Morgunblaðið - 07.03.1999, Blaðsíða 4
4 SUNNUDAGUR 7. MARZ 1999
MORGUNBLAÐIÐ
VIKAN 28/2 - 6/3
►:SVERRIR Hermannsson,
formaður Frjálsynda flokks-
ins, mun leiða framboðslista
flokksins á Vestfjörðum í
komandi kosningum og
Matthías Bjarnason, fyrrver-
andi ráðherra, verður þar í
heiðurssæti. Stefnt er að því
að framboðslistar flokksins
verði tilbúnir fyrir páska.
►PÉTUR Þór Gunnarsson,
eigandi Gallerís Borgar, var
dæmdur í sex mánaða fang-
elsi í Héraðsdómi Reykjavík-
ur á föstudag, en hann var
ákærður fyrir að hafa staðið
að fölsun málverka. Hann
var einnig dæmdur til að
greiða 2 milljónir í máls-
kostnað og til að greiða eig-
anda eins málverks 270 þús-
und krónur í skaðabætur.
Málinu verður áfrýjað til
Hæstaréttar.
►TALIÐ er að Nígeríumað-
ur sem úrskurðaður var í
gæsluvarðhald fyrir rúmri
viku fyrir að hafa innleyst
falsaðar gjaldeyrisávísanir
fyrir á tólftu milljón króna
hjá Islandsbanka tengist al-
þjóðlegum glæpahring. AI-
þjóðalögreglan Interpol að-
stoðar við rannsókn málsins
sem beinist að aðilum í Ní-
geríu, Bretlandi Bandaríkj-
unum og fleiri löndum.
►HAGNAÐUR af rekstri
Eimskipafélags íslands og
dótturfélaga þess nam 1.315
milljónum króna árinu 1998,
samanborið við 627 milljónir
árið á undan. Rekstrartekjur
samstæðunnar námu 16.573
milljónum króna á síðasta
ári en voru 16.287 milljónir
árið 1997. Landsbanki ís-
lands hagnaðist um 911
milljónir króna á árinu 1998
samanborið við 326 milljónir
árið áður.
Samkomulag
í Smugudeilunni
ÞORSKKVÓTI íslendinga í Barents-
hafi fyrir árið 1999 verður 8.900 lestn-
samkvæmt samkomulagi um lausn
Smugudeilunnar sem skrifað var undir
á föstudag. Norðmenn munu fá aila-
heimildir innan íslensku lögsögunnar í
staðinn. Refsiaðgerðum norskra yfir-
valda gagnvart íslenskum skipum sem
veitt hafa í Smugunni verður hætt.
Aburðarverk-
smiðjan seld
GUÐMUNDUR Bjamason landbúnað-
arráðherra skrifaði undir samning um
kaup níu fjárfesta undir forystu Harald-
ar Haraldssonar á Áburðarverksmiðj-
unni í Gufunesi. Fjárfestamir buðu
1.257 miiljónh- króna í verksmiðjuna og
var sú upphæð staðgreidd á þriðjudag.
Tveir þingmenn Framsóknarflokks-
ins lýstu áhyggjum vegna áhrifa söl-
unnar á samstarf við erlenda og inn-
lenda aðila um vetnisframleiðslu í verk-
smiðjunni.
Asta Möller í 9. sæti
ÁSTA Möller, formaður Félags ís-
lenskra hjúkmnarfræðinga, mun skipa
9. sæti á lista Sjálfstæðisflokksins í
Reykjavík í vor. Vilhjálmur Þ. Vil-
hjálmsson borgarfulltrúi, sem valinn
hafði verið í 9. sætið, tekur 10. sætið að
eigin ósk. Þetta varð niðurstaða kjör-
nefndar flokksins á miðvikudagskvöld.
FBA kaupir 50%
í Vöku-Helgafelli
Fjárfestingarbanki atvinnulífsins hefur
keypt 50% hlut í útgáfu- og miðlunar-
fyi'irtækinu Vöku-Helgafelli en stofn-
endur og eigendur félagsins, hjónin
Ólafur Ragnarsson og Elín Bergs,
ásamt sonum þeima, munu áfram eiga
helming. Forsvarsmenn FBA segjast
munu selja hlutaféð aftur og stuðla að
því að fyrirtækinu verði breytt í al-
menningshlutafélag.
Kosovo-Albanir
samningafúsir
VAXANDI vonir eru um, að Kosovo-
Albanir muni samþykkja fyrirliggjandi
tillögur um bráðabirgðasjálfstjórn
næstu þrjú árin innan Serbíu. Hafa Al-
baníuþing og fulltrúar vestrænna lagst
á eitt um að fá þá til þess og afsögn
Adems Demaci, eins helsta harðlínu-
mannsins í röðum UCK, Frelsishers
Kosovo, hefur einnig ýtt undir það.
Rússar hafa lýst sig reiðubúna að taka
þátt í alþjóðlegri gæslu í Kosovo en þá
því aðeins, að Serbar fallist á það. Þeir
eru því andvígir og nokkuð ljóst, að
Rússar muni ekki reyna að fá þá ofan
af því. Stefnt er að því, að í alþjóðlega
gæsluliðinu verði um 30.000 hermenn.
Lítill sáttatónn er í Serbum og ekki
ljóst hvort þeir komi aftur til viðræðna
í Frakklandi 15. þessa mánaðar. Hafa
þeir verið að efla mjög gæslu á landa-
mærum Kosovo við Makedóníu og Al-
baníu. Stöðugar skærur eru í Kosovo
og kenna hvorir öðrum um.
Harðar loftárásir
á N- og S-frak
BANDARÍSKAR og breskar herflug-
vélar hafa haldið uppi miklum loftárás-
um á Irak að undanfömu og virðist til-
gangurinn með þeim vera að eyði-
leggja loftvamakerfi írakshers á flug-
bannssvæðunum í norðri og suðri. Réð-
ust þær bandarísku meðal annars á
mannvirki tengd íraska olíuiðnaðinum
og lagðist olíuflutningur til Tyrklands
niður um tíma. Hafa þeir verið notaðir
til að greiða fyrir matar- og hjálpar-
gögn til landsins handa íröskum al-
menningi. Gagnrýndi Suleyman Dem-
irel, forseti Tyrklands, þessar loftárás-
ir harðlega en varnarmálaráðherra
Tyrklands sagði hins vegar, að um eðli-
lega sjálfsvöm bandarísku flugmann-
anna hefði verið að ræða. Bandaríkja-
stjórn nhefur hins vegar heitið að
kanna tildrög þess, að ráðist var á olíu-
mannvirkin.
►DEILA Bandaríkjanna og
Evrópusambandsins, ESB,
um bananana harðnar
stöðugt en hún snýst um
það, að bananainnflutningur
frá fyrrum nýlendum Evr-
ópuríkjanna er tollfrjáls en
annar ekki. Hafa Banda-
ríkjamenn sett refsitolla á
ákveðnar voru frá ESB-ríkj-
um og hefur það vakið mikla
reiði þar og hefur nú verið
svarað með kæra til WTO,
Heimsviðskiptastofnunar-
innar.
►ARIEL Sharon, utanríkis-
ráðherra ísraels, lagði til í
vikunni, að mynduð yrði
þjóðstjórn í Iandinu til sjá
um brottflutning ísraelska
herliðsins frá Líbanon. Hafa
þeir Benjamiu Netanyahu
forsætisráðherra og Moshe
Arens varnarmálaráðherra
hafnað því og einnig Ehus
Barak, leiðtogi Verka-
mannaflokksins. Hann hefur
hins vegar heitið því að kalla
herinn heim á einu ári nái
hann kjöri í kosningunum í
maí.
►HERINN í Úganda heldur
nú uppi leit að þeim skæru-
liðum hútúa, sem myrtu átta
erlenda ferðamenn í Bwindi-
þjóðgarðinum þar í landi í
siðustu viku með mjög
grimmilegum hætti. Sagði
talsmaður hans, að á
fímmtudag hefðu 15 þeirra
verið felldir í fyrirsát, sem
þeim var gerð í Kongó. Hafa
þessi morð vakið mikinn
óhug en hútúar báru ábyrgð
á fjöldamorðunum í Rúanda
þegar um 800.000 manns
voru drepin, aðallega tútsar.
FRÉTTIR
Þorsteinn Davíðsson 100 ára í dag
Frumkvöðull í uppbygg-
ingu skinnaiðnaðar
Morgunblaðið/Kristján
ÞORSTEINN Davíðsson á Akureyri er 100 ára í dag, sunnudaginn 7.
mars. Hér er hann að tygja sig í ökuferð um æskuslóðirnar í Fnjóska-
dal á föstudag, en þá ferð fór hann með Héðni syni sinum.
ÞORSTEINN Davíðsson, fyrrver-
andi verksmiðjustjóri á Akureyri,
er 100 ára í dag, sunnudaginn 7.
mars. Hann fæddist á Hallgils-
stöðum í Fnjóskadal og ólst upp
þar í dalnum. Foreldrar hans
voru Arndís Jónsdóttir og Davíð
Sigurðsson. Eiginkona Þorsteins
var Þóra Guðmundsdóttir frá
Arnarnesi, en hún lést árið 1957.
Þau eignuðust þrjá syni, Ingólf,
Guðmund og Héðin.
Þorsteinn gekk í barnaskóla og
lauk prófi með ágætiseinkunn frá
unglingaskólanum á Ljósavatni
ári fyrir fermingu. „Við sváfum á
kirkjuloftinu á Ljósavatni og þar
var oft mikill kuldi,“ sagði hann.
Árið 1917 hóf hann nám við
Bændaskólann á Hvanneyri og
lauk búfræðiprófi tveimur árum
síðar.
Kynnti sér gærurotun
og skógrækt í útlöndum
Þorsteinn var vinnumaður í
Fjósatungu árið 1920, hjá Ingólfi
Bjarnasyni sem sat í stjórn Sam-
bands íslenskra samvinnufélaga.
„Ingólfur kallaði mig einhverju
sinni til sín þar sem ég var uppi í
hesthúsi að koma hestunum fyrir
og spurði mig að því hvort ég
vildi fara til Bandaríkjanna,"
sagði Þorsteinn um upphaf þess
að hann hélt fyrst utan að læra
það sem þá var kallað „gærurot-
un“ en hann var þá 22 ára gam-
all. Förin leiddi til þess að Þor-
steinn ásamt fleirum reisti Gæru-
verksmiðjuna í Grófargili, en við
hana starfaði hann um árabil, að-
allega yfír vetrarmánuðina, en að
sumrinu var hann skógarvörður á
Vöglum í Fnjóskadal.
Þorsteinn sigldi einnig til Nor-
egs og kynnti sér skógrækt, en
hún hefur alla tíð verið honum
hugstæð. Meðal annars hefur
hann koniið sér upp fallegum reit
í landi Hróarsstaða í Fnjóskadal
sem afkomendur hans njóta nú
góðs af og hafa skipulagt sumar-
bústaðaland þar. Þá fór hann
einnig til Þýskalands og aftur til
Bandaríkjanna til að kynna sér
sútun skinna. í framhaldi af síð-
ari förinni til Bandarikjanna var
skinnaverksmiðja reist á Gler-
áreyrum og var Þorsteinn verk-
smiðjustóri þar alla sína
starfsævi. Þorsteinn kynnti sér
einnig skógerð í Svíþjóð, en slík
verksmiðja var reist á Gleráreyr-
um. Starfaði Þorsteinn óslitið
sem verksmiðjustjóri Skinnaverk-
smiðjunnar Iðunnar og skógerð-
arinnar þar til hann varð 70 ára
að aldri, 1969, en hélt áfram
störfum á verksmiðjunum til árs-
ins 1981 og hafði þá starfað þar í
sextíu ár.
Okuferð í Fnjóskadal
Heilsa Þorsteins er almennt
góð, þótt sjón og heyrn séu farin
að gefa sig. „Ég get ekki sagt
annað en að mér líði vel,“ sagði
Þorsteinn þar sem drakk miðdeg-
iskaffíð eftir góða ökuferð í
Fnjóskadal á föstudag. „Við reyn-
um að fara í bíltúr austur í
Fnjóskadal þegar færi gefst og
sólin skín,“ sagði Héðinn sonur
hans. Þorsteinn hefur alla tíð haft
mikinn áhuga á ferðalögum, hann
ferðaðist mikið og tók virkan þátt
í störfum Ferðafélags Akureyrar.
Þorsteinn er nú á Dvalarheimil-
inu Hlíð á Akureyri, en þar hefur
hann dvalið frá því haustið 1993.
Morgunblaðið/Porkell
Frama-
dagar í Há-
skólanum
FJÖRUTÍU íslensk fyrirtæki
kynntu starfsemi sína fyrir nem-
endum í Háskóla Islands á síðasta
degi svonefndra Framadaga sl.
föstudag. Var kynningin fjölsótt.
Framadagar hafa verið haldnir
í Háskólanum árlega frá árinu
1995. Myndin var tekin fyrir
framan bás Morgunblaðsins þar
sem nemendur spurðust meðal
annars fyrir um atvinnumögu-
Ieika í framtíðinni.
Hnattferð um qoðsaqnaheiminn
Verð áður 5.980,
Inkar og Aztekar, Egyptar, Súmerar,
Grikkir, Rómverjar, Keltar, norrænir
menn, Afríkubúar og frumbyggjar
Eyjaálfu; frá örófi alda hafa menn
um veröld alla búið sér til sinn
sérstaka goðsagnaheim. Bókin er
„öllum þeim gagnleg sem vilja afla
sér grunnþekkingar á goðsögnum
heimsins."
Morgunblaðið
lHl
Mál og mennlng
Laugavegi 18 • Sími 515 2500 • Síðumúla 7 • Sími 510 2500
Fjölgað
um tvo
í borgar-
ráði
TVEIR nýir fulltrúar voru
kjömir í borgarráð á fundi
borgarstjórnar Reykjavíkur á
fímmtudag. Er það gert í kjöl-
far breytinga á samþykktum
fyrir stjórn borgarinnar í byrj-
un ársins.
Af hálfu Reykjavíkurlistans
var Ingibjörg Sólrún Gísladótt-
ir kjörin til setu í borgarráði og
Anna Geirsdóttir til vara. Af
hálfu Sjálfstæðisflokksins var
Júlíus Vífíll Ingvarsson kjör-
inn, en hann var áður varamað-
ur, og til vara þau Jóna Gróa
Sigurðardóttir og Ólafur F.
Magnússon.