Morgunblaðið - 13.04.1999, Page 23

MORGUNBLAÐIÐ
ÞRIÐJUDAGUR 13. APRÍL 1999 23
ÚR VERINU
Evrópusambandið bannar innflutning á nflarkarfa
Verð fyrir íslenskan
karfa hækkað verulega
EVRÓPUSAMBANDIÐ hefur
bannað innflutning á nílarkarfa úr
Viktoríuvatni í Afríku og hefur verð
á íslenskum karfa hækkað verulega í
kjölfarið. Sala Sölumiðstöðvar hrað-
frystihúsanna hf. á nílarkarfa til
Evrópu hefur stöðvast.
Innflutningsbann Evrópusam-
bandsins var sett á í kjölfar þess að
útflutningur nílarkarfa frá Uganda
var stöðvaður af þarlendum stjórn-
völdum. Innflutningur frá Tansaníu
og Kenýa var síðan bannaður í fram-
haldi þess. Ástæðan fyrir innflutn-
ingsbanninu er einkum talin vera
sögusagnir um að einstakir veiði-
menn í Viktoríuvatni noti eitur til að
drepa fískinn við veiðarnar. Þá hafa
einnig borist fréttir af því að veru-
legt magn saurgerla hafí fundist í
nílarkarfanum. Innflutningsbanni á
ferskum nílarkarfa var aflétt um
mitt síðasta ár sem þá hafði gilt í
hálft ár. Ekki hefur verið tekin
ákvörðun um hve lengi bannið mun
gilda að þessu sinni en búist er við að
það vari í eitt ár líkt og síðast. Búist
er við að dýralæknaráð Evrópusam-
bandsins fundi í dag með framleið-
endum nflarkarfa og fulltrúum land-
anna þriggja og þá verði jafnvel
ákveðið hve lengi bannið muni gilda.
Lítið framboð af karfa
Samúel Hreinsson, framkvæmda-
stjóri íseyjar, segir innflutningsbann-
ið hafa leitt til verulegra verðhækk-
anna á ferskum karfa á fískmarkaðn-
um í Bremerhaven. „Við seldum
norskan karfa í gær sem er nokkuð
smærri en sá íslenski, allt að því
smákarfí. Kflóið seldist á 190 krónur
en vanalega fást ekki nema um 130
krónur fyrir þennan karfa. Fyrstu
dagana eftir páska er vanalega lítið
um að vera á markaðnum og verð í
lægri kantinum. En núna fékkst mjög
gott verð því framboðið er orðið svo
lítið eftir að lokað var á nflarkarfann.“
Að sögn Samúels eru flestir þeirr-
ar skoðunar að gildi innflutnings-
bannið í eitt ár þýði það nánast enda-
lok nflarkarfans á markaðnum. „Það
hefur hinsvegar enginn vfljað setja
sig upp á móti nflarkarfanum því
enginn vill tala um saurgerla í fiski.
Það kemur niður á öllum fiskiteg-
undum. Þeir sem harðast börðust
fyrir því innan embættismannakerf-
isins að innflutningur á nflarkarfa
yi-ði heimilaður að nýju eftir inn-
flutningsbannið síðast sitja í súpunni
nú vegna þess að því var harðlega
mótmælt þegar banninu vai- aflétt.
Þeir munu því væntanlega ekld mót-
mæla banninu nú,“ segir Samúel.
Hefur áhrif á markaðsverð
Sölumiðstöð hraðfrystihúsanna er
einn stærsti söluaðili nflarkarfa í
Evrópu, bæði á ferskum og frystum
fiski. A síðasta ári var heildai-sala SH
af nflarkarfa vel yfir 3.000 tonn, en
stærsti hluti þess var seldur á Asíu-
markað. Kristján Hjaltason, fram-
kvæmdastjóri markaðsmála og þjón-
ustu hjá SH, segir að innflutningur
SH til Evrópu hafí nú stöðvast vegna
innflutningsbannsins. Enn verði
hinsvegar haldið áfram að selja fros-
inn nflarkarfa til Asíu og Bandaríkj-
anna. „Þetta er vissulega slæmt því
innflutningsbannið hefur væntanlega
einnig áhrif á markaðsverð.“ Krist-
ján segist eiga von á því að ákvörðun-
in muni koma til endurskoðunar,
enda hafí hér verið um varúaðarráð-
stöfun að ræða. Umræddum löndum
verði gefinn tími til að koma hlutun-
um í lag. Hann segir sögur af notkun
eiturefna við veiðarnar líklega hafa
gert útslagið með að bannið var sett
á. „Það hafa ekki fundist nein merki
þess í fískinum sem seldur er í Evr-
ópu. Sögusagnimar virðast hinsveg-
ar hafa verið það sterkar að Evrópu-
sambandið sá sig knúið til að grípa til
aðgerða. Eg er nokkuð sannfærður
um að slík vara fer ekki til útflutn-
ings og málið sé mjög afmarkað. Það
er engu að síður mjög alvarlegt og
það er verið að bregðast við því með
þessum aðgerðum, enda mega slíkar
aðferðir ekki viðgangast,“ segir Kri-
stján.
----------------
Danir veiða
minna
DÖNSK skip lönduðu rúmlega 1,5
milljónum tonna af fiski á síðasta
ári, að verðmæti um 36 milljarðar
íslenskra króna. Það er um 15%
minni afli en á árinu 1997 en verð-
mætið er um 0.6% meira. Ársafli
Dana á helstu tegundum á síðasta
ári varð mun minni en á fyrra ári.
Veiðar á sandsíli drógust saman um
200 þúsund tonn frá árinu 1997 eða
um 23%. Þá var þorskveiði Dana um
14% minni en á fyrra ári en verð-
mæti þorskaflans jókst hinsvegar
um 13%. Ennfremur jókst verðmæti
brislingsaflans um 21%.
mCrane/ím\
www.velaverk.is
s. 568 3536
Leyfðu h jartanu
aúráða!
1 Sólblóma er hátt
hlutfall fjölómett-
aðrar fitu og lítið
af mettaðri. Með því
að velja Sólblóma á
brauðið dregur þú úr
hættu á aukinni
blóðfitu (kólesteróli).
Fita í 100 g

■

mmu
tkölcupaklci
Ommu