Morgunblaðið - 31.03.1999, Blaðsíða 50

50 MIÐVIKUDAGUR 31. MARZ 1999
MORGUNBLAÐIÐ
Dýraglens
Hundalíf
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Ber breiðbandið
örugglega fram-
tíðina í skauti sér?
Frá Vigfúsi Erlendssyni:
FRIÐRIK Friðriksson, forstöðu-
maður breiðbandsdeildar Lands-
símans, skrifaði tvær áhugaverðar
gi-einar í Morgunblaðið 19. og 25.
mars. sl. um breiðbandið. Nú hátt-
ar þannig málum að undirritaður
er íbúi í miðaldra hverfi í Reykja-
vík. Nýlega setti hann sig í sam-
band við breiðbandsþjónustu
Landssímans og hugðist leita upp-
lýsinga um það hvenær breið-
bandsins verður að vænta í hans
grónu götu. Svörin voru á þá leið
að þetta væri ekki á áætlun í ár og
því miður væri ekkert hægt að sjá
lengra fram á veg. Eins og kom
fram í grein Friðriks er fyrst og
fremst verið að leggja nýja ljós-
leiðara í nýjum hverfum og þar
sem aðrar veitustofnanir eru að
endumýja sínar lagnir. Einnig hef-
ur verið gert nokkurt átak í fjöl-
mennum fjölbýlishúsahverfum,
eins og t.d. í Breiðholti.
Forgangsröðun og fram-
kvæmdaáætlanir
Það er úr takt við tímann og
þess þjónustustigs, sem Lands-
síminn á að bjóða uppá og hljómar
nokkuð í anda einhvers hörgulsá-
stands, sem ég hélt satt að segja
að Friðrik, sem gömul einkafram-
takssprauta, vildi síst láta bendla
sig við, að segja íbúum í eldri
hverfum að þeir geti bara safnað
saman undirskriftum og sent til
Landssímans með óskum um
breiðbandstengingu. Landssíminn
getur látið gera fyi-ir sig stað-
bundnar kannanir í hverfum og
bæjarhlutum til þess að athuga
áhuga íbúa á breiðbandstenging-
um og hversu mikið íbúar eru til-
búnir til þess að taka á sig af
stofnkostnaði. Þetta er vitaskuld
sjálfsögð þjónusta, sem þjónustu-
fyrirtækið Landssíminn á að láta í
té. Landssíminn hefur látið gera
kannanir meðal íbúa á breið-
bandssvæðum, en virðist ekki
hafa ekki uppi neina tilburði til
þess á svæðum þar sem breið-
bandið er ekki.
Tæknin
Friðrik nefnir að Landssíminn
sé vakandi yfir ýmsum tækninýj-
ungum í tengslum við dreifingu
breiðbandsins og að það sé ekki
nein ofuráhersla á ljósleiðara,
heldur sé fylgst með nýrri tækni í
tengslum við nýtingu gömlu kop-
arvíranna, radíókerfum og gem-
hnattasendingum. Fyrirtækið
horfi íyrst og síðast til þeirrar
þjónustu sem veita á, s.s. dreifing-
artæknin er ekki aðalatriðið.
Það mætti þó spyi’ja þeirrar
spurningar hvemig staða þeirra
mála er, s.s. tækniframfarir til
betri nýtingar á gömlu parsnúnu
koparvírunum og hvernig er stað-
an og kostnaður varðandi ör-
bylgjusenda? Eitthvað hefur verið
sett upp af örbylgjusendum til
nettenginga hérlendis og væri
fróðlegt að heyra kostnaðartölur
um slíkt. Erlendis virðist sem
símafyrirtæki séu á fullu í því að
nýta gömlu koparvírana betur. Þar
em flöskuhálsar oftar en ekki í
ýmsum gömlum og úreltum tengi-
búnaði í götukössum, símstöðvum
o.þ.h. Erlendis verður því væntan-
lega um mikinn kostnað að ræða
við útskiptingu á tengibúnaði,
enda um mikið magn að ræða hjá
milljónaþjóðum.
Hér á Islandi hefur endurnýjun
búnaðar í símstöðvum væntanlega
verið með þeim hætti á undanförn-
um áram að ekki ætti að vera
kostnaður í sömu hlutföllum hér á
landi við útskiptingu og magn
miklu minna.
Möguleikar
breiðbandsins
Eg hef áhuga á að nýta mér
möguleika breiðbandsins varðandi
dreifingu á sjónvarpsefni, ég vil
líka getað notað möguleika til net-
flutninga, enda er ég ötull netverji.
Ég vil geta pantað mér vörar og
þjónustu og látið í ljós skoðanir
mínar í skoðanakönnunum á breið-
bandinu. (Það er kannski einhver
Hængur 22 á kreiki hér, þar sem
ekki er hægt að gera á mér skoð-
anakönnun á breiðbandinu og þess
vegna get ég ekki fengið breið-
bandið?) Nú ég vil líka vera tilbú-
inn, þegar stafrænar sjónvarpsút-
sendingar hefjast eftir u.þ.b. 2 ár,
eftir því sem Friðrik segir.
Málið er bara að hverfið mitt
virðist bara orðið of miðaldra til
þess að eiga nokkra framtíð í þess-
um efnum. Einhver hélt því nú
reyndar fram að það væri ekki til
nein framtíð og varla nútíð heldur,
þar sem tíminn hefur sinn sígandi
gang, þannig að í raun væri bara
til fortíð. Eg ætla bara rétt að
vona að þessi kenning sé ekki rétt
og að ég og hverfið mitt eigum ein-
hverja framtíð í breiðbandinu áður
en það er hreinlega orðið hluti af
fortíðinni.
Enda ætti ekki fé að skorta til
framkvæmdanna, sbr. nýlegar
fréttir um rúmlega 2 milljarða
hagnað af rekstri Landssímans.
VIGFÚS ERLENDSSON.
Akurgerði 21,108 Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskiiur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.