Morgunblaðið - 13.04.1999, Page 20
20 ÞRIÐJUDAGUR 13. APRÍL 1999
MORGUNBLAÐIÐ
VIÐSKIPTI
Vaka-Helgafell hf. hefur keypt Iceland Review ehf.
Samanlögð velta
700 milljónir króna
HARALDUR Hamar, aðaleigandi Iceland Review, og Ólafur Ragnars-
son, framkvæmdasljóri Vöku-Helgafells, undirrituðu samninginn um
kaup Vöku-Helgafells á Iceland Review í gær.
GENGIÐ hefur verið frá kaupum
Vöku-Helgafells hf. á Iceland Revi-
ew ehf. og að sögn Ólafs Ragnars-
sonar, framkvæmdastjóra Vöku-
Helgafells, eru kaupin fyrsta skref-
ið í þá átt að auka umtalsvert um-
svif Vöku-Helgafells, en vöxtur fyr-
irtækisins hefur verið 16-20% á ári
frá því það var stofnað fyrir 18 ár-
um. Á dögunum keypti Fjárfesting-
ai-banki atvinnulífsins 50% _ hlut í
Vöku-Helgafeili, og að sögn Ólafs er
stefnt að því að vöxtur fyrirtækisins
verði enn hraðari en áður þangað til
það verður skráð á Verðbréfaþingi
og gert að almenningshlutafélagi.
Haraldur J. Hamar, stofnandi og
aðaleigandi Iceland Review, verður
hluthafi í Vöku-Helgafelli og samið
hefur verið um að fyrii-tækið njóti
áfram sérþekkingar hans og starfs-
krafta við áframhaldandi útgáfu-
starfsemi Iceland Review. Eftir
kaupin verður samanlögð velta fyr-
irtækjanna á þessu ári um 700 millj-
ónir króna og verða um 150 manns
á launaskrá, þar af um 80 manns í
fullu starfi.
Iceland Review hóf starfsemi sína
með útgáfu samnefnds tímarits fyr-
ir tæplega 40 árum, sem gefið er út
ársfjórðungslega í allt að 15 þúsund
eintökum og dreift í áskrift til 100
landa. Meðal annarra verkefna
Iceland Review eru t.d. útgáfa flug-
tímaritanna Atlantica og Ský, út-
gáfa viðskiptatímaritsins Iceland
Business, dagleg útgáfa frétta á
ensku á Netinu og útgáfa á bókum
og upplýsingaefni um ísland á er-
lendum tungumálum. Þá á Iceland
Review Ijósmyndasafn með um
hálfa milljón mynda sem Páll Stef-
ánsson, ljósmyndari Iceland Review
um 17 ára skeið, hefur tekið af landi
ogþjóð.
Ólafur Ragnarsson sagði í sam-
tali við Morgunblaðið að þótt fyrir-
tækin Vaka-Helgafell og Iceland
Review væru bæði í efnismiðlun og
útgáfu þjónuðu þau tvenns konar
hópum viðskiptavina.
„Vaka-Helgafell miðlar sínu efni
að mestu leyti til Islendinga á heim-
ilum þeirra og vinnustöðum og hér
hjá okkur er geysileg þekking á ís-
lenskum markaði. Iceland Review
gefur hins vegar umfram allt út á
erlendum tungumálum efni sem
ætlað er útlendingum, og þetta er
því allt annar markhópur en við höf-
um verið að þjóna hingað til. Þá
felst sérstaða Iceland Review ekki
síst í tengingu þess við ferðamál, en
hér eins og annars staðar eru þau
einn af vaxtarbroddum atvinnulífs-
ins. Það er þessi grundvallarmunur
og þessir ólíku hópar viðskiptavina
sem við teljum góða ástæðu fyrir
því að Iceland Review falli vel að
Vöku-Helgafelli,“ sagði Ólafur.
Ýmislegt í deiglunni
Vaka-Helgafell hefur á undan-
fórnum árum breyst úr bókaútgáfu
í alhliða miðlunar- og útgáfufyrir-
tæki sem sendir á markað bækur,
blöð, tímarit, safnefni, geisladiska
og fleira, og fyrir skömmu hleypti
fyrirtækið af stokkunum útgáfu
skáldverka á hljóðböndum og
geisladiskum í sérstökum lesbóka-
klúbbi. Ólafur sagði að stefnt væri
að því að breikka starfssvið fyrir-
tækisins enn frekar, og ýmislegt
væri í deiglunni.
„Þessi vöxtur getur orðið með því
að þeir starfsþættir sem hér eru
fyrir geti vaxið og nýjungar. geti
orðið til á vettvangi Vöku-Helga-
fells, en síðan erum við í viðræðum
við ýmsa aðila varðandi kaup á fyr-
irtækjum eða samstarfi við þau.
Eg vona að það verði einhverjar
fréttir af því innan tiltölulega
skamms tíma,“ sagði Ólafur.
Hann sagði að það skref sem
stigið var með því að fá FBA til
liðs við Vöku-Helgafell í því skyni
að vinna markvisst að því að koma
fyrirtækinu á markað og gera það
að almenningshlutafélagi hafi ver-
ið stigið til þess að reyna að
stjórna þeim breytingum sem
óhjákvæmilega þyrftu að verða á
sviði útgáfu og miðlunar hér á
landi.
„Það er löngu tímabært að það
verði veruleg uppstokkun á þessu
sviði hér, en víðast hvar í nálægum
löndum hafa útgáfu- og miðlunar-
fyrirtæki sameinast og orðið að
stærri einingum löngu áður en
menn hafa farið út í sameiningar og
samruna á ýmsum öðrum sviðum.
Hér hafa menn í þessari gi’ein svo-
lítið verið hver í sínu horninu og
kannski ekki lagt mikla áherslu á að
standa saman og byggja upp sterk-
ari og hagkvæmari einingar," sagði
Ólafur.
Sparisjóðirnir
taka ínotkun
snertibanka
Morgunblaðið/Þorkell
GEIR H. Haarde fjármálaráðlierra greiddi í gær fyrsta gíróseðilinn í
Snertibankanum, nýju sjálfsafgreiðslutæki SPRÖN og Sparisjóðs
Hafnarfjarðar.
SNERTIBANKI sparisjóðanna var
kynntur í gær í Sparisjóði Hafnar-
fjarðar, og varð Geir H. Haarde
fjármálaráðherra fyrstur til að not-
færa sér formlega þjónustu Snerti-
bankans, en hann greiddi gíróseðil
án þess að hann þyrfti að njóta að-
stoðar bankagjaldkera.
Snertibankinn er árangur ís-
lensks þróunarstarfs. Að honum
standa Sparisjóður Hafnarfjarðar
og SPRON, en þróun hans var í
höndum Tölvumiðstöðvar sparisjóð-
anna og Fjarhönnunar ehf. Hann er
sjálfsafgreiðslutæki sem getur veitt
viðskiptavinum bankaútibúsins
flesta þá þjónustu sem gjaldkerar
og þjónustufulltrúar sparisjóðanna
sinna í dag, og eru allar aðgerðh í
Snertibankanum framkvæmdar
með því að snerta skjáinn þar sem
við á. Komi eitthvað upp á getur
viðskiptavinurinn tekið upp símtól
og er þá kominn í samband við þjón-
ustufulltrúa gegnum myndsíma, þar
sem hann getur fengið aðstoð. Á
snertibankanum er myndrænn les-
ari sem les númeraraðir á gíróseðl-
um, og þarf því ekki að slá tölustaf-
ina inn.
Upplýsingar standa viðskiptavin-
inum til boða í Snertibankanum. Til
dæmis getur hann fengið upplýsing-
ar úr þjóðskrá og varðandi verð-
bréfaviðskipti.
Sparisjóðirnir telja að með til-
komu Snertibankans kunni hefð-
bundin bankaútibú eins og við
þekkjum þau í dag að breytast, þar
sem minna verði um bankagjald-
kera sem þjónusta viðskiptavininn,
og mun það hafa umtalsvert kostn-
aðarhagræði í fór með sér.
Geir H. Haarde fjármálaráðherra
varð fyrstur til að notfæra sér þjón-
ustu Snertibankans, og notaði hann
tækifærið til að greiða gíróseðil. Á
ákveðnum tímapunkti taldi hann
ljóst að hann þyrfti að hafa sam-
band við þjónustufulltrúa, þrýsti á
ákveðinn stað á skjánum og tók upp
símann. Við það birtist mynd af
þjónustufulltrúanum á skjánum þar
sem hann sat framan við myndavél
annars staðar í húsinu. „Ja, ég er
viss um að þetta á eftir að greiða
fyrir því að menn geti staðið í eins
manns biðröð í bankanum. Það er
gaman að sjá hvernig tæknin heldur
áfram að einfalda mönnum lífið,“
sagði Geir H. Haarde þegar
gi'eiðsla á 20 króna gíróseðli hafði
gengið að óskum.
Sigurjón Hjartarson hjá SPRON
sagði að því miður hefðu mælingar
sýnt að biðtími í biðröð í bankanum
gæti verið allt að 20 mínútur um
mánaðamót. „En það er ljóst að
með fjölgun svona Snertibanka mun
sá biðtími koma til með að styttast
verulega,“ sagði Sigurjón. Hann
sagði einnig aðspurður að allir sem
ættu debetkort gætu greitt gíró-
seðla í Snertibankanum, og gilti
einu frá hvaða bankastofnun kortið
væri.
Ingibjörg Hrund Þráinsdóttir hjá
Sparisjóði Hafnarfjarðar sagði að
þau hefðu leitað víða um heim að
lausnum á borð við þessa, en þær
hefðu verið mjög dýrar hjá fyrir-
tækjum sem sinna bankageiranum,
auk þess sem erfitt hefði verið að
laga þær að sérþörfum sparisjóð-
anna. „Því fórum við að horf'a okkur
nær og kanna hvort við hefðum ein-
hver tækifæri á að gera þetta sjálf.
Við áttum jú hugbúnað heimabank-
ans sem við gátum nýtt hér að
miklu leyti, og er öll önnur vinna og
hönnun íslensk.“
Að sögn Halldórs Sigurjónssonar,
framleiðslustjóra hjá Fjarhönnun
ehf. sem annaðist þróun tækisins
ásamt Tölvumiðstöð sparisjóðanna,
er Snertibankinn að líkindum fyrsta
snertiskjátækið sem nýtir tækni
Netsins að fullu, og á þann hátt sé
verið að nýta fjárfestingu sem þeg-
ar er til staðar í hugbúnaðarkerfum
sparisjóðanna og hafi það haft mikið
að segja í sambandi við kostnað. Að
sögn Halldórs eru þeir hjá Fjar-
hönnun ehf. farnir að leita hófanna
með markaðssetningu kerfisins er-
lendis, en of snemmt sé að segja
neitt frekar um þau mál.
framkvæmd
óðrí hugmynd í
talaðu þá við Glitni,
því Glitni getur þú treyst
Við hjá Glitni sérhæfum okkur í fjármögnun
atvinnutækja og atvinnuhúsnæðis.
Með Kjörleiðum Glitnis getur þú fjárfest í þeim
tækjum sem henta þinni starfsemi.
DÓTTURFYRIRTÆKI ÍSLANDSBANKA
iirkjusandi, 155 Reykjavík. Sími 560 88 00.
Myndsenair 560 88 10.
Heimasíða: http://www.glitnir.is
Ráðgjafar Glitnis eru sérfróðir um
hvemig kostir
mismunandi fjármögnunarleiða
nýtast þér best.
Hafðu samband eða korndu
við hjá okkur á Kirkjusandi
og kynntu þér málið.