Morgunblaðið - 07.03.1999, Blaðsíða 22

Morgunblaðið - 07.03.1999, Blaðsíða 22
.22 SUNNUDAGUR 7. MARZ 1999 MORGUNBLAÐIÐ Vetrarbærinn Lillehammer stóð svo sannarlega undir nafni sl. miðvikudag þegar blaðamaður steig út úr lestinni frá Ósló. Jörð alhvít og raunar snjór út um allt. Bullandi fannfergi hefði einhver sagt, en það er heimsins eðlilegasti hlutur í Lil- lehammer. Þar eiga menn ekki litlar skóflur og moka með þeim inn- keyrsluna að híbýlum sínum. Nei - í Lillehammer eiga menn sína eigin snjóblásara, margir hverjir. Minna dugir ekki. Vetrarólympíuleikarnir fóru fram í Lillehammer árið 1994 og þess má enn sjá merki víðsvegar í bænum, byggingar bera merki leikanna og minnisvarðar standa vörð um minn- ingar þeirra vikna er hundruð þús- unda skíðaáhugamanna sóttu bæinn heim og fylgdust með afreksfólki í keppni. I Lillehammer býr Olafsfirðingur- inn Kristinn Björnsson. Hann er mestur afreksmanna íslands í skíða- íþróttinni og snjóþyngslin í norska ólympíubænum ættu ekki að koma honum á óvart eins snjóþungt og verið getur fyrir norðan. Hann segir enda sjálfur að fjölmargt í Lil- lehammer minni hann á heimaslóð- irnar. Kristinn býr ásamt unnustu sinni í lítilli tveggja herbergja blokkaríbúð ofarlega í bænum, leigir íbúðina fyrir drjúgan skilding á mánuði. Heimili hans og Hlínar Jensdóttur er smekklegt og hlýlegt, en óneitanlega lítið og er sönnun þess að íslenskur afreksmaður í skíðaíþróttum á ekki fúlgur fjár. Kristinn heillaði landsmenn upp úr skónum undir árslok 1997, nánar tiltekið 22. nóvember það ár. Hann stal þá heldur betur senunni á heimsbikarmótinu í svigi í Park City í Utah-ríki í Bandaríkjunum, náði óvænt öðru sæti þrátt fyrir að hafa haft rásnúmer 49 og kom eins og stormsveipur fram í sviðsljósið. Ungur og óþekktur skíðamaður var skyndilega kominn í fremstu röð og allir vildu við hann tala. Norðmenn vegna þess að hann var búsettur þar í landi pg menntaður þar í skíðaíþrót1> inni. íslendingar af þyí af þeir áttu í honum hvert bein. Ólafsfirðingurinn Kristinn Björnsson var orðinn óska- barn þjóðarinnar. Fyrir heimsbikarmótið í Park City hafði Kristinn tekið þátt í fimm svig- mótum heimsbikarsins og einu í stórsvigi en aldrei náð að klára. Frá- bær tími hans í seinni ferð reið baggamuninn, þar náði Kristinn langbesta tímanum og var í raun að- eins hársbreidd frá sigri á mótinu. Mesti stórviðburður sögueyjunnar „Mesti stórviðburður sögaeyjunn- ar" var fyrirsögn stórrar greinar norska dagblaðsins Aftenposten af mótinu. Þar var ítarlega greint frá afreki íslenska svigkappans og þeirri athygli sem hann fékk í kjölfarið. „An þess að vita mikið um íslenskar vetraríþróttir fullyrðum við hiklaust að annað sæti Kristins Björnssonar er mesti stórviðburður sögueyjunn- ar. Og hann býr í Lillehammer," sagði ennfremur í frétt blaðsins og stoltið leyndi sér ekki. Norðmenn voru í aukahlutverki þennan nóvemberdag og þeirra sterkasti maður í keppninni, Finn Christian Jagge, var fenginn til að lýsa íslensku hetjunni. „Hann er mjög yfirvegaður og alvörugefinn íþróttamaður. Hann getur orðið skelfilega góður, það hefur okkur lengi verið ljóst," sagði Jagge, einn besti skíðamaður heims í áraraðir og Ólympíumeistari í svigi 1992. Hann hafði orðið að láta sér lynda þriðja sætið á mótinu í Park City. íslendingar höfðu skyndilega eign- ast skíðakappa sem var í fremstu röð. Auðvitað hafði Kristinn lengi stefnt að þessu og verið við æfingar og keppni á meðal þeirra bestu í árarað- ir. En hinn óvænti árangur hans vakti geysilega athygli heima fyrir og grannt var fylgst með kappanum í keppni. Hann brást heldur ekki aðdá- endum sínum og kom aftur á óvart á heimsbikarmóti í Veysonnaz í Sviss í janúar 1998. Náði þá öðru sæti og var kominn í sjötta sæti í samanlagðri stigakeppni heimsbikarsins. Glæst gengi Kristins jók vitaskuld væntingarnar í hans garð. Hann hækkaði jafnt og þétt á styrkleika- listanum, fékk rásnúmer framar í röðinni og allt gekk honum í hag. Að vísu tókst honum ekki jafnvel upp í 1 1 að maður komist ekki upp aftur Hann er fæddur árið 1972 á Olafsfírði og hefar unnið tólf Islands- meistaratitla á ferlinum. Þar með telst hann sigursælasti skíðamað- ur Islands í alpagreinum á landsmóti. I nóvember árið 1997 breytt- ist hins vegar allt í lífí Kristins Björnssonar, hann náði silfurverð- launum í svigkeppninni á heimsbikarmótinu í Park City og varð fyr- ir vikið eitt af óskabörnum þjóðarinnar. Því var mikils vænst af kappanum en árangurinn á yfírstandandi keppnistímabili hefiir alls ekki verið í samræmivið þær væntingar. Björn faigi Hrafhsson sótti Kristin heim þar sem hann býr í norska skíðabænum Lillehammer og ræddi við hann um sorgir og sigra svigkappans. næstu heimsbikarmótum, hann féll úr keppni í þeim öllum, einnig Ólympíuleikunum í Nagano í Japan. Eftir stóð samt frábær árangur á fyrsta ári svigmannsins á meðal þeirra bestu og miklar væntingar voru gerðar fyrir næsta tímabil. Nokkuð kom á óvart er tilkynnt var að Kristinn væri hættur að æfa með finnska landsliðinu, en með því hafði hann verið við æfmgar og keppni í tvö ár. Undir stjórn Austur- ríkismannsins Christians Leitners hafði hann komist í fremstu röð og ítrekað lýst opinberlega yfir ánægju sinni með þjálfarann og samstarfið við Finnana. Jafnframt var tilkynnt um ráðningu Hauks Bjarnasonar sem þjálfara Kristins og samvinnu þeirra við sænska landsliðið. Timabilið byrjaði ágætlega, Krisi> inn náði 11. sæti á fyrsta mótinu í Park City þar sem hann hafði slegið svo eftirminnilega í gegn árið áður. „Eg er rosalega ánægður með þetta sæti," sagði Kristinn í samtali við Morgunblaðið eftir það mót. „Það var gott að komast í gegnum fyrsta mót- ið. Markmiðið yar að skila sér í gegn og það tókst. Ég tók enga áhættu og setti öryggið á oddinn. Það er viss léttir að hafa klárað, enda er þetta að- eins þriðja svigið sem ég kemst niður í heimsbikarnum. Ég veit líka að ég á mun meira inni," sagði Kristinn 24. nóvember í fyrra. Þrátt fyrir ágæta byrjun á heims- bikarmótinu í Park City tókst Kristni ekki að ná stöðugleika og hann féll úr leik í sex næstu heims- bikarmótum í röð. Kristinn náði svo 20. sæti í svigkeppninni á heims- meistaramótinu í Vail i síðasta mán- uði, en tókst ekki að fylgja því eftir í næstsíðasta móti heimsbikarsins í Ofterschwang í Þýskalandi í byrjun mánaðarins - varð í 39. sæti og fær fyrir vikið ekki að keppa á síðasta mótinu í Sierra Nevada á Spáni þar sem hann er ekki lengur í hópi þrjá- tíu efstu. Kristinn er nú kominn nið- ur í 39. sæti í stigakeppninni í svigi og verður að ná einhverjum stigum á minni svigmótum í vor til þess að hækka sig á listanum og ná þannig hagstæðara rásnúmeri fyrir næsta tímabil. Hörð gagnrýni í kjölfar hins slaka árangurs Kristins í vetur hefur borið á gagn- rýni á frammistöðu hans, sumir hafa jafnvel gengið svo langt að kalla ár- angur hans á mótunum tveimur í fyrra heppni. Aðrir hafa varpað sök- inni á þjálfaraskiptin, sagt Hauk Bjarnason skorta reynslu í keppni þeirra bestu og að mistök hafi verið gerð með því að hætta samstarfi við finnska landsliðið og austurríska þjálfarann Leitner. I allri orrahríðinni hefur næsta lít- ið heyrst frá skíðamanninum sjálf- um. Hann hefur verið á faraldsfæti í Evrópu ásamt þjálfara sínum við æf- ingar og keppni - í því augnamiði að gera betur. Nú þegar heimsbikarinn er að baki hægist um og Kristinn samþykkti að segja frá reynslu sinni af svigkeppninni í vetur og því mikla álagi sem fylgir því að ná ekki ætluð- um árangri í íþróttagrein sinni. Við Kristinn fáum okkur sæti í litlu kaffihúsi í miðbæ Lillehammer, Lille blá heitir það. Úti er alltaf að snjóa, eins og bræðurnir Árnasynir ortu, en innan dyra er hlýtt og nota- legt að vera. „Það er vissulega skemmtilegra þegar vel gengur, en þetta er líklega lexía sem mér er ætlað að ganga gegnum," segir Kristinn þegar hann ræðir um vonbrigði vetrarins. „Allar áætlanir okkar Hauks þjálfara hafa brugðist, það er ekkert hægt að leyna því. En mikilvægast er að halda haus og berjast áfram - það er engin lægð svo djúp að maður kom- ist ekki upp aftur," segir hann ákveðinn á svip. Eftir þjálfaraskiptin æfði Kristinn ásamt sænska svigkappanum Martin Hansson og þjálfurunum Hauki Bjarnasyni og Joakim Wállner. Erf- iðar aðstæður í haust gerðu þeim og fleiri skíðamönnum erfitt fyrir, lítili snjór var víðast hvar í fjöllum Evr- ópu og undirbúningstímabilið gekk því ekki sem skyldi. „Nei, það gekk alls ekki nógu vel, þetta var eiginlega barátta um þá hálfu daga sem buðust af og til. Eigi að síður vorum við þokkalega sáttir við undirbúninginn og byrjunin í Park City lofaði góðu að mínu mati. Ég var raunar rosalega ánægður með þá byrjun, miðað við þennan erfiða undirbúningstíma og eins það að standa báðar ferðirnar. Það hafði mér ekki tekist síðan í mótunum tveimur í fyrravetur og því var það afar mikilvægt." Athygli vakti í Park City að Krist- inn fór ekki jafn geyst, virtist ekki taka sömu áhættu og áður. „Nei, það er rétt. Mér þótti mikilvægast að klára fyrsta mótið og komast þannig aftur í takt við stórmótin og halda mér í hópi efstu manna. Ég skíðaði ekkert sérstaklega en varð samt meðal fimmtán efstu og kannski hef- ur það gefið mér fölsk fyrirheit." Ofstórtstökk? Því var líkt við stormsveip er Kristinn náði 2. sæti í Park City fyr- ir tveimur árum og Kristinn tekur undir það. „Þetta var heilmikil sprengja og kom öllum á óvart. Það bjóst enginn við þessu. Ég bjóst alls ekki við þessu og þess vegna var þetta gríðarlegt stökk - ekki síst andlega." Skyndilega voru fjölmiðlamenn farnir að biðja um viðtöl, farnir að spyrja Kristin spjörunum úr. „Þetta var mikil breyting fyrir mig og það fór talsverður tími í öll þessi viðtöl. Ég eyddi líka nokkrum tími í undir- búning fyrir þau, enda líður mér satt að segja ekki allt of vel í sviðsljósinu. Ég er miklu meira fyrir að halda hlut- unum fyrir mig og mína nánustu." Kristinn segir þó að hann hafi van- ist kastljósi fjölmiðlanna furðu fljótt. „Ég er þó ekki öruggur enn þegar ég er í viðtölum, sérstaklega ekki í sjón- varpi og útvarpi. Þá líður mér satt að segja ekki allt of vel. Þetta var stórt stökk, kannski of stórt, en þetta hef- ur samt lagast mikið." í Ijósi gengisins í vetur hafa sumir gengið svo langt að kalla árangur Kristins í Park City og Veysonnaz heppni - hann hafi aðeins verið heppinn og geti ekki náð sama ár- angri aftur. „Þessir aðilar eru einfaldlega allt of fljótir að draga sínar ályktanir," segir Kristinn spurður um þessar raddir. „Vissulega þarf alltaf ein- hverja heppni í íþróttum, en þessi frammistaða byggðist ekki á heppni. Ég hafði áður náð að skíða svona vel, bara ekki á heimsbikarmótum. Þetta var í rauninni aðeins framhald á frá- bæru tímabili veturinn áður og ein- staklega velheppnuðu undirbúnings- tímabili." Ymislegt hefði mátt betur fara I kjölfar hins góða árangurs í Park Cityhefur Skíðasamband ís- lands (SKI) lagt sig í líma við að koma Kristni á framfæri í fjölmiðl- um, ekki síst með beinum útsending- um í sjónvarpi frá keppni í heimsbik- arnum. Þær raddir hafa heyrst að SKÍ hafi jafnvel stuðlað að of mikilli pressu á Kristin með þessu, jafnvel keyrt væntingarnar úr hófi. „Það er alltént yóst að ýmislegt hefði mátt betur fara," segir Krist- inn. „Það er ekki ólíklegt að öll þessi umfjöllun hafi keyrt væntingamar fram úr hófi. Fólk hefur þess vegna kannski gert ráð fyrir því að ég yrði áfram við toppinn í hverju einasta móti. Það getur vel verið að SKÍ hafi gert of mikið í því að koma mér á framfæri, alltént bað ég ekki um all- ar þessar sjónvarpsútsendingar frá heimsbikarnum. En á móti kemur að það er kannski skiljanlegt að fjár- vana íþróttasamband reyni að nýta öll þau sóknarfæri sem bjóðast." Skíðasambandið heldur utan um I I
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.