Morgunblaðið - 13.04.1999, Síða 8

8 ÞRIÐJUDAGUR 13. APRÍL 1999
H-
MORGUNBLAÐIÐ
FRÉTTIRJ
EKKERT bendir til þess, þrátt fyrir mikinn pólitískan stríðsdans, að æðsti greifi
þurfi að hafa áhyggjur af tittunum sínum.
Morgunblaðið/Þorkell
PÁLL Gíslason, nýkjörinn heiðursfélagi Skurðlæknafélags fslands
(t.h.), með Bjarna Torfasyni, fráfarandi formanni félagsins.
Páll Gísla-
son heiðurs-
félagi
Skurðlækna-
félagsins
PÁLL Gíslason, sérfræðingur í
æðaskurðlækningum, var kjörinn
heiðursfélagi í Skurðlæknafélagi
íslands á aðalfundi þess síðastlið-
inn föstudag. Fundurinn var
haldinn um leið og þing félagsins
sem var í samstarfi við Svæfinga-
og gjörgæslulæknafélag fslands.
Bjarni Torfason, fráfarandi
formaður Skurðlæknafélagsins,
tjáði Morgunblaðinu að Páll hefði
verið kjörinn heiðursfélagi fyrir
störf sín í þágu félagsins og fyrir
frumkvöðulsstarf sitt á svæði
æðaskurðlækninga á íslandi. Páll
var um árabil skurðlæknir á
Sjúkrahúsi Akraness en síðan á
Landspítala og sérhæfði hann sig
í æðaskurðiækningum. Aðrir
núlifandi heiðursfélagar Skurð-
læknafélagsins eru Friðrik Ein-
arsson og Hannes Finnbogason.
Ný stjórn var skipuð á aðal-
fundi Skurðlæknafélags íslands
og er formaður hennar Hannes
Petersen, sérfræðingur á Sjúkra-
húsi Reykjavíur.
------------
Leitað
umsagna
um veg um
Vatnaheiði
FYRIRHUGAÐUR vegur um
Vatnaheiði, vestan Kerlingarskarðs
á Snæfellsnesi er nú til athugunar
vegna umhverfisáhrifa hjá Skipu-
lagssstofnun. Leitað er umsagna
hjá ýmsum aðilum vegna væntan-
legra framkvæmda.
VSÓ ráðgjöf vann frummat á um-
hverfisáhrifum framkvæmdarinnar.
Gert er ráð fyrir að framkvæmdir
hefjist á næsta ári og að þeim ljúki
fyrir árið 2002. Kostnaður er áætl-
aður 460 milljónir króna.
Aldamótahúsið í Staðahverfi
Einbýlishús
fyrir hinn al-
menna borgara
Eyjólfur Pálsson
FIMM manna hópur
áhugamanna um
arkitektúr og hönn-
un hefur skipulagt bygg-
ingu aldamótahúss árið
2000 í tilefni af því að
Reykjavíkurborg er ein af
níu menningarborgum
Evrópu.
„Okkur finnst hönnun
nýrra einbýlishúsa hafa
hrakað stórlega frá því
sem áður var og lítið um
framsækinn arkitektúr í
nýjum hverfum hér á höf-
uðborgarsvæðinu. Við
höfum lengi velt fyrir
okkur hvernig við getum
haft jákvæð áhrif á hönn-
un einbýlishúsa og þegar
Reykjavíkurborg var val-
in ein af menningarborg-
um Evrópu árið 2000
fannst okkur kjörið að tengja
hönnun aldamótahúss við það til-
efni,“ segir Eyjólfur Pálsson sem
er einn fimm félaganna í áhuga-
mannafélaginu. Auk hans eru í
því Ágúst Þór Árnason, stjórnar-
maður í Reykjavíkurakademí-
unni, Kolbeinn Kristinsson, for-
maður Verslunarráðs Islands,
Kristinn T. Gunnarsson, mark-
aðsstjóri SPRON, og Bjarni Þór
Óskarsson lögmaður. Með áhuga-
mannahópnum hafa unnið tveir
ráðgjafar, Pétur H. Ármannsson
arkitekt og Vífill Oddsson verk-
fræðingur.
- Hvernig á aldamótahúsið að
vera?
„Aldamótahúsið á að vera ein-
býlishús fyrir hinn almenna
borgara. Arkitektúrinn á að vera
framsækinn og húsið á að vera
140-150 fermetrar að stærð og
vera á viðráðanlegu verði.“
Eyjólfur segir að fimmmenning-
arnir hafi lagt hugmyndina fyrir
Reykjavíkurborg og fengið út-
hlutað lóð á afar fallegum stað í
Staðahverfi, nánar tiltekið að
Barðastöðum 67.
„Vel hannað hús á þessum stað
mun án efa hafa fordæmisgildi
fyrir einbýlishúsabyggingar.“
Eyjólfur segir að fimmmenning-
arnir hafi farið og kynnt sömu
skýrslu fyrir forsvarsmönnum
SPRON. „Niðurstaðan var sú að
SPRON ákvað að fjármagna
byggingu þessa húss og mun nota
það í kynningar- og auglýsinga-
skyni. Til stendur að sýna húsið
fullbúið seinni part ársins 2000 en
síðan verður það selt á almennum
markaði."
Eyjólfur segir að verði afgang-
ur af söluverðinu verði hann lagð-
ur í sérstakan sjóð sem er ætlað
að stuðla að eflingu nýsköpunar í
hönnun og byggingarlist.
- Hvern fenguð þið til að teikna
húsið?
„Við völdum Guðmund Jónsson
arkitekt sem rekur arkitektastofu
í Ósló. Hann hefur unnið fjölda
hönnunarsamkeppna og hlaut
m.a. menningarverð-
laun DV fyrir hönnun
á raðhúsi framtíðar-
innar á norrænni sýn-
ingu í Malmö árið
1990. Hann vann m.a.
samkeppni um hönnun
tónlistarhúss á íslandi
og Amtsbókasafns á
Akureyri og hlaut önnur verðlaun
um tillögu að Ráðhúsi Reykjavík-
ur árið 1987. Það er sannfæring
okkar að Guðmundur geti uppfyllt
þær óskir að útfæra svona hús.“
- Verður lögð áhersla á íslenskt
handbragð við byggingu hússins?
„Sýnt verður fram á kosti og
► Eyjólfur Pálsson er fæddur í
Reykjavík árið 1946. Hann
lærði húsgagnasmíði hjá JP
innréttingum og útskrifaðist
sem húsgagnasmiður árið 1966.
Hann nam húsgagnahönnun
við Danmarks design skole og
lauk námi þar árið árið 1970.
Eyjólfur vann hjá teiknistof-
unni Arkitekt Kay Körbing í
Kaupmannahöfn um árabil.
Hann sat um árabil í sljórn
verkefnisins Handverks og
hönnunar á vegum forsætis-
ráðuneytisins.
Eyjólfur starfaði hjá innan-
hússarkitektinum Gunnari Ingi-
bergssyni um skeið og hjá arki-
tektunum Hróbjarti Hróbjarts-
syni og Geirharði Þorsteins-
syni.
Hann hefur verið fram-
kvæmdastjóri Epal frá árinu
1980. Eiginkona hans er Mar-
grét Ásgeirsdóttir og eiga þau
3 börn.
möguleika innlends hráefnis og
verkkunnáttu. Arkitektinn verður
að kynna sér til hlítar þá kosti
sem nú bjóðast í íslenskum bygg-
ingariðnaði sem og að benda með
úrlausn sinni á áhugaverðar hug-
myndir sem enn hafa ekki verið
kannaðar en gætu opnað leiðir að
nýrri framleiðslu."
Eyjólfur segir að hönnuði
hússins verði í sjálfsvald sett
hvaða efni og aðferðir hann velur
til endanlegrar útfærslu og
ábyrgðin er hans að steypa þeim
saman í sannfærandi heild. „Full-
búið mun húsið hafa umtalsvert
auglýsingagildi fyrir íslenskar
framleiðsluvörur jafnt á innlend-
um sem erlendum markaði."
-Hvenær verður hafíst handa
við byggingu þess?
„í byrjun sumars verður hafist
handa við að reisa húsið en það
tekur um eitt ár að koma því
upp.“ Þegar hann er spurður hver
hanni garðinn segir hann að vænt-
anlega sjái Guðmundur einnig um
hönnun hans.
- Mun áhuga-
mannahópurinn halda
áfram að starfa sam-
an?
„Við ljúkum þessu
verkefni fyrst og sjá-
um svo til hvað verð-
ur. Við erum mjög
þakklátir Reykjavíkurborg svo og
SPRON fyrir að taka vel í hug-
myndir okkar um aldamótahúsið
og það er lofandi hvað þeir sem
talað hefur verið við, svo sem
arkitekt og byggingai-verktaki,
hafa tekið vel í þessa hugmynd
okkar.“
Áhugaverðar
hugmyndir
gætu opnað
leiðir að nýrri
framleiðslu