í Austur- Afríku og danska sendiráðið í Kampala. í sendiráðinu var fyrir- spurnum beint til utanríkisráðu- neytisins í Danmörku. Aðspurð sagði Nina Leck ráðuneytisfulltrúi ekkert hafa frést af íslendingum í þjóðgarðinum. „Ef íslendingar hefðu verið þar hefðum við án efa heyrt af því," sagði Nina. Þjóðgarðurinn fallegur og friðsæll Ásdís Ásgeirsdóttir ljósmyndari og Svanur Þorsteinsson ferðuðust saman til Bwindi-þjóðgarðsins fyrir tæpum tveimur árum og fengu að sjá górillur sem búa þar. í samtali við Morgunblaðið sögðu þau Bwindi vera einn fallegasta og friðsælasta stað sem þau hefðu heimsótt. „Bwindi-þjóðgarðurinn er frum- skógur með litlu tjaldstæði, í mesta lagi fyrir 30 manns. Hann er í dal í skóginum og þarna er ákaflega frið- sælt." Asdís sagðist fyrst og fremst hafa ferðast til Úganda til að fara í þjóðgarðinn. Svanur hefur starfað sem leið- sögumaður í Úganda, og í septem- ber í fyrra skipulagði hann ferð fyr- ir íslendinga í þjóðgarðinn, sem hann þurfti að afboða. „Fjórum ferðamönnum var rænt þar í ágúst af skæruhðum og þriggja þeirra, sem eru Svíar, er enn saknað." Svanur segist undrast að ferðamenn hafi ekki verið varað- ir við því að fara í þjóðgarðinn þar sem ástandið hafi verið ótryggt sl. mánuði. Kapp- hlaup um- hverfis hnöttinn ÞRUMUVEÐUR skók loftbelg Bretanna Antlys Elsons og Col- ins Prescots yfir Tailandi á mið- vikudag. Allt fór þó vel að lok- um og þeim félögum tókst að halda belgnum fjarri kínverskri lofthelgi, sem þeim hefur verið bannað að fljúga inn í. „ Við söknum ekki þægindanna heima en ég myndi alveg þiggja kaldan bjór," sagði Prescot í viðtali við SJcy-sjónvarpsstöðina. Flugleið Bretanna liggur frá Tailantli yf- ir Kambódíu og Víetnam, og svo út á Kyrrahafið. Svissnesk samkeppni Svisslendingurinn Bertrand Piccard og Bretinn Brian Jones hófu sig á loft í loftbelg frá Chateau d'Oex í Sviss á mánu- dag og etja nú kappi við Bret- FERÐIR LOFTBELGJANNA TVEGGJA Flugleiðir loftbelgjanna tveggja er nú keppa um að Ijúka hnattflugi Enski loftbelgurinn Svissneski loftbelgurínn hefur sig á loft hefur sig á loft Yfir Alsír Yfir Taílandi 3. 17. febrúar l.mars 3. mars mars Y.'.Z- Áætlaðarflugleiðir ana tvo um að verða fyrstir til þess að fljuga í loftbelg um- hverfis hnöttinn. Þeir félagar voru yfir Alsír og Máritaníu á in it) vik udag og gekk allt að ósk- um skv. fregnum frá þeim félög- um. Hyggjast þeir reyna að krækja sér í hagstæða vinda til að auka hraðann á ferð austur á bóginn. BBC greindi frá því að Piccard og Jones hefðu fengið leyfi frá kúiverskum yfirvöldum til þess að fljúga í lofthelgi landsins, en það gæti komið þeim til góða í keppninni við El- son og Prescot. Neyðast Elson og Prescot nefnilega til að fljúga suður fyrir Kína þar sem þeir hafa ekki hlotið leyfi frá kínverskum sijórnvöltluni. Á myiiflinni má sjá loftbelg Bretanna Elsons og Prescots á flugfi yfir Taflandi í tunglskini. Reuters
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.